2004 年 8 月 28 日 星期六 【乍寒還暖】

今日又係落雨........
搞到好多遊戲都被迫玩唔到或在室內玩.
天公不造美呀.

今天玩了閃避球、蜘蛛網、夾野過障礙、水戰……
還記得玩水戰前的 lunch, 是我未試過0係烏龜沙食到的那麼好"食送"
有雞有魚有冬菇~~ 好似係尊給我們為玩體力化的水戰補足能量!
我同 Vincent 仲係食到最遲走, 食埋隔離檯碟雞添~ ^0^

今年的水戰都幾變態 !
我地用口融冰, 搞到成桶水好"張"~~
蒙眼"pang"西瓜, 一組 6 條友竟然只用了 3 分鐘到就將整個西瓜吃掉~~
之後因為下大雨關係, 餘下的遊戲都取消了.
但換來的是一場雨中倒水大混戰 !!
幾乎所有人都全身濕透.
freshmen 們一幫, 我們莊員與 helpers 一幫, 大家對淋, 蜿如兩幫派在雨中大混戰般 !
混亂情況難以形容~

夜晚繼續是下雨........
期待的「四百米競技」和「數字球」被迫要取消.
而且 Camp Fire 也要被迫在室內跳舞.
氣氛總是會差些, 但 freshmen 們一樣是跳得落力、興奮~

>>August 31, 2004 at 1:45:56 PM GMT+8

2004 年 8 月 27 日 星期五 【乍寒還暖】

哈哈~~
今朝又試大昏迷, 較左鐘又唔知醒.......
而且個電話又較左震機.......搞到 Kiki 打黎叫醒我都唔知.........
10:00am 0係 BU 集合, 9:55am 先醒............=__=
對唔住咁多位~

返到去班 freshmen 都差唔多黎哂.
遊戲也差不多開始.
玩左幾個熱身 games, 已經覺得班 freshmen 幾玩得.
跟住 lunch 去食台灣野, 今年係班莊員(組爸媽)請, 真開心~
但 freshmen 間好像有些陌生, 無咩野傾, 感覺有0的怪~
仲記得上年我0個組去左百味閣到食, 班組仔組女都唔係好熟.
到今年, Opal, Vincent, 珊都一齊上莊；Gene, Tim, Mountain 和大家都成為好朋友.
我們每次 re-u, 大家的感情都有進步, 和當初大有分別.
希望今年呢班 freshmen 都可以成為朋友, 下次出來食飯, 可以見到佢地熟落起來.

之後返房聽 Dr. KK Wong 同鄧生歡迎辭.
但係......KK 又係0係到"播帶"： 校友捐款, 講座, 政府 cut budget……

然後就大伙人一起出發~
不過安排上有些混亂......
個旅遊巴司機又唔識路來........吹漲 !

入到營就玩 Role Call Show.
哈哈~~ 果然年年有唔同特色.
我0個組「五四運動」更出乎我意料之外, 用 Rap 來介紹組名, 和我呢個"組爺"~
好搞笑~ 創意滿分呀~~!! 但係做唔到第一…… 唔抵呀~~

夜晚玩生命之旅.
今年正好多~
班 freshmen 咩都肯試, 咩都肯玩.
妓院、賭場都充滿人~~
又勁多人做賊~~~ 周圍搶劫呀~~
可能係地點關係吧, 我們的場地大部分都在同一座大樓中, 班 freshmen 容易搵0的.
記得上年我們搞的生命之旅很失敗, 因為未玩前已有人知道這個遊戲的秘訣.
今年實在有幸能看到這樣成功的場面而自己不是 freshmen 的身份~

深夜 2 點幾, 我地一齊叫醒 freshmen 玩 check point.
哈哈~ 呢個傳統遊戲永遠都有怨言, 因為係要"巢"醒0的人黎玩~
雖然落雨, 但班 freshmen 都好努力咁周圍搵, 真係好.
今年我幫手周圍巡, 同 Keith 一齊巡到 5 點幾.........
行到身都濕哂, 不過因為太累的關係, 返到房後涼也唔沖, 即刻"死"左......

>>August 31, 2004 at 1:13:31 PM GMT+8

2004 年 8 月 24 日 星期二 【酷熱】

今日終於有0的風~
植樹時都無咁辛苦.
但今日已無昨日一行 8 人的壯大聲勢.
反之, 今日只得我與另兩位義工吧......
仍然, 我們首先搬運一些樹苗到每級梯田邊.
今日的我, 已不是昨日的我了......力量與士氣大大減少.
是累的關係吧.

不過今日比昨日有些進步.
一口氣植了 5 顆樹 !
呆了, 植完 5 顆樹後, 出了身汗, 站在濕潤的泥土上, 望著對面的山、腳下農場的環境, 清風拂面.
想說一句：「Feel So Good！」

有人問我, 我為什麼來植樹呢?
自己未試過, 也想用自己的力, 作些有意義的事吧.

夜晚, 與 AC Hall 莊員開會.
但, 沒有很大的成果.

>>August 26, 2004 at 4:17:10 AM GMT+8

2004 年 8 月 23 日 星期一 【清涼】

今朝唔知醒起身呀......搞到去嘉道理農場遲到.
要成村人等我一個添.......真不好意思.....

事緣今日返去農場種本地樹, 所以我地 EI 義工一行 8 人一起搭車上山......
進行今朝極辛苦的活動......
在一個荒廢的梯田上種植本地樹苗.

那些樹苗總共有幾種, 但所有都屬本土樹, e.g. ...........唔記得哂0的名........ :D
它們生態價值很高, 幫助增加生態多樣化和給野生動物一個適合的家.

它們陸續的運來, 我們便在梯田旁的樓梯上上落落, 組成一條人肉運輸鍊, 運輸那些樹苗.
但係..........0的樹苗都唔係苗黎 gar........勁重..........
我地上上落落運左個幾鐘就已經手腳齊軟........
繼續頂硬上 !!
我地.......大概運了幾百顆樹苗吧~~
嘩 !! 大家都在 break and burn 呀 !! 每個人都全身濕透. (我仲要係趕住出門口, 無帶衫換 lor....)

搬完後, 終於到主題.
大家學習植樹.
然後便分頭行事.
辛苦哂0個到0的員工事先幫我地挖了坑, 減輕了我們今天的工作量.
要我挖埋坑先植到樹.......我覺得我會死0係山邊 lor.......
哈~~ 做落都覺得幾好玩又有意義~
不過我今日都係植了 3 顆樹, 但都用了不少時間, 唔係講笑...
而且, 植樹也要注意很多東西,
e.g. 顆樹擺得夠唔夠直啦; 個坑挖得夠唔夠深 for 顆樹啦 (size 唔同, deep 唔同);
咩樹放咩位啦 (喬木的話就要俾個上面有空位的位置 for 佢生長)..............
唔植過都唔知呢~
又學到野喇~
不過就好辛苦...........

晏晝在農場食 lunch.
嘩, 正! 今日有雞食 ~!! 仲有好正的鱔 !!
食飽後, 便繼續穿著件濕透+臭極的衫搭車走.
哈~~ 無臭死其他人之下成功回家.
即時沖個凍水涼後便入房..........昏迷不醒...........

聽朝再去過.
我諗會無咁辛苦吧, 因為應該唔洗搬樹苗了~

估唔到.....樹苗係可以好重的.........

>>August 24, 2004 at 1:25:58 PM GMT+8

2004 年 8 月 22 日 星期日 【乍寒還暖】

今日約了「九五折」出來 re-u and 食 lunch.
不過個主因都係為了和 Mountain fairwell.
雖然之前已經同 Kiki 佢地一齊同 Mountain fairwell 過.
但係都係想以「九五折」名義出來再和他餞行.
最可惜的是今日 Vanessa 同 Vincent 都黎唔到.
Mountain, 你要自己好好照顧自己喇, 身在異鄉一年呀~

夜晚 o.camp helper meeting.
哈, 今年都多了不少新 games~~ 我諗會好好玩的~~
brief 完 games 後便大家一起練習跳 camp fire 舞~
嘩, 本來間房凍到死, 跳舞時反而我地都出哂汗, 可想而知我地跳得幾"激動"~
「炒菜；上菜」~
跳到 11:00pm 後就返歸.
睇完場美德女足大戰後先訓.
唔~ 估唔到呢場波都幾好睇~!

>>August 24, 2004 at 12:51:31 PM GMT+8

2004 年 8 月 21 日 星期六 【乍寒還暖】

今日晏晝同呀媽、老豆、蝦女姨同姨婆姨公飲茶.
好耐無同佢地飲茶了.
之後上左姨婆屋企開檯.
哈~~!! 打左兩圈就割禾青~ 因為要返工, 無計啦.

今日返工真係好痛苦.......中間的時間悶到我傻.......3 點至 10 點.........
帶左本書0係 common room 到睇, 最後都係好唔留心咁睇左幾頁.
夜晚出左去又一城搵野食.
點知撞到傑仔同 Jeff, 原來佢地0係 BU 到做完 Gym~
好彩有佢地陪下我, 呀 Jeff 食完飯後又同我行左陣.
但係........都係在等時間過........累了, 坐下, 差點睡著

返屋企途中竟然俾我撞返一個師弟.
唔係佢叫我, 我都累到未必見到佢.
哈, 原來佢搬左黎我屋企附近.
但係...........我唔記得佢個名喇...............

>>August 24, 2004 at 12:51:51 PM GMT+8

2004 年 8 月 20 日 星期五 【乍寒還暖】

今朝落超級大雨.......返到學校前已經濕哂褲腳, 鞋都入埋水.
個 feel 都幾難頂.

今日係 pre-camp 的日子~
0係 4/F Common Room 到玩 games.
仲記得個夾錢遊戲.........我呢個 $5 俾人搶.......搶到我手都紅哂.......班 freshmen 傻 gar !!
之後分組同出旺角搵組爸媽.
當然, 我呢個落組玩的 helper 都有同佢地出去.

原來我入0個組係 Vincent 做組爸.
哈~ 係咪玩野先?
我順理成章做左「組爺」~
班「孫」都幾醒~ 好快就搵到佢地0既呀爸, 我地係第二~~
諗諗下, 我地0個組都算老.......因為我地的 helpers 是我(yr 3) 同呀熊(yr 4)........
希望頂得順班後生仔啦.

聽到班新莊遇到好大的困難.
希望佢地可以順利解決, 去理論成功 !!!
烏「龜」沙0個到實在太賤喇 !!!!

夜晚同朱朱等妹和朱德一齊食飯.
嘩 !! 旺角新世紀廣場間茶軒0的服務態度好差 !!
唔會再去 !

>>August 22, 2004 at 3:27:38 PM GMT+8

2004 年 8 月 19 日 星期四 【乍寒還暖】

今日去左 book 硬地足球場, 諗住下個月可以同 friends 踼波. (都係呀軒提意的)
不過時間就遲0的0係 newsgroup post 出黎啦.

夜晚約左 Janet 一齊去睇 Sarah 有份演出的歌舞劇.
因為 Janet 遲到, 佢又好唔好意思, 所以佢就請左我食飯, 多謝哂~~
去到大會堂劇院, 見到嘉嘉、百樂同 Edwina.
好耐無見呢班 AC Hall 老鬼了, 個個都唔同哂.
嘉嘉個 look 斯文哂, 百樂就成個返工 look, Edwina 就剪短左頭髮.

但係.........我今日唔記得帶眼鏡去睇.......搞到我只係見到0的人個身, 見唔到個樣.
搞到都見唔到 Sarah 0係邊 (而且佢又因表演無戴眼鏡, 點會睇到同認到佢喎....)
不過個 Show 都幾好睇, 歌都幾好聽.
之但係佢0的對白好多都融入左落0的歌詞到, 唱歌(幾重奏)=講對白, 所以搞到有0的都聽唔到、唔明.
呢個係唯一唔好的地方. (可能歌舞劇就是這樣, 吾孤陋寡聞而已~)

之後0係 Lobby 等 Sarah.
嘩~ 原來佢都有好多 friends 黎捧場.
搞到佢都應接不下, 要幾邊走, 幾邊影相.
我地班同事同佢影完相後就散水, 一齊搭船過返尖沙咀~

Opal, 我都同你有同一睇法.
不過......我真係唔知呢個係邊個呀珊喎.....

>>August 20, 2004 at 4:30:49 PM GMT+8

2004 年 8 月 18 日 星期三 【酷熱】

今日都係好熱.

晏晝出去高山劇場買飛, 順便接埋朱安黎我屋企.
點知......個 show 無哂 $80 飛.........唯有買 $120.........好貴...........
不過唔理啦, 支持下 Sarah ma.

之後同朱安0係屋企打下機, 睇下奧運咁.
仲記得唔知邊個評述員講左句廢話：「打乒乓波, 打大力0的就出界, 細力0的就會落網......」
唉.........同有線講波有過之而無不及.
真係增添了不少睇奧運的樂趣~

夜晚出去旺角同 Mountain 食飯 fairwell.
除左我之外, 仲有 Man C, 包, Kiki, Yuki, Arthur.
今晚真係好開心, 好耐無吹水吹得咁耐, 成 3 個鐘, 口都乾埋.
Mountain 26 號走喇, 預祝佢一路順風先.
係喎, 要約「九五折」出黎同佢 re-u 下, 唔記得添.

呀珊做咩留0的咁深奧的留言0既.......

>>August 20, 2004 at 4:08:34 AM GMT+8

2004 年 8 月 17 日 星期二 【酷熱】

今日空氣極差......今日出街, 連我也覺得辛苦.
特別係我今日搭"熱狗"過獅子山隧道時, 好似呼吸唔到咁滯, 之前都未試過.

今朝返 AC Hall take programme.
唔知係咪今個月的尾二個星期三太早, 十幾號就係, 搞到個個唔記得返黎 take.
我差唔多 10:00am 先返到去, 都只係見到 Becky take 左.
即係話, 我竟然係第二個返去.
嘩~ 比著以前, 0的人個個都 9:00am 就返去, 遲0的都 take 唔到 !!
今個月真係好奇怪.
哈~ 10:00am 返到去的我, 都 take 到 5 場~

之後去左幫 Desmond 手.
因為佢地周 Hall 要 interview 0的 freshmen, 所以就幫手佢做 reception.
不過今日唔單只我幫佢, 仲有 Sarah 都有返黎, 所以可以同 Sarah 傾下偈, 無咁悶.
知道 Sarah 會0係聽日同後日0係香港大會堂表演, 身為佢同事兼朋友, 當然支持.
但係........你咁遲先話我知.......好彩我後日得閒.
不過暫時都係得我同 Janet 會去, 希望有多0的同事一齊去~
今日 Desmond 仲請食早餐, 多謝哂.
做到 1:00pm, Janet 黎接更, 跟住就走人去 Eric 屋企玩.

0係 Eric 屋企, 又係做0個兩樣野：1)打機 2)打麻雀
打左 8 圈麻雀, 最終轉虧為盈~ 由 $-40 幾去到 $+8.
都真係幾緊張~

Gene, 點解我有老人癡呆症, 你地就會變孤兒呢?
我點都會記得你地0既~ 放心~

無啦啦 ShowHappy 要我地裝什麼 toolbar.
我都覺得多餘, 一於少理~
討論區都勁多人鬧呢

>>August 18, 2004 at 4:35:28 PM GMT+8