2004 年 2 月 21 日 星期六 【晴】

今日 , 一次過 , 留係屋企睇咗三套戲 , <<無間道3--終極無間>> , <<豪情>> , 仲有 <<忘不了>> , 其中 , <<忘不了>> 呢套戲 , 令我印象最深刻 , 其中有幾段戲中的對白.................

張柏芝 : [ 忘不了 , 還是忘不了 , 到最後 , 忘了忘不了......] , 最初一d都唔明點解 , 再度三思 , 終於明白 , 俾咗我好多共鳴.................

仲有一段..............
劉青雲 : [ 你究竟係感激我 , 定還是鍾意我呀 ? 究竟你當咗我係佢 , 定係我當咗你係佢呢 ? ] , 一樣令我得到一些啓發..................

之後 , 聽埋首主題曲 , 覺得幾有道理 , 好相似............

忘了 忘不了 張柏芝

離別你身驅 無論跟他怎相對
仍然像躲於你影子裡
留在你家居 從獲新生都失去
是否生死永久一對

我蔽上眼聽見你呼吸
如何遺忘一分一秒 印象更真實 (只會更真實)

忘記是極殘忍
傷口中很辛苦 不似真
默默念著又惹起前塵 飄和塵
然後每晚再不敢開燈
殘忍 思憶中洗不去 夜已深
活著睡著共你都彷彿深深抱緊
原來這一種孤苦都算 心心深印

忘了記得起 寧願堅忍不想你
或可遷居到他雙臂

夜晚 , 還是自己一個人走咗去第一城到打波................

>>February 22, 2004 at 3:26:14 PM GMT+8

2004 年 2 月 20 日 星期五 【晴】

昨晚 , 自己走咗去第一城打波啦 , 鬥咗幾埸波 , 其中一場 , 打21分 , 打到19比17 , 自己果隊head住對方2分 , 點知當我hold住個波0既時候 , 仆街啦 , 俾波仔偷咗個波 , 仲要入埋 , 要打加時 , 再鬥7分 , 跟住打到6比6 , 頂 ! 又對住波仔 , 唯有立即起手 , 好彩入咗 , 贏埋 , 如果唔係 , 實做 '受傷的男人 , 俾人丙獲甘'.................之後 , 坐係到抖緊 , 同肥叔傾咗一陣計.................佢話我 : [ 森仔 , 其實你同波仔都已經差唔多 , 但你知唔知自己仲同佢差d什麼 ? ] 我答唔知 , 佢話 : [ 你硬係俾唔到人有一種 '一夫當關' 的感覺 , 而波仔就得 , 當你拍住d勁人0既時候會發揮得好好 , 但一拍住d冇咁勁0既人 , 你就唔掂 , 呢樣0野 , 係因為你太倚賴人 , 同埋你對自己好冇信心 , 呢樣0野 , 係你d衰0野 , 唔單止打波係咁 , 連做人亦是如是.......] , 我冇講什麼 , 因為自己也承認他的說話..............

回到家 , 發生咗d事 , 好似俾人誤會咁 , 原來俾人誤解的感覺 , 真係一d都唔好受 , 同小白一樣 , 由得佢 , 要誤會既講多一句都晒氣 , 什麼也只會愈描愈黑 , 我就係咁固執...............

今日 , 早上 , 要番poly出去site visit , 之後再番poly , 撞到思圓 , 佢話我好似大隻咗好多 , 呵......呵........梗係啦 , 宜家晚晚都走去打波 , 點都有d收穫0既 , 其實以前細個一直都有係第一城打波 , 不過呢幾年掛住拍拖 , 所以少去咗 , 宜家又多去番 , 然後再上去琨仔屋企傾吓計 , 陪吓佢打機 , 雖然好唔想入馬鞍山 , 都係果句 , 幫到的我會去幫 , 然後同琨仔 , 亞gap , 仲有7輝 , 去咗留下踢波 , 休息緊時 , 同佢地傾咗幾句 , 講起昨晚肥叔咁樣形容我 , 琨仔有咁0既睇法 , 佢話我唔係冇 '一夫當關' 的感覺 , 只不過我太過為其他人方面去著想 , 哈........一d都唔明 , 之後我問亞gap明唔明 , 因為我都唔係好同意 , 亞gap就話 , 表面睇好似理性地唔係 , 其實骨子裡就是這麼的一回事..............夜晚8點幾 , 出番去陪亞爸食飯.............

番到屋企 , 將昨晚想到的所有事情同她講 , 希望她明白 , 唉 ! 她覺得我好唔明白她 , 好唔理她 , 但係其實我已經盡咗力 , 有d0野 , 我做咗 , 真係唔想俾她知 , 做了便做了 , 其實一直以來 , 我做的事 , 都是以她為大前題 , 或者好多人唔認同我0既做法 , 包括她在內 , 但係我真係真心盡咗力啦..........有d0野 , 俾d時間我啦............我壓得真係好辛苦呀.............

今日 , 仍然是一直背負著那份感覺 , 一種自責的感覺 , 沒完沒了.................

想起這首歌來..............

因為愛上了 楊千嬅

也許是你修長的手指尖
也許是你突然笑起來的感覺
輕靠著你的肩 我已經不在乎 靠不住的永遠

有時候不知不覺會流淚
有時候覺得對你完全不了解
寂寞很安全 但我寧願冒險
看不到的明天 只要 看得到你

因為愛上了 什麼都捨不得
為了愛心疼 說真的我很快樂
你也許不會是我 牽著手 走到最後的人
那又如何 思念是誠實的

因為愛上了 什麼都原諒了
愛到哪一天 自己都不敢保證
我們之外的別人
不會懂 我這樣的選擇 那又如何

雖然有時在懷裡 你的眼神遠遠的 我沒有多問

我就是愛上了 我就是認真了
有什麼不對呢

>>February 21, 2004 at 5:45:43 PM GMT+8

2004 年 2 月 19 日 星期四 【晴】

今日 , 一開電腦 , 雷捷send咗個website俾我自己睇 , 話幾有意義...............於是我開咗來睇睇..........

---------------------------------------------------------------------------------------------------
我相信大家一定見過這個問題,不過重點反而是那背後意義,希望大家喜歡....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一天晚上，你一個人開著一輛雙
人座的跑車，行駛在郊外，發現不遠的前方有三個人在向你攔車，而你的車只能搭載
一個人，你會怎麼選擇？

a：一個身患重傷的老奶奶
b：曾經是你救命恩人的醫生
c：你夢寐以求的夢中情人
先想一下你會怎麼做，再往下看喔。

*
*
*
*
*
*
*
*
*
*
*
*
*
*
你可能會選擇a發揮你的愛心

也可能選b報答他的恩惠

或成全你的夢想選c

可是………………………


你有沒有想過能有更好的方法呢？

把你的車交給醫生讓他載老奶奶去醫院，然後跟你的夢中情人漫步在月光下。

許多人想不到這種完美的結局，原因是因為你放不下手中的方向盤（權力），你會侷限在所有權的框框裡，車子是我的；房子是我的；口袋中的錢是我的，忘記了（捨得），忘記了捨得的真正涵義「有捨才有得」

另一項的另類思考：人活在充滿選擇的世界裡，早就忘記了如何去突破僵局。

為什麼一定要將就別人給你的框框呢？當你陷在左右為難的十字路口時，難道就一定 要選擇別人建好的道路嗎？拋棄這個觀念吧，你也可以為自己見一條更好的道路啊！

閉上眼睛深呼吸~~~~心中倒數三、二、一

不要轉身不要逃避~~每件事都會有轉機

一定要堅強、要努力~~~~
----------------------------------------------------------------------------------------------------------
睇完之後 , 呆咗一陣 , 然後不自覺地 , 眼潮了 , 唉 ! 真不明白自己為何近期會這樣眼淺 , 不過 , 真係要好多謝雷捷同小白 , 佢地俾咗我好多啓發我 , 我會好好思考下去..............

夜晚 , 仍舊是這樣獨個的走到第一城去打波 , 因為這是我全日最感到舒暢的時候..................

今日自己的主題曲...........

自由行 楊千嬅

當我在蒙馬特 看遍滿街的馬戲
無端卻自覺 太自由 再也變不出驚喜
避了你至少 幾千百公里
原來為了讓你不要再度被提起
遇不到他 怎夠狠 放得開你
願我那尾站 在馬德里

傷心就旅行 盼會遇上安份 在地球盡處共我擁吻
最怕世上遊遍 發覺沒有此人 冰島也沒有避世的小鎮
一生在旅行 買票預了雙份 站站停下最後也空等
畢竟也自由過 算有幸有不幸
當作四出消遣散心 預備六十六歲初吻

巴格達莫斯科 發覺我一早去過
如果放病假 會復原 假已放得這麼多
大概也夠鐘 想想到底我
沿途扮夠任性 需要坐定下來麼
負傷出走 荒野中露宿的我
下個聖誕夜 又要怎過

要是我 抱著那 漂泊的心 路途上 任誰亦 覺不合襯
難道我走上露台賞燈 未察覺原來樓下有人
傷心就旅行 盼會遇上安份 在地球盡處共我擁吻
最怕世上遊遍 發覺沒有此人 親手破滅最後那天真
一生在旅行 買票預了雙份 站站停下最後也空等
今天決定回去 痛快地坐一陣 最愛縱使真的要等
靜靜坐著亦會走近

>>February 20, 2004 at 12:12:25 PM GMT+8

2004 年 2 月 18 日 星期三 【晴】

昨晚 , 同小白傾完計 , 其實每次同佢傾計 , 佢總會講咗一兩句好中的說話 , 亦都講咗一兩句令我好深思的說話 , 昨晚亦都唔例外.................一個列車埋站的比喻 , 值得令我深思..........仲有佢與我相似的遭遇 , 令我感到很親切 , 亦對我幫助很大.........明白 , 要意志堅定..............

今日 , 要接受訪問 , 所以今日要著得大體少少 , 呀 ! 唔係 , 應該係型少少 , 不過之後對住槐鏡 , 自己覺得有d怪怪地 , 呵........呵...........

夜晚 , 同樣地自己一個人走咗去第一城打波 , 呢段時間係我最安定的時間 , 唔知幾時開始 , 我同那裡的人玩埋一堆 , 起碼我覺得來這裡的人 , 目的只有一個 , 只是打波 , 亦都係這裡 , 我開始重拾自己的自信...........

要同自己講 , 唔好再做on9 0野啦 , 唔係呢兩個月來做d0野都會白費晒.............

記得小白話要同我 one on one , 睇吓我進步到怎樣 , 好 , 一言為定 , 仲有一樣 , 我都想搵雷捷one on one , 睇吓同佢差幾遠 , 話晒佢都係poly校隊 , 又係死 '高' 佬............

呀 ! 其實我一直有一個想法 , 如果我 , 小白 , 雷捷 , 亞蘇同羅永峄組成一隊 , 究竟會點樣呢 , 會唔會好強呢 ? 我真係好想睇吓 , 我們幾個好似從來都冇試過五個人同一隊過 , 希望有一日可以試吓啦 , 不過 , 小白就認為唔會點強 , 因為我們沒有什麼戰術可言 , 都係0既 , 呵.....呵......某程度上 , 我們幾個都幾 '各自為政' , 唔.....不過我覺得 , 只要我們一有默契 , 便會變得幾強吓...........

今天 , 還是背著那份內疚感 , 不過沒有辦法啦 , 我都唔知點啦 , 哈............哈..........小白 , 放心吧 ! 我明你邁什麼..............

>>February 19, 2004 at 1:48:15 PM GMT+8

2004 年 2 月 17 日 星期二 【晴】

下午 , 同小白傾咗幾句電話 , 因為自己有d事情不能解決 , 想問吓他的意見...............他逼我想了一個很重要的問題 , 一個非常關鍵的問題............'你究竟仲係咪好鍾意她 ?'...........之後 , 我坐低下來想了好耐好耐 , 諗咗好多好多0野 , 然後 , 我得出了一個好清晰的答案-------- [係] , 小白話夜d再搵我認真地談談...............

之後 , 搵番d舊歌聽吓 , 結果係到聽咗好多黎瑞恩的歌 , <<雨季不再來>> , <<愛你一定快樂>> , <<舊愛新歡>>.................之後聽到呢首................

認真 黎瑞恩

於這一次被吸引 因這個是你 因這種氣氛
你起初 不惜一切來走近 促使我沒再思想中鬥爭

情深 愛得天昏也地暗 如今 離愁才是最刻骨銘心

曾認真 曾著緊 無奈你更加愛別人
情像約滿 再沒實行 辭行用語是那麼狠
曾認真 曾犧牲 誰令到我心向下沈
不應想你 但我又未能 唯有哭泣裡劇震

於這一次極悲憤 因主角是我 因這失意感
愛起初 總驅使情人興奮 真想你共我可相依這生

跟住再聽到呢首歌..............李克勤的 <<舊生會>>........

'曾一起手拖手卻變成分手
熱熾火花燒光後難以白頭
人物有 場地有 緣份卻跟你沒有
只要讓你愉快便夠 自願鬆手
就算始終很喜歡 也太難開口
面對你有男朋友 我又怎麼跟他搏鬥
其實我 從沒法接受放得低這女友.............
熱愛已不再擁有 舊愛的本份誰想安守
不想再配合你 扮自然當密友
閒話然後無話 想兜圈遠走.............'

之後 , 走去睇亞ming個dairy , 睇吓佢近排點 , 點知睇到d0野 , 俾咗我好大振撼.....................
原來 , 我一直都是這樣差的 , 開始有點兒連自己都看不起自己了...........

做咗一d好on 9 0既0野 , 自己都睇唔起自己 , 曾認為這是最後一樣為她做的事情 , 可以令她冇咁內疚 , 但今日自己一手走去打破它 , 做咗兩個月來0既0野 , 白費晒 , 仲話為她著想 , 唉 ! 自己真係無鬼用..............

唉 ! 算吧..............想和小白談一會兒............

>>February 18, 2004 at 11:28:54 AM GMT+8

2004 年 2 月 15 日 星期日 【晴】

今日之前 , 本來諗住放學番屋企 , 再走去第一城打波 , 或者搵小白佢地食飯 , 點知唔可以啦 , 要趕住幫亞東同小春大哥錄埋 <<相依為命>> 0既劇場版 , 於是放咗學 , 就要由poly去咗荃灣搞錄音d0野...............

入到band room , 坐埋個琴到 , 開始彈首歌個introdution , 突然之間 , d琴音勾起我腦海一幕一幕的情境....................

想起他們教訓我時的說話................
小白 : [ 呢d0野冇人可以幫到你 , 要你自己去醒............. ]
亞gap : [ 咁你想點呀 , 唔通你一世都咁落去 , 如果係 , 你不如死咗去啦.............. ]
思圓 : [ 你放棄啦 , 你冇0野可以做0架啦..............]

'旁人在　淡出終於只有你共我一起
仍然自問幸福雖說有陣時為你生氣
其實以前和你互相不懂得死心塌地
直到共你渡過多災世紀..........'

想起聖誕節 , 除夕 , 年初三 , 仲有 1月26日............

'即使身邊世事再毫無道理　
與你永遠亦連在一起
你不放下我　我不放下你
我想確定每日挽住同樣的手臂
不敢早死要來陪住你　
我已試夠別離並不很淒美
我還如何撇下你..........'

想起danial咁就 '瓜' 咗 , 仲有和她分手時的情境同她的說話.............

'年華像細水沖走幾個愛人與知己
抬頭命運射燈光柱罩下來剩我跟你
難道有人離去是想顯出好光陰有限
讓我學會為你貪生怕死...........'

想起自己同思圓 '哦' 過d低b說話 : [唉 ! 其實我只係想搵個人安安定定 , 咁都做唔到 , 真失敗..............]

'即使身邊世事再毫無道理　
與你永遠亦連在一起
你不放下我　我不放下你
我想確定每日挽著同樣的手臂
不敢早死要來陪住你　
我已試夠別離並不很淒美
見盡了　雲湧風起　還怎麼捨得放下你..........'

想起他們一直同我講過的說話............
小白 : [ 喂 ! 你冇0野呀 , 出來傾計啦 , 我好得閒喎 , 唔好將d0野屈起個心到啦............]
羅永峄 : [ 唔好係我面前呈強啦 , 你有0野就講出來 , 唔好屈起個心到 , 好多人擔心緊你 , 你要坐係到坐到十一點 , 我就陪你坐到十一點 , 你唔番屋企 , 我就唔番屋企攞................]
亞gap : [ 我宜家冇0野可以幫到你0架 , 我淨係可以坐係到聽你講0野............]
雷捷 : [ 喂 ! 唔好再彈 <<安靜>> 啦 , 首歌咁慘 , 反而有本書幾啱你睇.........]
亞john : [ 故事就講咗啦 , 明唔明就睇你啦............]

'證明愛人又愛己　何以要那麼悲壯才合理
即使身邊世事再毫無道理　
與你永遠亦連在一起
你不放下我　我不放下你
我想確定每日挽著同樣一雙臂
不必挑選我們成大器
當我兩個並無冒險的福氣
見盡了　雲湧風起　還怎麼捨得放下你................'

最後一句 , 想送番俾我d朋友們 , 尢其係小白同羅永峄...........

'我們　仍珍惜這啖氣...............'

什麼 '氣' , 就係簡簡單單0既義氣攞 , 小白話每一首歌的歌詞背後都有一個故事和意思 , 咁又有幾多人知道呢首歌背後個故事呢 ? 以前 , 我只係喜歡同欣賞呢班朋友 , 但宜家呢 , 仲要多咗感激 , 關心同埋重視................呢幾個月 , 真係發生咗好多0野 , 真係唔係好頂得順 , 好似過咗十年咁............

首歌真係谷咗我好多心底0既感覺 , 仲有自己經歷過d事情 , 想起那些無助感 , 隻眼有d眼濕濕 , 不過我都仲可以死忍住 , 唯有將d感覺放係個琴到 , 彈完第一次 , 走咗入厠所 , 對住塊鏡 , 望住自己 , 等自己再ready好 , 出番去 , 點知亞東話之前唔得 , 要再來過 , 唉 ! 冇辦法啦.................

之後 , 亞爸約咗我係沙田食晚飯 , 跟住我自己一個人行咗一陣 , 想靜靜地諗吓0野 , 於是亞爸番屋企先..............

>>February 16, 2004 at 4:20:56 PM GMT+8

2004 年 2 月 13 日 星期五 【晴】

今日早上 , 係到練結他和彈琴 , 呵.........呵..........彈琴 , 就冇難度 , 但結他就.......一個字 ----- '死'............心情還是不大好................

下午 , 又是這樣的一個人走咗出去第一城打波 , 點知自己係到練咗個幾鐘波後 , 又見番果個高佬 , 佢走埋來 , 奇怪啦 , 佢同我講 '對唔住' 喎 , 哈....哈......真係俾佢打咗個 '突' , 跟住咪同佢鬥咗幾埸波攞 , 唉 ! 佢就6尺幾 , 我就5尺7 , 始終敵不過佢d入樽 , 累死啦....................之後 , 坐係埸邊休息 , 佢突然問我可唔可以同佢傾吓計 , 當然係求之不得啦 , 其實之前見佢個樣都好似唔係咁開心 , 幫到實幫0既 , 之後 , 佢同我講 , 佢女朋友同佢分咗手 , 同咗第二個一起......我心想 : [吓 , 唔係話 , 搵我講呢個話題 ].......之後 , 佢話佢宜家好嬲佢女朋友 , 又好傷心...............

佢同我講咗好耐 , 佢話唔想俾識得佢0既人知 , 我一路都冇講什麼 , only對住佢講 '明白' , 因為我知宜家同佢講什麼也是沒用的 , 佢好唔開心亦都係事實...............

佢問我點做 , 咁我就講 : [首先 , 我覺得你唔應該嬲佢攞 , 當然你宜家的心情我好明白 , 你放縱一下自己亦可以0既 , 不過我就覺得如果你真係鍾意佢 , 就唔會咁計較佢點做 , 然後你真係會嬲唔落佢 , 仲有 , 佢同你分手 , 你一定要自己好好咁反省吓 , 自己一定有問題 , 呢個問題或者你找到出來 , 又或者你呢一世都搵唔到出來 , 做男仔 ,有番d責任感好d0既..............] 跟住佢話 , 自己會好辛苦 , 佢好想仲去關心佢 , 我答 : [都係0架 , 不過你要知其實個女仔都好內疚 , 你係男仔 , 要照顧埋佢呢點0既 , 如果你真係鍾意佢 , 又唔怕負出少少 , 你可以扮嬲佢0既 , 同佢講叫佢唔好再搵你 , 咁樣一來可以令個女仔冇咁內疚 , 二來可以比大家靜吓 , 如果你仲走去關心佢 , 佢會仲更加內疚同唔知點咁........] 哈............宜家諗番 , 咁同佢講有d低能 , 不過這只是我自己少少的體會............諗起楊千嬅的說話 , 做人要經常為著別人那邊著想 , 有時大智若愚 , 忘記智商去做人都願意........

跟住 , 佢冇講0野 , 我再講 : [ 其實如果你真係咁做 , 好似令到大家變咗兩個世界0既人 , 但係唔緊要0既 , 只要你有時知佢有事 , 其實你都可以靜悄悄咁幫佢 , 唔駛俾佢知 , 咁樣咪仲好攞.........] 佢跟住佢同我講話好掛住個女仔 , 哈.....哈.........終於講出真說話 , 我答 : [ 如果有d人叫你忘記佢 , 佢地就傻0既 , 你又唔係失憶 , 點會忘記到 , 掛住佢係正常 , 唔好怪自己 , 亦都唔駛強行叫自己去面對佢 , 因為現在你根本做唔到什麼 , 所有0野都慢慢來啦.............] 佢再問我 , 話個女仔有冇機會番轉頭 , 我就答 : [ 我真係答唔到你 , 不過你呢一刻會諗住等佢 , 但過多一陣 , 你的想法會唔同咗 , 男仔通常自尊心都係大d0既 , 一張紙 , 佢撕掉咗就撕掉咗 , 永遠都唔可以變番原本咁...............] 我跟住問佢明唔明 , 佢話唔明 , 哈........哈...........我心想 , 佢一定會明 , 因為佢遲d就會經歷到 , 正如小白明我諗什麼 , 因為佢同我都經歷過..............

之後 , 佢問我有冇女朋友 , 我答冇 , 佢再問我鍾意邊種類型 , 我心想 : [ 嘩 ! 咁八卦0既............] 然後自己諗咗一陣間 , 就答 : [ 要好似楊千嬅一樣咁靚 , 呵........呵...........] 點知佢話楊千嬅一d都唔靚 , 頂佢啦 , 楊千嬅唔靚 , 唔通佢亞媽至靚 , 跟住我地一起笑出來 , 然後我就番屋企 , 都好 , 佢最後都仲識笑................其實一路同佢傾計 , 就好似回憶緊自己做d0野.............

番到屋企 , 要整水喉 , 呵........呵...........話晒都係讀civil , 緊係難唔到我 , 點知我鋤吓鋤吓個厠所地下 , 突然間 , 仆街啊 , 我鋤穿咗下面層樓條 '燈喉' , 好彩下面個屋主同亞媽唔知 , 唔係實俾人炒上天花頂 , 跟住 '0拿0拿諗' 用d玻璃膠埋番佢 , 再用d白英泥封番個口 , 咁就ok啦 , 呵............呵............好彩................

至於細佬 , 佢又春心動啦 , 搵到個準女朋友啦 , 細佬俾咗我近排張相俾個女仔睇 , 點知個女仔話我靚仔個細佬 , 仲話我個look好似v6其中一個成員 , 呵..........呵 , 我細佬當場 'bear' 咗一句...........

今日 , 依然背著那個感覺 , 冇辦法啦 , 咪唯有和 '它' 相依為命攞...................

>>February 15, 2004 at 5:12:56 AM GMT+8

2004 年 2 月 12 日 星期四 【颳風】

今日 , 早咗番poly , 去咗圖書館坐陣 , 想靜靜的自己諗吓0野..........突然間 , 想作首詩來形容吓自己的宜家的心情和想法.........

想不盡 , 說不出 , 日時對著別人唯獨笑 ,
哭無言 , 淚無窮 , 夜時背著別人愁更愁

哈......哈....都形容得幾好0既...............

唉 ! 都話咗根本冇人明我諗緊d什麼 , 個個成日同我講 , 話叫我如果真係鍾意她 , 唔等於要同佢一起 , 唉 ! 你估我唔知同唔明咩 , 如果唔係 , 我都唔會咁做啦 , 有d0野我做咗唔想講出來 , 做咗就做咗 , 自己知就算..............我宜家唔開心 , 唔係因為同佢分咗手所以唔開心 , 係因為我一直都好內疚 , 成日想起她分手時同我講話我好唔諒解她 , 每次想起她這句說話 , 個心就好實 , 好內疚 , 佢講得好啱 , 所以我覺得自己好冇用 , 好差 , 好似面對唔到她 , 仲有自己...........唉 ! 算啦 , 唔想諗起 , d眼淚又是不自然的滴下來..................都話啦 , 根本冇人明我諗緊d什麼 , 唉 ! 算啦 , 況且我都唔係好想有人明白我想什麼 , 他們鐘意想什麼便想什麼..........

今日 , 係屋企整完0野 , 又是這樣的獨個走到第一城打波 , 點知無啦啦 , 有個6尺幾寸0既高佬走來話要鬥波 , 仲無啦啦 'bear' 住我 , 頂佢啦 , 高就大q晒呀 , 自以為是 , 呢個世界有d0野叫偷波同速度 , 結果最後贏咗佢 , 我心情都唔係咁好 , 於是我最後怒 'bear' 番佢 , 頂佢 , 佢太過份啦.......不過宜家諗吓諗吓 , 我d對抗性幾時變得咁大0既 , 今日好似惡咗少少............自己都唔知.............第一城d亞叔話睇住我打得愈來愈進步 , 話我宜家打得好 '狠' , 我心想 , 梗係啦 , 日日係咁打波 , 功力梗係非同少可 , 況且以前未分手前 , 好驚再整親隻左腳 , 但宜家自己唔想理咁多 , 一切都話之佢啦 , 我只係想發洩一吓 , 咁咪好似好 '狠' only , 哈...........哈....不過前幾日番poly覆診 , 個醫生叫我唔好再太劇烈0既.......呵.......呵...........話之佢

宜家 , 迫住要學緊彈結他同打鼓 , 仲要學埋怎樣用電腦來編曲同作曲 , 希望遲d可以做到d0野............

現在 , 我想所有事情都是自己面對吧 , 同人講都冇人明 , 算啦 , 我已經開始唔想再有人明啦 , 由得它吧............

>>February 13, 2004 at 6:12:02 PM GMT+8

2004 年 2 月 11 日 星期三 【晴】

今日 , 羅永峄同我傾計..........

佢叫我唔好對住佢呈強 , 係頂唔順就講出來 , 佢話知我辛苦 , 好唔開心..............我一直都冇答過佢一句.............

佢再講 , 話我宜家的情況 , 就好似將自己放係中心 , 然後在周圍築起四面牆 , 困住自己係裡面 , 唔俾人知自己的內心世界 , 亦都唔想與外界溝通 , 佢話好多人好擔心我 , 佢話我同以前唔同晒 , 變得好沉默................我仍舊是冇答講一句 , 心想 , 是但啦 , 外界想怎樣想便怎樣想 , 況且自己也同意佢講法...............

都好呀 , 好似已經唔記得怎樣笑同快樂了............哈........哈.........是但吧...........

佢最後叫我 , 唔好再背負個自責感呢個包袱啦 , 它會跟著我一世 , 我想 , 是但啦 , 有d0野 , 就係咁啦 , 我還是沒有應他一句.............

>>February 12, 2004 at 7:07:53 PM GMT+8

2004 年 2 月 9 日 星期一 【颳風】

昨晚 , 去咗睇楊千嬅第三次個人演唱會 , 仍然是這麼的令人感動....................想到很多事情 , 得到很多得著..................

首先 , 真是要多謝亞gap呢條友 , 佢一向都唔係太過欣賞楊千嬅的 , 但當我叫佢陪我睇她的演唱會的時候 , 佢二話不說便答應 , 之前仲陪我睇 <<花好月圓>> , 佢都算係咁啦 , 諗諗吓 , 都算係咁大個仔 , 自己一點一滴賺回來的............哈.............不過昨晚睇完她的演唱會的時候 , 我覺得佢漸漸like楊千嬅啦...........哈............事實上 , 她的演唱會每次都有一個很感人的共通點................

高難度表演 , 五光十色 , 緊張刺激的舞台表演 , 哈.........哈.............將全部欠奉 , 有的 , 只是她很有感情地唱好每一首自己的歌 , 這便是我一直like她的原因 , 她昨晚令我覺得很感動啊 , <<狼來了>> , <<再見二丁目>> , <<愛人>> , <<洋蔥>> , <<有發生過>> , <<野孩子>> , <<假如讓我說下去>> , <<木偶奇遇記>> , <<自由行>> , <<小星星>> , <<可惜我是水砰座>> , <<飛女正傳>>....................全部都是一首歌一個故事 , 啓發了我想到很多東西................當她唱到 <<明年今日>> 的時候 , 唔知呢 , 我同亞gap都有dd眼濕濕...............佢唱得好有感情 , 比到很多人好多感觸 , 我同亞gap都一致認同 , 她一定自己也經歷了一些事情才可以唱得這麼有感情 , 小白講過 : [一首歌一個故事......] , 楊千嬅呢 , 唱得一首歌一個故事 , 而我自己呢 , 聽得一首歌一個感覺 , 還有她當中講過的幾句說話 : [做人要經常為著別人那邊著想 , 有時大智若愚 , 忘記智商去做人都願意.........] 對 , 很認同她呀 , 其實我自己一直也是向著這個目標一直走著呀 , 哈..........哈.......不過還是未能做到呀...........佢講0野真係幾有道理 , 用心做好目前的工作 , 哈.......哈...........唔係點 <<相依為命>> 呀 , 哈......哈.........你們明未 ?

今朝起身 , 戴con番學 , 點知突然之間 , 隻con裂咗 , 仲要我only拿番一半出來 , 另一半留起隻眼到 , oh ! shit.............痛死我啦.............即刻走咗去眼鏡舖到求救 , 條友於是用綿花棒同我整番出來 , 好彩.................唉 ! 不過要買過另一對con , 又 $650..............

>>February 10, 2004 at 1:48:22 PM GMT+8