2004 年 2 月 10 日 星期二 【晴】

首先多謝呀卓 ge 關心先~
喂 ! 仲未見過你個帶 con look 啊, 0係學校入面都撞唔到你 ge.

尋日收到 Benny 來電, 他說他考車成功 pass.
嘩~ 恭喜哂啊 ! 你好勁呢, 一次過 pass. 要以你為目標先得 !!

所以我今日學車都俾足心機, 完全無死火, 所有野都做得好足, 連師傅都話我合哂水平~
當然, 今日也有另一個原因.
就係有個師奶跟我車, 想睇下野、學下野, 因為佢覺得自己學得唔係太好.
既然有人跟我車, 當然唔可以衰俾人睇啦 ~!!
但係當初我見到佢話想跟我車時都覺得幾意外, 不過0係等師傅黎前同佢傾左一陣, 熟落左少少.
上完堂之後, 佢更問了我不少個人學車經驗.
哈~ 我好似變相做左佢師傅咁~~

>>February 11, 2004 at 3:35:21 PM GMT+8

2004 年 2 月 8 日 星期日 【晴】

呢幾日又凍又落雨, 我也終於在 weekend 中臥病在床.
唉.........覺得自己身體弱過以前很多呢.

不過今朝起身見到陽光普照, 天空藍藍的.
我的心情也自然地開朗起來.
實在很久沒看見這麼藍的天空, 感覺到這麼暖的陽光 ~

但由於病未復原, 今日上堂都好似雲遊太空般, 所有的句子也在我耳邊逗留了一會便走開了.....
不過我今朝已經走了我今個 sem 的第一堂, 諗住訓晏0的, 精神好0的, 點知都係得個"諗"字.

>>February 9, 2004 at 4:20:05 PM GMT+8

2004 年 2 月 5 日 星期四 【乍雨乍晴】

尋晚搞完春茗後, tired 到今朝差0的唔識起身.
而在今日, 我報的普通話中班也都正式開始教書了.
中班, 確實比初班難些.
之後去了上 business tutorial.
終於也 present 了.
我們這一組 exchange students 混合組也 present 得不錯.
哈~ 但我全程只是負責問其他組問題, present 時由於抽不中我負責預備的問題, 所以就無出過聲喇.
anyway, 係一個順利的 present.

而今晚, 我終於可以一放學便返屋企了.
數數手指, 之前不是要開會或搞 function, 便是要返工.......
:)

>>February 6, 2004 at 2:45:47 PM GMT+8

2004 年 2 月 4 日 星期三 【乍雨乍晴】

今晚是一個很開心的晚上.
正月十五, 中國的年宵佳節.
雖然沒有什麼情人陪伴, 但和一大班朋友一齊食飯的快樂也不遜於和情人一起過的浪漫.
我今晚的節目便是和一大班地理系同學一起吃"春茗" !!

雖然天寒地凍, 但在 4 樓 common room 的"春茗"令我們感到無限溫暖啊~ (我仲覺得熱添 !)
大家熱熱鬧鬧的圍在一起食盤菜.
我們四十幾人分別坐於四圍檯.

身為 MC 的我實在也感到非常興奮, 大家一起"敬茶", "起筷"...........難得、難忘
食剩的豬皮蘿蔔便拿來作遊戲的"懲罰", 有的差包剪dum來分勝負, 另一檯則玩"食剩盤茶邊個食"..
我雖然沒有身處其中一起玩, 但只是看著他們玩也有說不出的快樂~

今晚是我代表 Soc. 做第二次 MC, 但我相信已是最後一次吧.
聽到下一屆莊也有點眉目, 心下大慰.
Opal, 珊, 佳. 你們要努力啊 !!
雖說不上要將地理學會發揚光大, 但也要繼續將我們的"認真"延續下去啊 ! 要認認真真, 和和睦睦的"幹一支好莊" !

今晚的春茗之所以搞得成功, 也是全靠一班莊員的合作, 每人都做好自己的本份.
當然也要讚讚 Man C, Yuki, Emily, Kiki, Lillis 同呀 Wing, 他們籌備同宣傳得好好啊~

>>February 6, 2004 at 1:48:18 PM GMT+8

2004 年 2 月 3 日 星期二 【乍雨乍晴】

今朝一早返去林護, 約左 Desmond 同呀偉去問 ITSC 關於 NAB 209 technical 的問題.
因為 NAB 209 實在太多問題出現啦..........
我就試過開唔到 projector (跳左 fuse), 呀Bert 試過支無線 Mic 唔 work, 呀偉仲試過成間房停電.......
但係問完之後, 我地都係只係學多左少少野.
至於停電呀, 跳 fuse 呀呢0的野原來都係唯有 call EO 黎幫手先得, 只可以說若我們遇到這些問題, 這證明了我們"好好彩"吧.........

晏晝上完堂後就約左呀強去 RC 打乒乓波~
冬天又落雨的時候, 做下呢樣運動實在係一個唔錯的選擇 !

之後約同 Opal 傾聽晚做 MC 的程序
對聽晚的春茗, 有0的緊張又好期待 !

夜晚"hair" 到 6:30pm 就去左同 business tutorial 的組員 (全 exchange students -___-") discuss 一下星期五的 present.
哈~~ 我今晚同佢地溝通又用英文又要用普通話.
係咁轉 channel ~~
不過呢個確實係一個難得的機會俾我練練英文同普通話呢 !

>>February 4, 2004 at 3:30:11 PM GMT+8

2004 年 1 月 30 日 星期五 【晴】

今日雖然凍凍地, 但係好彩有太陽, 暖0的~
今日的天氣正合出 field trip, 目的地: 流浮山對出的后海灣 ! 目標: 取海底泥做 Lab.
我, Man C, 軒, Kiki, 大媚, Lillis, Emily 一組人先約在大棠輕鐵站等, 然後去搭小巴到流浮山.

點知原來 Emily 呢個港島人未搭過輕鐵, 所以搞出不少笑話~
首先係唔知"Do"出同"Do"入0的機 ge 分別, 而且佢又話輕鐵好似遊樂場0個0的載遊客 ge 車~
仲有 !! 佢仲問人"Do" 左機後係咪任何一部輕鐵都可以搭..........(那人微笑著回答"可以")
哈~ 好笑.

大家到流浮山碼頭, 上一組剛剛完成回程, 我們就接著再坐船, 準備出海取泥.
但係我地 7 個人 + tutor Johnson + Dr. Owen = 超載......................
個船家為難左我地一陣, 最終都俾我地出海. (梗係啦~ 我地大客仔黎 gar 喎~)
出到海, Owen 講解一下取泥的程序, 然後我們便分組試試取泥.
都唔可以話易啊, 都真係要出幾多力 gar !
想睇睇取泥過程, 可到我的相簿看看: http://community.webshots.com/user/old_ray
不過, 呢個 field trip 其實都幾好玩+刺激 (因為隻船不斷滲水.....)

完成後, 我們便再搭小巴出元朗.
同 Johnson 一齊去大榮華飲茶~~
我地勁肚餓, 所以就叫左好多野食, 食得飽飽的. (但係都係每人 $44 ja, 算平 !)
飲茶中, Johnson 衝去拿燒賣的事最為搞笑.
他因為中途出左去講電話, 所以唔知我地已經叫了 2 籠燒賣了.
他衝回來說了句 "有燒賣啊 !", 拿了點心咭, 轉頭便再衝出去...........我們便一齊大叫 "已經叫左喇 !"
哈哈 !! 我們即時大笑, Johnson 也即時走回坐下, 夾了一粒燒賣.

回程時, 嘗嘗搭西鐵的滋味.
但頗為失望, 沒甚麼多景色看, 大部分也是隧道; 火車站也是大而無用, 反覺太過空虛, 浪費位置.

>>January 31, 2004 at 3:34:23 PM GMT+8

2004 年 1 月 29 日 星期四 【陰】

今日一早就被一個惡夢驚醒了..........諗落可能係一個唔好的兆頭.
不過今朝一早要上 830, 想訓番又驚起唔到身, 所以醒了後只閉目養了養神.

但係今日最要記低的事就係我今日上 BUS 1630 turorial 的事.
話說今日第一堂要分組, 4 個人一組, 之後的 tutorial 都係要 group presentation 的.
好啦, 一開始, 我就同一個 PERM 的男仔 form 一 group.
坐我隔離0個個 exchange student (from California) 問我可唔可以入埋我0個組, 我當然答 "Sure" 啦~
其他人都 form 得 7788, 但係有 2 個由大陸來港的 exchange students 入唔到組.
但係佢地又唔肯 split 開, 死都要一齊..........(其實已經有人細細聲話佢地煩....)
我地都唔知點搞............點知有個人話不如0係我0個組到走一個人, 咁咪可以將佢地 2 個入一組....

心知不妙................我當然說句 "無所謂啦" (唔係可以點), 點知個 PERM (!!!!) 就即刻過檔..........
結果.........大家都應該諗到..............
就係我同 3 個 exchange students 一組 ~!!!!!!!
1 個 from US, 2 個 from Mainland China.................今次真係要玩哂 2 文 3 語喇.

心想這也壞不哂, 可以練練 language, 但係最驚我要做他們的中間人 (英文同普通話都唔拖唔水...)

唔......下星期就有一份 group present 了(其實正確黎講係每個星期都有..........)
我諗我要 2 文 3 語成個 sem 呢.........

>>January 30, 2004 at 4:10:19 PM GMT+8

2004 年 1 月 23 日 星期五 【晴】

今日係初三, 但係無繼續去拜年.
而去左幫 Mountain (Ray) 呢個香港旅遊青年大使去帶班 BU exchange students 去新界玩.
初頭我都係唔知頭唔知路就應承呀 Ray, 來到集合時先發現原來我今日要同0的外國人玩, guide 住佢地遊香港新界, 同佢地遊元朗 (其實呀 Ray 只係帶左大家去參觀恆香, 榮華, 一間天后廟+試試求籤, 介紹一下 Chinese culture) and 去呀 Ray 屋企感受鄉村氣氛.
不過我第一個諗法就係死梗.......自從 A-level 後都好日唔講下英文, 今日一定"雞同鴨講".
但係都迫住自己講, 講講下就順口左0的, 大家都可以溝通到~
其實班 exchange students 好多都好 active 同 talkative, 我地都 chat 得好開心 ~~

嘩, 真係唔係講笑, 唔去過呀 Ray 屋企都唔相信呢家香港仲有0的咁偏僻 ge 鄉村地方.
佢屋企位於元朗非常入的地方, 仲要途中必須通過一個解放軍兵營, 再行一段路先到.
佢屋企隔離係一個豬場, 屋後養左幾隻雞, 完全係一個典型香港農村+農場
好似去左中國探訪農村咁.

0係佢屋企0個到, 我地大家同呀 Ray 屋企人坐埋一齊食 hot spot 當 lunch.
班 exchange students 由於大部份都係來至 US, 所以佢地好多都唔識 use chopsticks~~ 見佢地夾野食跌下跌下真係好好笑. 食飯時, 我地大家還收到 Ray's 老豆 ge 一封紅封包~~!!! 0的 exchange students 就講 "dor cheng"-->多謝, 哈 ~~!!
之後大家就試下包湯圓, 當然係包到得個"笑"字啦.............之後我地仲食番我地 ge 製成品呢 !
跟住大家一齊學寫揮春, 佢地就摹中文, 我都寫左兩張拎番屋企掛.

我地玩到黃昏才走, 今日我從一個 from German ge exchange student 學左一句德文.
" It Lee Sa Dush" (其實我唔係好記得係咪咁發音), 就係解"我愛你" 喇.

>>January 24, 2004 at 5:37:04 PM GMT+8

2004 年 1 月 16 日 星期五 【微冷】

今日全日都在家裡幫手執屋, 收拾一下我的溫習"八陣檯".
如果有一隻蟻入了我這張檯的範圍.........可算是入了諸葛亮的八陣圖般, 必定有入無出 !!
哈~執拾時, 真的被我發現到有幾隻小昆蟲的屍體.........

今日有一個念頭, 很想很想有多些時間給我看多幾本書就好了.
因為我書檯上確實是堆砌了不少書, 大部分的仍是被書封包著.
之前所定下的讀書計劃, 通通未能達到.
或者這時候確實是要自己更加追求知識, 令自己更成熟, 飽滿自己的學問, 擴闊自己的眼界.
好好掌握未來一年多的大學生活, 去盡力讀多一點.
其他的事, 不去再多想了. 有些事, 信心也漸漸減弱. 唯有讀書是自己能夠把握的.
時間去了............

>>January 17, 2004 at 5:26:46 PM GMT+8

2004 年 1 月 15 日 星期四 【乍寒還暖】

今日發生的事實在令我想寫下來.
今晚返工, 原先已很趕時間的了.
上堂上到 6:20pm, 但返工的時間卻是 6:30pm.
但見那張 job sheet 上的工作也不太難, 想自己可以在很少時間內完成.
誰不知今晚我卻遇到不少問題..........
projector 的 remote 不知去了那裡, 連自己的 store room 也沒有.
先問問呀偉, 但他也不知, 唯有再問問 ITSC 的人吧. (亦算好彩, 竟被我遇見一個 ITSC 職員呀輝)
借了 remote, 但也不能開著那個 projector.
再三 check 過電源, remote 上的開關制, 沒有問題...........也試過企上椅上爬高用手按 projector 上的開關制................但它仍是跟我作對, 不作任何反應............此時已差不多到那堂開始的時間, 那個外國人 lecturer 也不耐煩地叫了 SCE 負責人來跟進. 因他必須用 projector 來將 powerpoint 放給學生看, 而我唯有很尷尬的對他們說對不起, 然後繼續尋人求救.
再打電話給呀輝求救.
但...........他來到也不能開著那 projector.............他也打電話給另一位 ITSC 職員求救........
最後竟有多兩個人來到幫手.
他們分開行動, 一個去電力房 check check 是否電力輸出有問題, 另一個就繼續試試開關電源.
其實那時這堂 lecture 已開始了, 那 lecturer 已不故 powerpoint, 向學生們授課.
這使我心更急, 更不知所操, 只能企在旁, 不能幫手什麼
..............直至那白色投影幕上出現藍色畫面, 我知道他們成功了.
呼了口氣, 不斷向那班 ITSC 職員說多謝, 非常感激他們的幫助.
如果我沒有他們的幫忙, 我相信今晚將會令 AC Hall 及自己蒙羞不已.

但今晚的經歷令我增加了不少經驗.
也知道了自己在危機上處理不夠冷靜 (今晚確是有些怯), 需要繼續鍛煉.
而且亦算認識了幾個 ITSC 職員, 算是有了一個後盾.
最後, 也很感激呀偉的幫助與關心. 他的一個電話關心我今晚的事情確實是令我感動.....

到了 7:20pm, 足足一個鐘.........終於完成了今晚 set 場的事.
趕回舊校開我今晚應該又是 6:30pm 開的社盾會.
雖然已說了是會遲來, 但也想不到會遲這麼多, 好彩有 Dave and Opal 幫我開住先.
返到 Soc. 房, 他們都就黎開完了...........有多不好意思啊...........

>>January 17, 2004 at 4:54:41 PM GMT+8