2004 年 1 月 1 日 星期四 【炎熱】

唔. 今日個天非常之污濁啊, 見到的空氣是黃色的, 望遠處的建築物時就真係好似深左幾百度近視咁. 今朝我個靈鼻仲係咁"噴水"添......
唉.........作為一個 Geog 人, 滿腦子 Air Pollution 的有關資料即時彈哂出黎 (讀到上哂腦啊)
香港0的空氣, 甚至係全世界 ge 空氣質素一路咁跌落去, 真係有0的擔心將來人類 ge 生活.
我諗遲0的想找一個無呼吸道疾病的人真係幾難.
唯有寄望多0的人透過教育, 學會環保吧. 真係一個需要長時間實現 ge 夢想.

今日就去左小瀝源學車.
哈~ 今日係我第一次上真車.
個感覺真係好正啊 ~~ 打機就打得多, 真係操控一部真車 ge 就係第一次喇.
不過今日搞到部車死左兩次火, 都算係咁啦, 第一次駕駛真車 ja.
0係個場到"dou"左幾個圈就上完一堂, 不過都學到好多野.
個師傅都幾好人, 好多野都有教我, 第一堂出路遇貴人呢. 哈~ 佢仲同我吹左唔少"巴士"水, 0係到講巴士線. 唔, 其實真係有0的巴士線勁"dou"路, 搭到人都傻埋. 但係我同佢吹水0個陣我係揸緊車呢, 諗落都真係幾驚, 我0個陣真係分哂神 gar, 哈!

學完之後忽然想散下步.
咁我就由駕駛學院-->愉翠苑-->沙田第一城-->富豪花園-->禾輋村.
足足行左 40 分鐘呢~
經過城門河條橋時, 見到個好鹹蛋 ge 鹹蛋黃呢. 好靚. 不過其他景就被0的煙霞遮哂. 唔......空氣污染真係大剎風景啊.........

>>January 2, 2004 at 6:42:44 PM GMT+8

2003 年 12 月 31 日 星期三 【炎熱】

04 年啦 !!
祝大家 (當然祝埋我自己) 新年進步, 事事順利啦 ~~!
不過我都係鍾意中國農曆新年多0的, 因為會有氣氛0的~ 開心好多 gar !!

我都停左幾日無寫日記, 今日一打開我個 diary page, 見到呀卓留言話佢已經返左黎, 無凍死到.
哈~ 算佢大命 ~

尋晚同班中學 friends 一齊0係大尾篤呀津屋企一齊玩兼倒數過新年.
嘩~ 超級好玩啊.
我都好耐無試過倒數喇, 上一次都唔知幾時 loo.
我地又係0係到勁打 PS2 同打麻雀.
嘩 !! 真係好正 !! 我竟然0係 04 年食第一鋪牌 ~~~!!! 係一個好兆頭呢 (我覺得), 希望今年事事順利啦~
我地尋晚玩通宵添, 玩到喪哂, 今朝就全部變哂行屍走肉.
我都0係搭車途中勁訓, 好彩知醒落車.
落車後買左兩個包返屋企食當早餐, 但係我返到屋企時, 老豆竟然問我:"你尋晚無返咩?"
o...........無言以對
.......食完早餐之後當然即時走入房, "砰"一聲...........昏迷.............
until 2:30pm, 我被我呀媽噪醒, 原來佢油緊鐵閘.
起身食個飯之後就幫手執下野. 同老豆一齊抹風扇.
好變態啊, 0的風扇勁污糟, 抹左差唔多個幾鐘, 手都軟埋..........

今晚呀媽又整野食.
佢今晚整上海年糕 (有湯0個隻), 正~~
成家人又會返哂黎食, 好開心呢.

>>January 1, 2004 at 10:45:49 AM GMT+8

2003 年 12 月 28 日 星期日 【晴】

嘩~ 今朝我地成班莊員一齊去左行山.
我都無行成年喇, 對上一次都應該係中學0個時.
我地今日行 ge 係港島線, 由石澳行到去柴灣.
真係唔行過都唔知, 呢條線都幾長 gar. 我地足足行左 3 個幾鐘 (差唔多 4 個鐘)
我地首先10:00am 0係筲箕灣地鐵站集合, 然後搭 9 號巴士, 中途落車後就開始我地 ge 旅程~
可能我地真係行得少慢, 所以要到差唔多 3:00pm 先散水.
哈~ 最搞笑都係臨走0個時 Kiki 被隻向我們衝過來的小松鼠狗嚇親~
唔.....行到很累呢.......0係搭地鐵0個時勁"釣魚", 呀佳仲釣到成個人挨左去隔離個人到, 好彩0個個係男仔 ja, 唔係就都幾尷尬.

返左屋企休息左一陣後又出左去尖沙咀.
我呢個組爸約左成班"九五折"出黎食飯 (多得 Opal 幫我~M佢地), 不過呀強同呀 Tim 就爽約...........
0係尖沙咀地鐵站等齊人前, 呀 Gene 突然間見暈, 嘩 ~! 嚇死我啊 !!!
我同 Vanessa 即刻去叫地鐵職員黎借張凳俾呀 Gene 坐. 佢可能係侷親, 好彩休息左陣後無事.
不過因為咁樣遲左去我地原先定的地方食飯, 而其他地方又可能好貴, 所以我地決定改去油麻地.
食煲仔飯 ~~!!!
我地去左興記食煲仔飯, 真係唔錯呢 ! 佢地係用炭煲的, 所以0的飯焦都好食0的, 無咁"濃".
正呢 ~ 特別係0係冬天食 ~
我地食完後行左一陣廟街, 仲0係廟街到食糖水添~ 超飽啊 ~~~
大家今晚都食得好開心呢~ 好彩呀 Gene 無事 ja.
唔. 今晚呀 Ray (Mountain) 仲請我食飯添~ 多謝哂啊.

>>December 29, 2003 at 4:01:40 PM GMT+8

2003 年 12 月 26 日 星期五 【颳風】

今日又凍左喇.
出街時都穿多左件衫.
唔知湖南0個度幾多度呢? 呀卓有無凍死呢?

今日去左 Eric 屋企開 party. 今日終於做到我無做成兩個月 ge 野喇.
就係打麻雀 !!! 我今日仲係大贏家添. 不過我地無計錢...............贏都無用.
仲有係咁打 PS2, 然之後夜晚就上左 Eric 屋企天台燒野食.
嘩......尋晚打邊爐, 今晚燒野食, 想唔爆瘡都幾難............唉............真係又多幾粒喇.........+____+

聽日又約左0係 New Zealand 返黎 ge Vincent 食 lunch.
可能會去埋會展睇 Game Show~
嘩~ 正 ! 我之前都已經想去 gar la.

>>December 27, 2003 at 5:54:19 PM GMT+8

2003 年 12 月 25 日 星期四 【陰】

今日成日都出左街.
lunch 同 Michael and Rita 一齊0係銅鑼灣食野.
一路食一路吹水, 食完後仲0係度吹到成 2 點先走人.
之後我地竟然去搭"叮叮"由銅鑼灣坐到去西環.
哈~ 我地仲傻到由西環行返去灣仔會展 !!
不過都幾得意, 我真係未行過西環0個邊, 今次真係第一次. 0個度真係好多海味店呢.
我地0係西環發現左個類似嘉年華會, 有0的攤位0係度買賣.
我地仲一齊買左"砵仔糕"食添. 唔, 好好味啊. 之後我地就入左去西港城行下.
0係西港城入面, 我地三個0係間賣巴士模型 ge 店鋪入面睇左好耐.
其實西港城0個度同我之前黎0個陣多左0的野睇,幾好.
跟住我地就一路咁行落去, 去到添馬艦見到個冬日嘉年華, 但係因為太多人同驚貴而望門而過.
之後去左一間0係海旁 ge McDonald 度坐陣同吹風, Michael 就買左杯雪糕食.
0個度個 view 其實有少少似上海黃埔灘個 view, 所以我地就拍左幾幅照片~
最後, 我地就0係灣仔會展散水. wa~ 0個一陣真係覺得幾累呢.

今晚就去左 Rosanna 屋企打邊爐.
都好多人啊, 有 Gigi, 朱安, 張家偉, 田雞, Benny 同朱德, 仲有 Rosanna 個男朋友呀 Sam~
真係食得好飽呢, 飽哂都仲有好多野食淨.
Auntie 仲煲左湯俾我地飲添, 而呀 Sam 更加買左0的西餅.
wa..........真係飽啊~~
我地仲0係佢屋企睇"少林足球", 唔........原來個個都已經睇過哂, 但係我都真係未睇過.
不過真係幾搞笑.
但係睇左一陣, 我地就閃 loo......個個都要趕尾班車.

今日又係好累啊 !!!

>>December 26, 2003 at 5:29:45 PM GMT+8

2003 年 12 月 24 日 星期三 【炎熱】

唔.......夜晚打哂"哈欠"
今日好累呀.......真係累到膊頭痛呢.
可能係尋晚夜訓, 而且今日又出左成日街啦.
今朝問左呀傑借睡袋, 真係唔該哂呢~
之後就帶住個睡袋出去~M呀卓, 再轉借俾佢. 因為佢要去湖南交流, 上面得 0 度, 佢無睡袋就真係凍死佢呢.
(呀卓, 一路順風喇, 唔好凍死異鄉呀 ! ^__^)

之後返左 AC Hall 開聖誕 party. 唔, 又係食. 聖誕真係離不開"食"呢~
0係交換禮物時, 我竟然抽番自己買0個份.........都唔知講咩好啦.
之後再抽多一次, 抽到本相簿. 唔, 都好, 之後可以放0的相落去, 特別係今晚0係 AC Hall 影 ge 相.
食完野, 同Nick 0係AC Hall 入面周圍影相, 坐埋0係武生, Tracey 個位到份佢地影相添呢, 仲有同Kelly 獨照.
影完相就執垃圾dump, 行過 office 時見到 Ray 同 Kelly 傾緊偈, 於是我就同宸宸加入吹水團.
哈~ 之後越傾越多人, 先有 Polly 加入, 後有呀卓同 Derek 再加入.
真係未試過同 Kelly 咁樣傾偈過, 都真係幾新鮮~

傾完偈就靜靜雞走左去VIP房簽聖誕 card 送俾 Kelly. 佢地諗住0係今晚 briefing 完之後送俾Kelly, 俾個surprise 俾佢呢~ 當然, Kelly 收到 ge 時候都好開心~
0係 briefing 之前, 我地就成班同事走左上樓座影相.
下年 AC Hall 裝修, AC Hall 會有改變之外, 大家應該會有一排唔會見面, 影相 ge 時候, 我覺得非常唔捨得呢.....

之後返工, 今晚聖誕佳節, 雖然要返工, 但係都唔錯~ 皆因今晚絕對多冗員, 九個人一齊企哂0係樓下, 大家一於吹吹水等時間過, 今晚真係超"hair" 呢.......

唔知點解, 我今日心情有0的複雜.
我諗我真係鍾意左一個人.
會經常記掛住佢, 見到佢同其他人玩得開心, 心裡有種不能言喻的不快之感.
不知點解, 我見到佢時又唔知同佢講咩好.......
唔.............究竟係咪我有問題呢?
愛情呢家野我真係行外人啊.....0% experience..

>>December 25, 2003 at 4:46:28 PM GMT+8

2003 年 12 月 23 日 星期二 【炎熱】

今晚同屋企人一齊開 christmas 大食匯
嘩~ 真係好多野食!!
有我 ge 至愛三文魚刺身~~但係最後因為連我都支持不住........食淨左幾塊三文魚, 唯有眼白白看住它們被呀媽掉落垃圾筒.............真係太可惜又少折墮.......
今晚仲0係家姐屋企睇左兩套戲, 就係"向左走向右走" 同"龍咁威".
重睇 "向左走向右走" 時個感覺好唔同, 無哂0個種感動, 可能我仲記得哂0的劇情 gua.
而兩套戲係截然不同的戲劇, 一套愛情一套無聊搞笑, 但係都睇到我好開心.

食完之後, 返屋企途中見到兩隊報佳音隊, 好有佳節氣氛呢~
最令我感動 ge 係今晚有個婆婆同我講 "聖誕快樂", 之後俾左0的教會宣傳單張我.
但我來不及對她說返句 "聖誕快樂" , 佢就走左去同第二個路人講 loo.
真係唔話得, 婆婆都出黎宣揚耶穌基督降生的快樂~
唔知點解, 一個婆婆向我講聖誕快樂係一件好令我感動 ge 事~
0係我心目中, 十個婆婆, 八九個都係唔信耶穌的.
我今晚真係感到聖誕 ge 喜樂呀~

>>December 24, 2003 at 5:55:18 PM GMT+8

2003 年 12 月 22 日 星期一 【微冷】

今晚個 christmas party 終於順利完成~
大家都玩得非常開心啊~
我覺得今晚個氣氛非常之好啊,
除左當我地預備加熱食物的時候大家有0的靜之外, 其他時間都充滿笑聲 !
不過就覺得遊戲安排上有0的混亂, 有地方需要改善.

今晚交換禮物, 我就買禮物送俾呀包.
知道呀包好鍾意貓又有養貓喎, 咁我就買左條俾貓玩 or 玩貓的羽毛捧俾佢.
因為支野太長喇, 所以我無包裝過佢就送左俾呀包 (係全場唯一一份無包裝過 ge 禮物, but 係最環保呢~)
好彩呀包都好鍾意~ 同我講左好多句多謝呢~
而我就收到大媚送俾我 ge 一套餐具.
都唔錯啊, 我諗唔平呢~ 多謝大媚 !!
但係今晚我就抽唔到獎 loo........0的抽獎運好飄彿呢.....

今晚真係玩到好累.
唔. 一如我所料, 我0的三文治都係食唔哂, 俾左0的住 hall 人拎返 hall 食.

>>December 23, 2003 at 5:36:27 PM GMT+8

2003 年 12 月 21 日 星期日 【颳風】

今晚去左銅鑼灣 Times Square 食晚飯做冬.
0個間金滿庭好好食啊 !!!!!
值得推介~

之後就返屋企附近買材料做三文治, prepare for 聽晚 ge 聖誕聯歡會.
$60 budget 俾我用得剛剛好~
我要特別多謝我地 G-Source 第十八位莊員-----我呀媽 !!!
0的三文治差唔多全部都係我呀媽整 ! 煎蛋啦 ~ 買火腿同雞蛋啦 ~
如果無我呀媽, 我就真係整到天光都可能未整得完.......
雖然0的三文治個賣相差左0的.
不過希望聽日0的人唔會唔食啦.

聽晚個 party 係制服夜~ 分分鐘成個中學搬返 BU 咁呢~
不過我就無校服著, 著 AC Hall 套制服吧.

>>December 22, 2003 at 4:41:06 PM GMT+8

2003 年 12 月 20 日 星期六 【乍雨乍晴】

我今朝終於返番教會喇.
不過其實都係因為我家姐今日接受堅信禮, 我要去支持一下佢.
好為佢高興呢~
但係今日入到教堂, 覺得好多野都唔同左, 發覺自己真係太耐無返教會喇, 0的程序都唔記得哂.
差0的連必唱0個幾首歌都唔記得點唱.........太慚愧喇.
之後要 keep 番返教會 ge 次數先得

今晚約左呀卓出黎睇燈飾.
好耐無睇啦, 但係總覺得今年的燈飾總不及往年小朋友的時候睇的.
不過都好靚~ 今晚有美人相伴就更加靚呢~
今晚我地差唔多行哂成個尖沙咀, 好 tired 呢.......
我仲估左幾條"IQ"題, 點知只係答得對一題(又一次證實我的智商水平呢.........唉~)
之後送左呀卓返屋企, 沿途仲見到星星呢~
我今晚終於知道"獵戶座" 係點樣 ge 星座喇, 有三粒星連成一直線, 周圍再有星星圍住.
多謝卓老師 ge 指導~

唔.......不過我今日都係達唔到我 ge 目標, 失敗.

>>December 21, 2003 at 6:49:42 PM GMT+8