2004 年 12 月 26 日 星期日 【晴】

今日去學琴，先發覺自己一直都練錯左....今日學〔Today〕，之後番到屋企，食埋飯之後，
搭９６８去銅鑼灣，行去工展會，勁多人！！D濱濱仲多過香港人！都冇野行既 ~ 試食多 ~
之後二姨黎左之後，我地去買蒲撻食，好味唷 ~ ＞＜行完，我地搭電車去睇o個棵聖誕樹，
好靚呀 ~ ~ ~ ~ 我仲見到一張好大既可口可樂大海報！！好大個Joey呀！！！！！之後又搭船
過海，去左食麥當勞，食完去行星光大道，原來夜晚靚過朝早好多嫁 ~ 搵極都搵唔到幅畫....
失望....極攰.....搭地鐵去美孚，再搭西鐵番天水圍，再轉輕鐵....先番到天慈....去左買碗仔翅 ~
番屋企沖完涼，一路睇頒獎禮，一路食碗仔翅 ~
完

>>December 28, 2004 at 9:32:24 PM GMT+8

2004 年 12 月 25 日 星期六 【乍雨乍晴】

今日１１點幾，阿彭打黎，我同佢就搭車去錦繡車站，我地一行６個人搭叻爸架車去佢屋企，
o係門口度見到屋入面 …………有隻巨Q呀！！！我地一入去，佢即刻跳落黎，嚇到我地嗌哂 ~
今日有個人生日，但我地都仲未知個個係邊個 ~ 之後姨姨拎個蛋糕出黎，見到個蛋糕寫住
〔陳寶珠，生日快樂〕原來........陳寶珠係..........巨Q！！大受打擊....之後食蛋糕同壽司，我
梗係唔會輕易放過D三文魚啦 ~ 之後坐叻爸架車去公園玩，我地玩完鞦韆，再玩捉迷藏！
第一個做，又係我！！＞＜跑到我死死下，玩到咁上下，阿叻爸叫我地去７仔買野飲，
之後就坐車番叻家啦 ~ 入夜開始，我地開始燒野食，燒呀燒，燒到５點幾，阿彭同肥婆要
走啦 ~ 我地送左佢出去，我地番番去叻家，繼續燒野食，而家阿聰又黎左 ~ 我地燒呀燒 ~
燒左雞翼、紅腸、牛扒、豬扒、仲燒埋蟹添 ~ 雞肥同阿聰做大廚，燒類似貝殼既野比我地食 ~
之後仲食紫心同黃心番薯，D啤酒好難飲呢 ~ 我地又玩數字球，睇美女與野獸....好開心.....
夜晚坐叻爸架車番屋企，紅寶同梁展o係元朗廣場度落，我番天水圍，唔該叻爸呢 ~
好攰.....沖完涼就訓左.....
完

>>December 28, 2004 at 9:21:37 PM GMT+8

2004 年 12 月 24 日 星期五 【乍雨乍晴】

好眼訓呢 ~ 今日訓到９點幾，但都好似唔係好夠 ~ １１點，補習，補呀補，終於補完啦 ~
之後食完飯，上去紮埋頭髮，阿彭就打黎啦 ~ 去到元朗，行去合益還漫畫，成個袋輕哂 ~
還完打比阿聰，打極都打唔通，之後打比Joseph拎左個電話之後，終於搵到佢啦 ~ 原來阿聰
住o係o個度 ~ 嘰嘰嘰嘰 ~ 遲D去打劫先 ~ ３點８，等埋阿叻就上去畫啦 ~ 畫到５點幾，
搭車番屋企，練完琴，o係度畫指甲，o係指甲上面畫聖誕樹同雪花，應節呀嘛 ~ 好野 ~
聽日去阿叻屋企，好玩囉 !
完

>>December 24, 2004 at 9:22:29 PM GMT+8

2004 年 12 月 23 日 星期四 【乍雨乍晴】

一起身，即刻睇埋滿月第７，好感動 ~ 之後做埋補習D數，練左一粒鐘琴，睇功夫足球，
今日睇哂啦 ~ 好好睇呀 ~ 後尾碧咸o個度假左D囉 ~ 睇到４點幾，沖涼，本來諗住今晚溫書，
但我阿姨又黎左喎 ~ 搞到我分哂心，最後都係冇溫到 ~ 聽日又要補習，之後去畫畫 ~

完

>>December 23, 2004 at 8:58:53 PM GMT+8

2004 年 12 月 22 日 星期三 【乍雨乍晴】

今日Christmas Party呀！！＞＜我勁早番到學校，今朝出奇既靜，之後D人番哂黎之後，
幫手搬枱，拎左彭支指甲油o係廁所搽，紅寶搽左一隻手，我淨係搽左隻手指尾，之後開始啦 ~
首先玩私人醒，哈！交唔到功課既理由！屋企爆炸！笑到我死！玩到咁上下，
D人搬D野食上黎，垃圾一堆，都唔好食既 ~ 之後o係度影相，之後又玩左陣，
入Hall聽歌唱比賽，同瑩佢地分開左，有一個男仔唱〔一生中最愛〕，個Feel好似譚校長o個類 ~
全場哄動！有一組唱〔會過去的〕，勁好聽！我最鐘意o個組！D和音又正，又冇走音！
有一組唱〔Today〕，唔係唔好聽，但好造作 ~ 最慘既係....Today拎第一，會過去的拎第二！
李sir係咪聾左呀？咁都比拎第一！？之後，點完名之後，我同彭叻去借漫畫 ~ 我借左滿月 ~
番到屋企，勁睇勁睇，今日睇左６本，聽日睇埋第７先 ~ 好好睇呀！
完

>>December 23, 2004 at 8:38:12 PM GMT+8

2004 年 12 月 21 日 星期二 【乍雨乍晴】

陸運會既第二日，番到學校，個個都未番，紅寶最先番，唔舒服就唔好番嘛 ~ 又要咭petpet！
之後個個都番哂，連貪名牌o個D都番埋，集隊，紅寶佢地要煮野食，我地過左大球場之後，
o係Wisdom坐左一陣，悶爆，過左去搵彭同瑩 ~ 今日基本上都係o係上面坐，坐到咁上下，
好悶，落左去，阿叻跑４x４００唷 ＞＜睇完又上番去，繼續扮Progress，阿叻跑６０決賽呀 ~
跑第二，唔好唔開心啦 ~ 有牌拎已經好好嫁啦 ~ 又唔係差好遠 ~ 之後跑埋３０００，
嘩！校草跑第一呀 ~ Lunch，去搵埋阿紅寶佢地，去左體育館食 ~ 咦 ~ 佢地又o係度玩包啦 ~
我今次醒目，唔玩！哈＊食完，佢地又要番學校，我地番大球場，我幫手點完名之後，
三個傻婆坐埋一齊等睇啦啦隊 ~ 啦啦隊出場啦 ~ 首先係Virtue，勁亂，勁唔齊！麻麻 ~
之後係Honesty，咦 ~ 跳得唔錯喎 ~ 好有懷舊feel ~ 之後係Wisdom！！勁型呀！跑得勁齊，不過
D音樂疾疾下 ~ 之後係Progress，ok啦 ~ 之後因為音樂問題，准許Wisdom再跳多次！加油呀＞＜
好野！Wisdom啦啦隊七年冠！！勁！Honesty喊都冇謂啦 ~ 比個亞軍咪算囉 ~ 之後李致和黎左 ~
校長又係勁咁曬命 ~ 之後走個陣，以為紅寶o係學校，過左去搵佢，但係搵唔到，原來佢仲o係
大球場 ~ 於是我地走先，但我地等緊車個陣，紅寶佢地又黎等車，我地一齊搭車番屋企，
番到屋企，同瑩傾電話 ~ 聽日Christmas Party呢 ~
完

>>December 21, 2004 at 9:43:51 PM GMT+8

2004 年 12 月 20 日 星期一 【乍雨乍晴】

今日番到學校，好彩搵得番個磁石貼姐 ~ 第一堂，中史，阿sir上到咁上下，要去影相，
就播白雪公主比我地睇，原來自己之後鐘意睇D咁既野 ~ CT...


〔遲D先打番〕

>>December 20, 2004 at 9:38:40 PM GMT+8

2004 年 12 月 18 日 星期六 【乍雨乍晴】

今日係歷史上訓得最晏既一日，成９點先起身！不過對其他人黎講太早啦 ~
一起身，開〔功夫足球〕，勁衰，好慘，好睇！＞＜一睇就睇到３點幾！！
今日曾姑娘黎睇曉彤，順便送左份聖誕禮物比曉彤 ~ 晚上去婆婆家食飯，
唔知點解今晚好燥！睇緊優秀選，D人講野好似鬧交咁，嘈到我！!
番到屋企，傑傑黎左呀 + v + 可愛爆！D英文好勁呀！！估唔到人仔細細，
講英文咁勁！唉 ~ 聽日要去 女麻 女麻 度食飯！！
完

>>December 18, 2004 at 10:51:50 PM GMT+8

2004 年 12 月 17 日 星期五 【乍雨乍晴】

今日一起身，開〔功夫足球〕，之後屋企走剩我一個，我睇呀睇，睇到我喊呀！勁慘！
１１點幾，阿彭打黎，我紮緊頭髮，我叫佢我出口打比佢 ~ 搞掂哂，出門口，第二架K７３
黎到，搵呀搵，終於見到個傻婆揮手！我地落到去元朗，o係元朗廣場兜左一圈，都冇入過
一間鋪頭，我地見到嘔奶呀！我地又行左去喜利，又揀唔中，我地有講有笑，行呀行，
去到千色，去左一間鋪度，阿彭睇中左，試褲，成交，但我試極都唔岩，最終都係冇買到，
原來阿紫，元圈佢地成日o係度買衫嫁 ＞＜ ，跟住我地去左Levi's，見到９良！！
今日撞到勁多人！我地去左新地帶，搵極都搵唔到佢地個間影相鋪，我地仲上埋１０蚊廣場
度，勁搞笑！兜兜轉轉，我地又係番到去元朗廣場，去左間鋪度，見到條褲勁靚！一見鍾情！
３.....百幾蚊！！冇帶咁多錢！閃人！我地行到勁攰，坐左o係度傾計，越傾越興奮！
對於呢個話題，梗係講極都唔厭啦！４點幾，我地去左搭車，o係車度又o係度講！笑到我死！
番到屋企，兩手空空，都唔知今日出去買左D乜？But I will remember today....

完

>>December 18, 2004 at 11:08:23 PM GMT+8

2004 年 12 月 16 日 星期四 【乍雨乍晴】

陸運會耶 ~ 開心的一天，番到學校，佢地個個都唔見哂 ~ 我坐左一陣，叻同彭番黎啦 ~
換鞋，嘩！波波鞋 ~ 如果唔係要白色鞋，我真係唔著！De ~ ~ 落去排隊，點知原來唔駛喎 ~
勁樣衰！肥婆冇學生證，跟第二批過去，我地過到去大球場，坐左一陣，過左去搵阿彭同叻，
點知要已經召集緊推鉛球，阿叻推先，一推，勁遠，本來佢都係第一，點知一陣之後就比人
超過左 ~ 我推，兩次都衰哂，之後跑去點名跑６０，唉 ~ 同楊海怡跑，死硬！要跑啦 ~
On your mark，set，Go！跑呀跑！！我同隔離o個個相差少少，好野！我快過佢，小組第三！
呵 ~ 不過現實非常殘酷，比賽係計時間 ~ 之後，o係下面等跑１００，又係同楊海怡跑！
唉 ~ 又輸，不過都跑第四 ~ 之後上去坐左陣，又要跑１５００，淨係點名，都點左半個鐘，
烈日當空，曬到我勁辛苦！要跑啦 ~ 我同阿紫跑呀跑，跑左一個圈就走左啦 ~ 之後上番去
等放Lunch，Lunch去左體育館食，肥婆食淨舊包，我地o係度勁玩，又落糖，又落胡椒粉，
又落鹽，又落華田.......玩到舊包勁核突！我地食完個飯之後，我地話邊個猜輸左，要食一啖！
阿彭同叻為求安全，都係唔玩，我，紅寶，梁展衡，肥婆同雞子玩！第一個輸家係........我，
肥婆切左一舊比我，我一啖吞左佢！勁嘔心！第二次猜，雞子猜輸左呀！佢又有同我一樣既
下場！第三次猜..........又係我！！！！肥婆又切左舊比我....第二次食完之後，就埋單走人！
飲哂成樽水，都仲有麵包味！勁想嘔！番到去大球場，集隊，點完名，又扮Progress坐o係度！
o係度同瑩同彭傾計 ~ 坐到４點幾，跟住Progress走，等埋佢地，番學校將對鞋擺落locker，
之後本來諗住打波，但係搵唔到波，坐左o係度傾計，o係度玩雞子 ~ ５點幾，番屋企，
紅寶同梁展衡話去千色，得我地兩個去搭車，番到屋企，隻腳勁痛！
完

>>December 21, 2004 at 9:14:23 PM GMT+8