2004 年 6 月 9 日 星期三 【晴】

今日 check e-mail 同日記, 收到 Vincent, Wallis 同呀佳的祝賀.
多謝哂你地~~

其實今晚同"九五折" re-u, 班仔女都送左張生日咭俾我同請我食飯.
多謝啊~~
好開心班組仔組女同我慶祝.
Mountain 同呀 Tim 果然係基督徒, 寫咭都有0的"基督 style"~
Opal, 珊同 Gene 就玩野~~ 話想要番個呀媽.
Vinzent 就唔知佢寫乜~~
仲有都好多謝 Vanessa 同呀強~
仲有, 今晚另外一個目的就是為呀 Tim 餞行呢.

其實今日晏晝又係食飯餞行.
出左去同呀包同 Arthur 食 lunch 餞行
祝佢地去大都會一路順風~~
跟住去左打羽毛球.
哈~ 好彩今日我同麗霞唔洗早走返去見 Owen.
唔係佢地就浪費哂個場.
皆因佢地一早就打到坐0係到唔願郁, 0係到吹水.
最尾只係得我同麗霞打.

突然諗起今晚去食糖水的事.
哈哈~~ Vinzent 的咖啡味涼粉西米露 (+__+)
仲有綠色的雜果西米露...........
下次唔去呢間喇.

>>June 10, 2004 at 4:28:45 PM GMT+8

2004 年 6 月 8 日 星期二 【乍寒還暖】

今日又收到一個長途電話的祝賀 from 呀堅.
多謝哂啊~~~!!!!
原來佢去左北京做 summer job.
實在係一個難得的經驗啊~
我都想有咁0既機會呢.
唉......可惜我之前無報大都會........

今日仲收到朱安的好消息.
你要努力啊.
準備好個 interview.
入 degree 有望啊你 !!

呀女, 多謝哂你.
我知你記得我生日0既~ (from your diary)

>>June 9, 2004 at 4:22:21 PM GMT+8

2004 年 6 月 7 日 星期一 【陰】

今日係自己生日.
自己都祝下自己生日快樂先~~

今日真係好開心 !!!
在我所記憶中, 今年生日係我過得最開心的了.
因為我收到好多朋友的祝賀.
多謝 Simon 同 妹妹 的長途電話~~~ (佢地實在令我好感動 !!)
多謝昨日同我開 party 同送禮物俾我的 Kiki, Yuki, Man C, 麗霞, 大媚.
多謝今日同我去唱 K 的 Kiki, Yuki, 麗霞.
多謝今日打電話俾我同我祝賀的 Benny, Brian, Joseph, 田雞, 朱朱, 小丸子, 華美子, 呀沈, Rachael, Vanessa..............
多謝今日 send SMS 俾我同我祝賀的 呀包, 呀傑, 呀卓, 呀 Gene, 呀 Wing.............
多謝send 了 icq message 俾我同我祝賀的 Rosanna, 朱德, Pag, 風扇, Timothy, Tracy, Kevin, Queenie, 高高, 兆倫, Ivan............
我都係記得幾多講幾多.
我真係好多謝哂咁多位朋友............好開心......
我唔記得講多謝的, 請原諒我吧~~
你地令我感到的是一份溫暖的感動.............好多謝你地.

最後, 也是最重要的, 是多謝我屋企人今晚同我食飯慶祝.
好開心........
不過今晚可能補完習後有0的 tired, 心情不佳.....搞到今晚食飯時發了小癲, 喝了我呀哥一聲.
過意不去...........

>>June 8, 2004 at 4:25:07 PM GMT+8

2004 年 6 月 6 日 星期日 【陰】

今日朝早去見 Owen 傾 hon. pro. topic.
唉.....個 topic 俾 Owen ban 左.
要我再諗過第二個 topic.
搞到成朝都係得個諗樣.......
而 Vanessa, 大媚, 蛋撻同 Man C 都大概定了 topic.
爭麗霞未見 Owen, 同我仲未有 topic 同 Owen discuss.

大家見完後, 食個飯之後就閃.
然後我同 Man C 兩條友唔知死, 去左偉衡 book 左一個鐘打壁球.
哈哈~~~ 癡線 gar !!!
原來一個鐘係勁體力化, 勁辛苦的, 要走來走去接個波~
打到身水身汗, 但係我地又無帶衫換喎~~ 哈哈 !!

今晚本來要參加城城的 farewell party.
點知去之前, Kiki, Yuki, Man C, 麗霞, 大媚, 包, 呀軒一齊同我搞左個"快"0既生日 party~
收到唔少"騎呢"禮物~~
多謝哂你地 (~.~)
真係好開心~ 第一次收到咁多禮物 !!

跟住去左城城 farewell party.
真係唔捨得城城, 佢份人真係謙到爆.
今晚佢仲帶埋佢家人黎, 佢0的仔女好鬼得意~~
大家係咁捉住0的細路影相.
全晚大家都好開心~~
我諗城城會好難忘.

>>June 8, 2004 at 3:36:27 PM GMT+8

2004 年 6 月 5 日 星期六 【乍寒還暖】

今日約左 Michael, Rita, 呀軍一齊食 lunch.
有成個幾月無見佢地喇.
佢地又就黎要走, 一個去大都會, 一個去歐洲讀一年書, 遲0的無咩機會喇.
我地一聚埋一齊又係得個"噪"字.
食到 2 點幾, 呀軍要返工.
我地送左佢去返工後就去左上樓書店到"摸書釘".
Michael 大有斬穫, 我同 Rita 就得個睇字.
睇到咁上下, 我地就走左去呀軍返 part time 的餐廳到食野兼 find 下佢.
哈, 佢真係勤力.
成間鋪頭入面, 只係得佢一個 waitress 係周圍走去 serve 客.
呢0的真係好員工啊.
另外, 0個間餐廳0的甜品唔錯~~

>>June 6, 2004 at 12:21:43 PM GMT+8

2004 年 6 月 4 日 星期五 【晴】

之前 apply 左嘉道理農場搞0既 Environmental Interpreter Certificate Course.
個 course 係學 ecology 同環保野, 仲要0係農場到做義工.
我諗0係呢個 course 入面, 我應該學到好多學校或者 Geog 課程入面學唔到0既野.
雖然要俾 $300 出 field trips 車費, 但係抵到爛啦.
不過我老豆就一盤冷水淋落黎...........
佢話唔抵, 車錢飯錢都蝕埋, 仲話驚我做唔哂做義工0既鐘數, 佢會為難我同唔發證書俾我.
唉, 真係同佢有代溝.

其實我0係去 Malaysia 前一日 interview 過.
個 interviewer 話如果成功的話就會0係 31/5-4/6 通知.
原本過左尋日我都未收到消息, 諗住無啦, 有0的失望.
但係點知今日我返返下工有個嘉道理農場0既人打電話黎話收左我~
哈~ 即刻眼前一亮, "丁"一聲咁聽佢講我下星期六要帶0的咩去做手續同上等一堂.
唔知係咪我 interview 0個日個 interviewer 都係 BU 0既畢業生0既關係呢, 不過佢係讀 commun. 的~

不過個 course 係 9:00-5:00, 返工咁.
搞到之前約左 Opal 佢地"九五折" re-u 要改期到 10 號.
今次到我爽約添.
希望 10 號0個晚可以齊人啦, 要同呀 Tim 送行.

至於下星期六上堂好彩有專車接送, 唔係的話我都唔知我住0個到可以點搭車去.
不過都係要去九龍塘搭車, 好似返 BU 咁~

雖然有 course 學, 但係都想有份 summer job 做下.
我要充實今個暑假~!

>>June 5, 2004 at 12:47:53 PM GMT+8

2004 年 6 月 2 日 星期三 【晴】

去完 Malaysia field camp 幾日先上黎寫下野.
9 日的避世 field camp, 確實係幾好玩.
行完個 rain forest 之後, 更加愛大自然~ 太過不可思義了~
0係個 trip 到, 我係咁影風景相, 難得先有幾張合照或者有人的相片.
呢個係我0既影相 style~
有興趣的就去我個 album 到睇相啦.

其實最開心的都係同班 friends 一齊出去 search 早餐食~
0個到0的肉骨茶, 一朝早有飯有肉有藥材湯飲, 唔錯~
0個到0的魚蛋彈到好難形容~
0個到0的 "gar yang" 包, 正啊~~ 好軟綿綿~
仲有好多好多數之不盡的美食.
嘩......講到好肚餓添.

仲有夜晚我地都有出去周圍食
真係暫時無條件地同減肥休戰 !
我都食到肥哂又滯哂.

返到黎香港.
仲係有條 shopping 引, 走左去行旺角0的模型鋪.
最後都係買左部跑車砌.
哈~ 又可以做車主喇.

0係 Malaysia 食到肥肥地又"漏漏"地.
當然要做做運動, 強一強身.
所以今日就朝早踢波 (晒到變左國藉咁滯), 夜晚打籃球~!!
做運動, 真係人都會開心0的!!

>>June 3, 2004 at 5:07:54 PM GMT+8

2004 年 5 月 18 日 星期二 【乍寒還暖】

今日可算是我沒有運氣的一天......
朝早考 RP, 貼佢出題問的人物的看法......唔中
唯有靠死吹, 記得幾多寫幾多.

之後等到晏晝抽籤選 hon. project adviser.
點知抽到差唔多最後先叫我個名.
我想跟的 adviser 一早就 full quota 哂. (係全部 Dr. except Owen 都 full 哂)
唉.........唯有被迫跟 Owen.
雖然我鍾意利物溥的 Owen, 但係個天都唔洗真係俾個 Dr. Owen 我跟 gar?
好彩我之前都有 take Owen 0的科, 對佢教0的野都算有興趣. (起碼好過蛋"達", 唉......佢最慘....)
但係跟佢做 hon. pro., 確實係有0的無奈與不快.
我跟住佢, 有咩好做呢?
這幾日和去 field camp 的日子, 我確實要細心地想一想了.

到今晚, 去 yahoo 到篤波.
唉..........黑到由 1400 分輸到淨番 1300 分 (差點要跌破 1300 的關口).

我真係想講聲: "我頂 !!!"

>>May 19, 2004 at 3:00:51 PM GMT+8

2004 年 5 月 16 日 星期日 【陰】

今日陪呀媽去醫院抽血驗.
點知去到個護士竟然話唔洗抽. 話之前已經抽哂.
有無搞錯啊?! 唔洗抽又整張紙黎話要抽, 你玩啊?!
住得遠的咪俾你玩死?

之後去左飲茶.
嘩! 又係氣頂 !
個拎點心黎0個個呀姐毫無禮貌.
"係咪你 gar?!" 然後"bond"一聲放低碟野.......
"你要唔要胡椒粉啊?!" 之後呀媽應了一聲話要後, 竟然起勢咁倒落黎.
發癲唔該唔好0係到發丫 !!!!!
雖然平, 但係唔好叫我再去 !! (呀媽竟然話幾好食, 又平, 下次再黎).........

跟住就走左去旺角同呀媽睇戲.
套"狙魔人"都幾好睇, 好緊張, 但係就無劇情.
睇戲前仲周圍行 shopping.
最後, 我同呀媽都各有一件"戰利品"~

不過今日睇報紙頭版, 簡直嚇親我.
竟然有個改 A-level 卷的閱卷老師公開改卷兼俾0的卷俾一個中學生改 !!!
有無搞錯 !!
身為老師, 卻害人子弟.
俾個中七都未到的學生黎改 A-level 卷??!!
佢有無腦 gar?
佢又有無諗過如果0的考生的試卷就係咁樣而得唔到應得的分數, 對0的考生0既影響係好大 gar.
入唔入到大學或者入到邊間大學, 都係視乎 A-level 的成績.
呢件事真係令我對 A-level 感到無奈和失去信心.
你 get 唔 get 到你應得的分數, 唔通真係要睇彩數? 睇下改你卷0個個人係唔係一個"好"閱卷員?
唉........最弊0既係你要 check 卷咩??
俾錢先啦 !!!!

>>May 17, 2004 at 2:31:37 PM GMT+8

2004 年 5 月 14 日 星期五 【晴】

今日我當正係考完試咁, 無溫過書.
唉...無計啦.
星期三最後0個科係 RP, 我都真係唔想咁早溫.
之前溫過一次了, 我諗我星期二晚再重溫一次吧.

前幾日考試都可謂有驚無險.
除左份 business 係全吹水外, 其他的都能夠答到野.
希望今次考試仍然有 3 吧.

提起考試, 有一件事不可不提.
考 SCI 時, 竟然有個 yr 3 出貓 !!
佢真係唔識諗. 佢咁樣俾人捉到正, 分分鐘連整個考試分+平時分都化為零.
唉........唔識答, 起碼都會有個分數, 依家咁, 都唔知會唔會影響到畢業的 honor level.
呢0的野, 都係唔應該做的.

而今日.
一大早就去左交 grand loan 野.
之後就去學車.
哈~ 今日又俾師傅話我控制離合器做得唔好, 轉彎又快得滯 (其實我又真係唔覺得喎)
不過總括而言, 師傅就話我符合課程的進度.

>>May 15, 2004 at 3:22:30 PM GMT+8