2004 年 8 月 16 日 星期一 【晴】

好耐無寫日記了.

呢排有 friend 有感情問題, 都同佢傾左唔少.
本身我也是支持他去努力復合, 但到了這個地部, 我也勸他放棄.
真的不想見到他泥足深陷, 和他自己身體健康一路變壞.
她做到連電話也不聽, 根本就表明再沒有機會了, 這樣做簡直是連朋友關系也不想維持.
這樣, 你何必再執著去與她復合呢?
感情淡了, 真的是沒有很清晰的原因的, 就如愛一個人一樣, 何必要去苦苦尋求真相呢?
快快放下這段感情, 重新尋回自己吧.
都係0個句, 珍惜現在所有的關系, 無論是家人、朋友、甚至是與她的關系好了.

而今日, 就約左呀 Pag 去嘉道理農場行下.
當行山~
我地 1:30pm 去到, 一路周圍參觀, 行到山中間已經晏了, 所以未上到山頂便回程了, 這時已 4:30pm 了.
在這次旅程中, 我也去了不少我未去過的地方.
當中包括紅鶴、水鳥的住處, 昆蟲屋, 修女花園(無修女, 又無花的....), 蝴蝶園, 四柱擎天...........
因為我帶隊所行的路線, 也只不過是整個農場 (山) 的 3 份 1 的地方 (山腳).
我地仲0係一個小瀑布旁的涼亭休息, 順便食下三文治.
哈~~ 個 feel 好正~!
不過好彩今日有把長傘俾我"篤"住行, 舒服好多.
我地臨走時經過鸚鵡園, 仲同0的鸚鵡講「ByeBye!」添~
今日行農場, 令我想起去馬來西亞的驚險的熱帶雨林旅程, 0個次真係好易"look"落山 gar !!

我0的記憶力真係好唔掂..........
我今日要打俾呀 Pag 問佢我係咪約左佢今日..........
唉..........老 Ray 已患上老人癡呆症了..............(=+_+=)

>>August 17, 2004 at 1:22:33 PM GMT+8

2004 年 8 月 9 日 星期一 【晴】

今日係 jupas 放 result 的日子.
出於關心, 打了電話給朋友, 問候下.
但換來的只是冷淡的回應與及不滿我的安慰說話 !
這算是什麼意思?!
我承認我是不懂說話, 不懂安慰.
你是不開心的, 也不要這樣吧.
對著你, 我真的不知說什麼好, 但, 我真係好不滿你的態度 !

另外, 也收到一個好消息.
呀妹入到 BU Journal.
恭喜哂~!
第日可以0係 BU 到見到喇.
不過你講得0岩, 入到大學, 就會同自己的同學和朋友各散東西.
去適應一個新環境和認識一班新朋友吧~

對我來說, 好朋友, 始終都是在中學時認識的.

今晚有工返~
可以0係我乾涸的"水塘"加一點"水"

>>August 10, 2004 at 6:24:19 AM GMT+8

2004 年 8 月 6 日 星期五 【晴】

今日同屋企人去左金鐘萬豪酒店食 tea buffet~~
哈哈~ 正到死啊.......0的甜品、魚生~~
但係都幾貴, $160幾一個人, 未計加一喎.
食到我地全家都飽到夜晚0個餐都無食~~!!

我食左一個鐘到, 諗住要趕返去 BU 幫 Desmond 手返工.
因為佢之前話夜晚唔得閒, 要我代佢幾個鐘.
但係 !!!!! 我返到去 call 佢時佢先話唔記得左我應承左佢代佢, 佢所以推左夜晚個飯局.......
唉.......總之唔咁趕, 0係金鐘食多陣先啦.

唔緊要~
我都諗住返黎 BU 探下班新莊員.
Opal 同其他莊員都0係新校 soc 房到 dem game.
哈哈~ 數字球同 camp fire 舞我都有玩埋一份.

夜晚同佢地一齊落左去樂富大排檔睇波 (中日大戰啊~) 兼食飯.
不過由於我實在仲飽緊, 所以無食到.
場波都幾好睇.
不過中國隊0的把握機會能力真係差過日本.
輸, 也是意料中事.

返到屋企, 同Vincent, RayRay, Fai, 啟明, Kerry 一齊玩 AOC~
不過兩次都因為 connection 問題而玩唔完.......
最後都搞到 2 點幾先有得訓

>>August 8, 2004 at 6:55:37 AM GMT+8

2004 年 8 月 5 日 星期四 【乍寒還暖】

今日無咩野做.
夜晚同朱德、俊怡、crystal 去睇「智能叛變」
套戲都幾緊張, 但係個劇情就有0的難明同漏洞.

今日終於睇完本書的一個 chapter.
不過得0個幾頁, 已經睇左幾日...........
死得喇~

>>August 7, 2004 at 5:05:17 AM GMT+8

2004 年 8 月 4 日 星期三 【乍寒還暖】

今晚約了好耐無見的司徒家樹出黎食飯.
不過之前就同小雲去左尖咀, 帶佢去買羽毛球拍.
因為已經應承了她好耐了.
睇睇下, 朱安同朱德, 仲有田雞、俊怡都 join 埋我地.
但最後, 都係無買到......

跟住一齊落左機舖打機~
又玩踩單車, 又玩賽車, 又玩小新遊戲, 又玩槍戰 game.

然後我地一齊落返去佐敦
點知等左好耐司徒都未黎.
到我地入了餐廳, 佢黎到時已遲了一個鐘多0的了.
真有點過份.
不過算啦, 有其他人0係到傾偈, 唔係好悶
如果得一個人等, 我實唔等 gar 喇 !

今晚最搞笑的都是0係地鐵站入面等人時見到呀堅.
嘩! 好耐無見佢喇.
我一見到佢, 即刻搏埋去.
嚇死佢.
同佢傾左陣先走.

>>August 6, 2004 at 5:59:04 PM GMT+8

2004 年 8 月 3 日 星期二 【乍寒還暖】

今朝一早去左嘉道理農場.
今日係第一次 guide 隊, 不過就有 partner 呀 Dick 拍住上, 係農場0個到測驗我地 guide 隊的其中一次.
因為佢地要保證 guide 隊的人的質素.
其實都有0的緊張.

今日係帶小學生.
哈~ 見到佢地, 我都唔識緊張了.
因為佢地不斷咁問我問題, 又或者小朋友與小朋友之間發生衝突........
總之令我分不到心去想諗另外的事.
他們真的很活躍和求知慾強~!

最記得有個男仔勁唔好脾氣, 少少事就又鬧人. (好彩都無打人)
另外一個女仔就成日問我隻小灣鱷有幾長. (哈~ 我都唔知呢~ 1米幾 gua)
有對兄妹就好似樣又成日一齊行, 互相照顧~

最後因時間唔夠, cut 左一個 game.
總算順利完成.
不過之後聽返 Karen 對我地的 evaluation 後先知我地都有很多地方講錯資料.......
下次要改進下先得.
不過今次對住 24 個小朋友已經哎到沙沙地聲, 成支水飲哂.

跟住留低0係飯堂食埋 lunch 先走.
今次一樣, 四"食送"一湯, 白飯任裝~
只不過今次無雞食呢~
正啊~~

本身諗住朝早帶完團後, 再帶呀 Pag 周圍行下, 介紹下嘉道理農場.
不過呀 Pag 病左, 無黎到.
不過都好, 因為之後農場0個邊又行雷又落雨呢.
黎到都唔行得喇.

行程有變, 就回了家休息一陣.
夜晚約了小雲睇戲.
不過今次睇的戲是非一般的戲~
是電影節的戲.
叫「八月斜陽」, 係一套斯李蘭卡的戲. (有英文字幕)
呢套戲好寫實咁描繪了一個戰爭中的城市, 3 個唔同的故事、主角 (戰地記者與不顧一切去尋找丈夫的下落的婦人, 逃難的一對父子, 戰爭結束後回家的士兵) 的處境.
雖然一0的都唔緊張、震撼, 但係都可以令我感受到戰爭帶來的傷害.
也令我感受到人間有情、親情的珍貴
最難忘的都是那隻不論遠近也跟著主人的狗, 但最後也因為主人逃難而失散.

睇完戲後, 竟然落大雨.
結果躲在七仔入面, 一邊避雨一邊食雪糕.

送了小雲上車, 即刻走了去搵朱安.
我相信, 他在這時候一定要有朋友在身邊支持他吧.
努力呀, 朱安.
她會回到你的身邊的, 我相信.
我也被你對她的心意而感動呢.
也許這是一個試煉, 又或者大家需要一段冷靜期吧.

>>August 6, 2004 at 5:36:36 PM GMT+8

2004 年 8 月 2 日 星期一 【晴】

今晚同昨晚都在會展返工.
呢份工係 AC Hall 出外的一份工.
我地總共有 13 個同事一齊出外做 job.
$250 晚, 做 5 個鐘到, 真係 good 過0係 AC Hall 入面做呢~
不過呢0的機會真係可遇不可求~

其實呢份工都係做帶位的.
做返"老本行", 無咩問題.
係個 show 多0的外國人黎睇, 要講下英文咁 je~
事關呢個 show 係"哈林"籃球隊0係香港表演.

真係不做不相識.
之前都唔知有呢隊球隊, 原來呢隊係一隊表演的籃球隊, 經常環球演出.
雖然佢地都會表演籃球賽, 但係就以搞笑為主, 做出很多搞笑事令觀眾開心.
例如有花式投籃, 講唔正的廣東話, 上觀眾席追逐/拉觀眾出去玩, 搵0的小朋友出去比賽等...

不過, 對於我黎講, 個表演有0的悶.
但係0的觀眾就拍哂手, 問簽名咁.
莫名~
不過, 我都有聽到一0的觀眾話悶到飛起~
總括而言, 第二晚的表演比第一晚的好.
他們在不斷改進呢~

原來個 show 0的飛都賣得幾貴.
最貴0個頭幾行都要成 $1000 !
最平都要 $1xx.
對我黎講, 我絕對唔會買 $1000 飛去睇呢0的 show lor.
不過~
我今晚就係企左0係 $1000 位附近到睇~
hehe ^.^
對於我黎講, 就抵啊~!

>>August 6, 2004 at 4:28:13 PM GMT+8

2004 年 7 月 30 日 星期五 【晴】

哈~ 我真係成日都唔記得野.
所以要成日寫低0的野落本 schedule 到.
亦都因為呢個原因, 我想將一點點的生活事寫在這裡, 記在這裡

今日知道 Pag 媽去 interview 一份工.
希望你早日有好消息吧~
也希望 Stephen 的爸爸早日康復吧~

無所事事的今日, 終於睇哂整本"大清留美幼童記"喇.
未試過睇得咁有恆心同快~
而且仲同老豆去左寶石戲院睇「煎釀三寶」.
好彩係有 coupon, 每人 $15 去睇呢套戲. (唔係就唔抵)
但係..........呢套戲大失所望.............差點訓著覺, 仲有0的想提早離場的衝動.
我都未試過睇戲睇到咁.
唉, 我老豆都話以為套戲好好笑呢.

聽日就 8 月喇.
時間飛得真係快........
我的 hon. pro...........要開始了.
睇書睇書睇書...............

>>July 31, 2004 at 3:48:58 PM GMT+8

2004 年 7 月 27 日 星期二 【乍寒還暖】

呀, 呢排發覺登入呢個 diary 時容易左, 每次都可以成功登入~
修正過個 server 後果然唔同0的~

今日約左呀 Pag 食 lunch.
不過遲到了...............很對不起呢.
最失敗的就是搭錯車, 要行好遠先去到約呀 Pag 的地方.
我又急行又跑, 最後都係遲到了, 搞到滿頭大汗呢.
見到面後, 我們走到"港飲港食"食飯.
呀 Pag 話聽人講0個到幾好食, 但係.........hehe..........

好耐無見呀 Pag 了, 她穿了上班裝, 唔同哂~~
短短的一個鐘裡, 都有很多話題. 不過, 時間有點短吧.
Pag, 希望你成功搵到0岩你的工~
哈, 聽到你話唔想等人地教哂你野先 quit 份 job, 覺得你太好人了~
若是我, 我就恨不得來個「偷師大哂, 學成歸去也」~
妳太懂得為人著想了~
難得難得....

然後拎部 DC 去左紅磡到整.
唉........又係壞個關鏡頭蓋.
不過好彩~ 聽日個 warranty 就到期~~ 趕得切.

放下了部 DC, 便行去個 friend 屋企打麻雀.
但係突然的驟雨令我的褲腳完全濕透............
最後, 經過 8 圈的作戰, 還是輸掉了幾十蚊...............

>>July 28, 2004 at 3:59:03 PM GMT+8

2004 年 7 月 26 日 星期一 【晴】

今朝返左去嘉道理農場.
今天所見的都是小學生, 小朋友.
所以沿途笑聲不絕~
見到這班小朋友, 心情和精神都變得好好.
因為他們的天真的笑容笑聲、向動物無知的稱呼、模仿神似的動物叫聲都叫我發笑.
絕無悶場~

小朋友的生活, 就是這樣無牽掛吧.
這已是我們想再找也找不到的了...

事實上, 今天也想不到也會見到 Dick. 本來大家都不是選今日來 observation 的.
然後, 與新相識的朋友們一起在農場的飯堂用膳.
哈~ 估唔到之前的風暴、雷暴, 促使了我們 7 個人一起在今日重遇、相識.
雖然之前上堂也有一面之緣, 但也是點頭之交.
今天, 我們算是熟落了點.

然而, 只有我和另外 4 位義工留下在飯堂用膳.
4 "食送" 1 湯, 白飯/麵任"裝".
今天, 我大開食慾, 一反常態, 食到真係 100% full 先停手.
飯堂的"無添加"食物實在好吃~
食得滿滿足足才離開.

到今晚食飯的時候, 我還有些飽呢~~

>>July 27, 2004 at 5:06:54 PM GMT+8