2005 年 3 月 9 日 星期三 【炎熱】

今日超開心！因為我地多左個祕密機地！嘰* 頭兩堂中文，李sir出唔到聲呀 ~
小息，落左去同紅寶拎簿 ~ 兩堂 I S ，做實驗 ~ 無做兩枝test tube ~ 唉 ~
落左堂，我地偷偷地走上天台！個度就成為左我地既祕密機地啦！我地好興奮
咁落番課室，討論lunch食D咩〔因為係去祕密機地呀！〕，我覺得好似去探險咁呀！
因為學校好似唔比我地上去 ~ 好有日本翹課個種感覺！ERS，做左兩本書，音樂，
金太好嬲呢 ~ 分組出去唱新既英文校歌！我地個組唱得最好呢！lunch，我同紅寶
先上去探風，彭同叻去左買包！我地用電話通訊，我同紅寶上到去，超好feel呢！
一個人都冇，可以訓下覺添 ~ 我地上黎個陣都幾順利，但阿彭同叻就差D啦 ~ 好
彩冇比人捉住姐 ~ 食完，落左去學生會還番把遮，再去借波打！而家打番波，
超好玩！打都好熱！數學，肥陳好煩！英文listening，Miss楊仲煩！放學，
我地去左百佳掃貨，準備哂聽日既lunch，好味呀！阿叻番屋企，肥婆去幫人補習！
我、寶同彭番番學校將D食物塞哂入locker度！因為聽日先買就太遲啦 ~
之後搭車番屋企 ~ 番到屋企，同雞肥玩msn！紅寶，梗係唔換啦 ~ 佢以為你會好
順攤，當你水魚！
完

>>March 9, 2005 at 8:03:20 PM GMT+8

2005 年 3 月 8 日 星期二 【炎熱】

唔記得啦 ~ 今日最尾個堂同紅寶坐，唉 ~ 咖哩雞！核突！
作左篇文，我覺得有D不知所謂，作左向日葵 ~
完

>>March 9, 2005 at 7:35:55 PM GMT+8

2005 年 3 月 7 日 星期一 【炎熱】

今日遲左少少出門口，番到學校，同雞肥係度玩！嘩！阿聰將成本漫畫印完去
釘裝！！超靚呀本野！普通話，悶！電腦，悶！數學，悶！！CV，also悶！
中文，好番D，因為用普通話教書，有D新鮮感！英文.....LUNCH，去左寶城買左個
包，再去買左盒小丸子，一齊去山比高睇漫畫 ~ 睇到搭１１，衝番學校，雖然跑得
好辛苦，但同D朋友一齊覺得好幸福.......番到去，好彩早D番咋 ~ 差D入唔到門口！
最尾個兩堂Art，畫菜既國畫，一路畫一路同彭呀、紅寶、雞肥o係度玩！！超好笑！
MARIA！放學，彭佢地話番屋企........我同紅寶去左山比高還書，之後再行番去搵
JOEY隻新碟！點知聽日先出！！急死我啦！！！見到彭佢地o係架車入面......
我地又去搭車番屋企，番到屋企，諗住做埋D數，但又唔識做喎！做左一題就冇做！
今天怪怪的.......

是否過去，就不在意？?
還是禁不住這情感..‧. .‧‧
完

>>March 7, 2005 at 8:46:09 PM GMT+8

2005 年 3 月 6 日 星期日 【炎熱】

今日朝早去左學琴....畫畫....去唱K！！好野 ~ 搵左紅寶，去Neway，４８蚊
加一加埋兩盒野！超貴！但冇計啦 ~ 癮到！唱左超多歌！我全部都好想唱！
今日終於有得唱啦 ~ 唱............唱到３點９，cut房！唉！阿叻去大橋搵番佢
媽媽 ~ 我同紅寶去左山比高睇漫畫！睇完買左個薯條食，搭車番屋企！
好好玩呀今日！夜晚，睇我最鐘意睇既浪漫滿屋！好搞笑 ~
唉 ~ 聽日番學啦 ~
完

>>March 7, 2005 at 8:12:13 PM GMT+8

2005 年 3 月 5 日 星期六 【乍雨乍晴】

今日１０點補習，補到１２點，好眼訓呀 ~ 之後唔係好記得 ~
只覺得今天是浪費的.......
完

>>March 7, 2005 at 8:18:05 PM GMT+8

2005 年 3 月 4 日 星期五 【颳風】

唔係太記得 ~ 淨係記得今日係Day１，係我過得最辛苦既一日！

>>March 9, 2005 at 6:41:05 PM GMT+8

2005 年 3 月 3 日 星期四 【乍雨乍晴】

今日番到學校，我慢慢咁行去locker，點知見到曾子敏，佢問我點解仲行咁慢，
我話點解要行咁快？佢話原來要閱讀！！！死！我開完locker，即刻沖上去，
唉！遲到啦 ~ 頭兩堂，DT，要整相架，不過今堂淨係畫構圖，之後我地又o係度
講太空館同士多啤利奶！笑死！之後兩堂中文，悶.......中史，同紅寶坐......
英文堂，拎住張吸油紙o係度吸下吸下 ~ Lunch，去左滋味食 ~ 肥婆.............跌
雞翼！唉 ~ 番到學校，紅寶唔知做咩發牌氣 ~ 之後本來數學，但肥陳冇番 ~
搵佢老婆黎教左陣，搵番個kai sir！！好憎個個代課阿sir呀！放學，去左拎雜誌 ~
點知又冇！！所以去左山比高睇漫畫，睇左半個鐘，睇左〔女生勿進〕第１６集 ~
之後又去番問佢有冇，終於有啦！！拎完去左搭車，一齊睇LOLITA，好可愛呀 ~
好野下個禮拜去睇阿琪比賽！加油呀！！！support！
完

>>March 3, 2005 at 9:18:00 PM GMT+8

2005 年 3 月 2 日 星期三 【乍雨乍晴】

今朝番到學校，溫默書，廢事比人話我出貓！頭兩堂，數學〔PE〕，悶......
CV，個尹權勝好白癡......History，紅寶返左 ~ 我仲以為佢今日又唔番添 ~
數學，肥陳話要坐多兩個禮拜呀！！好想死！好想調位！中文.......
Lunch，o係學校食，食完番上課室同紅寶傾計 ~ 下次搵個靚仔！哈哈 ~
兩堂英文，默書，好野！１００分 ！＞v＜放學，去左買包包 ~ 之後肥婆
去拎番把遮，搭車番屋企 ~ 番到屋企，彭彭幫我搵左好多靚圖圖呀！！
多謝多謝！
完

>>March 2, 2005 at 8:34:38 PM GMT+8

2005 年 3 月 1 日 星期二 【乍雨乍晴】

比賽呀 !! !！今日要７點半番到學校，所以......６點３就要起身啦！！慘......
番到學校，幫佢地開埋locker，去音樂室開聲....８點４就上車啦 ~ 唔夠位
坐....要坐大脾！！好彩唔係坐我大脾 ~ o係車度同叻聽mp３！！去到荃灣大
會堂啦！緊張緊張 ~ 我地第一隊呀！！！開始.....Rolling Sea.....I have a dream！
雖然鋼琴甩左，但都ok...之後崇德...元中....之後有一隊好搞野，一路唱一路搖！
笑到我死！第一排有個男仔仲笑得好搞野！！但又唱得幾好聽喎 ~ 之後有一隊，
學生做指揮，有小提琴伴奏，好正！最後，我地拎第三，搖下搖下個隊拎第二，
小提琴伴奏第一！!！！唉 ~ 總算輸得心服口服，但始終唔太開心....之後要等架
車，所以入番去睇第二場比賽，等架車黎 ~ １２點３黎到，搭車番學校，
約左彭佢地o係後門等....去左嘩鬼食.....終於有得食煎炸野啦！!! 番到學校，
數學...英文....放學，又去左搵李sir，但始終告佢地唔入！！激死！之後搭車番屋
企....今日紅寶又冇番 ~ 又話番 ~ 哼*
完

>>March 1, 2005 at 8:45:47 PM GMT+8

2005 年 2 月 28 日 星期一 【乍雨乍晴】

今日頭兩堂數學，肥陳冇番呀！！正當我地開心之際.......見到校長o係出面....
原來伊係黎代課！！！！o個一刻好掛住肥陳！嗚嗚....佢o係度講英文校歌
既來源，不過都ok啦 ~ 之後兩堂英文，作文....作有兩個人比人綁架....
小息....Geog，超留心呀！明哂佢講咩！中文，教新單元......LUNCH，
同埋瑩、紫去百分百食.....都唔知有冇搞錯.....食完野冇紙巾啦 ~ 佢話
〔２蚊包，要唔要？〕頂！餐廳都冇紙巾，係咪做生意嫁 ~ 一路番學校，
同彭佢地o係度講笑.......哈哈哈！番到學校，睇Miss鍾打冷震！! ! 笑死我啦！
I S，Quiz呀！！不過算啦 ~ 我呢D人合格都偷笑 ~ 唉.....中史，冇聽過佢講野，
全堂o係度做功課，放學....見到仆街仔個書包好核突呀.......又綠又藍咁，如果唔
係個牌子，佢都唔會咩啦 ~ 貪慕虛榮！練choir，練到好攰.....４點幾，走.....
同彭、肥搭車番屋企，超搞笑！！o係度講番自己細個之前D野！！阿彭好搞笑，
滴D水落去個BB度，跟住講〔唔好喊啦 ~ 〕！笑死我！

今日紅寶病左冇番學呀......
完

>>February 28, 2005 at 8:02:23 PM GMT+8