2004 年 11 月 1 日 星期一 【晴】

~~~~~~雙雙~~生日快樂~~~~~


今日放學同高妹去左行街, 不過我冇收穫~~~~~~~~

>>November 6, 2004 at 5:34:52 PM GMT+8

2004 年 10 月 29 日 星期五 【晴】

今日唔使返工, 可以放假喇, 自從7月中之後, 都未試過係星期六放假喇~~~~~~~~~

>>November 6, 2004 at 5:34:15 PM GMT+8

2004 年 10 月 23 日 星期六 【晴】

今日係last day 喇, 未埋位既時候, 全部人都要執煙頭, o~~就咁用手執, 好污糟呢, 原來幼身, 藍色咀既煙就係大麻, 第一次見呢, 執完就

梗係等警察黎啦, 今日隻狗就係第一日果隻, 我地執得咁乾淨, 隻狗就梗係冇發現喇~~~~哈哈

今日有個工作人員, 不過我唔知佢係邊個, 佢見到我地企係度check bag, 仲要俾太陽(哂)咁辛苦, 咁佢就同d阿sir講, 話俾個帳篷俾我地, 咁

我地今日就唔使(哂)喇, 好開心呀, 因為已經(哂)左2日喇, 仲黑左好多, 手臂仲明顯係2隻色, 好慘呀~~~~~~

"個個行過我地都要佢地打開個袋, 但係有d人係便裝差人黎架, 不過我地又點知喎, 有2個差人仲金哂毛, 一d都睇唔出係差人, 有d就似普通人

, 不過佢地又會表明身份, 仲show證, 不過又有d會當自己係普通人~~~~~~~

到左夜晚清場, 首先就要佢地停左d音樂, 停左一陣, 音樂又突然有番喎, 跟住就有一陣歡呼聲喇, 不過咁就梗係唔得啦, 仲有音樂實俾人投訴

~~~跟住就開始清場喇, 不過d人就梗係唔會咁早走啦, 我就係門口睇住d人走, 有d人好似飲醉酒咁, 幾驚佢地撞到我, 跟住有個中國人(講英文

的)食住薯片咁走, 佢仲請我食tim, 不過我話唔食, 點知佢就話"你唔食, 我就唔走", 咁我就唯有羅一塊喇, 咁佢先肯走, 我就將呢塊野俾左

個同事食喇~~~~~~嘻嘻

>>November 6, 2004 at 5:33:32 PM GMT+8

2004 年 10 月 22 日 星期五 【晴】

今日係第二日, 都係做尋日d野, 不過今日會有多d人入場, 因為今日係星期六嘛, 今日又係埋左位一陣又要清場喇, 不過今日隻狗唔同左樣, 呢隻做野好求期, 仲要係control張木台既腳度小便~~~~~~~嘻嘻~

今日大台d表演嘉賓係外國樂隊, 不過我都唔識, 我見到d人係咁跳, 勁high, 仲拋起d人, 拋黎拋去, 好似個波咁, 不過咁係好危險, 聽d同事講, 有個鬼佬俾人拋跌左落地, 仲要條腰撞到個鐵馬, 0~~~~~~~

今晚有機會入帳篷參觀下喇, 不過入面好嘈, 好迷幻, 好嗅(有煙味+唔知咩味), d音樂好勁, d人好high, 係咁跳, 係咁fing, 我都係第一次見呢d場面~~~

>>November 1, 2004 at 1:56:51 PM GMT+8

2004 年 10 月 21 日 星期四 【晴】

~~~~~~ 高妹生日快樂~~~~~~

今日一早就去左維園返工, 今日係果個音樂會既第一日, 本來我可以做收銀, 不過冇哂位~~~~~(咁仲好, 因為我怕收錯錢, 今日張飛就$150, 聽日OR後日就$250, 買哂3日就$400)~~~~~~~埋左位一陣就要清場, 因為d警察同埋一隻緝毒犬要掃場, 睇下個場有冇毒品~~~~~隻狗好勤力咁行黎行去, 仲走埋上我地d袋度, oh~~~~~佢隻腳應該都幾多泥~~~~~

我今日個位係幫d人帶手帶, 只要有呢條手帶, 就可以自出自入, 直至散場, 咁既價錢都幾抵既, 差唔多可以係度玩12個鐘~~~~~~~

呢個音樂會有2個台, 一個普通既大台, 一個細台就係個帳篷入面, 仲有就係一係企, 一係坐草地~~~~~~~

返呢度D食飯時間超短, 食完就要埋位, 不過出event就要預左~~~~~~~

過左半日, 就掉左位, 去左check bag, 開頭有d驚, 因為要用英文叫d人打開佢地d袋, 所有入場既人既袋都要俾我地睇過架, 哈哈~~~~有時佢地d袋入面會有d幾私人既野架, 嘻嘻~~~~~check bag既目的係睇下佢地d袋有冇丸仔果d野, 不過我地邊會識睇架, 仲有我地係唔會好仔細咁check, 而我地check bag既主要目的係睇下佢地有冇帶食物入場, 如果有既, 就要佢地即刻食哂or放入垃圾桶, 其實咁樣係好哂, 因為有d都未開過~~~~~咁佢地要食野飲野就要買場入面果d, 不過就梗係勁貴喇~~~~~哈哈, 今日見到黃秋生, 近距離見到吳彥袓(不過佢冇帶袋~~~嘻嘻)

到左夜晚10:30就開始清場喇, d男同事就要一字排開由場尾開始行上前, 我覺得呢個埸面好型架~~~~嘻嘻, 咁有d人會坐係草地唔肯起身, 但係佢地不斷咁向前行, 咁d人都要起身架喇, 最搞笑係有個鬼佬, 放左個膠既筒係草地, 好似玩美式足球咁想射向d男同事度, 不過d男同事就不斷向前, 佢就不斷向後, 仲要做埋d古怪動作, 不過最後佢都係要走~~~~~~~

咁就過左一日喇~~~~~~~~~~

>>November 1, 2004 at 1:52:09 PM GMT+8

2004 年 10 月 20 日 星期三 【晴】

今日唔知點解好累, 好眼訓, 好唔想返學, 不過我當然只係想但又唔會真係咁做啦~~~~~~~~~

咁累, 上堂就梗係冇心機喇, 今日仲要補課tim, o~~~~~~

聽日要出event呀, 有d驚, 因為聽日個音樂會會有外國人, 我d英文就.......嘻嘻~~~希望聽日順順利利喇~~~哈哈

>>October 21, 2004 at 3:27:13 PM GMT+8

2004 年 10 月 19 日 星期二 【晴】

~~~~~~今晚去左廟街食野, 又可以見到207c班既同學仔, 好開心呢~~~~~~~~~~~

>>October 21, 2004 at 3:18:24 PM GMT+8

2004 年 9 月 12 日 星期日 【晴】

返學喇~~~~~~~~

>>September 15, 2004 at 12:28:02 AM GMT+8

2004 年 9 月 11 日 星期六 【晴】

返埋今日, 聽日就要返學喇, 有D唔捨得tim, 呢度真係好好玩架, 本來諗住返2日就放幾日, 唔諗住日日都返, 點知返下返下, 就成個幾月喇, 好多人都問我係咪轉左做長工tim, 哈哈~~~~~~諗番起開頭annie叫我返, 我因為唔知佢地返唔返, 所以我就推左唔返, 仲俾佢鬧我tim~~~~嘻嘻~~~
跟住到我最後一晚睇<<十面埋伏>>, 收到高妹既電話, 咁第二日我地3個就一齊返工喇, 企左幾日, annie就叫我幫手做control, 不過有d驚, 驚自己會做錯野, 做做下就做到今日喇~~~~~~

開頭好想返文職既暑期工, 但搵唔到, 變左返呢度, 但呢個位都似文職.....哈哈, 又有得賺錢, 又識左好多人, 不過最慘就係賺多左d脂肪同埋一次難忘既撞車經歷~~~

**************************************************************************************************

放左工, 就去左唱k, 第一次咁夜去唱k, 不過第二日要返學架, 2點幾, 鄭sir同謙謙走先, 本來諗住等天光就返學, 點知無端端cut歌, 咁我地就要返屋企喇~~~~~

>>October 31, 2004 at 7:02:28 PM GMT+8

2004 年 9 月 6 日 星期一 【晴】

今日係迎新日, 唉~~~~今年冇得同高妹一班~~~~~~~

今日俾高妹點, 咁我就要做班長喇, 不過佢都唔弱, 做班代表~~~~哈哈~~~

>>October 5, 2004 at 9:36:10 AM GMT+8