2004 年 7 月 27 日 星期二 【晴】

昨晚深夜 , 有個friend打俾我 , 搵我吹咗一陣水 , 的而且確 , 好耐都冇同佢地講0野 , 傾咗幾句 , 覺得好似已經同佢地好陌生咁........

佢地大概沒有多大0既改變 , 同我中二0既時候一樣 , 還是繼續生存係那個圈子中 , 還是過著那些日子 , 可以咁講 , 佢地有過之而冇不及........

呢個friend問我宜家0既近況點樣 , 我將大概近期0既事情講咗俾佢聽 , 佢聽後 , 只淡淡說出了一句....
'你變咗 , 已經唔係以前果個你啦 !'

這個是當然的 , 我唔係再係果陣時果個完全唔諗0野0既0靚仔 , 一d後果都唔諗 , 做咗先算 , 宜家 , 起碼我知道乜0野叫分串 , 我應該做d乜0野.......

好奇怪 , 曾幾何時 , 佢地果個圈子 , 我亦都身處其中過 , 但係今日再聽番佢地d近況 , 竟然覺得好似好大段距離咁 , 有點兒覺得可怕.......

不過點都好 , 佢地都係我d好好0既朋友 , 呢樣0野冇變過 , 因為我知佢地都係好人來.......

呢d 0靚仔0野 , 自己已經好耐沒再想過 , 昨晚拿番出來講 , 得咗一個幾奇怪0既感覺......
'細個一d 0既經歷 , 大個睇番 , 有一種說不出0既感覺出來....'

>>July 28, 2004 at 3:50:59 AM GMT+8

2004 年 7 月 26 日 星期一 【晴】

我以為 , 愛情 , 是一種 , 秘密......
來不及 , 說愛你 , 自己也 , 忘記.....
只因為 , 軟弱 , 還讓我 , 犯了錯.....
等一切 , 謝幕 , 還有誰 , 原諒我.....
忘記了 , 相遇 , 是一種 , 心理.....
來不及 , 去擔心 , 愛已經消失.....
只因為 , 軟弱 , 不覺人 , 犯了錯.....
等一切 , 謝幕 , 還有誰 , 原諒我.....

今日一早 , 同咗亞gap睇早場 , 睇 <<煎釀三寶>>..........

>>July 27, 2004 at 9:03:30 AM GMT+8

2004 年 7 月 24 日 星期六 【晴】

今日 , 係我自己0既sport day....

朝早 , 自己走咗去樓下游水 , 一口氣游咗幾個直池 , 游完 , 串晒氣 , 先發覺自己0既體能真係比以前細個差咗好多........

夜晚 , 同咗亞gap , 琨仔 , 仲有七輝係沙田排頭村踢波 , 踢到夜晚11點幾 , 之後同咗亞gap去食0野 , 然後番屋企.....

我覺得 , 如果個人係唔開心0既話 , 就做吓多d運動 , 咁樣未嘗唔係好事來......

>>July 26, 2004 at 12:08:50 PM GMT+8

2004 年 7 月 23 日 星期五 【晴】

昨日 , 同亞gap去咗會展0既書展 , 佢就一早出發先 , 因為佢想拿 '芝c姑bi' 0既簽名 , 而我呢 , 一來唔會咁早起身 , 二來我想睇埋 <<戀愛自由式>> 先 , 因為有stephy睇 , 大概2點半到 , 去到灣仔 , 買咗個叉肉飯 , 靜雞雞放入個袋到 , 做外賣仔拿入去俾亞gap做佢0既lunch , 哈.....哈......因為入面d 0野食真係貴到飛起........

中間發生咗d 0野 , 話說我打俾小白 , 當我同佢講緊0野0既時候 , 突然有把女聲加入 , 真係嚇咗我一跳 , 後尾先知 , 原來係佢女朋友來 , 小白話原來佢女朋友想同我講吓0野同見吓我係咩樣 , 哈.....哈......我睇不必啦 , 因為我唔夠小白咁靚仔呀, 佢實會失望呀 ! 嘩哈哈哈.........

同亞gap係入面行到成6點 , 因為 '芝c姑bi' 6點先開始簽名 , 簽完即刻走人 , 大家諗住途經礸石山搭82x番屋企 , 但係去到礸石山0既時候 , 我們先決定今晚出來食飯 , shit ! 一早都話出銅鑼灣食飯0架啦 , 果道地靈人傑呀 ! 結果我地只有係食街食咗一個我認為極之差0既肉醬意粉 , 之後我仲老屈亞gap請打機 , 打咗成廿蚊 '百萬大富翁' , 問你死未 , 哈....哈......

番到屋企 , 原來成11點幾 , 又攪咗我一日 , 超累..............

今朝起身 , 睇咗亞gap個日記 , 幾有同感 , 佢入面講d 0野都係我成日諗到0既0野 , 但係我係佢講0既0野之上 , 仲諗到多d 0野 , 但係唔識講出來 , 不過都有首歌0既歌詞真係可以好好咁講晒出來 , 呢首歌近排係我部mp3入面成日都係咁replay.......

煉金術 楊千嬅

給我一團熊火 試煉我
證明我這麼狠狠愛過
期望不多 只要得到過 你身旁 那寶座
給我一場洪水 冷靜我
眼淚太多已匯聚成河
力竭聲嘶請你喜歡我
什麼事都做過 都不能感動你麼

原來暫時共你沒緣份
來年先會變得更合襯
頑石哪天變黃金 我可以等
融合二人是哪樣成份
但願虔誠能顯得吸引
用五十年溶化你 成就 金禧一吻

不夠激情仍可靠耐性
對付你的冷酷及無情
沉默假使都算種本領 我一定 最安靜
深信忠誠遲會獲勝
那份固執終於都會被尊敬
如煉金般等你先轉性
除非遺失人性 怎可能一直結冰

頭白了 還在等 情人預約在黃昏
原來暫時共你沒緣份
來年先會變得更合襯
期待再苦再難堪 我都會忍
談情十年未晚不怕等
渡日如年仍覺得興奮
若最後能溶化你 何用 心急手震

當中有幾句 , 佢寫得好好 , 寫到好貼切......
'給我一團熊火 試煉我 證明我這麼狠狠愛過.......'
'原來暫時共你沒緣份 來年先會變得更合襯 頑石哪天變黃金 我可以等....'
' 不夠激情仍可靠耐性 對付你的冷酷及無情 沉默假使都算種本領 我一定 最安靜 深信忠誠遲會獲勝 那份固執終於都會被尊敬......'
' 頭白了 還在等 情人預約在黃昏......談情十年未晚不怕等 渡日如年仍覺得興奮 若最後能溶化你 何用 心急手震.....'

我覺得 , 亞gap係日記到寫0既係上集 , 而呢首歌0既歌詞呢 , 好多時都會係好多人0既下集..........

>>July 24, 2004 at 7:03:16 AM GMT+8

2004 年 7 月 21 日 星期三 【晴】

今日 , 晨咁早就俾雷非凡morning call咗我 , 皆因昨日一早就約咗佢地出去尖咀唱lunch k , 非凡話我同小白成日都遲到同唔知醒喎 , 於是佢咪morning call我地0羅 , 不過結果 , 我都係遲咗20分鐘 , 哈.....哈.......

11點半左右 , 準時到達尖咀neway , 好彩vicky要臨時唔知開d乜0野會 , 所以要遲來 , 如果唔係 , 又有排俾佢話 , 哈.....哈.......

好 ! 我地三個大男孩 , 雷捷啦 , 小白同我 , 一入到房就即刻係咁點晒d歌 , 哈...哈......原因好簡單 , 皆因一早聽聞vicky係尖咀揸 '咪' 人 , 佢之後來到 , 最後我們都留番一首歌0既位俾佢點 , 算係咁啦 !

不過vicky今日傻傻地 , 都唔係only得我一個整鬼佢 , 佢就成日都only打我 , 不過都係玩吓啫 , 哈......哈........話時話 , 雷捷都傻咗 , 佢走去扮william hung唱歌 , 笑到我呀 , 我仲想走去拿mp3錄低佢 , 不過最後都唔成功 , 而小白呢 , 佢比以前唱多咗好多歌喎 , 好呀 ! 好事來0架 ! 哈.....哈......

至於我自己 , 最like都係唱 <<耿耿於懷>> , 好似好有感覺咁........

之後 , 番咗入沙田 , 我們三個走去源禾路打波 , vicky好似話有0野做 , 唔記得佢做乜鬼啦 , 所以冇跟來 , 我們打到夜晚9點到啦 , 之後走人 , 之前唔知係咪打波時整咗一整隻左腳 , 打完波開始發覺果個腳踝位又開始腫起來 , 不過都仲未覺痛 , 跟住一起走去7仔買0野飲 , 之後搭85k番屋企 , 果時至開始識痛....

沖完涼 , 勁累呀 , 聽日約咗亞gap去書展 , 要早d抖........

>>July 22, 2004 at 3:16:07 PM GMT+8

2004 年 7 月 19 日 星期一 【晴】

知足 , 幸福 , 快樂同溫暖 , 係我係 <<地下鐵>> 入面搵到0既每一樣東西 , 呢套戲 , 我係好鍾意睇 , 就算已經睇過好幾十次 , 感覺依然一樣............

星之碎片 楊千嬅 , 梁朝偉

我聽見我們坐飛毯 去找星之碎片
而我們能遇見 令天空更閃
我聽見有人唱聖詩 聲音表演我知
世上誰是我神秘的天使

帶著期待在地下鐵外逗留在出口
懷疑誰正在盼望我帶她出走

等你 多久 潮濕的快感 來自你雙手
陪你 蒙上眼睛看盡大世界
聞到你生命如無限大
隨呼吸風中舞擺
伴我在逛街
跟你 蒙上眼睛看夢幻世界
肉眼怎可了解
幸福找不到邊界
誰擔心給你拐帶

我信也能看見的 給撫摸的氣息
我若存在過 誰理深淺色
帶著期待在地下鐵每日尋覓出口
懷疑下個站有人扶著我出走

情為何物哪用看真理
陪你 蒙上眼睛看盡大世界
聞到你生命如無限大
慾望在風中舞擺
伴我在逛街
跟你蒙上眼睛看夢幻世界
肉眼怎可了解
幸福找不到邊界
誰擔心給你拐帶

>>July 20, 2004 at 4:03:57 PM GMT+8

2004 年 7 月 18 日 星期日 【晴】

呢幾日 , 都鍾意自己一個人0既感覺 , 究竟咁樣係好事 , 定係唔好事 , 我自己都唔知道 , 不過呢 d 其實都係d主觀0既感覺 , 冇乜特別.......

昨日 izzue 大減價 , 結果 , 自己 '錄' 咗成千蚊來買衫 , 不過今次都ok抵0既.......

波仔昨晚搵我 , 同我傾咗一陣 , 都好似好耐冇見佢啦 , 呢排我都係like自己一個人去打波 , 所以我多數選擇係中午果時先走過去第一城打波 , 所以好少有機會撞到佢地.......

昨晚係電話到 , 波仔大我 , 問我可唔可以講晒楊千嬅由出道以來0既所有唱片 , 哈...哈.....仲要加句 '吹咩' 上去..........試問 , 我又點會俾人 '大' 到呢 , 睇住來........

1) 電光幻影
2) 2004開大楊千嬅演唱會
3) True Music Karaoke Hits
4) 2004開大
5) Miriam's Melodies
6) 揚眉
7) Make Up
8) Miriam's Music Box
9) 2002楊千嬅萬紫千紅演唱會
10) M VS M 總決賽
11) M VS M 下半場
12) M VS M 上半場
13) 金曲當年情
14) 2001拉闊音樂會
15) Miriam
16) My Favourite Hits
17) Play It Loud (avep 2)
18) Kiss Me Soft (avep 1)
19) Play It Loud Kiss Me Soft
20) 2000 903狂熱份子音樂會
21) 放煙花
22) 冬天的故事
23) 微笑
24) 夏天的故事
25) 1至100
26) 楊千嬅體驗入學
27) 到此一遊
28) 私日記
29) 直覺
30) 狼來了

合共30隻cd , 全部齊晒係我屋企 , 呵...呵.....問你死未 !

今朝 , 搵到番一首極之悲慘0既歌......

誰說我哭 張智霖

不會哭 便已學怎去笑
能得到的總比需要少
許半個願 換十天心跳
得不到了 也不想要
從來未敢喘一口氣
欠運氣 卻感激有力氣
從來沒挫折 也為能感動你
感激天要我 練習如何傷悲

誰說我哭 誰說我哭
(差點要哭）捱慣了孤獨
多於祝福 誰意料有
童話結局 只因太習慣心足
那敢心痛
(只因太習慣心滿意足）

越期望越當自己說笑
難關很多 獎品不怕少
只要肚餓 望白粥一秒
基本需要 當得到了

其實呢首係一首幾舊0既舊歌 , 不過昨日拿番出來聽 , 又覺得佢幾好聽喎........

p.s : 唉 ! 搵咗幾個人都冇人肯去睇 <<煎釀三寶>> , 算 ! 唔求人 , 我自己一個人去睇.......

>>July 19, 2004 at 2:38:04 AM GMT+8

2004 年 7 月 15 日 星期四 【晴】

其實 , 呢個世界得十個人 , 其中有八個都係好人 , 剩番個兩個 , 只不過係佢地唔識諗......

呢個世界 , 冇人一出世就會對你好 , 如果要0既話 , 都要係你先對人好 , 人地先會對番你好......

>>July 17, 2004 at 4:39:46 PM GMT+8

2004 年 7 月 12 日 星期一 【晴】

呢幾日 , 同咗亞gap傾過d 0野 , 之後又同咗小白傾咗d 0野 , 令我得著咗好多.........

其實都唔係講自己0既0野 , 不過佢地0既講法同對同一件事0既睇法 , 同我完全唔同 , 佢地都有佢地0既道理 , 令我得著好多喎.......

有時 , 我開始覺得 , 我都係一個幾保守 , 同幾執著0既人..........

昨日 , 係源禾路同小白打波 , 打21分 , 2 , 3分球 , 試過有一場 , 我一個人拿咗15分 , 我開始覺得自己打籃球真正開始成熟啦 , 不過小白講得啱 , 係我射波準咗0既同時 , 我比以前獨食咗 , 其實我都一路係到調節緊自己既 , 究竟幾時要負責拿分 , 幾時要分波 , 點樣先至先至可以做到中心果個人 , 支撐起成隊波..........

好多時 , 我都係得一個人自己走去第一城練波 , 冇人同我練 , 咁咪成日要當有個人係我前面 , 我要點樣運球先可以過到佢 , 仲要點樣射波 , 而我成日假設果個人 , 就係小白啦.........

點都好 , 係球場 , 我拿住個波0既時候 , 我覺得自己係全日最開心同最有信心0既時候.........

>>July 13, 2004 at 5:07:09 PM GMT+8

2004 年 7 月 10 日 星期六 【晴】

有d 0野真係........難以啓齒呀 !

再睇一次 <<大隻佬>> , 依然令我諗到好多0野 , 明白......始終係要明白.......

唉 ! 隻左腳又痛起上來 , 唔知係咪又觸傷咗d舊患 , 有點兒擔心......

要小心d.......

>>July 11, 2004 at 5:41:40 PM GMT+8