2005 年 5 月 9 日 星期一 【驟雨】

今日心情差透了.....!! 朝早，第一堂，Geog，本來派卷嫁！但有人冇帶問題卷，
佢就話要全部帶齊先會派 ~ !! 數學....兩堂IS，又派卷，其實我都估到會好差嫁啦 ~
雖然有阿彭個份好勁既貼士，但我個男仔抱住隻貓個度先岩左一題，冇左幾十分！
得６１分！！算啦 ~ 求學不是求分數 ~〔安慰中〕中文....History，又派卷！！
好野！又合格３３/５０！不過IS拉低左好多分！Lunch，好大大大大雨呀！！
所以留左係學校食，食完上去玩波子棋！兩堂英文，本來諗住同紅寶去post office，
但原來搬左，要去到大馬路先有！我就話唔去，佢話番屋企個post office度，
咁我諗住叫佢練一陣role play先走.......佢就發牌氣走左......我都唔知做咩好.....
之後同彭去左元朗書局度買左兩張顏色紙，番到去，Oscar原來去左打波，之後比
肥陳捉番上黎個陣，lei左入男廁發牌氣！仲細咩 ~ 我同阿彭開始開工，但畫完再睇，
原來係好細粒，我地問Joseph，佢又答得九唔搭八！最後搞到個個幾乎氣絕身亡！
之後發現唔夠，又去左元朗書局買多幾張番屋企畫..........這個晚上是我過得最怪的
一個晚上........

完

>>May 9, 2005 at 7:36:26 PM GMT+8

2005 年 5 月 7 日 星期六 【炎熱】

今朝好興奮呀！去游水！！！＞v＜９點，出門口，去到巴士站，同肥婆等紅寶 ~
見到紅寶，ok！上車！落車，見到阿叻啦 ~ 我地一齊行去游泳池！好興奮咁換完衫
就出去游水啦！！去左訓練池度，一個人都冇！個救生員係度訓覺，比我叫醒左！
阿叻教我地游自由式，我地就跟住做，進步左好多！之後我地４個拖住手一齊潛落水，
係水底度睇超搞笑！最衰阿彭冇黎啦，sai哂！游到１１點半，清場，我地幾個入左去
沖涼，沖完就咁就包住條毛巾出黎！換番衫，行左M記食，見到仆街仔個fd呀！勁好笑！
之後阿叻去學野，而紅寶同肥婆就係我既聳勇下又去游水！！！！！好野！我地又好快
咁去左換衫，行去訓練池，潛落水已經開始有d混濁啦 ~ 因為開始有人黎 ~ 我地係水底玩
包剪dum！好玩呀！之後紅寶同肥婆好哂呀！夾埋一齊蝦我＞＜搶左塊浮板唔比我玩，
我就係度跳下跳下咁走，但都唔夠肥婆游水快！４點半，走人 ~ 死啦！好大個泳衣印呀！
黑左勁多！！！！！！！！！嗚嗚嗚嗚嗚！夜晚即刻fu番個mars ~ 先好番d咋 ~

完

>>May 8, 2005 at 4:03:42 PM GMT+8

2005 年 5 月 4 日 星期三 【清涼】

今日測geog呀！！！本來都好有自信，但睇到份卷已經知道我會唔合格！
唉 ~ 測完，英文堂，呵呵 ~ 激嬲肥婆！！不過我死都唔會tum番佢嫁啦 ~
如果唔係又駛乜咁緊張呀 ~ 哈哈，放學之後，佢都係同我地番屋企，
算吧啦 ~ 反正我對佢全無好感 ~ 去左萬寧，買左.....番屋企試下先 ~ 係車度，
都冇同佢講過野，我地係度講聽日游水d野 ~ 番到屋企，沖涼，之後又換泳
衣自我陶醉 ~ 哈哈 ~ 溫history，打比紅寶一齊溫！！兩個人溫果然係入腦d ~
之後玩電腦 ~ 期待聽日的游水堂！＞v＜

>>May 4, 2005 at 10:16:43 PM GMT+8

2005 年 5 月 1 日 星期日 【酷熱】

咁快又５月 ~ 仲有兩個月又F,３，真係快 ~ 今日又係去學琴and畫畫 ~
但去到又太早，諗住去千色逛下啦 ~ 點知過都過唔到去！d人焗埋一齊又臭喎 ~
我最後都係掉頭走人 ~ 去到琴行，練左陣，miss就入黎 ~ 哈哈 ~ miss話會搵柯石楠
傾計 ~ 真搞笑 ~ 之後等埋阿叻就去左畫畫 ~ 哈哈 ~ 我祕密畫緊一幅畫 ~ 不過唔知成唔
成功 ~ 奸爸爹！＞o＜畫完之後番左屋企，食完飯，溫中史，溫到３點幾，訓著左！！
oh....my god！溫左１０幾頁！！！？點算！訓到５點幾，沖涼 ~ 玩icq ~ 哈哈 ~
比紅寶串番轉頭 ~ 今晚睇大長今大結局啦！！！！！！！好緊張啊 ~
完

>>May 1, 2005 at 7:25:47 PM GMT+8

2005 年 4 月 29 日 星期五 【酷熱】

今日測數學呀 ~ 測個陣，仲諗住會唔夠時間做 ~ 點知今次又好多時間喎！！
唉 ~ 我有一題唔識解呀！！！！激死我啦！咁就冇左１２分！！＞.＜放左學，
我地超白癡，o係學校玩波子棋！阿彭同我係度狂塞張朱古力紙，我塞落佢個口
罩度！佢反攻塞落我件冷衫度！！大敗而回呀！嗚嗚 ~ 每日都過住咁既日子就好啦 ~
次次玩親波子棋都係我輸！！！唔制呀！ 〔失落中〕不過我都係好想玩多幾鋪 ~
呵呵 ~
完

>>May 1, 2005 at 7:33:42 PM GMT+8

2005 年 4 月 28 日 星期四 【酷熱】

今日測中文呀！IS堂睇生仔啊 ~ ＞＜本來都覺得幾得意，到出世個陣......個膀頭出
黎個陣，膀頭出完就成個身都出埋黎！！個女人好似一d都唔痛咁嫁！嗌都冇嗌！！
個BB一出黎，個女人就抱住佢！仲係度笑！食完lunch番黎，測中文啦！聆聽，聽聽聽....
一聽完，即刻好快咁用原子筆寫，佢話停筆，我仲猛係度寫，好彩岩岩做完！一額汗！
阿叻做唔哂呀 ~ 我都係岩岩擦左鉛筆寫左個d筆記咋！之後到第二部分，一開始我已經
覺得做唔切，做左d語文運用先！第一次寫得咁‘瞭’！不過幸好篇閱讀理解唔係好難 ~
做完仲有３分鐘！！！不過好多唔識 ~ 放學，又去左買雪糕！！紅寶，遲早肥死我地！
搭車........番到屋企，都冇溫過書 ~ 要溫既之前都溫哂 ~ 聽日數學呀！！！
完

>>April 28, 2005 at 7:24:38 PM GMT+8

2005 年 4 月 25 日 星期一 【清涼】

今日邵詠詩搞生日呀！又可以見番好多舊同學！好早出左去學琴、畫畫.......
之後去搵阿琪，我地去左kawaii買左禮物就番小學，去搵關老師啦、張主任、
阿韓、乾媽啦 ~ 原來上午校換左校長！！２點，阿茵遲到！阿茵黎左，我地又
要等豬進成半個鐘！！熱死左！之後我地去左西鐵站，去屯門，到左轉巴士，
去到佢會所，超豪！！！愛琴海岸！！間K房都大過我間屋！！超正！不過...
間k房唔包歌嫁！要自己帶碟！阿Bo帶左好多翻版碟！！死啦你！︿︿
我同琪影相，唱K，食蝦片薯片！開心！之後佢地話玩 truth or dare！
羅俊抵比阿茵打！口臭到死！叫梁浩霆拍羅俊個o羅！哈哈！邵老師３月２６
擺酒！佢話請埋我地去！！仲寄埋帖！好野！到時我地玩盡佢！！！
７點，夠鐘，搭巴士，但唔知邊個站落車，於是睇阿Bo頭！點知佢話〔我睇
你地頭嫁咋〕！o...shit！我地都好彩冇落錯車！搭西鐵番屋企，呵呵 ~ 張美蘭比
阿琪‘胸’！抵死！咁死串，而家又扮死狗！番到屋企，食飯，沖涼，睇獎門人同
浪漫滿屋！好憎慧媛呀！聽日又番學啦 ~ 換夏季！呵 ~
完

>>April 25, 2005 at 9:06:41 PM GMT+8

2005 年 4 月 22 日 星期五 【酷熱】

好耐冇打日記！真係好耐，我都唔記得已經幾多日，不過日日差唔多，
都廢事打 ~ 今日朝早我同彭去拎蛋糕，為瑩同叻舉行一個秘密生日派對！
阿瑩唔知嫁 ~ 我同彭去左金蘋果拎完蛋糕，都係９點，阿彭幫我去放書包，
我坐係度睇住個蛋糕，係小飛俠阿童木！！阿彭同叻黎左，紅寶同阿瑩o係
另一邊行埋黎，阿瑩話去買早餐，之後我拉佢去蛋糕度，佢先知我地幫佢買左
個蛋糕慶祝，佢既眼神好感動，但佢喜怒哀樂都係咁既樣，只係笑左一笑 ~
真奇怪的人！︿︿我地６個人一人一隻叉食哂個蛋糕，但我地唔食啫喱，整走
左佢，食下面層蛋糕，我地最後都係整到個蛋糕不似人形！！！食得好飽！唔駛食
lunch都得！不過玩得好開心！之後去排隊，頭兩堂數學，好野，個Quiz有３分加，
加到８十幾分！！超開心！兩堂英文，做工作紙，開始做個陣好想喊，都唔知點算，
全部都唔識！最後去搵阿叻同Celia幫手，終於做得哂！感動....Geog，計咩vertical
distance，不過我都識 ~ 中文，交作文，我覺得我作左咁多篇文，呢篇係最百感交集！
但我好鐘意，作完之後個人好舒服！Lunch，同紅寶去元朗廣場搵人度身訂做一件衫！
之後都係去新東記食左個麵，之後番到去，I S堂，交火箭，抄眼球既notes，
中史，我第一次咁鐘意上中史堂，個miss真係好，唔似得洪sir咁衰！我竟然
拎起支筆間notes，簡直不敢相信！我第一次上得咁留心！放學，等４點半去
西鐵站拎條皇冠鏈，但未夠鐘，係班房度玩波子棋，玩完先去 ~ 我地搭輕鐵去到，
行左去７仔，岩岩好４點半，但我地等左好耐都未見個個人，最後都係走左，
紅寶話去買黑色指甲油，搭輕鐵去卓悅，再番總站，因為冇位坐嘛 ~ 我地搭
黎搭去都係用左一程車錢，嘰 ~ 我去到杭尾村，落左車，先知我漏左本
〔守護影子的天使〕係班房度！不過我唔知點解好冷靜......番到屋企，扮哂野又開番
部電腦.....嘰 ~ 佢應該唔記得啦瓜 ~ 聽日去買泳衣 ~ 下個禮拜一換夏季啦 ~
完

>>April 22, 2005 at 8:36:04 PM GMT+8

2005 年 4 月 20 日 星期三 【酷熱】

超唔開心！今日同阿媽鬧交，唉 ~ 真係冇人明白我？
算啦 ~ 唔諗啦 ~
即使撐過了一天，還有千千萬萬天，你能難過多久？?

>>April 22, 2005 at 8:10:51 PM GMT+8

2005 年 4 月 16 日 星期六 【微冷】

今日好開心呢！同紅寶&彭出街街，買叻份生日禮物呢！我好早出左去，
去到輕鐵站等左好耐，係度睇書.......到左，上車，但好多人，行唔到埋佢地身！
過左兩個站先過到去 ~ 紅寶著左lolita呀 ~ 好可愛啊 ~ 去到元朗廣場，上左去個間
鋪頭度睇，點知未開門！！兜左成個圈，企左係出面睇左好耐，之後入左三聯，
睇到本相簿，係阿童木呢！阿叻一定會鐘意！出番去，間舖已經開左啦！
我地決定買個個廁紙筒！實在太可愛啦！睇左好耐，都係決定買住個個廁紙筒先！
之後又番回三聯買埋本相簿！！一定開心死佢 ~ 紅寶話好肚餓，去左滋味食野，
一路食，我地都冇乜講野，但唔知點解我地一去到M記就會講得好開心！
食完，搭車去紅寶屋企，一路搭車，一路研究點樣整走閃光燈，終於得左啦！！
我地早左一個站落車，行去紅寶屋企，上到去，佢阿爸同細佬係度，我換左黑色個套
lolita勁影相！阿彭就狂玩個隻錄音雞！！玩到佢好似癲左！我地影左好多張，
幫隻雞著埋lolita！西利！影完，我地過番去紅寶間房，睇佢本紀念冊，Wow ~
大開眼界！！= v =！之後，我地大講秘密，我地又玩占卜！！有好多超準！
我將來可能生個女，紅寶同彭就會生仔！！死囉 ~ 三角關係！之後，我 lup住隻
豬仔黎影相！！好搞笑啊！！４點幾，走左去搭車囉 ~ 買左雪糕食 ~ 好味！
佢地去左影印，我就搭車番屋企..........真係好開心.....好幸福.....= v = 開心過同屋企
人過.....真係唔多想走.....好似好耐未試過笑得咁開心咁 ~
完

>>April 16, 2005 at 9:45:51 PM GMT+8