2004 年 5 月 26 日 星期三 【晴】

而家每日朝早都去練跑 , 希望自己個身體可以強壯d , 夜晚就會同細佬去打籃球 , 希望可以再有所進步 , 呢d生活都幾好 , 都還算充實.........

近排 , 睇過小白同亞gap 0既日記 , 佢地都話近排冇乜心機寫日記 , 哈......哈.......其實我都係呀 , 或者大家都冇乜特別0野發生0掛 , 不過點都好 , 我就始終會保持寫一兩句0既 ( just like 現在 , 哈.....哈.....) , 習慣嗎我想............

要快d搵到工 , 望係咁望啦 , 呵......呵.........

>>May 27, 2004 at 5:19:44 AM GMT+8

2004 年 5 月 24 日 星期一 【晴】

前幾日踢完波又打完籃球 , 個身體好似出現咗不少疲態出來 , 可能剛剛考完試 , 個身體未突然習慣番咁0既運動量 , 於是乎昨日要係屋企break一break先...........

應承過細佬 , 呢個假期同佢一起練跑同游水 , 好 ! 就今日開始.............

細佬話今個假期0既目標係要掂到個框 , 好 ! 奉陪到底............

>>May 25, 2004 at 3:01:35 AM GMT+8

2004 年 5 月 22 日 星期六 【晴】

考晒試 , 可以放鬆一兩日..........

前日 , 本來諗住考完試即刻走去打籃球 , 人都約實啦 , 點知 '天公不做美' , 落雨 , 激死我啦 , 不過突然記得政府個宣傳廣告呀 , 哈........哈..........冇事 , 明天會更好 ! 於是我們改變計劃 , 去咗green box唱個lunch k , 哈......哈.......有蔡浩廣係到永遠都係咁happy , 佢成日都講埋d賤0野........

昨日 , 係屋企寫吓求識信 , 諗住搵吓工做 , 之後 , 食咗lunch , 亞東打電話來 , 叫我將 <<找我>> 編番個鋼琴譜出來 , 仲要用c major , 冇辦法 , 佢叫到一定要做 , 唔係會殺頭 , 點知就係呢個時候 , 亞狗哥竟然打電話來叫我去源禾路打波 , 佢又做魔鬼 , 結果呢 ? 相信大家都估到啦 , 我梗係走咗去打波啦 , 哈......哈........呢個先係我來0既 , 最多夜晚先番來趕工0羅............

去到球場 , 撞到細佬係沙田籃球區隊d freind , 同佢地打咗三場 , 兩負一勝 , 嘩 ! 真係唔係講笑 , 班0靚仔真係勁咗咁多0既 , 幾條友仔都差唔多入到樽咁 , 自問自己宜家d實力都唔係差0架啦 , 平時同人係街場打波都仲未駛出盡全力0既 , 但係昨日 , 出盡全力都不突止 , 仲要打到我串晒氣 , 我諗如果加埋雷捷同小白都未必一定可以贏到佢地呀 !

打到夜晚8點幾 , 走人 , 約咗屋企人係沙田食飯...........

>>May 23, 2004 at 3:26:42 AM GMT+8

2004 年 5 月 20 日 星期四 【晴】

希望你知道 , 呢個世界 , 有 '得' 你先知道有 '失' , 同樣道理 , 要有 '失' 先至知道乜0野係 '得' , 呢個道理就等於係燈下面有影一樣 , 係自然定律 , 冇得改變.............

當然 , 個世界一直係到變緊 , 或者有朝一日 , 燈下面真係會冇咗個影 , 有 '得' 又未必有 '失' , 有 '失' 又未必有 '得' , 但係你就用咗一世0既心血去研究呢個問題 , 答案真係出咗來 , 但係你就一直自己係到轉圈 , 結果都係一樣 , 你都係自己困住番自己 , 又或者可以咁講 , 其實呢個世界冇變過 , 係到咗天光 , 唔駛要燈0者............

不過 , 人始終係要有陣時執著0既 , 你覺得果d 0野要執著0既時候 , 我唔在乎 , 掉番轉頭 , 我有d 0野覺得要執著0既時候 , 你又覺得唔值得 , 但係只要你仲覺得你應該執著0既話 , 你就應該忠於自己 , 不過有一樣0野要放係大前題 , 千萬唔好傷害到別人.........

>>May 20, 2004 at 5:20:35 PM GMT+8

2004 年 5 月 19 日 星期三 【晴】

得與失 , 你究竟會知幾多 , 當你答知道0既時候 , 究竟你又係咪真係知道呢 , 好多時 , 你覺得 '失' 多過 '得' 0既時候 , 過咗好耐之後 , 你先發覺你錯咗 , 原來又好似 '得' 咗好多 , 當然 , 相反0既亦都有好多 ,我都算係經歷過0既 , 而你都一定會經歷過 , 因為呢d就係人生..........

p.s : 原來vicky d 電腦知識真係有限公司來0架喎 , 間公司仲要幾細喎 , 哈....哈........

>>May 20, 2004 at 2:01:49 AM GMT+8

2004 年 5 月 18 日 星期二 【晴】

宜家寫緊日記0既時候 , 我又係係poly個圖書館入面 , 今朝先考完hydraulic , 宜家其實個人已經好累 , 個腦好似實咗咁 , 不過都係要死撐落去 , 仲有一科 ------ public health , 都係果句 , 唔想再有d 0野 , 令自己後悔 , 皆因後悔呢家0野真係好鬼死老土 , 我唔想咁 , 試過一次已經夠啦 , 哈....哈.......

呀 ! 呢幾日 , 無啦啦溫溫吓書 , 個腦忽然不斷係咁哼咗d音符出來 , 真奇怪 , 我都有將d音符記低0既 , 或者第日有用呢 , 呀 ! 不過我係到諗 , 人好多時呢 , 係一個人0既時候 , 就會有好多呢d類似0既靈感出來 , 或者寂寞夜深0掛 , 哈.......哈.........

到此為止 , 又再溫書............

p.s : 唔好意思 , 我始終認為 miki 係靚過 stephy 0既 , 呵.....呵.......

>>May 19, 2004 at 11:41:35 AM GMT+8

2004 年 5 月 15 日 星期六 【晴】

溫書溫到好累 , 聽日就考temporary work , 考完呢科 , 仲有兩科 , 星期五就考完 , 要頂埋落去 , 唔好放棄 , 只要今個sem考到3.6或者以上 , 咁就掂0架啦 , 呢個係我今個sem 0既目標.........

呀 ! 昨晚 , 同咗個friend傾計 , 又係關於佢d失戀0野 , 我發覺咗一d 0野 , 我開始懷疑 , 愛情呢家0野 , 係咪真係咁影響個人0既生活0架呢 , 老實講 , 我自己都經歷過所有0既是是非非 , 我都開心過 , 亦都傷害過 , 但係點解我個friend會咁0架呢 , 過咗咁耐 , 時間好似都冇幫過佢咁 , 見到佢咁 , 我個心都ok唔安樂 , 其實我昨晚好想鬧醒佢 , 不過我冇做到 , 我知一來鬧佢都冇用 , 佢根本唔會咁就醒 , 二來 , 見佢宜家仲係咁低落 , 我都好明白 , 亦都好感受到佢0既唔開心 , 始終自己之前都經歷過 , 所以點鬧得落佢 , 我可以做0既 , 就係一路開解佢啦 , 羅永峰成日講0既一句0野我好同意 , 當一個人冇咗愛情0既時候 , 友情真係變咗一樣好重要0既支柱 , 點都好 , 我相信時間一定會幫到佢 , 唔啱 , 應該咁講 , 我應該做番我做friend應該做0既0野.............

最後 , 我希望我係icq個info寫0既0野 , 有人睇完之後會明白我講緊乜啦.........

唉 ! 又要再溫書啦 , 到此為止 , 煩死啦............

p.s : 其實我宜家係係poly個圖書館入面 , 溫書溫到悶悶地 , 自己又諗到d 0野 , 所以先寫d 0野來抖吓 , 至於個傻gap , 又走咗去m core果邊打機 , 聽日就考啦 , 睇吓佢今晚點死 , 呵.....呵........

>>May 16, 2004 at 10:15:39 AM GMT+8

2004 年 5 月 12 日 星期三 【晴】

因為某d原因 , 重新一次過再聽晒呢幾首歌..........

好情人 , 相依為命 , 找我 , 可愛不可愛 , 到............
自己真係only鐘情於慘情0既歌 ? 再次評估過自己一次.........

丟架 twins

咖啡杯都企不穩 我忍
自稱不想我傷心 你要小心
臨別亦要那麼狠 語帶興奮
什麼他真比我襯 覺得不應該再等
傻女 為何要苦笑 明明我可以大叫
架己丟 或者就快不能了
我的信心崩潰了
終於我哭了 不必坐通宵
或者當初你只貪我喜歡笑
你我早已失去這需要
當街痛哭了 不好意思打擾
或者應該親口請你快走了
好走了 讓我知道我們完了
小心摸親你的手 你知
大家相識那麼久 我哪知醜
寧願撥去你的手 怕你一踫
十打紙巾不會夠 淚一點出不會收
誰管 明晨眼腫了會怪我的氣量窄
福氣少 大癲大肺玩完了
甚至化妝都不要
好彩我哭了 不必坐通宵
或者當初你只貪我喜歡笑
你我早已失去這需要
當街痛哭了 不好意思打擾
或者應該親口請你快走了
好走了 讓我知道我們完了
Let it flow Let it flow
I can't control So let it flow
Let it flow Let it flow
I lost my soul So I'll let it go
好彩我哭了 不必坐通宵 或者
當初你只貪我喜歡笑
你我早已失去這需要
當街痛哭了 不好意思打擾 或者
應該親口請你快走了
可走了
讓我知道我們完了 沒了

p.s : 佢地唱得唔係咁好 , 好似有d浪費咗首歌 !

>>May 13, 2004 at 1:56:53 AM GMT+8

2004 年 5 月 10 日 星期一 【晴】

聽日就來料 --- 第一科考試 , 要努力 , 加油 , 奮鬥 !

今日朝早 , 晨咁早就起咗身 , 呵.....呵......係六點幾 (後來番到poly , 先知道原來亞gap仲變態 , 五點幾就起咗身 , 仲要晨咁早就番咗poly , 不過唔係溫書 , 係去咗m core打機) , 哈 ! 細佬又咁啱起埋身喎 , 於是乎我地決定要做d激0野發洩一吓 , 我地跑咗去第一城打籃球 , 冇錯 , 係兩個傻仔晨咁早玩跑步 , 然後再打籃球 , 之後 , 同細佬one on one , 話明邊個輸咗要請食早餐............結果 , 今日我有免費麥記早餐食..........番到屋企 , 沖完涼 , 成身鬆晒 , 之後走去入d歌落部新買0既mp3到 (冇錯 ! 的確好新 , 昨日先買0既) , 十一點幾 , 番poly溫書...........

我發現咗一樣0野 , 原來miki都幾靚0架喎 , 呵.....呵........唱歌都幾好聽呀..........

我未驚過 miki

有個人好愁 懷恨在心頭 何以談情亦欠對手
恐怕在老後仍清風兩袖 信心何日已失守
也有一些人 遇正了衰神 和你談情沒有句真
好戲做過後才貪新厭舊 自尊平白已傷透

失意的請撐起 誰若共你別離
是他根本配妳不起 趁有空再增高
能為自我驕傲 誰也會樂意抱抱

就是從未拍拖 也都很快樂
請抱緊信心 耐心等一個
期待過 沉寂過 才會遇著最稀罕

妳怎可以撥熄信心的星火　
若共誰沒結果 也不需怯懦
當見識更多 換高級的一個
曾受騙 曾受創 才會閱歷更加多
縱使今晚黑孤單一個 都未驚過

p.s : 我仲發現咗一個驚世0既秘密 , 原來poly圖書館四樓 , 有個女仔勁似stephy喎 , 仲要佢都係住沙田喎 , 你話利害唔利害 , 亞gap識做啦 , 以後靠晒你0架啦 , 呵.....呵.......

>>May 11, 2004 at 1:23:22 PM GMT+8

2004 年 5 月 7 日 星期五 【晴】

係到睇 <<只能談情 , 不能說愛>> , 好辛苦先睇完 <<找我>> 同 <<零藉口>> , 一句講晒 , '正' , 不過入面d故事真係幾現實 , 應該咁講 , 佢講晒現實世界中0既慘..........

同亞gap分享咗d 0野 , 都幾認同佢講d 0野 , 我知自己做緊d乜0野............

前幾日 , 溫得太多書 , 要做d運動 , 於是走咗去打籃球 , 呵.....呵......手風勁順 , 射親都入 ,包括三分 , 不過 , 只係果日0者.........

好 ! 快d考完試 , 我想同雷捷 , 仲有小白 one on one , 唔知點解 , 以前根本唔敢同佢地one on one , 但係宜家真係好想同佢地比試吓 , 想知道自己宜家究竟係邊個level , 就算輸咗都唔緊要.......

要加油 , 溫書 , 溫書 , 再溫書..........千萬唔好放棄 !

>>May 8, 2004 at 11:37:31 AM GMT+8