2004 年 5 月 4 日 星期二 【微雨】

尋日返左 BU 收錢+交表+溫書+AC Hall AGM+同東根 discuss 份交左好耐的功課 (真係耐到我都唔記得自己寫左0的咩…)
真係非常之充實, 成日要東奔西跑, 搞到都只係溫左兩份 notes...
今次真係唔係講笑, 對考好呢個試毫無信心, 都跟本無時間俾我正經溫書 !!
不過0係尋日已經交左最後一份 assignment, 可以從今不顧一切去怒溫 !!

同埋尋日交左份填 hon. pro. 選 advisor 同 topic 的表.
最後…我都寫左 transport 做 topic; 選了東根做 advisor.
不過東根今年多人跟, 抽硬, 唔知我可唔可以順利跟到佢呢?
之前不斷諗住自己會選 KK 做 environmental issue.
但係諗黎諗去都諗唔到有咩0岩我做.
而且 environmental 呢邊實在太多 chem 同 bio 野, 如我要用這 topic 做 hon. pro. 難免會做得不夠好.
如果會做得唔好, 不如就做些我可以 do the best 的吧.
不過一日未"抽獎", 一日我都未知我會做咩 topic, 因為唔知會跟邊個 advisor.
唉..........有0的迷惘的感覺 -__-"

到了夜晚就參加了 AC Hall 的 AGM.
見返好多同事~ 好開心~
不過有0的好耐無見的同事也不太認得了, 仲要問返佢叫乜水.
但係見到呢個 AGM, 大家都好盡責的來參與 (雖然唔係全部黎哂).
相反睇返我地 Geog. 的 AGM 就只得幾個有心人黎參與.
心裡確實有點不快.
是否真是人人都認為"事不關己, 己不勞心" 呢?

而在 AGM 中就選了來年的莊員.
我也被選中了.
做財政~
哈~~ 管數, 都係平生第一次.
而正式黎講, 我的大學生活中, 真係上足三年莊.
在會中, 聽到話 7 月就有得返工~
嘩 !! 好期待可以再返工的日子 ! 又有機會帶位賺錢兼睇 show~

到了今日, 就成日坐0係屋企到溫書.
進度甚慢....
聽日要快馬加鞭先得 !

我諗再寫日記的時候應是我考完試之後了.

>>May 5, 2004 at 5:00:34 PM GMT+8

2004 年 4 月 29 日 星期四 【晴】

今日係呢年最後一日上堂喇.
不過都係要一早 8:30am 返黎 BU 返到 6:30pm 放學.
下星期開始考試, 考一個星期.
但係死梗, 我咩都未溫過.
而且仲有份 transport tutorial 未做.

今日上到晏晝, 就要等 5 個鐘先上 5:30pm 0個堂, 勁天地.......
上左 9/F lab 同 Kiki, 包, 大媚, 麗霞, Johnson 吹水.
吹吹下竟然講到用 Distribution of 淫業/賤佬 in HK 黎做 hon. pro.
哈哈~~ 真係勁好笑

跟住就出左旺角四圍"冷"
忽然記得今日係呀哥的生日, 要買份禮物俾佢.
所以就去左睇衫, 最後我都買左件~

然後又去左行信和, 見到容祖兒隻新 CD "Nin9 2 5ive" 終於出左.
二口不說就買左落黎~ 因為我覺得今次呢隻 CD 0的歌都幾好聽~
特別喜愛 "一拍兩散" 同 "世上只有"
而且亦都推薦 "夢路", "候鳥樹", "借過", "朱古力萬歲"
嘩, 諗返下, 我對上一次買的容祖兒 CD 已是 "我的驕傲" 了.
容祖兒, 是我由聽了她的 "逃避你" 就覺得她唱得好, 令我想買她的 CD 的.
0個陣好似係中三的時候.
但我算不上是一個癡歌迷, 我只是選擇性買她的 CD 吧.
睇返佢以前出的 CD 中她的樣子, 相比之下, 她現在確實是增加了不少成熟味道, 個感覺完全唔同哂, 我也諗不到怎樣形容, 是美麗了嗎?
但唯一肯定的, 就是她的唱功也成熟了. 越聽越有味道~

我都好耐未試過咁豪, 幾張紅衫魚一日內用盡......

4 點幾返回 BU 等 5:30pm present SCI.
今日的 present 由於我們準備得少, 講起上來勁口吃.
唉......連我都唔知自己 present 左0的咩.
自責為何不準備多一點時間呢........

夜晚返到屋企食完飯後就 call 埋隔離屋的 friend 呀傑出去打籃球.
嘩~ 今晚正呀~~!!!
打波的感覺極好, 特別是好耐無同人鬥 3 on 3 喇.
不過今晚對手們是初學者, 鬥上來完全無難度, 不過正因他們初學, 使出現不少笑位.

>>April 30, 2004 at 4:43:14 PM GMT+8

2004 年 4 月 26 日 星期一 【晴】

哈哈~
好野~ 老媽子呀Pag 有第一個留言啊~~
好開心呢~
乜我初初入黎時好低能咩? 又點會成熟左呢~ 老了又殘了就真.....
係啊, 時間真係過得好快 !!
真係好唔捨得你呢.......我地一定要 keep in touch 啊 !

數起上黎, 足足有 10 日無寫日記了. (確實唔係一個好現象, 因為唔得閒....)
之前係咁交 term paper/ reports, 真係做到想大叫~~
呢家, 仲有 science present 同 transport tutorial 4 未交.

尋晚, 同"九五折" re-union, 不過又係唔齊人......
不過我地食得好開心~ 成餐飯, 大家都無停過口 !
之後仲去埋食糖水, 正~~~
好難得我同我0個組的組仔組女都有偈傾~

而上星期六, 我地跟 Owen 出左去 boat trip.
由於0個日大風, 風浪勁大 !!!
我地仲要係去果洲群島.
嘩.......0個到好似大海中的一個島咁, 周圍風浪又係勁大.
本身我地 plan 左上岸都因為大浪而取消.
去0個到途中, 好似玩左成個鐘海盜船咁啊.
初頭都無咩事, 之後我都頂唔順, 暈低左, 其有他人仲0區添.......勁辛苦.
不過當船駛回西貢0個邊時, 海面已經平靜左不少.
我地仲上左個荒島到食野同休息.
之後大家都即刻醒哂, 跟住就要做 Gravity Core 同做實驗睇下個海0既 stratification.
都幾 interesting.
今個 boat trip 都幾難忘 (我 upload 左0的相0係我個 album 到, 去睇下啦~)

>>April 27, 2004 at 2:28:21 PM GMT+8

2004 年 4 月 16 日 星期五 【溫暖】

今日晏晝返左學校聯福酒樓傾 business project.
我準時到, 但係見唔到班組員, 諗住坐低開定位等佢地啦.
等等下見到自己友: Man C, Lillis, C Wai, Wing, 劍青, Brian, 軒同大媚.
佢地0岩0岩幫手完 faculty day, 鄧生請佢地去聯福樓食飯.

同佢地傾左幾句, 大家都覺得很出奇, 點解我自己一條友坐0係到呢?
我跟住唯有同佢地解釋一番.

之後收到一個組員個電話, 佢話 contact 唔到另外兩個組員, 可能唔黎開.
嘩!! 你玩野咩?!! 位又開左, 茶都叫埋. 我即刻叫佢黎傾住先, 之後再 call 另外0個兩個.
佢黎到, 傾左陣 business, 佢就話有兩個 friends 都會黎.
我諗無問題啦, 還掂開左四個位.
我跟住就同呢三個外國人0係到講英文. (哈~ 當然我有大部分時間都唔知佢講咩啦~)
講講下, 1:30pm 先見其餘0個兩個組員黎.
真係頂 !! 我地係約左 12:30pm gar !!
佢地竟然話係約左 1:30pm..............唔同佢地爭論 -___-"
佢地黎到, 我又轉一轉 channel 同佢地講普通話 (因為佢地兩個係內地生)
真係好似 Man C 講咁, 我0係到開緊聯合國會議~~ 哈哈~~

憑著我馬馬虎虎的國語同英文, 終於撐到完場.
唉.......我有幾個位因為聽唔明佢地講咩而 dead air.........唔知笑唔笑好........

之後去左 LT 3 返工.
因為只係小 function, 勁快搞掂.

之後 join Lillis 同大媚去做 survey.
我地去到目的地先至落雨.............
行左陣先見到我地要做 survey 的公園.
點知見到入面的呀伯個個0係到鋤啤, 賭錢.
唉.......咩公園黎 gar......
然後再去第二個公園.
兩個公園相距甚遠呀 ! 行到人又熱, 身同腳又濕, 都唔知為乜 (唉......為錢同責任問題 lor....)
落大雨, 兼且又跑馬, 0的呀叔掛住聽馬都唔 show 我.
只係得幾個人幫我地做 survey.
好彩有班細路踢波 ja, 唔係都幾難做多過十份.

返到老家, search 返尹光0既 "少理呀爸" MTV 黎睇 (唔知點解想睇), 笑左成個字. 真係超勁好笑 !!
然後做 business.
聽日做 transport 同 climato.
逐個擊破 !!

>>April 17, 2004 at 3:40:36 PM GMT+8

2004 年 4 月 15 日 星期四 【陰】

放完復活節假, 進入呢個 sem. 最後的 2 個星期了.
又係要交 paper 同 report 的時候.
呢兩個星期, 要交 5 份 paper/ report.
都怪我之前放假時懶散.
0岩0岩今日先交左份 RP book report.
唉.......淨係睇本書都睇左成兩個星期, 仲要係不斷估佢講咩, 因為本書係"嫉妒與社會"
打完份 book report, 我發覺我呢家打字打得最快的是"嫉妒"這兩個字.......

下星期一, 有 Transport, Climato., 同 Business 三份功課要交.
今個 weekend, 要撐住, 要再一次挑戰自己 !

今日見到呀女, Moses,同 Brian.
見到 Brian 0係到寫 O.camp 張 cheque, 佢俾我一種好細心、負責任的感覺.
因為佢帶埋本字典黎查中國數字的寫法, 驚寫錯 cheque. 佢話呢0的係 Soc. 錢, 唔兒戲得.
唔~~非常好~!
至於 Moses, 聽佢都有盡責去開代表會, 而且都有去其他 Soc. 的 inaug., 識到唔少友 Soc.
唔~~維持與其他 Soc. 的友好關係確實對你地有唔少幫助~
見佢已做好自己的本份, 我好放心呢~
至於呀女, 見佢暫時也沒有遇到0的咩困難.
我諗佢對莊務都開始上手.
而且那個問題已解決了, 要繼續俾心機啊 !

>>April 16, 2004 at 1:12:56 PM GMT+8

2004 年 4 月 10 日 星期六 【晴】

差唔多一個星期無寫野 loo.
可能係放假, 懶得寫~

今個假期話短唔短, 不過都做左唔少野.
有上大陸拜山啦, 0係香港拜山啦, 學車啦, 考車啦, 返工啦, 做survey 啦, 參加 LU SU 的就職典禮啦, 去街啦, 食飯啦................
哈~ 做得最少0既就係功課.............
RP 的 book report 仲未開始做, 只係睇左 80 幾頁, 但係本書有 300 幾頁 lor.....
唉, 真係唔係講笑.
放完假後有 5 份 report 或者 paper 要交呢.
真係落左莊都係未忙完.

不過在今個假期, 有 survey 做, 係幫 KK 做的.
多得 Kiki 叫我幫手, 唔係邊有呢份做 survey 的 part time 收入呢.

>>April 11, 2004 at 7:54:33 AM GMT+8

2004 年 4 月 1 日 星期四 【陰】

今朝著住套西裝返學, 因為要參加獎學金頒受典禮.
但係今朝返 8:30am RP, 完全未訓醒, 因為尋晚都幾夜先返屋企.
因為遲起身, 快速換完衫後, 頭都無梳就衝左出門口.
成堂 RP 都精神不佳, 我仲俾呀布話我今朝上堂時呆呆地咁.
哈~ 真係好眼訓 ma.

上完 RP就去上普通話.
今日是中期測驗的口試.
講真, 尋晚又邊有時間去溫書呢..........只有0係未輪到我出去測驗時溫左一陣.
好彩表現不差, 只讀錯了 about 6 個字.
不過今日上堂只是來測驗, 測完驗後就無野做. 所以就同其他人0係到傾偈.
係一堂最輕鬆的一堂呢.

上完堂, 等埋 Rosa, 準備一齊去個典禮.
但係中間仲有一段時間, 所以我, 呀布, Rosa 同 Dora 就去左中研0係小矮人的大本營入面鋤大D.
哈~ 今日手風奇順, 贏了不少回合.
大家也在那裡影了幾張相.

完了整個典禮, 才知道原來只有 donate 個 scholarship 的代表有黎先可以有份出去領獎、影相.
我有得出去領獎, 真係好好彩呢. (不過頒獎俾我的"代表"竟是 KK..)
如果無的, 只可以在隔離房睇 video, 睇住我地領獎 ja.
但係0係個典禮未開始前, 我差點悶得訓著覺.......

夜晚同呀布, Rosa 出去旺角食飯, 慶祝一番~
0的芝士同三文魚真係好正~~
食飽飽後再去行聯合, 嘩, 好多人.......行左一層已經忍不住走了.

返到屋企, 進入大昏迷狀態.
一次過將我的累釋放出來 !
換了件衫, 睇了一陣書, 便一張被蓋上身, Zzzz.........

>>April 3, 2004 at 9:19:56 AM GMT+8

2004 年 3 月 31 日 星期三 【乍寒還暖】

今日, 令我想起了上一年張國榮死的時候也是今日.
記得當日也是落著雨.
這一個消息, 我也感到愕然.

不過, 今日亦是我們地理學會新莊"曦紋"的就職典禮~~
看著他們, 想起當日的我們.
睇返我地上莊時所影的相, 大家都唔同哂樣呢.
雖然樣變了, 但我們的感情卻加厚了.
到現在, 我落莊了, 榮升為"老鬼", 感覺輕鬆了.
但, 看到他們今日程序上出現了一些混亂. 不禁地擔心他們.
但是我對他們有信心, 希望他們吸取這次的教訓, 做好其他的活動 !!
你們要記住, 我們是俾意見你們, 不是惡意批評.
不過今日你們因落雨而要即時轉換地方, 確是會出現不少混亂了.
這正好是一堂寶貴的課, 要你們學會充足的準備和大家主動、合作的重要性.

完成了就職典禮後.
新莊們請了我地班"老鬼"去樂富大排檔食飯. 多謝哂~!!!
今晚我地仲叫左 6 支酒飲. 好興奮 !!
不過多人飲下, 每人都係分到兩至三杯, 但係呀軒就飲到勁 high; Kiki 就飲到個頭 wing wing 地.
最搞笑的都係我地玩搖汽水鑵遊戲, 幾個人搖完後就企0係身差, 差輸的就要開了鑵汽水.
差到最後是我同啟明決戰.
啟明最終輸左俾我, 哈哈~!!
但係我地都俾佢開汽水時整濕了!
大家一路大笑, 一路鬧啟明.
豪哥仲幫我地報仇, 倒0的汽水落啟明條褲到~ 好笑到極點 !

食完後同 Kiki 行落去九龍城搭車.
一路行一路講返我地上莊時的事, 一路的回憶, 好多野都很難忘.
但係我地行到車站時, 唔知已經走左尾班車, 仲企左0係到吹水........勁搞笑.
知道後就忙於尋找通宵小巴俾 Kiki 返屯門.
好彩等到部去荃灣的小巴, 如果唔係......Kiki 可能要著住件 suit 0係九龍城街頭露宿呢 ~

>>April 3, 2004 at 7:45:19 AM GMT+8

2004 年 3 月 30 日 星期二 【暴雨】

今日去左捐血.
因為紅十字會黎左 BU set 場.
好耐無捐喇~
上一次都已經係01 年的事了.
當時我還是一個剛剛滿 18 歲的小子, 開始可以自己決定做某事, 連捐血也可以不填家長信了~
小時候成日都想大個, 但大個左又懷念小時候的無憂無慮、受人愛護的日子.
但係, 我始終喜愛大個了, 自己可以作決定的感覺~
可能是我細個時被人管得嚴吧~

捐完血後同 Kiki, 麗霞, 大媚走左去唱 K.
今次少人0的, 唔駛爭咪, 可以唱多0的~
不過同佢地一齊唱, 始終都無同我中學班老朋友唱來得興奮.
可能是唱 K 時沒有大家都能傾不完的話題之故.
但係唱完 K 後心情實在有0的放鬆.

之後更可以返屋企食飯~
數數手指, 今個月內, 可以0係屋企食飯的時間真的不多.
好多晚都要食埋飯先返, 順帶我銀包都減了不少磅數.........
這個月, 入不敷支呢........

>>April 3, 2004 at 9:26:11 AM GMT+8

2004 年 3 月 29 日 星期一 【雷雨】

今晚 AGM.
這是我們"地知泉" 的最後一個活動了.

今朝上完 transport 後就去左同呀媽、老豆飲茶.
好飽. 呀媽仲話我細食左.
係咩? 但係我仲係差唔多咁重 ja 喎~

之後去左剪頭髮兼染頭髮.
嘩, 間髮型屋0岩0岩裝修完, 今日開返(不過我唔去都唔知~), 就鬼死咁多人.
搞0個少少野都搞左我成 2 粒幾鐘.
搞到我趕唔切去上堂添............
不過算啦, 返到屋企換返件"老西"就返 BU 準備今晚 7:30pm 的 AGM.

今晚 AGM 第一次用代表會0個套黎 run.
初頭呀軒唔係好贊成, 我同佢討論左好耐先搞掂.
最後都係試下代表會的 system.
確實, 有0的位係有0的亂.
不過今次係第一次用0係我地到, 兼且我地同主持呀熊有0的誤會, 先搞到咁.
不過, 呢套 system 真係較 formal 同有秩序0的.
希望新莊可以繼續採用啦.

>>April 1, 2004 at 9:30:28 AM GMT+8