2004 年 1 月 3 日 星期六 【晴】

今日悶悶地 , 搵咗羅永峄傾咗一陣 , 我將我一些感覺和想法與他分享一下 , 嘩 ! 個死仔竟然一句中point , 我當場嚇到呆咗 , 佢話...............

'坐這山 , 望那山 , 一事無成'

對 , 我認同他的講法 , 生活如果是這樣 , 只會一敗塗地 , 哈..........希望現實並不是這樣 , 如果唔係 , 我都幾難面對...........

跟住我同羅永峄講 , 我想將呢個想法同心得講俾佢聽 , 希望對佢有點幫助 , 但羅永峄話係時候讓佢成長啦 , 哈 ! 又係 , 呢d0野 , 係真的要自己感受到才行 , 我現在也是親身感受到才能夠這樣說出來 , 呢一個月 , 我見到很多 , 感受到好多 , 最深刻的 , 原來一向和我低低能能 , 一起成長的身邊好友 , 原來全部成熟曬 , 想法已經有深度 , 還很懂得體諒別人 , 當然 , 我亦覺得自己有呢方面的得著..............

勁呀 , 羅永峄講的呢一句 , 同我現在感受到的感覺一樣 , 好好的一句 , 多謝你..............羅永峄 , 哈............'坐這山 , 望那山 , 一事無成'........對 , 就是這樣..........

跟住 , 我又諗起幾米的幾句說話............

'你要明白一定有開心同唔開心既事發生 , 只要開心比唔開心多一點點就得 , 傷心會將開心變成開心 , 傷心過後就係開心'.........

對 ! 人生就是這樣..........哈...........哈..............

真係要好好面對啦 , 對嗎?

'每個人心中都有一座地下鐵 , 通向一個叫做希望的出口..........' 對嗎?

以後真係要變得成熟d和沉實d啦 , 好讓世界安靜一點......

>>January 4, 2004 at 12:14:23 PM GMT+8

2004 年 1 月 2 日 星期五 【晴】

今日起身 , 真係被亞媽嚇死 , 佢隻眼變咗紅色 , 跟住叫佢睇醫生 , 點知佢竟然仲玩唔駛 , 佢話只不過係熱氣 , 我當堂bear一聲 , 終於都俾我勸掂佢 , 然後同佢一起出去睇醫生 , 結果攬咗我成日 , 番到黎 , 突然想了些什麼 , 原來自己思想上真的有點兒改變了 , 以前細個 , 自己係細路仔 , 於是非常需要屋企的幫助 , 到左咗前幾年 , 個人以為自己大個咗d , 要玩獨立啦 , 於是走咗出去四維蕩 , 無錯 , 真是成長了 , 亦慢慢學習獨立啦 , 但個心依然沒有顧及個自己的屋企 , 但現在 , 我又發覺自己改變了 , 或許近幾年我不但要顧及一個人自己 , 而是兩個人 , 想法冷靜了 , 並且責任感大了 , 我發覺自己開始需要回顧自己的屋企 , 除了亞爸之外 , 我亦有責任照顧呢個家 , 仲使我現在未必能成為家庭的經濟支柱 , 但起碼我亦要成為家庭的精神支柱之一 , 或許現在 , 我係時候學習怎樣用膊頭真正付起些有作為的東西啦............對嗎?

>>January 3, 2004 at 2:54:09 PM GMT+8

2004 年 1 月 1 日 星期四 【晴】

哈.........踏入0左04年 , 唔知係咪過0左個鬼門關 , 又或是想通了些事情 , 唔..........今日心情明顯好像輕鬆了很多 , 正所謂 '解鈴還需繫鈴人' , 哈......哈 , 又幾鬼有道理啊 !

哈.........新年留留 , 等我都寫多幾頁賀一賀佢先.............

昨日約0左小白和雷捷出來談心事 , 諗諗0下 , 我們好像真係好耐冇咁出來吹吹水啦 , 約0左他們4點鐘係沙田body shop等........哈 , 結果又係我最遲到 , 差不多遲了成半個鐘 , 但係少有喎 , 佢地竟然冇 '蛾' 我 , 莫非真係 '同學愛新鮮 , 失戀大過天'...........

跟住個肚打鼓 , 咪走去 '吉吉' 食個牛肉飯 , 然後再去河邊吹水 , 講真 , 呢幾日心情真係唔係咁好 , 好多想法 , 終於有機會同人分享吓自己的想法同唔開心 , 其實前日我已經喊0左成晚 , 加上同人講開0下 , 總算放鬆了少許 , 亦想通了很多 , 同他們傾吓傾吓 , 先發覺我們三個原來都有感情煩惱 , 真係三個受傷的小男孩 , 不過我覺得雷捷的case有點兒不同........哈.....哈 , 仲有 , 小白 , 我睇 咗你篇日記啦 , 個比喻好鬼水皮呀 , 再傾吓傾吓 , 我們係到硏究我們係咪 '大男人'..........哈.......哈 , 終於得出的答案係我們都唔係 , 唔係 , 即係成世俾女人蝦啦 , 慘.........不過同佢地傾完之後 , 真係得著好多 , 所以我咁鬼鍾意同他們兩個做friend , 起碼正經時正經 , 玩時玩 , 我們差不多level , 哈..........

跟住走咗去打機 , 頂.........唔知係咪好耐冇落去 , 打咗三舖nba輸q曬 , 好彩 , 最後同小白打咗舖 , 好彩冇失威嗜 , 唔係有排俾個死仔串 , 跟住同他們去打aeroplane game同射擊game , 原來雷捷係呢方面的高手 , 梗係啦 , 佢平時成日係屋企練習 , 係咪? 哈............而我同小白 , 勁快死啦 , 失敗............不過原來小白玩gundam都好似幾勁 , 係好似 , 哈..............

跟住同他們食飯和行咗一陣街 , 咁就回家啦 , 番到屋企 , 一路上internet玩icq , 一路聽楊千嬅的 '小星星' , 仲係咁鬼死好feel , d歌詞真係好鬼中 , 然後走去睇 '叱吒' , 見到古巨基同粱漢文攞獎 , 好鬼感動 , 他們實至名歸既 , 我自己都好像得著d嘢 , 人生總有低潮 , 但係只要努力 , 總會有收成的一日 , 一定有 , 因為天地間是有真理的.........哈.......我又想起句歌詞 , '善良人永遠天真到 , 做好心不信得惡報' , 莫非我都係一個善良的人 , 哈.....唔知啦.........不過我知我唔係d咁易失敗的人 , 因為我唔肯認輸 , 由細到大都是如此 , 對不對?...........成3點 , 終於都訓啦..........好鬼舒服 , 好耐都冇試過咁啦 , 自從拍拖之後 , 多謝你們 , 小白和雷捷........

今日起身 , 走去開個icq , 跟住走去睇吓她的info , 冇知呢 , 仲係好擔心她 , 見到她info寫的一切 , 感覺到她是有點兒不開心 , 唔知點解呢 , 好唔想有人蝦佢 , 不過冇辦法啦 , 自己都唔可以做d什麼 , 哈............

總之 , 今日是心情平安的一日............多謝小白和雷捷

夜深聽得三更鼓 , 醒來不覺五更鐘 ,
善惡喜惡皆執著 , 到頭那麼一夢中.............

對嗎.....?

>>January 2, 2004 at 3:49:54 PM GMT+8

2003 年 12 月 31 日 星期三 【晴】

踏入04年的一刻 , 個心真係好唔開心 , 心想難道真要與幾年來的過程講bye bye........很不捨得 , 個人感覺到好孤苦 , 好鬼down...............

就係呢個時候 , 我一次過收到43個 I.C.Q. messages , 係43個同一時間 , 全部都係d朋友send俾我同我講happy new year............我當場呆了一呆 , 跟住唔知點解呢.........d眼淚終於流出來了 , 係終於流出來了 , 第一次真真正正的喊出來 , 都唔記得喊左幾耐 , 好耐 , 原來我都會咁眼淺........ happy new year......to all my best friends..........真係好鬼感動 , 原來咁多年以來 , 我真係有賺左d野 , 平常不起眼的東西 , 一時間成為我的支柱............

呢段時間 , 實在有很多朋友一直支持我 , 我是感覺到的 , 但好像仍然不能掩蓋我唔開心的情緒 , 但呢一刻 , 好像感動到少少啦 , 好像有人在意我的 , 或許她已不再在意我 , 朋友說我呢世仔太著重感情 , 不過這是天生的 , 由第一天來到呢個世界已是這樣 , 冇得改.........

呀 , 跟住係到聽楊千嬅的新歌 '小星星' , 真係好鬼感動 , 每次都係佢d歌俾到我共鳴 , 其實我真係好想同佢講句thank you...........每次都俾左好多感覺我.............歌詞是.........

小星星 楊千嬅

當天應該得7歲　我想喝媽媽的汽水
把它搶在掌心裡　大人無法迫我睡

他跟她今天竟飲醉　我想搶的不止汽水
輸光自尊也鬥下去　壓力大得慾望都失去

一閃一閃小星星　開開心心的唱詩
但為何一畢業才知　一世我也要考試

誰也好　即使愛侶都沒有必要待我好
甜或酸苦都一樣當寶　
誰亦會計數犧牲才得到的快樂　亦沒什麼味道
難怪我雙協插了刀　為博他答謝也好
亦沒法開心得這樣早　誰願欠我一世
人間散步　善良人永遠天真到　做好心不信得惡報

終於都跟他分手了　我開過的心不算少
今天起睡得救最重要　以後幸福亦未必敢笑

一閃一閃小星星　簡簡單單一輩子
就從頭到尾哼一次　忘記智商去做人都願意

原來 '善良人永遠天真到　做好心不信得惡報' 呢一句 , 係現實迫我同意了...........對嗎.......?
跟住 , 我有個friend send 左首詩俾我 , 叫我好好參透........

夜深聽得三更鼓 , 醒來不覺五更鐘 ,
善惡喜惡皆執著 , 到頭那麼一夢中

明唔明呀 , 傻仔.......!!!!

不知不覺間 , 喊到好累了 , 終於合了眼了.................好像明白了些什麼........又好像沒有得到了什麼 , 過了這樣的一晚............

>>January 1, 2004 at 6:42:20 AM GMT+8

2003 年 12 月 30 日 星期二 【颳風】

還是這樣 , 再過一會兒 , 03年便過去 , 新的一年便來臨了 , 但我的心情好像漫無目的咁........應該這樣說 , 我還是未看得化 , 我還是很不開心.................

只是被人輕輕的碰了一碰 , 但我已經痛得很緊要 , 不知所措 , 感到很無耐 , 原來自己還是這麼脆弱...........突然間 , 覺得自己好冇鬼用...................

有些人說 , 女仔的眼淚是從眼中流出來的 , 而男仔的眼淚是從心中流出來的 , 呢一刻我感受到佢講緊什麼 , 原來直至呢一刻 , 我個心還是不停地流眼淚............今天是個十分不開心的日子.........

其實我仍是沒有放下她 , 或許真是我太固執吧 , 或許我真是太認真啦 , 呢一刻 , 我真係連想也不敢再想............

唔知點解 , 真係唔想見人 , 只想一個人躲在房中一個人面對自己 , 只有聽歌law.............
聽d有共鳴的歌................古巨基--必殺技 , 楊千嬅--寒舍 , 陳小春--我愛的人.........真攞命

或許當人身處這個位置時 , 就算沒有理由 , 亦可以不開心...........對嗎?

最後 , 希望她以後能夠每天都開心快樂 , 我便不用擔心了 , 起碼可以這樣......是嗎?

>>December 31, 2003 at 11:42:51 AM GMT+8

2003 年 12 月 29 日 星期一 【晴】

唔知點解 , 已經過左咁多日 , 個心依然好唔舒服 , 個心還是很痛 , 真係唔明白自己點解會咁........
d朋友話我 :你對感情太認真啦!..........我想了再想 , 這是我的優點還是缺點............我自己也不知道 , 跟住我再想 , 究竟呢個世界有冇人會欣賞我呢種認真呢.........?但我肯定 , 對於她而言 , 她一定不欣賞 , 算吧 , 自己又想多了.................

周圍的人全都用盡力要拉我起來 , 叫我應該踏出第一步 , 信心他們俾過了 , 尊重他們亦俾過了 , 還有關心 , 全都給了我...............但我個心還是這樣難過 , 真不明白為何自己會這樣.............
漸漸發覺自己有點兒沒用.................

現在我腦中 , 常想起 '幾米' 的幾句說話...................
人不是魚，怎會了解魚的憂愁。魚不是鳥，怎會了解鳥的快樂。
鳥不是人，怎會了解人的荒唐。人不是鳥，怎會了解鳥的自由。
鳥不是魚，怎會了解魚的深沉，魚不是人，怎會了解人的幼稚。
你不是我，怎會了解我。
寫得真係中.............個心仲痛..............算吧............

又到下一關啦...........除夕來了..........自己好好面對吧........!
我想我還可以唔開心的................起碼呢段時間................

>>December 31, 2003 at 7:23:50 AM GMT+8

2003 年 12 月 28 日 星期日 【晴】

呢件事發生之後 , 我想了很多 , 亦都真係感受到好多 , 無可否認 , 我原來真係有好多好真的朋友 , 呢段時間 , 我真係好低潮 , 但他們確實很快和樂意地伸手扶起我 , 可能真是這麼多年來賺回來的.........

呢件事發生之後 , 我明白了和體會了很多東西 , 原來 '快樂' 真係好珍貴 , 亦都好難得到 , 我試過完全失去它 , 那段日子真的很辛苦 , 我試過這一分鐘很快樂 , 下一分鐘很難過 , 所以我更加明白 , '快樂' 的時候要好珍惜 , 而它亦是我今年的聖誕願望之一 ; 回想起來 , 原來真係冇人幫到你 , 所有事情和自我情緒都要自己一個面對 , 真是恐怖 , 無可否認 , 我是改變得很悲觀 , 但同一時間 , 我亦變得更堅強.....

更加肯定的是 , 自己內裡是改變了 , 全個人是沉默了不少 , 亦令我發現不少的問題 , 我想我要再成熟d , 是真的 , 當你內裡的世界安靜起來的時侯 , 你的想法會清晰和成熟很多............

朋友們教訓我太不愛惜自己 , 所有的事情全都自己背負起來 , 由過去直至現在也是如此 , 才令自己傷得這麼深 , 我想了又想 , 我也不知道這是對或錯 , 可能就是我的性格 , 或許日後會改變 , 或許不會........現在自己也不知道.......

愛情觀方面 , 我仍然覺得自己是對的 , 愛情是感覺 , 責任和尊重..............

或許我想得太多啦 , 又或許是這樣 , 我才能夠改變過來.......可能這就是經歷吧 ! 算吧, 還是靜靜地再自我參透吧 !

>>December 29, 2003 at 2:57:35 AM GMT+8

2003 年 12 月 24 日 星期三 【晴】

今天是聖誕節 , 亦是我第一次寫日記的日子 , 當出面亦普天同慶的同時 , 我卻獨自在家中自閉起來 , 事實上 , 我現在真是十分的不開心.............

她走了 , 只因一個感覺 , 的確令我無比的振撼 , 我嘗試過留住她 , 但只是吃力不討好 , 直至現在 , 我仍然很愛她和錫她 , 我知道或許只愛這個人一世 , 但我知道 , 現在我做什麼 , 只會令她更加無奈和內疚 , 所以 , 我昨天跟她說了一句我極不願意的話 : 我想我要放手了..........我知道這樣或許我會背負她一生 , 我亦知道我是很害怕的 , 但我更加知道我是愛她..........或許 , 我是欠了她........算吧 , 還是讓自己安靜點吧 !

她說分手 , 其實我知道原因的何在 , 但為何直至現在 , 我連一點兒憤怒也沒有 , 是我太愛她 ? 是我內疚和知道自己的問題 ? 還是太過執迷 ? 我想連我自己也不知道............

或許我已認定了她 , 但沒所為 , 我這個想法不會給她知道的 , 或許她以為時間會淡忘一切 , 但我知道或許這會跟著我一世 , 但沒辦法la , 自己揀的 , 係要承受自己選擇的路...........

魚說 : [你看不見我的淚水 , 因為我在水中]
水說 : [我能感覺到你的 , 因為你在我當中]
或許這是我現在所想到的 , 但又有人明白我所想的嗎 ?

有時 , 我的膊頭真是很重的 , 想停下來 , 但我真的不想傷害任何一個人 , 亦不想令任何人擔心 , 思前想後 , 就讓我做一次傻仔 , 讓我一個人承受所有吧........

原來我寫日記 , 只是用來宣洩一番 , 真失敗 , 算吧 , 還是讓這個世界安靜一點吧........但知道嗎 , 我會一直愛你的 , 或許你不會知道.................

>>December 25, 2003 at 6:24:32 PM GMT+8