2004 年 4 月 11 日 星期日 【晴】

今日 , 專登約咗曉旻同羅永峄去源禾路打籃球 , 因為想同曉旻傾吓計.........曉旻 , 再俾d時間自己啦 , 羅永峄講得啱 , 俾多一個月自己啦..........不過我真黑仔 , 又俾人撞到流血啦 , 唉 ! 今年都唔知第幾次..........

今日 , 我想到一些啟發和事情...........

首先 , 我發覺 , 原來宜家有好多人 , 眼裡面都太著重自己啦 , 為著自己 , 一直係自己0既生活中 , 努力咁衝呀衝 , 口中常說著要忠於自己0既一切 , 又或是話為著自己0既未來著想 , 但係不知不過間 , 好多身邊0既人就咁被傷害 , 結果呢 , '成全了自己 , 犠牲咗別人' , 當然啦 , 我仍然覺得自己身邊有幾個人唔係咁 , 小白啦 , 雷捷啦 , 羅永峄啦等等 , 有陣時我都有係到諗過 , 我覺得自己太過係佢地0既保護下成長啦 , 尢其係羅永峄面前 , 每當我生活上趺咗落來 , 佢總是會走係你前面 , 向你吹寒問暖 , 講真 , 好多我覺得做人應該要執著0既道理 , 其實都係由佢地把口或者行為上所得著0既..........' 做人做事前 , 要將心比心 , 嘗試企起對方果一邊去諗諗 , 如果你都可以接受0既話 , 咁即係問心無愧 , 要多d關心別人 ' , 呢句說話係羅永峄係中四果年同我講0既 , 但係到宜家 , 佢每一個字 , 我都記得好清楚喎 , 而佢亦做咗我自己0既座佑銘 , 但係唔好意思 , 我仍然未完全做到 , 我仍然努力中 , 好記得小白係自己日記入面寫0既一句說話 , '做唔到一個好人 , 都要努力咁做住半個好人先 '...........

打完波 , 約咗細佬係沙田行街 , 因為答應咗送條褲俾佢............

夜晚番到屋企 , 同亞ming傾咗一陣 , 哈........哈.........其實我係有目的0架今次 , 亞ming , 希望你諗清楚先啦 , 作為朋友 , 我唔想見到你們咁 , 一句講晒 , ' 請珍重之 '...........

之後同咗雷捷傾咗一陣計 , 又俾佢睇穿咗我0既想法 , 哈.....哈......係呀 , 其實我一直都有d內疚呀 , 不過我會記得你同我講0既0野 , '取中庸之道........'

我仍然知道自己應該要怎樣做............

還有這首歌..........

洗剪吹 吳浩康

長嗟或短嘆 或者不可給你選
誰若試過戀愛 都必失過戀
留海或鬈髮 熱水風筒較剪
平復過去方法 卻是能自選
如果不可改變面型 就換個新髮型
臨場那適應力 叫做年輕

髒了便 洗一洗 你還年紀細
從沒眼淚與污泥 沒法可清洗
心痛便 剪一剪 那條情感線
無謂縛著掛牽 要看前面

如失戀 未可免
無謂看最壞那邊 越去撥越凌亂
將你煩惱絲一剪 角色 已可改變

誰也有種責任 好好打理自己
誰說你可嫌棄 嫌棄 自己

濕了便 吹一吹 愛情由它去
留下眼淚獻給誰 誰要這點水
分與合 洗剪吹 我們成長裡
尋伴侶 換髮式 各有程序

如失戀 未可免
無謂看最壞那邊 獲益都算不淺
剪個頭髮變出新人 前事不用怨

期盼理想對象 邂逅在前面
尋到愛戀之前 還未有漸退的 髮線

送俾所有聽完有所啟發0既人啦 , 哈.......哈........

>>April 13, 2004 at 2:05:40 AM GMT+8

2004 年 4 月 9 日 星期五 【晴】

今日 , 同細佬食完lunch , 就上咗去琨仔屋企玩 , 打機又打麻雀 , 哈...........哈............今日真係好恐怖..........

話說我們今日打咗8圈麻雀大戰 , 但係我今日就旺到亞媽都唔認得 , 今日全日都好似自己係到show time 咁 , 哈.......哈..........十三么又食過 , 大三元又食過 , 混一色又食過 , 都唔記得自己自摸咗幾多舖9番10番啦 , 最後結果 , 1家贏3家 , 贏咗$460 , 好0野 , 有得買新衫著 , 哈......哈........講笑咋 , 雖然贏咗咁多錢 , 不過答應過佢地贏多過$400就請佢地食飯 , 所以都未必有得袋落袋 , 不過話時話喎 , 亞gap今次又幾好彩喎 , 冇上來 , 唔係一定連佢都死埋 , 哈.......哈..........不過聽佢講佢買0既波都好似係輸晒............

之後番屋企0既時候 , 同七輝傾咗一陣密計 , 唉 ! 我都幾明白你宜家0既情況0既 , 不過我諗你冇得選擇0羅 , 或者呢d係天意 , 哈...........哈...........

之後走人 , 因為有個 friend 話來我屋企搵我傾計 , 唉 ! 呢個世界又會有咁多人失戀0既 , 仲要吓吓都來搵我傾計 , 你估我真係失戀王咩 , 要認 , 都係叫小白認啦 , but anyway , 既然朋友有難 , 我們義氣仔女一定幫忙 , 睇來今晚都冇覺好瞓啦............

期間 , 個friend同緊我細佬傾心事 , 於是我係icq到 , 同亞ming傾咗幾句 , 比咗自己有份攪首新歌佢聽 , 點知佢又做低b仔 , 傻咗 , 哈..........哈............之後傾咗一陣 , 又再陪我個freind打ps2 ,睇來咁就一晚啦.......

我諗 , 聽日要開始溫吓 public health 啦 , 因為星期二有test...........

>>April 11, 2004 at 2:29:09 AM GMT+8

2004 年 4 月 7 日 星期三 【晴】

之前果幾個星期 , 因為整親條腰 , 連講0野都痛 , 呢幾日好番好多 , 所以今晚過咗去第一城打籃球 , 撞到肥叔同波仔 , 大家又暢所欲言一番 , 講真 , 好似好耐都冇同他們傾計啦 , 所以今日特別投契 , 簡直無所不談 , 哈.........哈..........

不過 , 今日射波好似差咗少少喎 , 我諗要一段時間練番好d手感先 , 如果唔係 , 點同小白佢地one on one , 呵..........呵..........

番到屋企 , 個人累到想死 , 個身體又累 , 個心又累 , 之前係咁趕功課 , 又有勁多test , 今日終於有得break吓...........

今日自己的主題曲...........

抬起我的頭來 楊千嬅

這首歌不好播 全是我的錯
我怎可再信任我耳朵
你卻迅速關起唱機 決定要我聽清楚
你說想三方都好過 不要兩邊滿座
我說你點你的火 我難自己的過

我的手這麼震 難受到興奮
如在生死關頭無遺憾
你說對她關心太少 我自信卻多得很
我快將一手掌紋 刻進滿杯裂痕
為何還著緊 杯中有你的初吻

抬出你親愛的前來 圍觀我一去不回來
拿出我僅有尊嚴來 宣佈你我再不相愛
抬起我低過的頭來 由始至終這些年來
如果你的愛心健在 用來害你所愛

p.s : 喂 ! 小白 , 好耐冇同你傾計啦 , 搵日一起吹吹水啦............

>>April 9, 2004 at 3:15:31 AM GMT+8

2004 年 4 月 6 日 星期二 【晴】

昨晚 , 係poly做sd功課做到幾夜 , 成十一點幾先番屋企……….

今朝起身 , 約咗亞ming , 琨仔同亞gap唱lunch k , 於是決定順便番埋堂hydraulic 0既tutorial , 大約1點鐘左右 , 同埋亞gap佢地 , 去咗neway唱k , 行過去果陣 , 撞到katherine , say咗句hello , 之後就走咗啦 , 講真喎 , neway果度d 0野都幾好食喎………

之後 , 大約4點鐘左右 , 同佢地番沙田 , 去咗fun-zone打機 , 哈……..哈 , 我們今日傻咗 , 仲要係入面玩咗個幾鐘 , 玩埋d低b game , 哈……哈…….亞ming , 有進步呀 , 然後 , 亞gap話要買波 , 於是去咗馬會 , 然後我走先番屋企 , 因為有點累 , 而佢地就係沙田食晚飯……..

番到屋企 , 睇番阿仙奴對車路士埸波 , 哈…..哈…..一句講晒 , 阿仙奴抵死 , 咁都出唔到線 , 同樣 , 皇馬都係一樣咁衰 , 哈……….哈………睇來今年有人陪曼聯一起低b……….

p.s : 喂 ! 唔好攪錯啦 , 我個頭係染咗紫色呀 , 唔係紅色呀……….

>>April 7, 2004 at 3:59:08 PM GMT+8

2004 年 4 月 4 日 星期日 【晴】

今日 , 個心硬係有d唔係咁開心0既感覺 , 不過我知道...........

之前 , 睇完亞gap 0既dairy , 亞ming0既daily , 仲有曉旻近日0既事情 , 我明白 , 大家都有好多自己唔開心0既事情 , 包括自己在內 , 但是就是這樣沒辦法 , 唯一可以做的 , 就是用盡自己身上所有0既快樂將它撃倒吧 , 我只有這樣的想著........

之前 , 細佬不為意咁問過我 , 上次件事係咪令到你hurt得好緊要呀 ? 其實我可以答係0既 , 有時想起 ,個心仲會好痛 , 不過都冇辦法啦 , 人生有時就係咁 , 唔係有d 0野永遠留係你個心入面 , 你又點知自己曾經係呢個世界裡面活過呢 , 係咪 ? 呢次0既事 , 我學咗d 0野 , 亦都睇清楚身邊好多人 , 究竟誰是誰非 , 這些總算有點得著0既 , 亦可以說是苦中作0既樂0掛 , 哈.......哈........

今日 , 我全日大多是聽著一首歌來 , 每次聽著它 , 總是有一種苦味 , 今日亦不例外.........

明年今日 陳奕迅

若這一束吊燈傾瀉下來 或者我 已不會存在
即使你不愛 亦不需要分開

若這一刻我竟嚴重痴呆 跟本不需要被愛
永遠在床上發夢 餘生都不會再悲哀

人總需要勇敢生存 我還是重新許願
例如學會 承受失戀
明年今日 別要再失眠 床褥都改變 如果有幸會面
或在同伴新婚的盛宴 惶惑地等待你出現
明年今日 未見你一年 誰捨得改變 離開你六十年
但願能認得出你的子女 臨別亦聽得到你講再見

在有生的瞬間能遇到你 竟花光所有運氣
到這日才發現 曾呼吸過空氣

>>April 5, 2004 at 4:41:32 AM GMT+8

2004 年 4 月 2 日 星期五 【晴】

今日有test , 係contract個test , 背書背到死死吓 , test緊果陣時 , 條粉腸光頭腦仲要玩錄影 , 話防止我們班同學出貓喎 , 唉 ! 傻0既 , 宜家仲出乜鬼貓呀 , 係都會考時出啦 , 低b........

之後test完 , 都半條人命啦 , 跟住去咗踢波 , 條腰都總算ok , 不過好易累啊 , 哈......哈........要慢慢來.........

跟住同亞gap上咗琨仔屋企 , 睇曼聯 vs 阿仙奴 , yeah ! 好0野 , 曼聯贏咗 , 之後同亞ming打麻雀 , 呵.....呵.......唔知係佢黑仔定係佢坐係我下家 , 竟然全晚都係食得一舖糊 , 結果........唔好講啦 , 哈..........哈..........

總括來講 , 今日真係好累啊 !

想起一首歌來 , 相信現在沒有大多人會知道它的存在 , 但我亦相信它好快便會流行起來 , 一定會........因為 , 哈........哈........唔知呢............

找我 梁漢文

我 有見過我吧
撞面於哪地 尚在調查
我 我走失了吧
但是失落何地 誰能回話

得 孤單會認得我 和沉默倆躺臥
日子給洗刷 思想給折磨
我願守在原地 再度找我

曾經 將一顆心埋在這地 殘留回憶獻技
這凶器 太鋒利 身心亦分離
留下傳記 無劇情講心死

你 你說你愛我吧
我會否接受 尚落力調查
我 走失了吧
但是失落何地 誰人能回話

請 收起這份牽掛 無能力接收下
沒空位擺放 簇新的愛情
某段 失落 情話 結下瘡疤

如果 將一顆心投入禁地 仍然埋首獻媚
這凶器 鋒利 由不適合嬉戲
留下傳記 劇情講心死
尋覓自我傳記 隨劇情終枯死

p.s : 曉旻 , 所有事情都慢慢來啦 , 一切皆視乎天意 , 不過 , 我都相信你講0既說話0既 , ' 天地有正氣 , 因果有報應 '............

>>April 4, 2004 at 12:56:35 PM GMT+8

2004 年 3 月 31 日 星期三 【晴】

昨晚溫書溫到夜咗少少 , 今朝唔知醒起身 , 一起身 , 望吓個鐘 , oh , shit ! 成十一點 , 死啦 , 仲話約咗iris食飯 , 遲晒大到 , 於是以九秒九0既速度換衫 , 出門口果陣 , iris打來 , 我唯有講我番緊去啦 , 結果 , 遲咗幾個字 , 哈......哈.......要人地女仔人家係到等自己 , 真係唔好意思啦 , 之後 , 我地去咗黃埔附近一間餐廳食lunch , 但原來佢竟然之前未來過 , 哈…..哈…..有冇攪錯 , 之後 , 食完0野 , 番poly上hydraulics 0既lecture , 上到2點半 , 之後去咗圖書館再次進入我0既溫習世界中 , 呵….呵……皆因小弟要發力啦 , 之前一直咁沉落去 , 真係唔係辦法………

之後 , 下午5點鐘左右 , 本來諗住等埋小白同雷捷 , 一起番沙田食個靚tea , 點知雷捷要去藍田補習 , 而小白就乘機 ‘縮沙’ , 死仔包 , 冇義氣呀 , 冇人性呀 , 重色輕友呀 , 難得本少爺肯等你咁耐 , 你唔好俾我見到你那個呀 , 我實唱衰你呀 , 哈….哈……之後 , 都有搵亞ming同琨仔0既 , 可惜佢地全部已經番晒屋企 , 亞ming仲話搵我睇戲 , 不過唔好意思啦 , 呢套戲唔係咁啱我 , 我驚成晚都會瞓唔著0羅 , 跟住唯有自己一個死死地氣番屋企 , 哈…..哈…..都係亞媽最好 , 係電話到聽到我話肚餓 , 整定腕特大公仔麵我食 , 真係感動啦 , 心諗 : [ 哼 ! 好過d食死包呀…….] 好 ! 亞媽咁好 , 令我即刻想起一句說話……
'靜心送俾媽 , 需要理由嗎 ?’ 嘩哈哈哈……….我諗我找死啦……..

我諗我條腰都ok 0架啦 , 如果一切順利0既話 , 而星期六又冇落雨 , 我諗我可以開始踢番波0既 , 不過要小心d , 因為我想打addidas……..

星期六呀 , 仲有contract 0既 mid-term test , 要努力溫書 , 大家之前都幫咗我好多 , 尢其係亞john同氣銘佢地 , 係功課上真係幫咗我好多 , 因為佢地 , 我宜家先吊住未死得…….

曉旻 , 唔好咁唔開心啦 , 我明白 , 因為我不久之前 , 都經歷過呢d時期 , 係真係好辛苦 , 不過 , 信我吧 , 大家都是可以捱過0既 , 宜家呢個階段 , 最緊要就係令自己舒服 , 放縱一吓自己都可以接受0既 , 想做什麼便做什麼啦 , 有唔開心 , 就搵我啦 , 我隨時奉命報到 , 哈…….哈…….
不過 , 有一樣0野一定要自己調教 , 無論她再同你講什麼 , 你都要抱住一個心態 , 佢講乜都算啦 , 唔好再放上心頭 , 因為一切都已經冇用啦 , 仲使她是說了一些感動0既說話 , 傷害0既說話 , 內疚0既說話 , 你就全部當佢冇講過0野啦 , 呢d全部都係我0既經驗…….

唉 ! 近排都係幾多唔開心0既事發生………

好 ! 聽日搵表姐食個lunch , 順便同佢傾吓心事同想法先..........

p.s : 我好喜歡彈琴 , 真係好喜歡彈琴...........

>>April 1, 2004 at 12:53:15 PM GMT+8

2004 年 3 月 29 日 星期一 【晴】

今日 , 終於有一些事情 , 本來冇想過理會它 , 但現在 , 我將它完結了 , 大家再沒有什麼關係了 , 成個人好似鬆了一口氣 , 一直悶在於心中0既一口悶氣..............

希望真的................
'一個完結 , 便是另一個開始...........' , 我仍然是這樣的盼望.........

喂 ! marco , 努力d啦 , 冇人會睇小你 , 我覺得 , 亦明白到 , 女仔唔係好睇樣0架咋 , 佢地最留意0既 , 係你個人品同埋會唔會鍚佢對佢好 , 俾d信心自己吧 , 哈.....哈..........縱使她真是一個靚女.......

唉 ! 好多功課同test呀 , 仲有lab report , 死得人0架啦...........

>>March 30, 2004 at 1:51:57 PM GMT+8

2004 年 3 月 28 日 星期日 【晴】

今日係poly圖書館 , 係到睇到一本書 , 其實我唔係有心想搵呢本書來睇 , 只不過咁啱睇到佢個書名 , 幾得意 , 之後 , 打開來睇咗幾頁 , 入面寫咗幾個問題 , 令到我重新深思番好多0野 , 心入面亦都想到一些結論來............

' 原來自己一直都是好天真 , 一直以為她和我一起好開心 , 好幸福 , 咁又點 , 但係到最後 , 始終都係追唔番她 , 可能我一直都冇講過一句打動她的說話 , 可能我一直都冇做過一件令她歡喜的事情 , 所以她選擇咗離開我 ' , 不過 , 我知道 , 件事總算應該告一段落 , 唔可以再望番轉頭 , 亦唔可以再唔開心起來............

之後 , 今日 , 我很喜歡聽著一首歌..............

每次醒來 劉德華

不小心打翻我的玻璃瓶
你從來沒有這樣多歉意
花靜靜躺在桌上
水靜靜流向四方
搶著要 做什麼
我們竟就這樣割傷了對方

最喜歡散步了 ＯＨ我的你
也不是拖延也不是著急
從不說向那裡去
從不曾向那裡去
不經心 又驚心
我們竟就這樣避開了確定

ＯＨ 每次醒來都怕你不在
ＯＨ 每次都想掙脫你醒來
ＯＨ 終於明白生命裡面總有個人
可以去愛 不能依賴
ＯＨ 每次醒來都怕你不在
ＯＨ 每次都想掙脫你醒來
可是我知道當你終於將我放開
我會在 原地徘徊

每一次 我醒來
都在曠野中
那麼不知所措 等待

今晚要趕site visit 0既report...............

p.s : 放心 , 我唔係唔開心 , 只不過係對一些事作了些結論 , 只此而矣...........

>>March 29, 2004 at 12:27:01 PM GMT+8

2004 年 3 月 25 日 星期四 【晴】

今朝起身 , 以為番9:30 , 點知番到poly , 先知道原來今日係番10:30 , 無奈 , 之後仲要俾大峄笑 , 哈.......哈........

中午 , 表姐約咗我去食lunch , 點知佢竟然話今日想食麥當勞 , 仲要搵埋個女同事來 , 唉 ! 唔該下次再有d咁0既0野來攪 , 事先通知我先啦...........我話0既 , 一定冇下次呀 !

之後 , 番咗去poly圖書館溫書 , 溫到6:30左右 , 走人 , 番屋企 , 途經沙田 , 幫咗大峄佢地買咗個英超用0既足球 , 整到我都想踢幾腳 , 不過自己知自己事 , 我條腰緊要d , 哈........哈..........要快d好番 , 先至可以再運動............

其實 , 今日成日我都係到聽緊同一首歌...............

野孩子 楊千嬅

就算只談一場感情 除外都是一時虛榮
不等於 在蜜月套房 遊玩過 就可自入自出仙境
情願獲得你的尊敬 承受太高傲的罪名
擠得進你臂彎 如情懷漸冷 未算孤苦也伶仃

明知愛 這種男孩子 也許只能如此
但我會成為你最牽掛的一個女子
朝朝暮暮讓你猜想如何馴服我
若果親手抱住 或者不必如此
許多旁人說我不太明瞭男孩子
不受命令就是一種最壞名字
笑我這個毫無辦法管束的野孩子
連沒有幸福都不介意

若我依然堅持忠誠 難道你又適合安定
真可惜 說要吻我的還未吻 自己就夢中甦醒
離場是否有點失敬 還是更轟烈的劇情
必需有這結果 才能懷念我 讓我於荒野馳騁

每次聽呢首歌一次 , 就會多一分的感觸 , 或許是楊千嬅 , 又或者是d melody , 但亦有可能的 , 是全首歌的歌詞 , 或許這首歌的歌詞 , 放在我的耳中 , 真係說得好中............
' 情願獲得你的尊敬 承受太高傲的罪名 擠得進你臂彎 如情懷漸冷 未算孤苦也伶仃.....' 和 ' 若我依然堅持忠誠 難道你又適合安定 真可惜 說要吻我的還未吻 自己就夢中甦醒....... '
呢幾句歌詞 , 俾到我最多0既共鳴 , 亦因為這樣 , 呢首歌一直都是我最喜愛0既一首歌........

唔知點解 , 今日番屋企0既時候 , 有一種孤伶伶0既感覺 , 哈............哈............或者落住毛毛雨 , 又或者我不知不覺代入咗 '野孩子' 0既角色中.........

無論點都好 , 今日有一d奇怪0既感覺係個心入面留低.............

>>March 26, 2004 at 5:42:33 PM GMT+8