2004 年 3 月 24 日 星期三 【晴】

嘩......嘩........突然間好多0野做呀 , d功課同d test 係咁推埋來呀 !

今日 , 見到一句令人振奮0既說話...........
' 一個活人就會有自己0既夢想 , 如果你沒有 , 又或是不設法去追尋 , 你和一個死人沒分別...........'

條腰仲係ok痛 , 不過真係好多謝大家0既關心 , 小弟真係感激不盡 , 哈.........哈...........我會好好休息0架啦..........

諗番起之前d攪笑0野 , 之前同vicky傾計 , 佢話要介紹佢個friend我識 , 吓 ! 又來 , 唔係話.........佢問我有什麼要求 , 咁我就答佢啦 , 要眼大大0既 , 長長直頭髮0既 , 唔戴眼鏡0既 , 笑起上來有 '酒凹' 0既 , 點知佢竟然答我佢個freind有以上0既條件喎 , 我心諗 : [ 哈.....哈......vicky姐 , 唔好玩我啦 , 如果真係有個咁0既人 , 我會提名佢去選美0羅 ! ] , 諗番起 , 真係幾攪笑...........

好0野 , 終於都download到林心如首mtv啦 , 佢果然都係一個大美人呀 , 呵....呵.........

投懷送抱 林心如

雨已七天七夜 還不肯停歇
連屋簷都落淚 犯了什麼罪
傘下的世界 你和我之間
肩碰肩 還要擠進再見
面對所謂離別 我可以接受的界限
是心碎 你手中的煙
始終不間斷 燻得我 連終點都看不見

不小心在你懷抱 偷偷睡了一覺 就到老
誓言悄悄 帶上了手銬
任憑時間 讓你向人到處炫耀
我對你投懷送抱 還是溫暖不了
你要逃 天涯海角 只是個圈套
偶爾回家 就好

唔........呢首歌其實都幾好聽 , 不過 , 最重要一樣0野 , 就係佢係個mtv入面好靚啊 , 哈.....哈.......

頂........我以後都唔會再買阿仙奴0架啦 , 次次我買親佢都冇好結果0架 , 就算連贏廿幾場都係咁話0架啦 , 唉 ! 真黑仔............

>>March 25, 2004 at 3:59:03 PM GMT+8

2004 年 3 月 22 日 星期一 【晴】

唉 ! 又整親了 , 今次仲要feel到自己幾大獲 , 好驚 , 亦有d無奈...........

今日睇咗醫生 , 醫生話我撞傷了左邊腰間個氣膜 , 聽起來好似好大件事咁 , 醫生仲話見我痛成咁 , 驚我唔知d筋骨有冇輕微骨折 , 於是佢轉介我去威院照x光.............

之後問醫生幾時可以好番 , 醫生話如果冇骨折就兩至三個星期 , 如果唔係 , 都有幾多手尾跟..........唉 ! 好down啊 , 又傷咗 , 我仲想打addidas三人籃球賽呀 , 宜家有d麻煩 , 希望真係可以快d冇事............

今日亞john仲笑我 : [ 乜你咁易整親0架 ? ] , 唉 ! 真冇人情味啊 , 呵.....呵......

>>March 23, 2004 at 12:11:12 PM GMT+8

2004 年 3 月 19 日 星期五 【晴】

今日 , 我發生咗d 0野令到我好唔開心.............

下午三點幾左右 , 我係禾輋附近行過 , 突然打對面有幾個0靚仔突然話我眼望望佢 , 吓 , 我心諗 : [ 我真係冇喎 ! ] , 於是我同佢地講冇 , 點知佢地個幾個死仆街仲要串串咀咀 , 係到串9我 , 頂 ! 真係好 '能' 嬲0羅 , 但係到最後我覺得我最嬲0既係自己 , 到最後我竟然只係 '啤' 咗佢地一眼就走咗去0羅 , 仲使佢地把口一直冇停過 , 我竟然可以當聽唔到 , 應該咁講 , 我點解仲可以當聽唔到 , 呢個問題我真係問咗自己好耐0羅 , 比著以前 , 我一拳就揮咗埋去啦 , 或者同佢地撐到行啦 , 唉 ! 老實講 , 發生咗件事之後 , 我今日真係好down 0羅 , 我有少少睇唔起自己0羅 , 都唔知點解自己會變成咁 , 直到寫呢篇日記0既時候 , 我仲係覺得自己今日好冇用0羅 , 其實我當時想搵小白傾兩句0既 , 不過佢唔得閒 , 所以冇乜傾到d乜 , 至於小白當時同我講個幾句 , 我就唔係好認同0羅 , 唉 ! 你係當時果個環境 , 你就唔會再同我咁講............

某程度上 , 我係幾要自尊心強0既人 , 所以今日對我來講 , 真係好大衝擊 , 我今日想自閉一陣...........

另外 , 我今日知道咗一d 0野 , 只可以咁講啦 , 我唯一0既安慰就只有這個想法................
' 算我走得快 , 好世界0羅...............' , 開始睇到好多真0既0野 , 仲使真係俾我睇到d我真係唔想見到0既0野 , 但係呢個就真係事實..............

呀 , 有0既 , 唯一我覺得開心0既事 , 就係亞gap都覺得 <<民間傳奇>> 好好聽0羅 , 因為好似有人同我有點相似0既想法............

>>March 20, 2004 at 2:24:49 PM GMT+8

2004 年 3 月 17 日 星期三 【晴】

今日 , 繼續努力溫書 , 嘩 ! 原來d 0野真係好難喎 , 唉 ! 之前成個人都無晒動力同信心 , 所以好似乜都無做過 , 宜家睇起上來有d吃力 , 不過我有信心可以追番來0既 , 最多其他人有一個鐘 , 我就用三個鐘 , 人地用三個鐘 , 我就用六個鐘 , 哈........哈..........吹咩 , 我係死都唔認輸呀 !

之後 , 溫溫吓書 , 有d悶悶地 , 哈....哈......突然間諗起楊千嬅係演唱會中其中一句說話 : [ 每一個人心入面都有自己0既叱吒十大金曲.............] 係喎 , 聽咗咁耐歌 , 其實我自己都有自己的叱吒十大 , 於是乎 , 我就將自己0既答案寫咗係自己d notes 到啦 , 哈.......哈..........答案如下 :

1) 野孩子 楊千嬅
2) 舊愛新歡 黎瑞恩
3) 雨季不再來 黎瑞恩
4) 假如讓我說下去 楊千嬅
5) 木偶奇遇記 楊千嬅
6) 有發生過 楊千嬅
7) 可人兒 楊千嬅
8) 再見二丁目 楊千嬅
9) 勇 楊千嬅
10) 愛你一定快樂 黎瑞恩

哈..........哈...........自己睇番 , 真係全部都係楊千嬅和黎瑞恩喎 , 不過我自己知道 , 我唔係偏見 , 我知道其他歌手都有好多好好0既歌 , 好似李克勤 , 古巨基同劉德華...........但係我like呢幾首歌0既原因 , 係因為d melody , 歌詞同歌手0既演繹手法都俾咗我好大0既共鳴 , 的確令人發人心省 , 每次我聽到呢幾首歌 , 無論我是開心或是唔開心 , 都會令我想到很多事情出來 , 哈......哈.......

今日 , 要番poly打籃球 , 呵....呵......要努力呀 !

>>March 18, 2004 at 3:06:22 AM GMT+8

2004 年 3 月 16 日 星期二 【晴】

今日day-off , 唔駛番學 , 所以留起屋企到溫書............

之後 , 走咗去睇dvd , 係 <<萬紫千紅2002楊千嬅演唱會>> , 哈.......哈...............雖然睇咗好多次 , 但係都好似睇唔厭..........

下午 , 過咗第一城打波...............

>>March 18, 2004 at 2:28:35 AM GMT+8

2004 年 3 月 15 日 星期一 【晴】

今日 , 好似周圍0既人都好有問題喎.........

亞雄好似唔係咁開心 , 喂 ! 唔好擔心喎 , 實冇事0既 , 如果你喜歡 , 可以同我傾吓啦.........

亞銘病咗 , 好似好唔舒服 , 要休息多d啦.........

而 , 小白都好似有心事喎 , 不過我會叫你去死0羅 , 嘩哈哈哈.............

本來表姐今日又想約我食lunch , 不過佢放lunch 0既時間 , 咁啱就係我上public health 果個鐘 , 冇辦法啦 , 下次我一定奉陪到底 , 哈........哈.............

唉 ! 今日真係無聊到極點啦 , 11點半番poly上堂 , 番得一個鐘 , 咁就落堂啦 , 食完飯 , 於是咪去咗圖書館做吓d public health 0既功課0羅 , 哈........哈.........原來勤力真係有好報喎 , 我係圖書館入面見到林心如呀 , 嘩 ! 好靚呀 , 相似到有80% , 大大眼睛 , 長長直頭髮 , 笑起上來仲有 '酒凹' , 呵.....呵.......跟住我望住佢啦 , 點知佢又望住我喎 , 哈.......哈.........跟住我們都有d尷尬咁笑 , 之後 , 佢走過來同我傾咗一陣計 , 啊 ! 原來佢係讀account year 2 0既 , 唉 ! 佢仲要笑我面紅 , 真係醜死鬼啦 , 傾咗一陣之後 , 我諗住去睇亞joe佢地踢波 , 咁就冇再同佢傾計啦 , 哈..........哈.........亞媽亞爸 , 放心啦 , 我會努力讀書0架啦 , 我唔會令你們失望0架啦 , 由今日開始 , 我會日日去圖書館溫書0架啦.........

今日自己冇踢 , 因為係佢地踢0既無聊波 , 所以淨係係埸邊睇佢地d攪笑0野 , 真係笑到我肚痛 , 最掂0既 , 簡直非out-standerd 0既jackeylin莫屬 , 佢竟然勇敢到攞自己0既 '姑姑' 去解圍 , 用自己0既 '姑姑' 近距離擋住人地0既衝力射球 , 真係偉大 , 仲要俾人射中 '姑姑' 後 , 走來同我講咗句 : [ 我好 '能' 痛呀...........] 當真係 '唔聽由自可 , 一聽就.........哈.......哈..........' 我真係即刻笑到起唔到身 , 竟然係個咁0既環境同我講句咁0既說話 , 想笑死我咩 ? 而 , 不過jacklylin今次用0既助語詞真係用得幾好喎 , 哈........哈.........之後見到佢好似真係好痛 , 不過全場都冇人理佢 , 個個都笑到瞓晒係地............

6點鐘左右 , 番屋企休息............

p.s : 小白 , 我諗你梗係唔想大啦 , 竟然夠膽用呢個數字來形容我 !

>>March 16, 2004 at 2:24:08 PM GMT+8

2004 年 3 月 14 日 星期日 【晴】

今日 , 睇完小白個日記 , 好大感觸 , 想講d 0野 , 特別0既係想同小白講...........

佢話 , 諗番起細個好多0既荒唐事 , 四圍撩女仔 , 帶槍番學 , 然後起巴士上射人 , 走去偷0野等等 , 佢話忘記唔到自己做過d0野 , 亦都唔敢要個女仔同一個咁既人一齊............我睇完之後 , 真係有d0野想同小白你講..........

當然 , 我諗我們大家都知道 , 呢d事一定係唔好 , 我唔想同大家攞藉口出來講 , 但係有陣時 , 我們要諗諗 , 我們係呢個環境下成長 , 或者有d 0野真係會點都發生呢 ! 有一樣0野 , 我諗大家都知道 , 我們一路以來都係知道自己做緊d什麼 , 而我亦十分肯定 , 小白你本性是好好的 , 呢樣0野大家都係冇懷疑過0既 , 我再問一個問題吧 : [ 係當時0既你 , 你有冇諗過大家今時今日會讀緊大學呢 ?] 我唔知你個答案係什麼 , 但我自己呢 , 肯定係 '冇' , 但係結果呢 , 我們全部入晒大學 , 咁咪即係同你講 , 我們不知不覺間已經長大咗啦............

你話你唔敢叫她同一個咁0既你一起 , 聽我講 , 我對我們任何一個都有信心 , 我們有能力 , 亦都可以照顧身邊的那個 '她' , 令她好幸福 , 呢樣0野放心啦 , 喂 ! 樂觀d咁諗啦 , 呢d都係一d好好0既經歷 , 不過已經全部過去啦 , 哈...........哈..............或者將來有仔 , 咪同個仔講 : [ 亞爸以前曾經咁樣咁樣 , 你千萬唔好學呀......] 哈......哈.........喂 ! 送首歌俾你 , 自己領略吓佢講d乜..........呀 , 你可以選擇俾她聽吧 , 呵......呵........

冬暖夏涼 李克勤

問我那感情線 它分開幾個岔
唯獨你這一條線 拋離各人吧
但你那感情線 那轉折複雜嗎
我只是某段時間過路嗎

但我早預備了火把 亦買好風扇
不打算再玩兩日就回家 若果要愛護你
猶如全日制學位這數年時間 我花

談情如若有獎 我該得到金獎
全年大考小考通過了 只要你頒獎
唯求付合理想我會挑戰逐級上
題材仍合四季 我冬暖夏涼
難道你可不愛上

若有我的熊抱 冬天該不太差
回避到我的懷裡 等待雪溶吧
若有我當屏障 放暑假不用怕
無上裝 八月還會怕熱嗎

為你早預備了冬衣 亦買好水著
不打算散心兩日就回家 若果要照料你
猶如全日制值班 一世人陪你 好嗎

誰人男朋友比得上
哪裡有這種清福可以享
值得你鼓掌

談情如若有獎 我該得到金獎
嚴寒酷暑體溫的變化 請與我分享
情人如若你想 你會一世被供養
旁人忙著轉季 我冬暖夏涼
來讓你專心愛上

睇完小白篇日記 , 哈.....哈........都真係有勾起好多大家細個d0野 , 好似真係幾荒唐同壞喎 , 記得中三個年 , 係球埸同人打架 , 仲差d俾人用 '水口通' '嘔' , 哈........哈...........好險............仲有 , 亞威係麥記0既掟包事件 , 差d俾成班金毛圍我們幾個 , 哈........哈............不過我真係覺得我們已經大個啦 , 果個時期我們已經過咗啦 , 有時諗 , 肥明同亞邦宜家都竟然做緊差佬啦 , 佢地兩個死人樣 , 唔做大佬真係黑社會0既不幸 , 哈......哈..........

今日有踢波啊 ! 贏咗5比4 , 好似比數大咗少少 , 哈.......哈........我諗我們要留意吓d防守 , 唉 ! 今日冇波入啦 , 射咗幾球都係條眉頂出 , 激死我啦 , 下次要努力............哈........哈.........

>>March 15, 2004 at 2:39:04 PM GMT+8

2004 年 3 月 12 日 星期五 【晴】

昨晚 , 我有個freind來搵我傾心事 , 原因好簡單 , 佢失戀0羅 , 咁我咪落咗去河邊同佢吹吹水 , 聚聚舊 , 點知一落到去 , 見到佢個樣 , 嘩 ! 乜攪成咁呀 , 咁頹0既 , 我只有同佢講 : [ 唔好咁啦 , 我支持你 ! ]........

之後 , 坐低同佢傾計 , 其實昨晚河邊都幾大風同凍0架 , 而我仲要著住短衫短褲落去 , 我直情變咗雪條啦 , 不過冇計啦 , 老友有難 , 我又豈能坐視不理呢 , 係咪 ! 哈.......哈......之後原來佢仲買咗幾罐冰凍0既啤酒同我分享 , 記住 ! 係冰凍0既 , 嘩 ! 我0既反應係......' 最初嚇一跳 , 然後得啖笑 ! ' , 唔係咁客氣呀 , 最後 , 我決定死撐落去 , 飲咪飲.......之後 , 我仲要扮enjoy , 同佢講咗一句 : [ 嘩 ! 好耐都未試過飲啤酒啦 , 爽呀 ! ] 其實我當時d雞皮已經凍到起晒 , 哈....哈......

講番我個freind , 唔知係咪佢飲咗d酒呢 , 所以覺得佢講0野有d怪怪地 , 佢話d女仔個個都花心到死 , 我心諗 : [ 吓 , 呢句說話我見係d戲到 , 通常係d女仔用來話男仔喎 , 哈........哈........唔好一支桿打沉晒成船人喎 ! 係我識0既女仔入面 , 都有d好好0既女仔0既.........] 跟住 , 佢話佢好唔開心 , 仲傾咗好多0野 , 我明 , 但我可以俾到佢0既 ,就只有支持 , 同聽吓佢講0野0羅 , 因為之前小白佢地都係咁對我 , 我覺得咁已經係最有用0架啦 , 其餘0既0野 , 要靠自己啦 ! 不過我有一句說話同佢講 : [ 唔好係呢個時候講什麼男仔0既尊嚴 , 宜家呢個時候 , 你想做乜就做乜啦 , 之後你再講尊嚴都未遲.....] 呀 ! 仲有 , 我覺得有首歌幾好0既.........

老友記 李克勤 , 譚詠麟

不必比較朋友哪個多 有事即刻趕到哪個可
個個也可不愛 但您總理我
陪您唱歌 陪我踢波 隨您重色輕友都可
自動報名認做第一個 分享我 快樂痛楚

老友記 永遠有約 哪會放飛機
您所愛的不愛您
我肩膊可拍住您
這種情誼才堪稱老死
老友記
老了銘記的不會是名利
我只記得您是我知己
識到您都算夠運氣

時間太少 朋友太多 扶我站起的有幾可
日夜拍拖 但是亦清楚 一需要
您就幫拖

老友記 記到老了也會記得起
哪管理虧都撐您
哪管我不夠完美
這種情宜才可堪稱老死
老友記 老了銘記的不會是名利
我只記得您是我知己 莫問誰是愛侶
也妒忌您 My friend

記住啦 , 唔駛唔好意思 , 男人老狗 , 唔好咁婆媽 , 朋友梗係係呢個時候係你身邊0架啦 , 支持你 , 俾d時間同空間自己 , 快d企番起身啦 , 好似首歌0既幾句歌詞........
'老友記 永遠有約 哪會放飛機 您所愛的不愛您 我肩膊可拍住您 這種情誼才堪稱老死.........時間太少 朋友太多 扶我站起的有幾可 日夜拍拖 但是亦清楚 一需要 您就幫拖........老友記 記到老了也會記得起 哪管理虧都撐您......' 係咪 !

夜晚 , 同亞容傾咗一陣計 , 互相講吓近況 , 大家都好忙啊 ! 一起努力吧 !

今日 , 睇新聞 , 見到西班牙恐怖襲擊 , 真係有d氣憤 , 點解呢個世界有咁q多人唔用腦0既 , 宜家個世界已經咁慘啦 , 點解仲要做埋咁多人為悲劇呢 , 雖然大家0既想法唔同 , 但係大家都有亞媽生 , 唔通真係冇 '大同' 呢樣0野 , 我仍然相信 , 做人係應該要有道理0既..............

我諗 , 我呢幾日會走去染髮 , 玩high-light , 不過我唔會整到好似亞進個死人頭咁0羅 , 好似趺過落屎坑咁 , 成頭屎 , 哈........哈.........

下午 , 去咗第一城打波......

p.s : 哈....哈.....原來小白係有戀童僻0既 , 變態佬呀 , 哈......哈........眼甘甘望住人地食飯成15分鐘..........

>>March 13, 2004 at 2:32:52 PM GMT+8

2004 年 3 月 11 日 星期四 【晴】

昨晚 , 走咗去第一城打波 , 發覺自己有d唔同咗..........

以前打波 , 如果我射失咗球波 , 我會心裡面自己諗 : [ 唉 ! 又射失 , 都係算吧.......] 宜家呢 , 我會即刻走番轉頭打防手 , 希望偷到個波再打快攻............踢波都係咁 , 以前d friend 一傳波比我 , 我就驚起上來 , 宜家呢 , 我想佢地多d傳波比我 , 我想入波 , 就算射得唔好都唔緊要 , 下一球博盡d , 射球靚波比人睇 , 出番之前啖氣.........

我覺得一個成功0既人 , 能力固然重要 , 但係點樣面對壓力先係最主要 , 而我0既睇法就係適應佢 , 同埋將d壓力暫時忘記咗佢 , 咁樣 , 做起0野上來會好d........我開始掌握到什麼是 '一夫當關' 的道理..........

昨晚 , 波仔問我宜家想唔想拍拖 , 我諗咗陣 , 心諗 : [ 一半半啦 , 話晒都係後生仔....] 跟住佢問我投唔投入到 , 我心諗 : [ 真係唔知 , 如果你宜家問我 , 我諗我唔會再將太多心血放係感情到0羅 , 哈..........哈..........因為之前真係傷得好hurt呀......]

今日 , 放咗學 , 同琨仔去咗city個 mega sale , 頂 ! 都冇0野睇0既 , 俾人 '昆' 咗..........

之後 , 再去咗琨仔屋企踢波同打機..............

>>March 12, 2004 at 5:23:01 PM GMT+8

2004 年 3 月 9 日 星期二 【晴】

聽日有個test , 所以放咗學之後 , 留係poly圖書館溫書 , 原來呢科都幾難............

本來諗住今日溫夜d , 點知發生咗d低b 0野 , 話說今日7點幾果陣時 , 我溫到有d眼瞓 , 咪走去toilet洗個靚面0羅 , 洗完出番來 , 點解隻左眼咁朦0既 , oh shit ! 原來頭先洗面 , 順便洗走埋隻con , 有冇攪錯 , 0% 0既事都會發生係我身上 , 之後話俾亞雄佢地聽 , 佢地初頭都唔信 , 好彩 , 隻con係兩個星期0既 , 咁都冇咁hurt , 不過發覺自己勁低b , 之後 , 咪唯有番屋企0羅 , 番到屋企 , 冇溫書啦 , 因為同咗細佬打機 , 打winning...........

近排 , 成日都搵到d舊歌 , 幾正0既 , d詞同melody都幾好0既 , 今日就搵到呢首........

想說笑 古巨基

夜雨飄 別有浪漫格調
無奈這晚天色再不緊要
怕看怎麼今宵的雨那麼靜
就似你笑亦不見了
未揭曉 頭緒已有不少
沈默裡 你不講也清楚了
詐作半點不知 突然我竟想說笑
笑了想了卻未說
怕縮短了今宵

仍未願認識孤獨破曉
晨曦中凝望你仍重要
而你卻每刻跟我遠些了
祈求望見你在長伴遙遙晨光正耀
也許不會再遇上
也許可以卻但會否 想說笑

未破曉 但已逐漸變調
陪著有你真的太感激了
暗裡 我心祝福
突然制止不到笑
笑了想了卻未說
昨天給你太少

望著背影 獨個懷念過去
笑說想的可笑
離別你定承受得了
還在這樣時候 想說笑

唔...........呢首歌0既melody幾好 , 而歌詞呢 , 有幾句我都覺得幾適合我宜家0既想法........
'未破曉 但已逐漸變調 陪著有你真的太感激了 暗裡 我心祝福 突然制止不到笑 笑了想了卻未說.......望著背影 獨個懷念過去 笑說想的可笑 離別你定承受得了 還在這樣時候 想說笑...'
因為我覺得有d0野 , 真係好可笑0羅.........

想起小白同我過0既一句說話 : [ 唔值得 ! ] , 我明白 , 亦知道............

>>March 10, 2004 at 4:13:09 PM GMT+8