2004 年 9 月 15 日 星期三 【陰】

今日 day off 的我, 跟本無 off 到.
一朝早, 勁頭痛 + 眼訓.........
出去嘉道理農場幫手入 data.
因為佢地要計0的咩 ecological footprint.
原來係勁難計 + 需要勁多 data........

緊接著補習.
要出返去銅鑼灣.......好遠........
不過中途返左屋企小休, 飲左罐奶茶提提神.
但仍然要同睡神搏鬥..........勉強支撐起身.

補習後緊接的是返 BU 返工.
多得呀偉幫我頂左陣, 因為我實在趕唔切返黎.
set 好野後, 上左 library.
飯都無食, 就係0係 library 到大覺訓...........
訓下醒下訓下醒下...........
又做下 remote sensing tutorial.
終於.......可以放工.

今日每一程車程, 我都好把握時間咁訓.
今日個頭就係順住部車0既勢0係咁中黎中去.
搞到頸都痛埋........

>>September 16, 2004 at 4:35:28 PM GMT+8

2004 年 9 月 12 日 星期日 【晴】

今朝上完堂後就自己一條友入元朗.
目的係去搵南生圍.
睇下0個到0岩唔0岩我拿 samples 做 hon. pro.

今日真係可算是去探險.
拿住本地圖仔 (2001年增訂版......), 隻身前去~

搭西鐵入到元朗, 再轉搭 36 號小巴入去大生圍 (因為無直接車到南生圍)
小巴司機大佬更一路教我邊到先至係南生圍.
入到大生圍, 村民們都很好人, 教我怎樣行去南生圍.
唔通呢0的就係鄉村才有的「人情味」?
原來南生圍極大~~ 有分南 & 北, 村民問我想去邊, 我都唔識答.
一個村民對我說有兩條路行到去南生圍北面, 一條路有狗, 另外一條無.
............想都唔想, 當然選擇無狗的啦~
但係.............行到半路...............有狗突然從後閃出.........它吠了兩聲, 即時一呼百應.............
Low B gar !!! 玩十面埋伏、四面楚歌咩??!!
我當然有著必死的心態...............立刻鳴金收兵............一夫難敵「n」狗...............

此路不通.........
唯有退回剛才搭車所經過的路, 搵過第二條路入去.
但係..........行行下, 又突然一聲「汪!」, 繼而「woo......」咁被一隻狗怒 bear.
癡線 gar !!!!! 有心臟病都俾你嚇死啦 ! 好心佢0係門鐵閘後面就唔好嘈啦 ! 我又唔係要入黎你屋企 !

好彩剛才個好司機大佬教過路, 我再看看地圖, 也尋到兩條路可行.
於是試第一條.
但係唔知點解, 呢條路勁多大貨櫃車, 條路唔係好闊, 真係行錯步都會被夾扁.
睇個勢, 呢條路應該係去0的咩貨櫃場, 所以就無再繼續行.

試第二條路, 不過呢條路勁遠.......行左成半個鐘有多先行到.
今次呢條路再無大貨櫃車經過, 但有的.......是泥頭車...........
呢到有地盤工程.
但係影響唔大, 照行可也.
今次終於有幸見到南生圍的某一處.
但大失我所望....河流已人工化了....水也人工化 (污染)了.....沉積物也人工化 (當然也是污染)了....
這怎叫我拿來做 hon. pro. 呀?

但係記得當時「貝貝」也是住在山貝河 @ 南生圍.
看報章所刊登的照片完全和我今日所見的不同.
可能真是太大了, 自己也未行到那處.
4 點幾, 見太陽已開始下山.
人生路不熟, 故決定走先.

回程時, 竟在這條單程路上「巧遇」兩條狗..........
又係狗.........今日我同狗結緣............
好彩, 見它們沒有異樣, 我便靜靜由它們身邊行過.
其實, 都驚驚地~

但那處四周全是高速公路, 無可能好像「電波少年」掛......
所以決定行~ 行返出去元朗
點知.......真有點後悔........呢一程路先至係最累........行了差不多一個鐘.....-___-"
有地圖的朋友, 也不防看看我今日的行程吧.......

幾經波折, 回到家後都真係死咁滯.
朋友的飯局也不去了.
關門休息.

低估了行程所需時間, 所以要再去一次.
我諗下次要 drive 車入去以避狗 & 減少體力消耗.
如果下次都係搵唔到0岩的 site, 我的 topic 便要被迫轉轉了..........
擔心 & 惆悵........

>>September 13, 2004 at 2:19:26 PM GMT+8

2004 年 9 月 10 日 星期五 【晴】

今晚 AC Hall 搞 farewell~
4 點鐘就返左去同呀浩, 呀偉一齊 set up.
Ina 同 Mandy 則遲0的黎.
做做下, 3 個男人仲落左去食 tea.

今晚由於有人突然無黎, 搞到有0的失預算.
分組時好彩0岩0岩分到 4 組, 每組 6 個人, 玩遊戲時可以公平0的.
今晚的遊戲分別有「飲汽水」、「搶龍尾」、「七手八腳」、「融冰」.
哈哈~~ 今晚個氣氛好好~~
大家都玩得好開心.
個 run down 雖然突然有改動, 但好彩個 time manage 得幾好.
0係預算時間食到野~

送紀念品時, 老鬼都很開心和說很鍾意這份禮物.
真係好, 無浪費到我地的一番心血~

今晚大懲罰係飲 wasabi 水~
唔知係咪真係咁難飲, 清霞同 William 飲完後係咁話好難頂.

食到好飽, 剩下的食物就由住 hall 人拎返去食.
今晚大家的反應都幾 good.
希望班老鬼開心吧.

下年, 唔知會係點呢?
主角將會是我了

>>September 11, 2004 at 5:09:10 PM GMT+8

2004 年 9 月 9 日 星期四 【晴】

今日上完堂後就搞埋 AC Hall 0的野.
聽晚 farewell~~
收到好消息, 張生同武生總共 sponsor 我地成 $1500 呀~~~!!!
超勁~
可以加碼, 叫多幾盤食物.
仲可以勁減入場費添~

之後去 join 班組孫食 tea.
但係我去到已經係比他們遲差唔多一個鐘.(因為要搞 AC Hall 0的野)
所以佢地有0的都要走, 而且今日 JJ 無黎.
到最後, 只係剩返我同 Peony, Tracy and Jane 一齊0係到吹水.
呀 Jane 始終都係有0的靜, 但係佢今日已經比我想象的說多了~
Peony and Tracy 同我則雞啄唔斷, 話題都係環繞大學生活, 上莊, 參加學會等等......
原來今次的約會係 Tracy 發起, Peony 做聯絡的~
好, 實在太好~
我地 re-u 的時間好早呀~~
有0的掛住自己的組仔&女~

>>September 11, 2004 at 4:24:19 AM GMT+8

2004 年 9 月 8 日 星期三 【暴雨】

開左學後就懶寫日記.

今日............士氣非常低落........
俾老細鬧到狗血淋頭.
抵死的......
自己犯了連自己也覺得不能接受的錯.
唉...........
無野好講.
自責一番.
必要檢討檢討自己.
唉.........搞到我今日成日都心神恍惚, 又極大脾氣.
真係未試過咁樣.
好彩之後同呀包打左一個鐘 non-stop 壁球.
稍為舒緩一下心中的鬱氣.
今日的我, 毫無心情.

朱安, 生日快樂 !!!!!
祝你身體健康, 大一歲時心靈也跟著成長 !

>>September 9, 2004 at 8:46:56 AM GMT+8

2004 年 9 月 2 日 星期四 【晴】

今天是呀爹的 69 歲大壽 (農曆)~
祝他身體健康, 幸福快樂~

夜晚一家人去了食飯.
我地一人一部相機..........係咁影相........一個 post 影了..........我都唔知幾多幅啦~
哈哈~ 老豆今日又有生日禮物, 又有得切生日蛋糕~
佢好開心呢~

今日行去又一城 hae 時撞到呀熊.
跟住大家一齊去食 tea.
我地傾左好多野.
亦都令我諗起好多野.
真的是這麼煩的嗎?
我對自己做好自己也沒有信心, 何況是別人吧.
這就是原因了.
這個時候, 腦中空白一片.

今日有些累.
牙在疼；牙肉在痛.....

>>September 3, 2004 at 1:56:41 PM GMT+8

2004 年 9 月 1 日 星期三 【晴】

今日係新學年的第一日, 也是第一日 day off~~
所以今日就昏迷到日上三竿先起身~!

晏晝就返左 BU library 睇左陣書.
今日有對第二個系的 freshmen 竟然唔知死, 0係我後面個位到係咁傾偈.
我初頭都諗住忍, 等佢地收聲.
點知佢地 non-stop.........忍唔住 ! 企起身, 對住佢地講：「你地傾偈的話唔該去第二到傾！」

悶到差點死掉........
之後出左去旺角周圍行.
買左幾隻 games.
但係夜晚等左 9 個字先搭到車返屋企.......

今日先發現原來有個 freshmen 0係 icq 到誤認左我係 RayRay~~
哈哈~~ 真係搞笑......
佢話睇我地0的泰國相, 見到成日都有"我"份~
哈哈~~~ 我即刻0係到諗我幾時有去泰國呀~
好搞笑~!
不過呢班孫都幾好.
佢地勁 active 呀, 已經約我同 Vincent 下星期去食 tea (re-u) 喇.
快得出奇呀~~!
仲要係佢地約 !

>>September 2, 2004 at 4:29:45 PM GMT+8

2004 年 8 月 31 日 星期二 【晴】

今晚返工.
嘩~!
原來好大陣象~~
係 GIORGIO ARMANI 請到一個世界知名的芭蕾舞家"譚元元"黎表演.
GIORGIO ARMANI 將我地個 AC Hall 重新佈置, 改得我地個 lobby 面目全非~
連到門都貼到變了黑色, 仲裝左兩部電視0係到 promote 佢0的 cosmetics.
總之就 set 到好似好 high 咁啦~

而今日, 我地總共要 17 個同事返工 (從前最多的都是 13 個罷了), 試都未試過.
仲要 6 個男仔做 car park ~!!!! (包括埋我.....唉........我地最多都係試過 2 個人做 car park)
本來今日諗住可以見下呢個"譚元元"跳得有幾好.....
但係.......本來可以 gar !!!........Kelly 應承左我地俾我地上去睇.........
但始終我地 car park "六壯士" 都係要企0係 car park standby 到完場........
未試過企 car park 企 3 個幾鐘........
今日又熱又無風, 又要企0係條斜路上.......超熱又超累 +__+
今日真係有好多「未試過」............係工作上的一次新經驗

>>September 1, 2004 at 5:02:07 PM GMT+8

2004 年 8 月 30 日 星期一 【陰】

今日訓到 1:00 幾先起到身.
訓到天昏地暗呀~~
成日都無做過野.
係打下 AOC, 打下日記咁.
不過夜晚睇返上年我地搞的 o.camp 0的相.
感覺真係好難形容........很想流淚呢.........
好開心, 又好回味, 好想好想念呀~!!
上年搞 o.camp, 責任好大.
今年做 helper 去 o.camp, 已沒有了這種責任感~
見我0係 camp 入面唔想起身就係一個證明.
比著我上年, 我簡直係訓唔著呀.
睇返0的相, 竟然見到我仲識笑........今年的我, 累得我笑也笑不出口了.
真的是老了嗎?

睇返上年的相, 我們一組的組員都沒有大改變
好開心, 見著今年 Opal, Vincent, 珊都努力的搞好這個 o.camp.
我, 當然是支持他們啦~
因為我們的感情已很深厚了~
也很記掛著我的所有親愛的莊員.
如若沒有了他們, 我們的 o.camp 也不能搞得空前的成功.
說真的, 一班莊員的齊心是很重要的.
當然, 是需要一班大家都有責任感的莊員才能成事 !

但, 想起來.
我們班「地知泉」已很久沒有聚埋一齊了.

>>August 31, 2004 at 6:06:30 PM GMT+8

2004 年 8 月 29 日 星期日 【乍寒還暖】

今日的我完全沒心情, 因為太累了........
頭在痛、聲也漸漸底沉了.
影相時也笑不出口.

不過今日所發生的事實在太起伏了~
話說我0個組今早竟然排第尾, 好驚會接受大懲罰.
所以我便不斷激勵士氣.
在餘下的遊戲中努力爭分.
其中的用水樽打曲棍球遊戲中, 我也落場, 成功爭取此遊戲的第一名 !!
與「迫爆三」齊名(第尾)~
食過飯後便玩最後一個遊戲：「信不信由你」
未玩這個遊戲前, 實在生死未卜呀 !!
好緊張.
結果竟然出乎意外, 接受大懲罰的不是我們又不是「迫爆三」.
竟是 show hand 失敗、也是已連受 2 天懲罰的第四組「薛肉琪」~!
哈哈~~ 知道結果後簡直好像死過返生~
也是我最難忘的一段.
我們一組與「迫爆三」的組員興奮得又跳起, 又擁抱~

大懲罰後, 我們便坐城巴回 BU.
大家也累極的各自回家

>>August 31, 2004 at 2:07:08 PM GMT+8