2004 年 9 月 8 日 星期三 【晴】

今日番到屋企 , 有個friend send咗佢新編0既歌俾我聽 , 未出街0既 , 叫我聽吓 , 係余文樂唱0既...

聽過啦 , 有結論啦 ! 幾好聽 , 估唔到呢個friend 0既音樂造藝又進步咗咁多 , 哈....哈.....

不過 , 佢send呢首歌俾我仲有一個意思 , 佢send咗呢首歌0既歌詞俾我 , 佢話好啱講我喎 , 叫我自己留意吓.......

生還者 余文樂

如果需要 耗光最後積蓄
才可得到你的半張感動眉目
挨多少的苦我都 不會哭

這個世界裡我太渺小 生命在溶掉
無心看戰亂有多少 什麼比你的緊要 (為你任何事情亦困擾）

努力不懈 愛便生還
我為你何妨上刀山
不管已用幾年時間 一刻躲懶 情便永不返
帶著傷患 最後生還
我願意受多少的白眼
知道感情來得艱難 疲倦也可我不敢 眨眼
(為求留住臂彎 每時每刻 不敢怠慢 我怕看漏眼）

情海翻波 簡單過壞燈膽
如不珍惜 比一切結果怎去承擔
假使單方心淡 會是個災難

如熱愛被我親手割爛 較沒有更貪
無論資質有限 我盡全力不減

努力不懈 愛便生還
我為你何妨上刀山
不管已用幾年時間 一刻躲懶 情便永不返
帶著傷患 最後生還
我願意受多少的白眼
失去感情才慘 時間便過得慢 永久是夜晚

佢話 , 當中有一句...
'不管已用幾年時間 一刻躲懶 情便永不返....'
入面講d 0野啱晒我喎 , 實會好touch喎.....

哈....哈.....咁今次佢就實估錯啦 , 我聽完之後 , 反而冇乜特別感覺喎 , 應該咁講 , 我都冇留意呢句0野呀 , 我反應留意到呢句...
'假使單方心淡 會是個災難...'
講咗好多人0既事實出來 , 呢句先夠真實0既.....不過 , 我唔敢否定佢話首歌0既歌詞似我0既 , 哈.....哈......呢d事情 , 係街到 '求戀期' 搵呀 , 都十打廿打啦 , 所以係似我 , 仲似好多人啦 , stupid !

都過咗咁耐啦 , 都冇乜理由再提啦 , 都冇乜事啦.......

呢排真係忙到串不氣來 , 一諗起10000本 , 就心都寒埋.......

>>September 9, 2004 at 1:58:15 PM GMT+8

2004 年 9 月 6 日 星期一 【晴】

今日 , 放咗工之後 , 去咗香港大球場睇show........

睇完之後 , 有一種好真實0既感覺 , 就係 '中國終於都開始冒起了 !'

仲有 , 就係郭晶晶真人真係幾靚女喎 , 隻眼都幾迷人 , 哈...哈.....當然 , 都係差楊千嬅少少.......

p.s : d飛唔係走去排隊買或者係網上買黃牛0既 , 係政府職員可以內部訂飛 , 所以先拿到呢d '正' 飛.......

>>September 7, 2004 at 5:08:45 PM GMT+8

2004 年 9 月 4 日 星期六 【晴】

今日下午 , 係屋企聽cookies 0既 <<十一團火>> 音樂會......

聽到佢地四個每人獨唱0既果part , 我覺得最正 , 佢地揀唱0既歌都好正.....

真係估唔到miki會用鋼琴來自彈自唱 <<幾分鐘約會>> , stephy把聲唱起王菲0既歌0既時候竟然會咁似王菲.......

不過最令我留意0既係theresa唱0既 <<非走不可>> , 佢唱得幾好 , 呢首歌唔係佢今日拿番出來唱 , 我都差d唔記得咗有呢首歌0既存在 , 一首好易感動人0既歌......

非走不可 謝霆鋒

不捨得傷心 傷心怎將你抱起
不捨得開心 留來給你歡喜
以為斜陽定會升起 會令奇蹟感染你
差點為甚麼呼吸都忘記 也不捨棄

裝飾的鮮花 一般都不會結果
休克的軀體 仍能給你生火
我用殘餘力氣撫摸 証實你轉身擦過
將生命承擔不起 的難過 放手給我
也許相戀這條路 擠迫的懷抱
不夠讓我高攀進內才摔倒
踏上分手這條路 才令我突然看到
你的天空宇宙只夠我流淚 不可跳舞

回頭路窄
然而肉眼終找得到 要走得比你早
也許相戀這條路 擠迫的懷抱
不夠讓我高攀信愛才得到
踏上分手這條路 才令我突然看到
你的天空宇宙只夠我流淚 不可跳舞

>>September 5, 2004 at 11:39:15 AM GMT+8

2004 年 9 月 3 日 星期五 【晴】

今日去咗睇戲 , 睇一套本來冇乜心想去睇0既戲 ---- <<三更2之餃子>>.....

哈...哈....我諗好多人會嚇一跳 , 或者質疑我 , 有楊千嬅喎 , 仲有miki睇喎 , 一套戲有齊你鍾意個兩個人 , 實去睇啦....

咁事實 , 我同人地講笑0既時候都係咁講 , 仲用個 '抵' 字來形容.......

不過 , 其實我一早就覺得呢套戲冇乜值得睇0既地方 , 你話想睇楊千嬅做戲0既轉變 , 我其實個心一早都心中有數 , 佢呢套戲唔會做得好 , 我其實較為欣賞佢以前做0既戲多d , 亞gap講得啱 , 佢以前做戲 , 係用自己來做自己 , 今次唔同 , 佢唔可以做番佢自己 , 所以佢做得唔好我一早估到 , 況且呢套戲都冇乜諗0野0既空間俾人 , 我唔係話要好有哲學思想 , 我想0既係睇完一套戲 , 我係會感覺到 : '係喎 , 做0野同做人有時係可以咁喎 !' , 哈....哈.....不過上述我講0既0野都係好主觀0既 , 所以都係廢話 , 因為一套戲你睇完之後究竟有冇0野接收到大多數係取決於你自己本身0既問題 , 而唔係關於套戲0既問題......

之後 , 小白呢個債主來搵我 , 我要還番幾十蚊俾佢 , 哈...哈...個死仔呀 , 我俾張波飛佢 , 佢竟然唔收 , 仲叫我 '食蕉' , 等我中咗就串死你 , 哈......哈......然後我們去咗fun zone打機 , 不過最後我們先發覺 , 呢個決定係錯0既 , 浪費咗我一日做0既心機.....

哈....哈...究竟係邊個cheap精提議我們去fun zone打機0既 , 細問之下 , 原來正是在下 , 哈....哈....失禮失禮........

之後 , 會合番亞gap , 同佢行過去大圍 , 同琨仔同佢d friend 踢波 , yeah , 今日有一個入球 , 雖然連我自己都覺得好鬼 '付錄' 呀 , 不過都好呀 , 有波入已經very happy , 因為我好耐都冇波入啦 , 所以之後我都踢得特別落力 , 跑多兩步.......

對某君說一句話 : '希望你真係要學識拋開 "它" 了 , 如果唔係 , 我今日一直做0既都會白費 !'

>>September 5, 2004 at 3:56:24 AM GMT+8

2004 年 8 月 31 日 星期二 【晴】

見到周邊好多朋友發生0既事 , 連我自己都唔知可以講乜好....

要做0既 , 我可以做0既 , 我都做咗啦 , 希望幫到大家.....

死性不改 boy'z

再又見了"我的寵愛"!
誰願接受這種意外
你讚我天生可愛
不願看著我離開

同伴也話我傻 喜歡受挫
寧願情敵在傷我

人天生根本都不可以愛死身邊的一個
怎奈你最夠刺激我 凡事也治到倒我
幾多黑心的教唆 我亦捱得過
來煽風來點火 就擊倒我麼

誰戀愛就多障礙 死性我不想改
如我沒有你的愛 我沒法活得來
情人的存在 是我從來都志在
難在我拱手讓愛

我怕可一不可再 難道你被愛都有害
我確信天真不會錯 威力會移山填海

同伴也話我傻 喜歡受挫
寧願情敵再傷我

人天生根本都不可以 愛死身邊的一個
怎奈你最夠刺激我 凡事也治到我
幾多黑心的教唆 我亦捱得過
來煽風來點火 就擊倒我麼

誰戀愛就多障礙 死性我不想改
如我沒有你的愛 我沒法活得來
情人的存在 是我從來都志在
難在我拱手讓愛

>>September 1, 2004 at 4:36:37 PM GMT+8

2004 年 8 月 30 日 星期一 【晴】

今日 , 同一個freind傾計 , 佢問我究竟鍾意0既女仔係點0架呢 ? 佢果然係八卦精.......

我諗咗一陣 , 就答佢 , 我鍾意d女仔成日笑......

然後 , 佢話我低b , 哈...哈.....鍾意埋d女仔成日傻笑......

之後 , 我係到諗 , 乜鍾意自己個女朋友成日笑係好怪0架咩 ? 就算佢係成日都傻笑 , 咁都ok 0既 , 我覺得 , 令到自己個女朋友成日都笑係做男朋友應該要0既責任......

楊千嬅又出咗一隻新歌..........

傻仔 楊千嬅

為美女顯出身份氣勢
除了手袋 必需有位傻仔
傻得做司機都濟 拎袋冇所謂
用o黎解悶 亦唔o徒幾多電費
我有時其實都知道慚愧
我錯誤吸引一個人
訓練成類似男朋友的錯體

我知過份鍾意玩捉錯用神
明知你最後亦無份 亦任你犧牲
我知過份 冇鍾意都俾訊號人
無聊請你現場助慶
就算寵物亦會得到個熱吻

其實我一生搵好情人
行過身邊偏偏冇好男人
唯一就只得到你 肯關照我一陣
未曾感動亦曾經分享共振
我有時其實都想你煩我
我怕悶需要一個人
每日纏住我o黎維持我信心

我知過份鍾意玩捉錯用神
明知你最後亦無份 亦任你犧牲
我知過份 救生圈亦都想捉實拉近
這裡告急亦都好遺憾

就當我膚淺 買保險
當天昏地暗
半夜若然遇險 都有人未訓
就怕之後越見得多你 你越吸引

p.s : 不過 , 我都要補充一句 , 我都要揀一個靚0既女朋友0既 , 最好就似miki或者楊千嬅啦 , 嘩哈哈哈.........

>>August 31, 2004 at 12:50:52 PM GMT+8

2004 年 8 月 29 日 星期日 【晴】

一架火車 , 其中一卡車箱中有四個人 , 分別是一個中年男人 , 一位妙齡女郎 , 一個老太婆 , 和一個小伙子.......

當火車走進山洞時 , 四周漆黑一片 , 跟著有一聲吻聲和一巴掌聲 , 火車走出山洞後 , 中年男人用手摸著面作疼痛狀......

他想 : '一定是小伙子偷吻女郎, 她誤會了我了......'
老太婆想 : '一定是男人偷吻女郎了.....'
女郎想 : '一定是男人本想偷吻我,卻錯吻了老太婆 , 所以被打了......'
小伙子想 : '哈....哈.....其實是我剛才吻了自己手掌一口 , 再打了男人一巴掌 , 哈....哈...'

究竟 , 大家想到些什麼呢 ?

如果睇完之後 , 大家真係有所得著0既話 , 恭喜你.......

>>August 31, 2004 at 12:26:55 PM GMT+8

2004 年 8 月 28 日 星期六 【晴】

'happy birthday to me , happy birthday to me , happy birthday to me , happy birthday to me.......'

今日係我正日生日 , 一早預留咗今日同屋企人過 , 點知 , 佢地竟然提議去睇鄧小平 , 哈...哈....真係掂啦佢地 , 仲要去灣仔 , 平時番工仲去唔夠咩 ? 但係結果 , 我都係要就範 , 慘......

不過個展覽都ok好睇0既......

又大一歲 , 成廿二歲仔啦 , 唔可以再係以前果個乜都唔理0既小伙子咁 , 跟住個十至廿年 , 我要自己好好咁利用 , 其實 , 係冇錯 , 同時間 , 當你個人愈來愈大 , 你0既看法會唔同 , 而負擔同壓力亦會相繼增加 , 亞gap講得啱.....
'我們宜家唔細0架啦 , 唔係仲係細路........'

今日 , 再買波 , 哈...哈....結果 , 贏番昨日輸咗果d番來 , 仲有 '突' , 我宜家0既總成績係淨贏二百幾 , 好0野 , 生日果然係唔同d.......

吳日言隻新碟都幾好聽 , 我覺得佢有機會可以 '紅'.........

笨 吳日言

在八月的某一天終跟我說別了
只因他跟她的心拉近甜蜜閃耀
是你在說尚每一刻她已最重要
我如同垃圾遭棄掉

怎麼你竟狠心燒毀 一切你共我
將所有快樂及記憶全部也活葬
但你沒眼淚也懶得知我近況
這個無情葬禮獨剩我一個

(曾)是我幸運 還是我笨
求上天可使我更吸引
只想你回頭共我深深一吻
求同情是我很天真

曾是我幸運 還是我極笨
淪落折墮得身心都抖震
你若然親她 能想起我嗎
十分給她了 能得一分也需要

難道你玩弄我嗎 真相令我感害怕
或到他朝跟她生根再萌芽
我先方知真假 又再狠狠傷我嗎

>>August 31, 2004 at 12:18:33 PM GMT+8

2004 年 8 月 27 日 星期五 【晴】

今日雖然係星期六 , 不過仍然要番工 , 要番半晝 , 之後放工 , 剛剛亞gap同gap媽係中環 , 於是就走咗去搵佢地 , 之後坐埋佢地架車番沙田 , 去亞gap屋企玩 , 皆因琨仔佢地同我慶祝我生日......

係到 , 多謝佢地同我慶祝生日 , 講真 , 我冇諗過佢地會同我慶祝生日 , 哈....哈.....話晒都成廿幾歲 , 又唔係女仔........

多謝佢地個蛋糕 , 雖然我唔食得 (因為我仲未病好) , 仲有佢地份禮物 , 琨仔所講0既 '曼波' , 哈...哈......一個曼聯0既波仔........

玩到淩晨兩 , 三點 , 要亞gap車我番屋企 , 好累 , 不過真係好開心......

p.s : 今日d賽果係變態0既 , 點會有人中............

>>August 31, 2004 at 12:02:50 PM GMT+8

2004 年 8 月 25 日 星期三 【晴】

昨日朝早開始 , 個肚同個胃痛到死咗係到 , 不過都要頂硬上番工 , 因為真係仲有好多0野未攪掂 , 我唔想做唔晒d 0野.........

番到總部 , 攪掂埋d tender d 0野 , 要趕住將份tender送去俾保安局 , 點知亞sir問我送去得唔得 , 我本來都唔係想去 , 因為覺得自己都真係幾唔舒服 , 不過諗落都係唔得 , 唔可以拒絕亞頭 , 於是乎死撐將份0野送咗過去中環果邊....

之後番到來 , 個人愈來愈唔掂 , 又疴又嘔 , 於是同亞頭拿咗兩個鐘頭time-off , 過番poly到睇醫生 , 醫生話我係 '急性腸胃炎' , 佢同我打咗支針 , 俾咗d藥我食 , 本來醫生話係應該要抖吓0既 , 但係仲有好多0野未做完 , 於是都係番咗去做埋d手尾先 , 結果到最後尾 , 都係要o.t先做得晒d 0野......

今日 , 終於都頂唔順 , 我諗真係要抖一抖 , 於是我申請咗一日sick leave , 等個人抖一抖......

>>August 26, 2004 at 4:09:36 AM GMT+8