2005 年 1 月 25 日 星期二 【颳風】

今日終於要上堂啦 ~ 番到學校，集隊o個陣，陳師奶冇啦啦比張卡我，話我有獎拎！
我都唔知發生咩事！佢淨係叫我入hall o個陣比張野prefect....升旗禮，上堂，數學專心
Geog留心，兩堂 I S，調位！唉！！！！同朱古力坐！！好急！一打鐘，即刻衝落去
去廁所，但２樓好多人，咪去左１樓啦 ~ 點知１樓仲多人！！！！

第日再打過！

>>January 25, 2005 at 9:04:46 PM GMT+8

2005 年 1 月 24 日 星期一 【颳風】

今日熱左好多！番到學校，今日派 I S先，比陳師奶嚇死！有話幾多幾多個唔合格！
派左番黎，９０/１５０，呼 ~ 一額汗！第二科，History，預左唔合格！３０/１００！
第三科，Eng，全科合格！嚇死！不過都有３科唔合格！嗚嗚.. . ... 放左學，去新地帶
o個邊影相 ~ ５個人一齊影.. ... . 影完，去搭車，發牌氣！哼！！番到屋企，玩電腦，
睇漫畫，個D全一冊好悶啊！夜晚，去稻香飲！９點幾番到屋企 ~
完

>>January 25, 2005 at 8:46:40 PM GMT+8

2005 年 1 月 23 日 星期日 【颳風】

今日好番d 啦 ~ ９點幾，出門口，搭車聞到陣老人除.. . ..想嘔.. . .去到山比高，未開！
去琴行，練一陣，Miss黎到，佢話會黎趙中做實習老師，佢教家政同 I S ，佢個 f d 就教
中文同Art ~ 傾左勁多野，原來o個個蔡sir咁變態嫁！小心D ~ 又過左充實既一堂！
１１點１０，去左漫畫村，都搵唔到 ~ 搭車，番到屋企，睇〔死亡筆記〕，睇到５點
，沖涼，食飯 ~ 夜晚o係度搵琴譜 ~
完

>>January 23, 2005 at 8:29:40 PM GMT+8

2005 年 1 月 22 日 星期六 【颳風】

今日起身，頭痛、頭暈、喉嚨痛、發燒！！勁辛苦！９點幾，出左去同媽去買揮春 ~
買左Mickey同Win Win呀！１１點幾，去樓下睇曉彤表演，開頭唱歌，講普通話故事 ~
跟住唔記得，到跳舞，佢跳左拍子，不過好快就跟番啦 ~ 之係唸詩，佢數一、二、三，
之後唸春曉、跟住普通話既遊子吟呀好似 ~ 佢對正個咪，勁大聲！完左之後，o係幼稚園
門口等佢換埋衫，去大家樂食飯，番上屋企，食藥.. .. .好難食！食完之後，食左粒２寶！
睇水滸無間道，勁搞笑！睇完，練琴，成個禮拜都未練過琴，死啦 ~ 夜晚，去阿婆度食飯，
好攰好攰......番到屋企，睇十大中文金曲頒獎典禮，１１點，太攰，訓左，我錄左 ~
第日先睇 ~
完

>>January 23, 2005 at 12:08:59 PM GMT+8

2005 年 1 月 21 日 星期五 【乍雨乍晴】

今日唔想番學，番到學校，張普通話又係錯既！同叻佢地去搵洪志華！早會，
升旗 ~ 第一科，數學，驚.....開頭阿sir寫左我地有２８個合格，有９個女仔唔合格！
好驚呀！派卷，９６/１５０！！舒一口氣！對卷，唉也！我有四題漏單位呀！
如果唔係就過百嫁啦！！！！＞＜第二科，中史，我諗住一定合格，點知.......
３８.５/１００！我睇番原來有好多問答，係我一字不漏咁寫哂出黎而唔比分我囉！
我問番佢，佢話我有好多point冇寫！嘩！我都係抄佢整個D power point咋喎！
唔岩都係你個D power point錯啦！誤人子弟！一個不負責任的老師！！第三科，
CV，５６/１００！都好彩合格，地圖一題都唔岩！勁D o W n ... . ..見到. . .. .
放學，紅寶去見李姑娘，我同叻彭去山比高借漫畫，行左半粒鐘都唔知借咩 ~
最後借左〔草莓頻道〕同〔funfun工房〕，阿叻仲借左D一本過的漫畫，嘰 ~ 我地三個交
換睇！我拎左〔草莓頻道〕番屋企，跟住阿叻走左，我同彭去apple shop隔離間漫畫店度
睇下，上到去，有D驚，點知上到去，有勁多靚野！有鋼鍊個個錶呀！！好靚呀！
我地心思思，都係做左會員，嘩！入面好多漫畫呀！連美少女戰士都有！不過少女漫畫
就少D囉 ~ 好多鋼鍊呀、狐忍、網王呀個D ~ 紅寶佢地到左，我地就去搭車，買左個M記！
番到屋企，睇漫畫，夜晚同阿琪玩game ~ 聽日可以訓晏D啦 ~
完

>>January 21, 2005 at 9:24:42 PM GMT+8

2005 年 1 月 20 日 星期四 【乍雨乍晴】

今日起身，阿媽又唔知醒，好彩我呢邊較左鬧鐘，搭車番到學校，差D鍚爆左！
去排隊，又話要，又話唔要，比佢玩死！第一科，普通話，加少３分！！４０.５/５０！
好野！第二科，Geog，４３.５/１００，唔合格！唉 ~ 大意！第三科，中文，嘩！作文
作錯左，冇唔合格，仲唔錯呢！中文，５７/８０！放學，陪紅寶去匯豐入數，
搭車去紅寶屋企，阿瑩同彭都去呀！阿彭話食埋飯先過黎喎 ~ 我地上到去，
禮貌地叫叔叔！睇左陣電視，去７仔買杯麵，再去買粉腸！正！上到去，食野！
入房傾計，傾到４點到，落去行左陣，去郵局拎野 ~ 同瑩去搭車！番到屋企，
沖完涼食飯，夜晚同曉彤溫書，佢聽日考試！聽日又對卷啦！今日已經有一科唔合格啦！
好驚呀！＞＜
完

>>January 20, 2005 at 9:30:06 PM GMT+8

2005 年 1 月 19 日 星期三 【乍雨乍晴】

今日１０點幾出左門口，搭輕鐵去到坑尾，等紅寶佢地打黎，佢地打黎，我就上車 ~
我地向住呢個錦繡巴士站既方向行，有講有笑的 ~ 搭車，紅寶o係度睇漫畫，我地到左，
見到阿叻啦 ~ 我同佢o係度嗌話佢個件Mickey衫，勁好笑！去到佢屋企，好易認，
玉貴揮春 ~ 開電腦玩，紅寶o係度減肥 ~ 一路同３哥send message ~ 玩到咁上下，我
同紅寶同叻細佬踼三輪車，超刺激，佢細佬o係就黎撞個陣，黎個急彎！好勁呀！！
搞到我同紅寶嗌哂咁 ~ 我地去左水霸，佢細佬話o個度之前有人電死左，又將架車停o係
狗糞垃圾筒隔離，臭 ~ 佢細佬玩到好癲！經過人地屋企，見到有薰衣草，摘左幾條 ~
番番去叻屋企，肚餓....佢細佬煎蛋，我同紅寶煮烏冬，佢細佬真係多才多藝 ~
有得食啦！唔知係咪肚餓，D烏冬特別的好味！之後，我地叫埋彭去玩，開頭佢都
驚驚地，但越玩越high，去到水霸個度，反車！！！曾嘉聰個patpat飛起，好彩冇坐落黎，
如果唔係，就坐左落紅寶塊面度！哈哈！番到去，四個o係度玩電腦，睇柯屎！
勁好笑！又勁核突！佢阿媽番左，我地幾個同佢傾計，佢阿媽好好笑 ~ ４點半，
走啦 ~ 我地三個出番去元朗，再搭巴士番屋企，超好玩！開心的一天！
聽日對卷啦！！＞＜
完

>>January 23, 2005 at 12:25:57 PM GMT+8

2005 年 1 月 18 日 星期二 【乍雨乍晴】

今日考CV，搭車，睇漫畫！番到學校，話會考圖，頂！都未溫過！８點７，開考，
考９個字，得番１５分鐘個陣，我仲有一板問題未做過！！！！！我勁吹勁吹！
岩岩寫完就夠鐘！好險！考完，去唱K！！！＞＜興奮！去到，未開門，我地見
到紙皮仔！！ 唉 ~ 賣左成o頓紙皮先唱到K，真陰公！一開始，我點左好多首Joey！
同紅寶唱１６號愛人，唱刻不容援，佢唱男聲，我唱女聲！唱到勁high，我見到有
fly me to the moon，點左，點知..........有泰國人妖feel既歌！！同我地choir勁大出入！
唱到１２點２５，cut左！去山比高借漫畫，呀！!!! !！！!!！!！有〔愛似百匯〕呀！
好睇呀！！！即刻拎左！搭車番屋企，番到屋企，第一時間睇〔愛似百匯〕，
終於有第１３集啦！小風！＞v＜睇哂〔開朗的家族計劃〕，個結局正呀！
夜晚，打比紅寶，彭，叻，聽日去叻屋企！！
完

>>January 18, 2005 at 9:23:22 PM GMT+8

2005 年 1 月 17 日 星期一 【乍雨乍晴】

今日好似暖番D喎！起身都仲拎住本中史係咁溫！！！番到學校，唉 ~ 估唔到連Daisy
呢D良好學生都唔溫書！失望呢 ~ ８點３５，開考，開頭都做得幾順暢，但做到資料題
，就勁吹水！！做問答，好彩高分個D都有溫到！應該合格，但可能唔高 ~ 放學，陪紅寶
o係度等‘人’拎相，等左一陣，見到阿瑩，佢地買野食，到某人來了，佢話唔記得帶！
我地走了，我地三個番屋企，紅寶去阿瑩屋企，行到輕鐵站，呀！不如去借漫畫，
去到山比高，借左開朗的家族計劃，計埋阿叻同阿彭個D，借左１３本，有兩個印花，
去搭車番屋企，番到屋企，睇漫畫！！！今日終於可以勁輕鬆，唔駛溫書啦！！！！＞＜
１２點，接左曉彤，去大家樂同媽食飯，番屋企，又睇漫畫，夜晚，沒什麼特別...........
好野！聽日去唱K！！！
完

>>January 17, 2005 at 7:58:50 PM GMT+8

2005 年 1 月 16 日 星期日 【乍雨乍晴】

今日１０點去到琴行，練左一陣，個Miss黎左，彈today比佢聽，教新歌，
個首歌好難呀！去漫畫村兜左一圈，走左去搭車，番到屋企，阿媽話又要出
去唔駛除鞋，去大家樂食飯，送家姐番學校，我同媽媽去行街，行行下，
紅寶打黎問我中史考到邊 ~ 上堂又唔聽書 ︿ ︿ 我買左兩件冷衫，靚靚！
３點，又番去家姐學校接家姐，我就分頭接曉彤，嘩！化哂妝，好嚇人！
番到屋企，仍然唔想溫書，但聽日考啦 ~ 點可以唔溫呀？溫呀，勁貝，貝到
癡哂線！貝到睇無線喜劇之王，先一路睇一路溫，獎門人，終於到我最想睇
既節目啦！！！最受歡迎的他與她，超爆好睇！
完

>>January 17, 2005 at 7:43:32 PM GMT+8