2004 年 3 月 28 日 星期日 【暴雨】

我隔差唔多一個星期先寫日記漸漸已成為這日記的特色了.
每日都會有不同的事要去做.
好聽的, 就說是充實; 無咁好聽的, 就是忙.

今日, 完成了 climato. present. 總算是放假前最後一份 present+report 了.
只要我做埋 RP 個自我評估同 prepare 埋 business 的 present, 我就可以開心的迎接復活節假的來臨~
不過, 放完假後, 就是勁交 term paper 的時候.
說是假期? 也未必全對.
要著手 prepare 那些可殺人的 term paper 同 report 喇.

聽日就係我地"地知泉"的AGM 了~
這是一個落莊的符號, 算是休止符吧.
確實, 我對上莊感到有點累了. 從yr 1 跟莊到現在下莊了, 已有一年多了
當中真是悲喜交集, 學懂了很多很多, 也體會了很多很多.
我真是無悔上莊, 只是感到有點累吧.
上莊, 是我在大學生活裡一個很難忘, 很值得懷念的一件事.
上莊, 也擴闊了不少我的社交圈子~
識到很多好朋友呢~

>>March 29, 2004 at 4:37:03 PM GMT+8

2004 年 3 月 21 日 星期日 【晴】

今日可以有時間寫日記了.
有時日記真的不能日日 keep 住寫, 除非我真係日日得閒啦. (相信都幾難)

上星期六呀爸呀媽去完歐洲返黎.
諗住佢地會玩得好開心啦.
點知呀媽佢玩到第五日就唔小心跌斷手.
佢0係歐洲0個陣都有打俾我地報平安, 但係就無提到佢隻手有事, 為的是免我們擔心.
唉...........呀媽真係好傻, 佢真係為我地諗得好周到............好感動 !!
好彩佢0係歐洲0個到有睇醫生, 如果唔係點等到幾日後先返香港啊?

諗返起佢地返香港0個陣我仲返緊工, 無接佢地機, 都真係幾不孝.
不過呀哥有0係機場到車佢地返黎, 起碼幫到佢地拎行李.
放左工打俾佢地, 佢地0岩0岩返緊屋企.
一問之下先知這件事, 無幾耐就傳到我0個兩個家姐.
我地返屋企集齊後, 放底0的行李同帶埋0的病歷就即刻去左 QE 睇醫生.
由於呀媽都傷左一個星期, 0的骨都開始埋口, 雖然0係歐洲0個到都有接受過治療, 但係舊骨都係生得唔係好正, 但係都係無計.......再整又會好痛, 不過好彩個醫生話點都唔會影響到日後活動.
心中即放下一顆大石.
打了石膏, 可以走了, 但都等到夜晚 11 點幾 loo.
本來諗住返到屋企做 transport report 都無做到.

之後星期日, 坐左0係部電腦面前足足成日, 係咁做 transport report.
終於0係0個日 12:00am 前做哂 !!
嘩~ 勁開心~ 未試過呢種感覺.
唔洗星期一 (今日) 走堂黎做呢份 report.

至於今日, 我真係無走堂, 不過就上足成日堂, 都幾 tired.
上星期走左咁多堂, 今個星期一定唔可以再係咁 !!

>>March 22, 2004 at 3:45:08 PM GMT+8

2004 年 3 月 18 日 星期四 【陰】

今朝又走堂.......
唉........好似控制唔到自己咁
有0的失控0既感覺, 我都諗唔到解釋.
今個星期已經走左 5 個鐘堂.
我諗下星期唔會繼續喇 gua.

尋晚支新莊 EGM.
佢地都答得唔錯, 特別係 Brian 俾我感覺到佢 prepare 得好有心機, 好好~!
但係都係想佢地好好思考下我地0既意見.
佢地今年得 Karry 一個做宣傳, 學麗霞話, 佢一定會好辛苦, 希望佢 can handle it.

尋日同朱安, Joseph 去左睇"呀 Sir 來自樂人谷"
勁爆笑 !!
但係臨尾有0的悶.

至於今日, 無咩野好提
好頹廢.
但係夜晚同家姐"撐"檯腳, 食到好飽~
又食左三文魚刺身, 好開心~

>>March 19, 2004 at 1:53:20 PM GMT+8

2004 年 3 月 14 日 星期日 【陰】

今日唔知點解點都提唔起精神.
朝早的兩個鐘 business 堂, 我又一次走了.
唉.............成個人無乜士氣添, 都唔知搞乜.
更年期? 哈~

今日"女皇"同我講左佢件事喇.
我都知道, 這是要靠你自己的了. 我對你有信心的.
很多謝你會同我講. 我很享受朋友對我傾訴.
我亦都希望你會盡快忘記和適應吧.

哈~ 無啦啦做左"女皇"的"羽絨婢"

呢輪身邊朋友發生的事令我懷疑自己是不是一個正常人.
我真係從來無諗過"愛"呢樣野原來係可以影響一個人很深的.
我從來也沒有真正的諗過"愛"原來可以使人諗到很多野.
覺得自己從來沒有用腦諗過感情呢0的事.
雖然我都曾經愛過、鍾意過人, 也曾為呢0的事而令自己很不開心.
但他們的事令我感到我的所謂"愛"很不成熟, 我諗得太簡單了.
我諗我也是一個不懂處理感情的人.
唉........如果唔係, 我又點會搞到我今時今日呢個地步丫.

今日知道了之前的兩個 mid term 的成績.
一如所料.
唉................

>>March 15, 2004 at 4:53:32 PM GMT+8

2004 年 3 月 13 日 星期六 【陰】

今朝約了 friend 去打籃球.
嘩.....真係好耐無試過咁爽喇.
雖然輸了很多場, 但還是很開心~

之後留0係屋企做 RP.
又係0個句.
我好耐未試過真係無野做的 weekend 了.....

夜晚本身諗住同0的 friend 傾偈.
但後來我也沒有參與其中.....

我想講, 我真係無細心去留意過一些東西
我真的不知整件事究竟是一件怎樣的事.
不要叫我估任何東西吧.
我只想細心聆聽.

對呢0的事, 我唔鍾意估, 也不想去估

>>March 14, 2004 at 4:33:32 PM GMT+8

2004 年 3 月 11 日 星期四 【陰】

社盾..........在我做超級緊張的幕後工作過後, 完結了........
今晚, 出了不少問題, 播唔到 MD, over run 勁長.........幸好最終能一一化解.
簡直叫我心就黎要跳出黎一樣.
手足無措的心情, 多得有其他幕後工作人員為我減輕了不少.
有人覺得 PERM 的某某人衰, 不值得幫他.
但今晚不是有他和其他人的合作, 絕對是不能完成的.
既然他是我們曾經合作過的戰友, 為何不出一分力幫幫他呢?
只是一件很小的事吧.
真的, 助人為快樂之本.

壓力過後.
還是有種難以言喻的心情.
精神與心神都好似好 tired.
雖然已沒有要負責的 function 了, 但還有其他手尾要跟呢, 代表會就是其中一個.
煩.......

呢排感到身邊一片傷感的氣氛.
身邊的朋友
都為了感情問題而受困擾.
"變", 這個字真是話黎就黎
快得令我也感到恐怖.
太突然的轉變
平時開心簡單的氣氛驟然離去.
我也為他們而都心沉了下來.

或者我是一個冷感的人.
想來想去也不明白他們為什麼會傷心得這樣痛苦.
幫不了他們很多, 也不能了解他們.
見著自己對他們幫不上忙.........懷疑自己真是他們的朋友嗎?
這就是我的缺點吧.

>>March 13, 2004 at 7:24:42 AM GMT+8

2004 年 3 月 7 日 星期日 【晴】

上個星期六、日上左大陸遊遊.
但係係跟東根上去考察珠江三角洲的港口發展, 只限讀 Transport Geog. 的同學 gar ja~
整個考察比我想象中好好多.
見識多左, 又可以將一些上堂學到的東西用於這次考察中(東根好有心機咁講解俾我地聽)
而且仲識多左人, 終於認識哂全班同學, 因為好多都係中研的同學, 之前並唔認識呢.
星期六晚的晚餐, 大家各自介紹自己、一齊玩遊戲、同東根"乾杯"飲啤酒；之後一齊行夜街、飲野吹水, 實在很難忘.

原來珠江三角洲的港口真是不斷在快速發展.
鹽田港的確令我留下深刻印象, 它憑著天然優勢, 發展潛力確是令人驚歎.
但可惜的是它的發展始終受制於中國覆雜的官僚、政府的限制. 令貨運增加了不少 time and costs.
而虎門港卻稍遜了. 水深不深、交通配套也不完善, 只可以永遠做 feeder port 吧.
另外一個港口就是南沙港, 但只是仍然發展當中, 是一個很初期的階段, 只發展了配套設施.
我想, 香港港口憑著天然優勢、自由進出口、完善的服務及配套, 還有很長時間生存吧~

而令我覺得最失望的就是常平的大京九物流園.
從網上的資料看來, 它是一個很好的基建.
水就吹得好勁, 但那裡卻一點也沒開始發展過, 而且也面對著很多收地問題.
藍圖是很大啊, 但卻大而無用, 服務的範圍只是區域性及貨品種類只是農產品和原材料而已. 這些服務都能在本身的市場裡找到.
會唔會好似香港的中藥港那樣, 胎死腹中呢?

唔.
今次呢個 field trip 真係好值得去~
星期日晚仲同倩兒、Bella 一齊行書城同0係羅湖食埋晚飯先返香港, 0個到0的野真係好平.

>>March 8, 2004 at 5:28:14 PM GMT+8

2004 年 3 月 3 日 星期三 【陰】

喂, 大媚, 做咩話我抵死啊?! 我都無死!
講緊邊件事先?
你淨係寫兩隻字, 咁我會唔知你想講咩喎.
莫非話我 mid-term 呢件事? 不過又真係我懶所致 ge.....

呀女, 你0的成績仲利害過我.
你下年一定要試試申請 scholarship 啊.
我諗你都可以 success ge~
因為........你講得無錯~ 醒老豆一定會有你呢個叻女 ge~
會遺傳 gar ma.

今日唔知做咩, 起身後心神恍惚.
連鎖匙都唔記得帶, 上到車仲要就落車先知.....
搞到今日無得0係 locker 拎本普通話書去上堂, 兼且又無鎖匙去 for 今晚返工........
不過好彩, 呀強有一條 locker key 同埋我同事 Desmond 借了返工鎖匙俾我.
成功解決事件~

上完堂後上左 Lab. 但係唔係去做 Lab, 而係搬左0的物料上去 Lab 到整社盾的 table stand.
多得 Man C, 呀軒, Kiki 同 Yuki 幫手, 今日順利完成 80%.
其餘的就留番俾 Wing 聽日搞掂埋去, 之後星期一就擺落舊 can.

原來我地社盾張 banner 有0的問題.
唔記得寫"社會科學學院", 淨係得"社盾", 搞到其他人唔知做乜.
唉............我之後記得原來我地所有 OC team 都有責任, 個個都應該睇過個 draft, 但竟然無人發現!
慚愧慚愧...........

哈哈~ 呢輪俾 Man C 佢叫"林"手臂.
哈~ 咁確實我條手臂又真係"林"左唔少.
好耐無做手部鍛煉喇...............都係一個字: 懶

>>March 4, 2004 at 4:13:44 PM GMT+8

2004 年 3 月 2 日 星期二 【陰】

都隔左一排無0係呢到塗鴉.
無寫日記的日子發生了什麼事都開始模糊了, 在這裡, 只想記下一些還是記得的吧.
可能會有點亂呢.

前0個兩個星期分別比賽左兩場足球比賽.
呢個足球比賽就係我地 Geog. soc. 搞的 mentor-mentee cup, 夾埋 3 個 yr + Staff & Alumni 比賽.
但係我地 yr 2 人腳唔齊兼無夾過, 所以戰果慘不忍睹..........
希望下年有破蛋的機會吧~

呢排忙於籌備社會科學院盾, 12/3 就係啦 !! 唔係有好多時間去準備, 希望搞得成功吧.
不過個地點係 LT3, 由於做 AC Hall 的關係, 我都算幾熟入面的器材, 所以我便填名做技術人員.
我諗呢個工作的壓力都幾大, 要有好好的臨場反應, 控制住0的 equipments, 一點出錯都不能 !
這也算是一項挑戰自我的任務.

今個星期分別有兩個 mid-term.
實在太懶又加上晚晚太夜回家, 沒有好好準備呢兩個 mid-term.
雖然結果還未知, 但經過了無限次考試測驗的經驗話俾我知: 俾個心理準備自己吧.
我的 time management 還有很多改善的空間.

尋日 Johnson 傻左, 吧口勁串. 我地一路做 Lab 佢一路口唔停.
完全係受了刺激的表現.
原來係因為 mentor-mentee cup 比賽中的一件事而激發起他日積月累的不快.
哈~ 今雲真係完全睇到 Johnson 的另一面.
也知道尊重人的重要.

0係今日做 Lab 0個陣, 無聊地用 Lab 的電腦上網 check e-mail.
哈~竟然俾我收到個好大的驚喜~~!!
我成功了~
我成功申請到 Geog. Dept. 的 scholarship~~
但係有幾多 $$ 就要遲0的先知.
但係好開心啊~~ 我直情0係個 Lab 入面大叫~

>>March 3, 2004 at 11:41:59 AM GMT+8

2004 年 2 月 23 日 星期一 【陰】

今日終於得閒寫下日記了.
之前的一個星期實是忙呢.
開會, 幫SU 籌備選舉, hold 個 SU consultation, 做assignment, 參加聯系比賽..........
不過, 在籌備 SU 選舉的日子裡, 實是學了不少東西, 亦擴闊了我的諗法.
我學會了以後在做每一件事前都要真的準備充足, 因為我確實是常常犯錯.

唔. 可能我呢輪太 tired 喇, 都諗唔到再寫0的咩.
下星期還有 2 個 mid-term, 又係時候重拾自己, 溫書喇 !!

>>February 24, 2004 at 3:48:05 PM GMT+8