2004 年 1 月 12 日 星期一 【乍雨乍晴】

今日確實係凍左好多..........鼻水都流多0的..........
今朝頭痛到唔知醒起身, 又無啦啦走左一堂 transportation.
原來 transportation 都有 Bella 同倩兒讀, 好彩, 無咁悶. 原來呢科都有 field trip, 正 !!
聽 Bella 講呢個 field trip 仲會係 2 日1 夜, 好期待呢.
但係呢科個個師兄都話難兼多野做. 唔, 我又再次挑戰自己喇. 希望可以 overcome it.

今日下午返學上堂, 見到呀輝, 聽佢講佢都 add 左 business, 好啊~ 唔洗自己一條友上堂喇.
之後上完堂後去左 library 訓覺, 等到 6:00pm 行返過舊校開代表會.
嘩!! 好過份啊 !!
Agenda 明明寫左 6:30pm 開會 gar ma !!!
我仲 6:20pm 就去到. 一個人都無. 等到 6:45pm 先開始有人黎.
到 8:00pm 都未夠人, 未夠票數, 開唔到會.
痴線 !! 最後唔等喇, 同主席講聲就走, 早知唔黎呢.
但係之後夠唔夠人開就唔知喇, 聽日問番人.

>>January 13, 2004 at 5:34:07 PM GMT+8

2004 年 1 月 11 日 星期日 【颳風】

不知不覺, 又要上學了.
這個 sem break 過得有點快, 或者是因為我成日都出街, 總覺得每日很快便完.

今日終於都是病倒了, 喉嚨痛得厲害, 鼻敏感也來同我拜個早年...........

>>January 30, 2004 at 3:33:22 PM GMT+8

2004 年 1 月 9 日 星期五 【雷雨】

返了一日工, 終於體驗到校工之辛苦了; 累積了一星期的疲倦, 也累極了........
病的感覺似乎也走近, 希望休息之後可以無事吧.

恭喜你啊呀卓, 找到了心愛的史力奇鋼錶呢....

Opal, 生日快樂.
返學後同埋成班九五折一齊同你補祝啦.
你真係超勁啊, 係邁進 first hon 的第一步啊, 繼續努力 !

>>January 30, 2004 at 3:41:28 PM GMT+8

2004 年 1 月 8 日 星期四 【晴】

不是時候, 也不是在這時空裏吧.
在沒有回覆中,
我這樣做是否在築一道牆?
時光可倒流的話, 有多好? 有選擇的餘地.

心神還是彷彿
要靜一靜了.

>>January 9, 2004 at 8:35:47 AM GMT+8

2004 年 1 月 7 日 星期三 【晴】

始終也是說不出.
唯有以另一方法吧.
但..........結果...........想象不到, 全無把握.
是我欠缺信心的表現吧.

>>January 30, 2004 at 3:44:24 PM GMT+8

2004 年 1 月 6 日 星期二 【晴】

今日本來要返 BU 開代表會.
但係尋晚 Stella 1:00幾打黎話開唔到會, 因為唔夠人, 會唔夠票, 開黎都無用. (不過好彩我未訓 je..)
所以突然間今日無哂野做.

不過尋日運動得太多了, 今日訓到 12:00 幾先起身, 但係起身時仲覺得全身好累, 肌肉有0的痛.....
而今日就0係到執屋, 執自己張書檯, 太亂了~ (不過聽日要繼續, 未執得哂)

夜晚就同呀媽, 老豆, 家姐出街食飯.
0個間野係新開 ge, 我都未去過食, 但係0的野食都係 ma ma 地. 而且佢0個到仲計錯數, 收貴左我地 !!! 好嬲怒啊 ! 我老豆仲沿途不斷咁話唔好再去0個到食, 話佢唔老實.

但係回家途中都好搞笑.
由於呀媽今日都執屋, 好累. 所以我就扶住佢行, 跟住我家姐又扶埋一份. 我地三條友組成個小人牆, 0係條街到"橫行"~~ 哈~ 我家姐仲叫埋我老豆加入, 但係老豆話如果加入埋, 人地真係唔洗行.
最搞笑係我地一路無放手, 到入電梯0個陣要三個一齊轉身呢~ 超搞笑 !

>>January 7, 2004 at 3:22:31 PM GMT+8

2004 年 1 月 5 日 星期一 【晴】

今日好充實啊.
朝早去左參加 Placement Center 舉辦 ge 參觀海關訓練學校 (0係小欖0個邊)
我諗住我自己一個人去, 可能會幾悶.
哈~ 點知我今朝去集合0個陣俾我見到呀彬(AC Hall 0個個), Idy 同呀蔡, 呀嵐, 家雯.
點都諗唔到會有咁多識 ge 人都去. 無咁悶.
原來要做海關都幾難, 上年就有 7000 人爭 10 幾個督察位, 仲要過五關, 包括體能, interview 同寫 essay 等等. 我問過個呀 Sir, 佢話要差不多 2 分鐘內要跑完 800m, 嘩, 都真係幾顛.......
但係其實我對海關都無太大興趣, 要再諗下先.

之後就應 Steven 約, 去左旺角界限街人造草地場踢波.
原來佢約左佢好多唔同 U ge friends 黎踢, 搞到好似大學大混戰咁. 但係竟然俾我見到一個上年同我一齊上 soccer PE 堂 ge BU同學. 哈~~ 呢個世界真係細啦.
唉.......我今日又浪費左一個入球機會, 今日單刀諗住踢去遠柱, 點知踢得唔夠力兼且完全唔中目標........簡直係廢啊.
踢完之後就即刻返左屋企訓個午睡, 好累呢.

睡完後又要出去 BU 返工.
今晚同呀 Bert 拍. 不過今日0個場好簡單, 好快搞掂.
之後我地去左衛衡做 Gym, (哈~ 其實我係無證 gar, 俾人發現就死, 今晚都係呀 Bert 幫我借張證用住先) 真係唔係講笑, 呢份工都真係幾 soft~~
我地做左成個幾鐘, 已經做到我死下死下, 全身痛哂.
今晚先知原來我0的體能係差到咁.........要 get 番個 Gym Room 證, 得閒去做下先得.
其實尋日行完山都未復原得夠, 今日做左咁多運動都真係好累.............
之後去左樂富食飯, 嘩!! $28 一個餐, 有飯有湯有汽水有菜有碟"食送", 超抵食~~~!
食完先行返去等個 client 走, 執完0的野, 放工 ~!!

>>January 6, 2004 at 4:34:51 PM GMT+8

2004 年 1 月 4 日 星期日 【晴】

今日係我地"地知泉"遠足 ge 大日子.
地點係石澳龍脊 (港島徑第 8 段, 土地灣-->柴灣)
但係今朝集合 ge 時候有0的阻滯, 因為今日金鐘地鐵站發生火警, 令到個站要封閉.
之後仲封埋中環站.
搞到我地好多人都要被逼搭觀塘線或者去搭船過海再去筲箕灣地鐵站恆生集合.
好彩我今朝係搭巴士去灣仔再轉地鐵, 0岩0岩無事~~
我地最終要成 11:00am 先出發搭車去條行山徑到.
今日好大風啊, 上到山頂簡直係吹到個人變左"超級薩亞人"咁, 同埋今日0的泥較乾, 好多沙粒呢, 其實都幾難行
不過我地竟然 3:40pm 就行完, 俾我想象中行得快, 而且今日我地仲無人受傷, 唔洗我呢個 first aid 先生出手, 哈~ 實在太好喇.

不過講番今朝0係地鐵到縱火0個條友真係顛 gar !!
用天拿水同 gas 黎玩火同玩爆炸, 好彩今日得十幾個人受輕傷 je, 其實係好好彩.
今朝9:12am 係繁忙時間黎 gar, 咁多人時0係到玩縱火??!! 痴線 !!!
希望警方可以快0的將呢條變態友繩之於法 !!!

今晚同呀偉一齊返工, 返NAB 204 同 209.
哈, 我地今晚去0個時俾0的"石Q" 問我地係咪新請返黎. 問我地舊0個個去左邊, 問我地幾多錢人工...........
哈哈, 真係唔知佢地做乜, 不過個感覺都幾 warm, 佢地都會關心下你, 問候下你.

>>January 8, 2004 at 4:57:02 AM GMT+8

2004 年 1 月 3 日 星期六 【陰】

唉............我今日 ge 遭遇可以用"激到我想死"黎形容..............

今日返左 BU 開會, 比我想象中早開完會, 3 點幾就搞掂.
不過仲有好多手尾要等代表會通過先繼續做得. 個大選期可能要 delay 到二月尾.........
但係仲有個社盾未搞添, 最麻煩就係 AC Hall 裝修, 出去租場一定貴兼未必有人黎.
唉.............真係會忙到落莊先忙完呢.

不過見咁早, 就出左去旺角諗住買條牛仔褲, 因為之前睇報紙見到話旺角0個到有 Chevignon 牛仔褲開倉, 0的牛仔褲平成一半有多, 今日仲係最後一日, 真係想買番條.
但係, 我又唔記得左個地址喎, 咁我就打返屋企問我老豆啦.
但係佢係就係 search 到份報紙, 但係佢竟然睇唔到個地址, 睇錯左個賣電器開倉 ge 地址..........
佢仲口聲聲話唔係0係旺角, 係0係觀塘.........我明明講左好多次係"買牛仔褲啊...."
唉...................我原先諗住我真係記錯地址啦, 點知我今晚返到屋企先知呢件事 ge 事實.......
嘩 ~~!!! 差0的俾我老豆激到噴血.........

今日我仲拎左部手機去整. 因為我好多 friends 都覺得我部電話好細聲, 成日都聽唔到我講野.
我又要成日好似拎住部 Rockie 咁, 要對住個電話個 Mic 講野.
點知我拎部機去整, 個小姐話整完部機之後, 我部電話之前影 ge 相, messages, download ge 野都會無哂, 跟住我問佢"咁0的電話 no. 會唔會無埋 gar?" 佢就問返我"你0的 no. 係咪 save 落張 SIM card 到 gar?" 我都唔知.....我答應該係 gua.
我諗住真係啦. 而0的相0個0的又唔係好重要, 無哂都無問題. 但係電話 no. 就唔可以無哂, 因為我無做 back up.
點知.............我今晚返到屋企時 (又係返到屋企時) 借我呀媽部手機黎用 (因為聽日要行山, 唔用唔得), 先發現原來我0的電話no. 唔係 save 落張 SIM card 到 gar !!!!!
"黑夜"霹靂啊 !!!!!!! 咁同我之前唔見左部電話有咩分別啊???!!!!!! 我又一次唔見哂0的電話 !!!!!
又唔知要用幾耐時間問番哂人喇...............唉....................0的唔係好 contact ge friends 0的電話買少見少啦................第日想 contact 番佢地都無機會啦............
又一次激到噴血................內傷添呀今次.......

不過好彩咁多野都係我返完教會晚堂之後先知, 唔係的話我真係安靜唔到心靈去崇拜呢.
原來我都幾鍾意返晚堂, 因為我覺得個感覺好靜, 無咁多人, 而且夜晚黃黃的燈光好有崇拜氣氛.
今日係今年 2004 年 ge 第一個崇拜日, 好有意義呢, 所以要返一返.
希望我今年可以比上年返多0的崇拜啦~~ (不過要視乎我得唔得閒而定~)
今晚令我最深刻的一句講道係: "You do the best, and let God do the rest."
唔.....有0的野我地真係控制唔到/ 做唔到. 不過只要自己努力做好自己可以做 ge 野, 其他就交給神為我們完成吧, 神自有祂的安排.
唔...............雖然有0的自我安慰 ge 感覺, 但係都幾受用~~

不過我今晚崇拜 ge 時候諗過我自己為甚麼要返崇拜呢?
可能我當崇拜係一個給自己安靜, 冷靜落黎 ge 一個地方. 但係, 係真的, 當我0係禮堂 ge 時候, 總覺心情安定. 雖然我係信神的存在, 但係又未有任何野令我真真正正咁信佢, 要我為佢作什麼門徒, 僕人, 所以我始終都未洗禮, 始終都未有深入, 正經咁去讀過本聖經.
所以我每次讀0個0的好"門徒" feel ge 禱文時個感覺都好奇怪..........
但係, 究竟我返崇拜 ge 目的係咪只係因為想靜落黎呢?
唔.........仲未諗到個答案.
(發完 up 風)

>>January 4, 2004 at 3:51:40 PM GMT+8

2004 年 1 月 2 日 星期五 【晴】

哈哈~~~~(我依家仲 high high 地)
今晚 AC Hall 打邊爐聚會超 high 啊~~~~
我, 南, Bert, 宸宸0係咁劈酒, 一人差唔多 3 支, 飲到 high 哂~ 我同啊南仲飲到面紅耳熱.
我仲口快快將我地飲 ge "藍冰"啤酒講左做 "冷冰" 啤酒添~ 哈哈!!!
我地 4 條友成場無停過口呢, 又0係到勁笑.
哈~ 真係傻哂.
我地後尾仲屈左 Derek 同 Desmond 每人劈一支添.
哈哈~~ Desmond 仲係咁話自己無醉, 勁好笑 !!!! 仲搞到佢個妹 Becky 唔知點添, 因為我地0係咁叫佢睇住個呀哥.
不過今晚最好笑 ge 都係 Desmond 叫左牒雞子食.
我地即刻0係咁講好核突, Ina 仲話被我地講到想作嘔添, 哈~~~ 勁好笑啊 !! 不過講真, 食呢0的野落肚真係幾核突.......我都唔敢試.
今晚 Kelly 仲出席我地呢個聚會, 佢都被我地搞到笑哂, 個氣氛真係好高漲.
不過 Kelly 要早走, 無睇到我地之後點樣更加 high~ 但係 Kelly 超好啊, sponsor 我地 $500~~
我地最尾都係每人 $47 就食到飽爆 !!! 好多謝 Kelly 呢 ~~~ 幫我地慳左好多呢 !!
食到最後, 我都真係醉醉地, 連呀南叫我 keep 住先 ge 0個本書跌左落地我都唔知呢...
我地今晚個個都好開心, 特別係班劈酒佬 ~~
但係今晚 Derek, Sagino, Becky 就無乜點出聲, 佢地仲食左好少野添, 唔知做咩呢?
不過今晚我, 呀南, 宸宸都同樣認為我地 AC Hall 又出現多一對情侶. 哈哈, 係唔係真就真係有待證實喇. (保持住秘密先)

而今日返工做 AC Hall technician helper 都幾順利, 無咩特別事. 好彩~
不過0係個 function 開始與完之間 ge 時間就真係幾耐.
我好不容易先消磨完, 3 個鐘頭間, 1/3 去左 CC 上網, 2/3 去左 common room 睇書.
唉...........之後 ge 返工生活我諗都係咁樣過.
不過為兩餐好0的, 努力0的做啦~

>>January 3, 2004 at 5:48:46 PM GMT+8