2004 年 10 月 4 日 星期一 【晴】

簡單講吓呢排做乜....

星期五 : 同亞ming佢地打麻雀 , 最後 ---- 輸錢收場......

星期六 : 日頭係屋企抖 , 夜晚同亞gap去咗牛皮沙到踢波.....

星期日 : 約咗小白 , 雷捷 , 亞狗 , 蔡浩廣 , 羅永峰 , 大鼻 , 仲有佢地0既一d friend , 大家浩浩蕩蕩咁出咗去源禾路打波 , 講真 , 好耐都未試過咁多人一起打波啦 , 所以我果日都幾享受大家一大班人0既時間 , 哈...哈....不過 , d亞叔愈來愈矛 , 又攬人 , 又撞人 , 仲要話自己冇犯規 , 真係叫人吹脹....

星期一 : 又照常番工 , 放成8點幾 , 後來係屋企留下撞到周啟宇 , 傾咗幾句 , 大家閒話一番......

星期二 : 頂 ! 又係放成8點幾 , 就來死得 , 個人著住套制服 , 仲顯得特別累.....

p.s : 呀 ! 我發覺一樣0野 , 原來身邊都ok多人想走來考入境0架喎 , 哈...哈....咁大家努力啦吓.....

>>October 5, 2004 at 1:28:41 PM GMT+8

2004 年 9 月 30 日 星期四 【晴】

講多冇謂 , 仲之一句講晒 , 我唔會做佢地做0既0野 , 因為我完全唔同意佢地0既做法 , 我只係會做番自己認為啱同值得0既0野.......

正所謂.......
'錯就要認 , 打就要企直 !'

都唔知有乜0野好 '肴底' !

>>October 2, 2004 at 4:59:13 PM GMT+8

2004 年 9 月 26 日 星期日 【晴】

唉 ! 咁大個人都未試過咁冇尊嚴......

係0既 , 宜家呢個世界 , 顧客永遠是對的0既.....

算 ! 今日真係好唔想講0野.......

>>September 27, 2004 at 1:29:00 PM GMT+8

2004 年 9 月 23 日 星期四 【晴】

嘩 , 真係辛苦 , 日日都係馬拉松式0既工作時間 , 攞命........

日日一開始番工 , 一坐埋自己個位到 , 當真係...
'舉頭望電腦 , 低頭 see file 呀...'

d亞頭 , 成日都整鬼我 , 有乜理由呀 , 次次佢地就跟韓國 , 日本同台灣 , 而我呢 , 就次次都係跟巴記 , 菲律賓同印度 , 最好都係得d相程證來跟吓 , 簡直冇天理呀 , 我話過 , 我實有一日要同佢地調轉番 , 嘩哈哈哈.......

呀 !小白條友仔 , 真係痴咗綫喎 , 係自己個日記寫咗首咁0既詩 , 感覺就好似 '除自摸' 0既 <<也許>> , 真頂癮......

呀 , 醒個正0既 suggestion 俾小白你先得 , 拿 ! 98年紅色萬寶路連閃燈包邊0既v仔絕對係你下一部電話0既最適當選擇 , 原因好簡單 , 因為佢同你一樣天生麗質 , 最重要係佢同你都長期處於online狀態 , 完全啱晒你0既life style , 你們梗直就係天生一對0架 , 嘩哈哈哈.........

>>September 24, 2004 at 1:19:00 PM GMT+8

2004 年 9 月 21 日 星期二 【晴】

我諗我諗得多咗了........

其實 , 記著這句或許便足夠了........
'叵扶弱勢......'

聽日又來新一日 , 聽日又是另一個0既開始.....

>>September 22, 2004 at 4:21:00 PM GMT+8

2004 年 9 月 19 日 星期日 【晴】

今日又係8點幾9點先放工 , 或者係工作時間太長 , 又或者係我開始發覺咗有d事情0既存在 , 所以之後放工自己一個走咗去海旁到靜靜咁諗咗十五分鐘........

今日 , edmund sir 叫咗我入房 (佢個post係a.p.i.o , 即係好大) , 大家傾咗個幾鐘 , 不過唔係同我照肺 , 反而佢係好似擔演一個長輩0既角色教咗我好多0野 , 點出咗我好多0既不是同短處 , 我知佢真係好人先教我 , 所以我好受落佢講0既0野 , 總括佢所講0既說話 ---- 佢覺得我份人冇乜信心 , 同埋要留意多d自己0既說話技巧 , 要學識多d保護自己 , 唔可以太過輕易信人.........

係入境處做咗個幾月啦 , 壓力係愈來愈增加 , 以前我好渴望做紀律部隊 , 可以著起套制服走去幫吓人 , 宜家真係可以成真啦 , 但係同一時間 , 就係俾佢令到我有一份幾大0既壓力 , 你一著起套制服 , 你就要理所當然0既照顧其他人 , 雖然我們係受過適當0既訓練 , 但係我開始覺得自己係咪真係可以應付得來.....

同時 , 我係感覺到呢到開始有一些勾心鬥角0既現象出現 , 而且開始影響到我 , 其實 , 我只係想做一個簡單0既紀律部隊人員 , 我真係唔係好想捲入一d無謂0既權力鬥爭中, 起碼我宜家覺得自己冇咁0既需要 , 好老土咁講句 , 我只係想走去幫吓人 , 服務吓人啫 !

我諗我真係要好好咁諗清楚吓........

>>September 20, 2004 at 3:59:31 PM GMT+8

2004 年 9 月 18 日 星期六 【晴】

潛龍勿用 謝霆鋒

貴重財物要好秘密 你就藏在我身
用電話繩箍到頸背敏感
你年年日日 繼續留下我指紋

你別移動你好大塵 快用肥皂擦身
就像頸鍊乖乖跟我貼緊
我們明明蜜運 宇宙唯獨我二人

給你精細的血管 給你精美的五官
不等於你需要公開搞試用
給你一柄手槍 不要給你子彈
它會跟你纏綿地溝通

給你一對手 不等於要擁啊擁
不要擁抱擁到歇斯底里
做到人人樂用 這是承諾你懂不懂

為何拿甜言蜜語印證你嘴巴有用
別以為長期陪著我會廢掉嘴角武功
為何拿眉頭額角印證你美色有用
記住潛龍勿用 這樣玄妙你懂不懂

你像財物要守秘密 你就藏在我心
用甚麼雙手雙腳找你新生
然後行人就勿近 以後寧願你不是人

給你精細的血管 給你精美的五官
偏要給你給你一顆心躍動
給你一柄手槍 給你一發子彈
不等於要放進誰的胸

給你一對手 偏要給你擁啊擁
所以抵你抵你歇斯底里
誓要人人樂用 有用無用你懂不懂

我鍾意呢幾句...
'給你精細的血管 給你精美的五官
偏要給你給你一顆心躍動
給你一柄手槍 給你一發子彈
不等於要放進誰的胸
給你一對手 偏要給你擁啊擁
所以抵你抵你歇斯底里
誓要人人樂用 有用無用你懂不懂...'

p.s : 哈....哈....唔好意思啦 , 小白 , 哈.....哈.......真抵死 !

>>September 19, 2004 at 3:14:16 PM GMT+8

2004 年 9 月 15 日 星期三 【晴】

呢排 , 發生0左兩件事 , 係關於自己工作上0既.....

不過呢兩件事 , 令我覺得自己係需要調節番0下自己 , 如果唔係 , 我驚自己有d方向會做錯0左 , 呢樣0野係我自己最唔想見到0既 , 因為我最唔鍾意0既就係呢種人 , 我驚自己都會變成咁......

有同亞gap提過 , 亦都有同小白傾過 , 小白叫我只要將果件事放開d就得啦 , 咁我諗我都知道0既 , 不過我諗我要成日警惕住自己.........

其實呢排都幾多0野煩 , 因為好多0野你宜家要做得好適當先可以 , 要擔心住每一步應該要點行 , 有時真係覺得 , 細路仔果陣時真係幾開心 , 起碼唔駛好似宜家咁顧慮咁多.....

有d人會同我講 : '你宜家個處境已經好好 !' , 不過我自己知道 , 只不過係 '你睇我好 , 我睇你好 !' , 有時我覺得自己宜家好似係行緊鋼綫咁......

>>September 16, 2004 at 1:24:50 PM GMT+8

2004 年 9 月 13 日 星期一 【晴】

今晚 , 睇咗 <<甜絲絲>> , 呢套戲好正 , 真係好正 , 我好鍾意睇呢類型0既愛情小品 , 又有得笑 , 又有point俾你諗 , 講0既愛情道理我都幾接受 , 哈...哈....

仲有 , stephy係戲入面都真係幾靚.........

>>September 15, 2004 at 1:48:30 PM GMT+8

2004 年 9 月 11 日 星期六 【晴】

冇乜心機寫0野 , 所以就咁講吓呢幾日做d乜算數.....

星期五 : 都係咁番工放工 , 不過之後都約咗小白同佢女朋友係又一城聚一聚 , 佢女朋友把聲都真係幾老牛吓 , 哈....哈......

星期六 : 番工番半晝 , 之後搭船過咗尖沙咀食過lunch , 之後番咗屋企抖吓先 , 皆因夜晚約咗琨仔佢地係大圍踢波 , 之後一起食晚飯 , 細談之後 , 大家都出咗糧啦 , 睇來係亞ming份工出得最多 , 哈....哈.....

星期日 : 全日都好累 , 之前成個禮拜都勁做0野 , 今日都要係屋企做埋d手尾 , 一個字 ---- '慘'......

p.s : 呢個weekend , 馬會又來變態一番 , 而我 , 都總算可以絕處逢生呀 , 哈...哈....最後結果 , 淨贏十元多正 , 同七輝差唔多 , 哈....哈.....

>>September 12, 2004 at 10:53:16 AM GMT+8