2005 年 2 月 17 日 星期四 【雷雨】

今日要番學校練choir，搵埋阿叻，一齊番學校，番到去，見到有人又著converse！！
唉！仲要著到勁核突！練到１２點，同叻去食飯，食完之後，行左陣元朗廣場，
阿叻要學笛嚕！我就番屋企啦 ~ 之後都唔記得啦 ~
完

>>February 19, 2005 at 9:27:25 PM GMT+8

2005 年 2 月 16 日 星期三 【颳風】

今日朝早o係度睇〔紳士同盟〕，好搞笑又好慘！本來話去屯門行街嫁！但
冇耐又打電話黎話曉彤四點鐘番！！失望！之後食完飯，番屋企做埋份Guide Book！
做左我成個下晏！夜晚冇乜特別！

P. S：聽日細姨番黎啦！！好野！
完

>>February 16, 2005 at 8:04:04 PM GMT+8

2005 年 2 月 15 日 星期二 【炎熱】

今日１０點幾出左門口，去A - LOOK拎眼鏡，拎完急急腳行去元朗廣場，見到
阿紫同細 B ~ 阿彭同紅寶佢地打黎話去左７仔，於是我同叻去左搵佢 ~ 等埋肥婆，
去左新東記食野，買完畫簿搭錦鏽車去阿叻屋企！！去到，做功課！紅寶同肥婆出左
去同聰仔踩三輪車！我、叻同彭o係度做功課，佢地番黎之後，到我同彭出去玩啦 ~
嘰.......* 玩完之後，又番去抄野，一齊睇鬼故！３點幾，紅寶走左，我地o係度玩電腦，
玩到４點幾，出左去同聰仔玩飛碟！！＞v＜５點，叻爸爸車我地番屋企，番到屋企，
姨媽黎左，我聊佢地話打夜場，嘰！阿媽話叫阿姐打呀！！哈哈！終於有得開枱啦！
打左四圈，阿媽又話比佢打！！哼* 算數，睇大長今！
完

>>February 16, 2005 at 7:56:51 PM GMT+8

2005 年 2 月 14 日 星期一 【颳風】

今日１０點去同彭去到寵物店前搵叻佢地 ~ 之後等肥婆，唉 ~ 紅寶唔去添 ~ 肥婆到
左，搭車去小熊國！！＞v＜去到，好多.........熊仔呀！！！超可愛！一入到去.....
就勁影相！得棵樹好大.......好多....熊仔o係度呀！行呢個紀念品部，買飛入去熊熊
博物館！一入去，影相、影相，影到癲哂！狂影！好得意呀！有結婚熊、和服版熊、
真金熊、馬戲團版、獅子狗版熊等等 ~ 由頭影到落尾 ~ 行哂，搵番佢爸爸媽媽，去太
空館，但太多人，冇睇到，去左映月樓飲茶，點知等左成個鐘，等到Antie飛脾四！
嘩 ~ 最好味就係o個個灌湯餃，有翅o係入面呢！！食完，去聽音樂會，一入到去就
做定哂先 ~ 一開始聽睡美人，最好笑係彼德與狼！！真係有隻狼出黎嫁！仲有o個個
Harry哥哥D魔術好勁！睇完，搵番佢爸爸媽媽，搭車番屋企，沿途訓著左 ~ 番到屋企，
好累，沖完涼玩電 腦 ~
完

>>February 14, 2005 at 9:20:38 PM GMT+8

2005 年 2 月 11 日 星期五 【颳風】

今日９點幾起身，睇番第十二集既大長今！超好睇呀！！睇到好緊張！
點知阿媽又話麻麻過緊黎飲茶！！唉！被迫中斷！梳洗完落去搵阿媽....
唉...岩岩起身先食完早餐，邊食得落呀？坐到１點幾，阿媽本來話去行街，
點知又call佢D雀友，又開！！不過.....佢唔比我打！話我太沉迷！冤枉！
o係後面睇阿媽打，睇睇下又打陣，睇睇下又打陣，好彩都冇輸錢！
夜晚，姨媽黎左，我沖完涼，外賣到！食完野，我打左２圈，睇電視！

完

>>February 11, 2005 at 11:30:22 PM GMT+8

2005 年 2 月 10 日 星期四 【颳風】

今日唔係好記得，好似成日o係屋企打麻雀，同姑婆、姨媽打！打到６點幾，
過去阿婆度食飯！輸左３百幾蚊呀！！！！好彩，我打牌阿媽包底，不過佢包
埋３百幾都仲贏百幾蚊！唔緊要啦 ~ 對.於我呢D新手黎講差唔多呢！！＞＜

完

>>February 11, 2005 at 11:24:02 PM GMT+8

2005 年 2 月 9 日 星期三 【颳風】

年初一啦！！好早阿婆黎我地屋企拜年，之後我地去阿太度拜年，坐左陣，
要去阿麻度，唉....今日成日都要o係阿麻屋企，我地食完齋，無野做，姑姐話
去我地屋企打牌，我梗係舉腳贊成啦！！去到，阿爸唔肯打，阿媽叫我打，
好彩，我輸錢唔駛我比，阿媽比哂，上半場，打到７點幾，阿媽煮飯，停左，
哈哈哈！！！！我同阿媽兩個贏哂，我贏左１４５，因為我地打５蚊番，所以上
落好細。下半場，我沖完涼，又打....o係咁輸，不過都係我同阿媽贏，不過贏少D，
得４０蚊.......打到１點幾，訓覺................
完

>>February 11, 2005 at 2:15:26 PM GMT+8

2005 年 2 月 8 日 星期二 【微冷】

今日１０點到，阿茵打黎，出門，同佢一齊落元朗，搵埋阿琪，佢表妹又黎左呢 ~
搭６８M去荃灣，搭車途中，係度講笑，笑到我地死！去到，搵Neway，點知比人
老點！阿茵又話識，點知又唔記得左，問人，個人又話o係新之城入面，點知問番
個食蕉，佢話o係英皇娛樂o個邊，我地唔識行，所以搭的士去，唱K！！唱到２點半，
條友cut房！嗚....我地行番去新之城行左陣，買左幾條駁髮，好得意呢 ~ ４點半，搭番
巴士番去，我地又去左一間野睇左陣，同茵搭車，唉！佢成程車都同 kawaii 傾電，有
仔冇fd！哈哈！夜晚，去阿麻度食飯，１０點幾就番屋企。聽日初一啦 ~ 好野！
有好多利是！！我同媽媽傾過，佢話唔會比哂我，但會比番４百我！唉 ~ 算啦 ~
都已經係上年既雙倍！
完

>>February 9, 2005 at 8:24:52 PM GMT+8

2005 年 2 月 7 日 星期一 【炎熱】

今日唔係好記得，淨係去新北江買左件衫，好得意！！

入面有個人樣係度，有D kai ~

夜晚去阿婆度食團年飯，多人到冇位坐！
完

>>February 9, 2005 at 8:13:07 PM GMT+8

2005 年 2 月 6 日 星期日 【微冷】

今日好早起身，唔知點解好想電負離子，可惜媽媽唔比....唉 * 玩電腦，玩到１０

點幾，出門口，去琴行拎番本書，同叻去畫畫，畫五代同堂！！難...１２點半畫完，

搭車番屋企，成個下午o係度睇劇，睇左〔身驕肉貴〕同〔阿孖有難〕....

夜晚，去新北江食飯.....好野！星期二去街街！＞＜
完

>>February 6, 2005 at 8:40:48 PM GMT+8