2004 年 6 月 11 日 星期五 【晴】

昨日 , 心情趺到落谷底 , 有幾件事令到我成個人都down晒 , 想同人傾吓0既 , 不過最後都係決定自己攪掂 , 唔想煩住人...........

所以對於昨日來講 , 我都冇乜點出過一句聲 , 好多0野令到我覺得好大壓力 , 亦都有d事令到我好失望..........

不過 , 有同亞gap係icq講咗一兩句 , 亞gap都算係咁 , 講咗一句幾好0既說話 , ' 食得咸魚抵得渴 ' , 俾佢句說話講醒咗 , 由我開始讀civil 0既時候我就應該預咗係咁...........

成晚都唔係好瞓得著 , 今朝起身 , 心情依然係呢個最低點.........

個人好似心有不第.........

>>June 12, 2004 at 4:34:08 AM GMT+8

2004 年 6 月 10 日 星期四 【晴】

昨日 , 本來約咗亞gap係沙田唱lunch k , 不過之後我們兩個都遲到 , 出到去沙田都成1點幾 , 結果冇得唱lunch k , 跟住我們走咗去ua睇戲 , 一套我期待以久0既新戲-----<<愛 . 作戰>>............

講真 , 套戲唔係好sell周麗琪靚女0羅 , 雖然我都認同佢幾靚 , 呢套戲係拍得幾好 , d劇情好 , 如果你係拍緊拖又或者之前拍過拖0既人都會有d 0野產生共鳴 , 又或者會有d 0野反省 , 哈....哈.......雖然我最初入去睇0既時候係諗住唔用腦0既 , 因為本人比較懶惰 , 但係之後都俾d劇情令到自己諗到d 0野出來 , 不過話時話 , 呢套戲係愛情片咩 ? 又唔係呀 , 係槍戰片 ? 都唔係呀 , 笑片 ? 又唔講得..........所以我都唔知呢套算係乜0野0既片............

睇完戲 , 成4點幾 , 本來諗住番poly 0既 , 點知亞gap話聽日先番 , 攪到我都唔想番 , 結果 , 我都冇番 , 唉 ! 又懶咗一日 , d重要0野要快d ko 咗佢.............

>>June 11, 2004 at 2:25:22 AM GMT+8

2004 年 6 月 7 日 星期一 【晴】

近呢幾日 , 真係發生咗d事 , 令我好唔開心 , 好激氣..........

我唔開心 , 我嬲 , 我失望.........

不過 , 我只有0既係無可奈何........

哈....哈......我諗要自我調整一番.........

>>June 8, 2004 at 7:24:23 AM GMT+8

2004 年 6 月 6 日 星期日 【晴】

前日 , 同波仔傾咗一陣計 , 俾佢估中咗 , 知道我新編果首歌係邊首 , 係都幾利害 , 憑melody估出來 , 佢話我d歌已經有自己0既特色 , 點知之後佢俾人踢爆咗佢 , 原來佢只係係隻cd到見到我個名 , 正死蠢..........

今日 , 同亞gap傾咗一d問題 , 呀 , 要幾多謝佢 , 佢講咗一句說話 , 俾咗我今日好多諗法同反思 , 至於佢所講果句0野我就唔想再講啦..........

p.s : 我其實都真係一個幾硬頸0既人 , 我係唔鍾意就唔鍾意 , 冇得好講............

>>June 8, 2004 at 7:16:50 AM GMT+8

2004 年 6 月 5 日 星期六 【晴】

推介多一首歌俾大家聽 , 都係劉浩龍唱0既..........

十惡不赦 劉浩龍

若要反對 便去反對
不管怎說 未算分開一對
彼此感情已有好幾歲 停在昨日故居

牆上掛著合照歸誰 早知紳士要送淑女
如來日我與照片想重聚 你可不可允許

難離難捨不拉扯 到站也不下車
我知心我野 野極仍沒下意識變
好心分手的作者

無時無刻都想跟你 嘹亮說多謝
但欠你的寧願賒借
別要將我打做十惡都不赦

若要生氣 便去生氣
不管怎說 就算多不講理
假使當年信我可登對 難道我沒進取

牆上掛著合照歸誰 早知紳士要送淑女
如來日我與照片想重聚 要於心中攝取

呢首歌我覺得都幾感動人.............

>>June 6, 2004 at 5:18:07 AM GMT+8

2004 年 6 月 3 日 星期四 【晴】

今日 , 同細佬 , 小白 , 仲有細佬d同學去咗源禾路打波 , 由下午4點幾打到10點到啦 , 都幾累........

最初果陣時 , 我同小白仲有細佬一隊 , 平均身高極矮 , 冇人搶籃板 , 結果埸埸都大敗而回 , 之後我們決定同細佬d同學溝埋一起來打 , 於是我就有得同個高佬一起打啦 , 結果都可以連贏幾埸 , 起碼自己射波都射得安心d啦 , 期間 , 小白話要番屋企食飯先 , 我地睇睇錶 , 原來已經成9 點幾 , 但係我們剛剛贏咗 , 唔走得住 , 於是我們就要再打 , 小白就走先 , 不過我們打到10點到都頂唔順 , 要走人 , 原因係我同細佬個肚都打晒鼓.........

講番轉頭 , 言語間 , 我覺得小白好似有d心事咁 , 應該咁講 , 唔係心事 , 係有d唔開心 , 關於佢同佢女朋友0既關係0既 , 雖然佢都有同我講咗少少 , 我其實打波果陣時想問吓佢0既 , 不過最後都係冇問佢 , 佢想講就會講 , 況且佢係有咁0既能力自己應付0既.........

唔知點解 , 聽到一首歌 , 冇端端個人會眼濕濕 , 或者d歌詞好似講緊自己0掛 , 又或者只不過係感動0掛...........

你情我願 劉浩龍

我作好打算 要拱手給他成全
求求結尾你前來抱我 這是我小小心願
我也知分寸 你不用婉轉 或怕被說穿
不會去埋怨 是我甘心也確情願

情場裡我知不可能 這麼寬宏
任由你遠去跟他接吻
還明白就算我們極愛你
而總有一位要犧牲

寧願你跟他開心 不要自責
盡力地愛人 成年人胸襟
我得不到這福份 亦為你興奮

愛縱使苦短 結果亦超出預算
為何愛你我從無間斷 可是你已經厭倦
我也知分寸 你不用婉轉 或怕被說穿
不會去埋怨 是我甘心也確情願

你若然為我手下留情
願他都給你肯定 明白愛情神聖
而明天的我 別要再去打聽

成年人胸襟 舊情人身份
有天都變陌生

>>June 5, 2004 at 7:22:32 AM GMT+8

2004 年 6 月 2 日 星期三 【晴】

今日 , 同細佬出咗去行吓街 , 因為我們又想買d新衫新褲0既 , 於是去咗沙田同旺角到睇 , 但係結果 , 一係太貴 , 一係唔啱心水...........

之後 , 番咗沙田新城市 , 琨仔約咗我傾吓計 , '我就將我對他們件事0既睇法講咗出來啦 , 至於點做 , 就自己諗清楚啦......' , 大概8點幾 , 同佢走人番屋企.........

呀 ! 俾首歌大家聽聽 , 哈......哈........

簡單而隆重 feat: 又南

常人生命 是數十年 起碼十年 苦失戀
遲來一日 甜蜜就更短
我早識妳 早愛定 快幾年
旁人都話 未免快點 多看十年 多觀察點
明年或有大戰亂 拖 拍得那麼遠
擔心有承諾 不能實踐 Wo~~~~

假如動心 假如認真 不如就早婚
想待妳好 想多相處 想令妳安心
假如著緊 不如別等 既然合襯
不必再 找來和找去 世人前跟妳 熱吻

潮流生活 就算自由 戀愛問題 很保守
碰到真愛立刻抱住 要研究多久
肯定愛 何必有保留

假如動心 假如認真 不如就早婚
想待妳好 想多相處 想令妳安心
假如著緊 不如別等 既然合襯
口講也許毫無根據 不如來一吻
地上沒幾多愛侶 夠老慶祝到金婚
若愛定了 為何還要等

假如動心 假如認真 不如就早婚
金屬戒指 簡單婚禮 一樣夠窩心
假如著緊 不如別等 既然合襯
早一秒 給旁人知道 有人還相信
那最舊派婚姻 十八直到近百 也是帶著老伴同行

唔.............首歌d歌詞真係幾sweet 0既 , 仲要呢首歌個mv我睇過 , 入面有個好靚0既靚女 , 所以更加like呢首歌啦 , 至於個靚女係邊個 , 咪就係........哈.....哈........自己估啦 !

>>June 4, 2004 at 2:45:35 AM GMT+8

2004 年 6 月 1 日 星期二 【晴】

今日 , 我知道一件極之不愉快0既事情 , 係發生係我0既朋友身上0既.......

一個我識0既女仔 , 佢同佢果個所謂0既男朋友分吓又合吓 , 到宜家 , 終於都係分咗手 , 原因又係果個男仔有第二個 , 唔係 , 我講錯咗 , 因為果個男仔宜家同時有四個所謂0既女朋友 , 簡直係離q晒譜............

講番我呢個女仔friend , 同呢個男仔分咗手之後 , 到宜家仲未接受到現實 , 今朝係icq見到佢 , 同佢傾咗幾句 , 先知道佢宜家要攪到去睇醫生 , 佢晚晚都瞓唔到 , 醫生話佢患咗初期0既抑鬱証 , 我聽到之後 , 我係呆咗幾秒 , 然後先至識得俾反應佢 , 我呆0既原因 , 係因為之前我同呢個女仔傾計 , 佢好多時都當我好似佢0既亞哥咁 , 聽我講好多0野 , 而我好多時都可以將我覺得啱同有道理0既0野解釋俾佢聽 , 但係今次呢 , 我唔知道我可以同佢講乜0野 , 我突然覺得佢已經係我能力範圍以外可以做到0既0野..........

果然 , 之後呢個女仔friend打俾我 , 我已經講唔到d乜0野 , 我記得0既 , 只有一d好普通0既安慰同問候說話 , 我只有感覺到佢0既無奈 , 但我做到0既就只有於此........

老實講 , 我宜家寫緊日記0既時候 , 的而且確 , 我係有好多思想上0既問題 , 亦都幾氣憤 , 第一 , 我唔鍾意果個男仔 , 因為佢做0既0野好過份 , 第二 , 我亦有嬲咗我呢個女仔friend , 佢竟然到宜家仲係咁執迷不誤 , 點解要為咗呢件事情攪到咁唔愛惜自己 , 仲要係完全唔值得0既 , 係一d都唔值得 , 宜家先廿歲女 , 佢仲有成幾十年0既路 , 佢咁樣點面對落去 , 我想即刻走去鬧醒佢 , 不過到最後我都冇 , 因為漸漸地 , 唔知點解 , 我冇嬲佢 , 反而係好可憐佢 , 其實諗落都係多如 , 到咗宜家 , 的而且確 , 冇人可以幫佢 , 我唔得 , 就算佢睇果個醫生都唔得 , 佢宜家要靠0既 , 得番一個人 , 就係佢自己 , 一諗到咁樣 , 我個心突然之間覺得佢好可憐..........

人有時就係咁樣............

>>June 2, 2004 at 10:10:05 AM GMT+8

2004 年 5 月 29 日 星期六 【晴】

昨日下午入咗去馬鞍山搵雷捷同小白打波 , 結果 , 竟然慘敗 , 可惡呀 , 令人一個無法接受0既事實呀 ! 不過 , d亞叔真係好勁 , 有身位 , 射波又準 , 我跳盡晒都封唔到佢地 , 仲有一樣0野 , 昨日本人0既命中率真係可以話係相當之低 , 哈.......哈........

打波期間 , 發生咗件小插曲 , 件事係乜0野我就唔想再提啦 , 不過果個人都幾利害 , 竟然可以一次過激嬲小白 , 雷捷同我三個人 , 小白仲話可以同佢隻揪 , 哈......哈.....呢個人果然利害.........

我搵到一首楊千嬅勁舊0既舊歌 , 幾好聽0既..........

我錯過了什麼 楊千嬅

還記得某日裡 提著筆寫著字
無意中發現了 全是你姓氏
凝望那薄薄的紙 明白我在暗中想你多少次

還記得那夜裡 迎著風趕著霧
和你忽遠又近 難望見偏觸摸到
柔情盡訴多幾倍霧色遮掩會更好
其實那次差一吻已做到

當天不知不覺為何 我錯過了什麼
當天假使戀愛為何不愛清楚
到今天你我純真不多
無論如何未敢那樣傻
即使多深愛都總會一切計清楚
仍情願你不相信曾經交給我太多
其實我也不相信那是我

還記得我共你從未講心內事
而我偏已習慣沿用你喜愛用詞
回頭但覺即使我弄不清戀愛意思
仍共你開始過這玩意

>>May 30, 2004 at 2:59:30 PM GMT+8

2004 年 5 月 27 日 星期四 【晴】

朝早 , 同細佬跑步 , 之後番咗屋企食飯 , 下午 , 再同細佬過咗去第一城打波.........

不過 , 去到第一城 , 打咗一陣 , 個天就落起大雨來 , 真無癮 , 不過我同細佬今日發咗癲呀 , 哈.....哈.......最後決定 , 一於照打 , 不過個地真係幾濕吓 , 好滑 , 好容易會 '扒' 係到 , 之後同細佬one on one , 係咁0既環境下 , 都幾激 , 哈.....哈........

p.s : 我宜家係到練緊一樣0野 , 等我練到0既時候 , 一定會嚇親小白佢地一跳 , 哈.....哈........我覺得自己又進步咗啦..........

>>May 28, 2004 at 3:25:22 PM GMT+8