2004 年 6 月 25 日 星期五 【晴】

今日陪bf去買dc, 原來百老匯d贈品唔係間間都一樣架, 所以去果度買野要問多幾間呀, 不過之前問就話有6樣贈品送(128mb卡, 相機袋, 保護貼, 腳架, pingu散子包), 再去個sale就數唔番6 樣, 我地都唔記得(不過佢地唔係同一個人), 不過算喇, 都係果度買左, 係試機其間, 隔離有堆自由行係度, 佢地係咁玩d sale, 幫我地試機果個就話頭先sale左佢地半個鐘, 開哂新機俾佢地, 佢地話買又唔買, 而加入黎搵過第二個sale, 唔使5分鐘就買左部機~~~個sale有d無奈

而幫自由行試機個sale就不斷咁俾佢地玩, 個sale仲sale佢地以優惠價$150買一個電鬚刨, 佢地仲想羅個display黎試, 我就覺得好搞笑, 因為唔知有冇第二d人用過, 佢地個sale就當然叫佢地唔好喇~~~~~~

>>June 30, 2004 at 8:32:50 AM GMT+8

2004 年 6 月 24 日 星期四 【晴】

今日收到ive既信, 未拆果陣超驚呀, 好驚封信係叫我去補考, 哈哈~~~~~~好彩唔係, 呢封只係申請資料確認表~~~~~~~

>>June 27, 2004 at 2:32:33 PM GMT+8

2004 年 6 月 21 日 星期一 【晴】

今日睇左套<>, 女主角雖然五十幾歲, 但依然魅力沒法擋, 因為佢可以吸引到只愛後生靚女既六十幾歲既男主角(未結過婚既鑽石王老五), 不過個男主角原本係佢個女既男朋友, 不過分左手~~~~~~~~~

跟住男主角突然心臟病發入急症室, 醫佢既醫生就係奇諾里維斯, K先生見到女主角之後就愛上左佢~~~~~~~~~~究竟結局係點既呢, 就要你地自己睇喇~~~~~~~~

嘻嘻~~~~~~我今日先知邊個係K先生~~~~~~~

>>June 27, 2004 at 1:32:29 PM GMT+8

2004 年 6 月 20 日 星期日 【晴】

今日自己一個睇loveactually, 不過冇我想像中咁浪漫同好睇, d故仔成日轉黎轉去, 睇到我眼都花~~~~~~~~~嘻嘻~~~~~~

>>June 22, 2004 at 3:04:52 PM GMT+8

2004 年 6 月 19 日 星期六 【晴】

今日都係冇乜野做~~~~~~~~~~

>>June 22, 2004 at 3:02:12 PM GMT+8

2004 年 6 月 18 日 星期五 【晴】

今晚去左蝴蝶灣bbq, 不過好熱再加上我對bbq冇乜興趣, d 人我又唔係好識, 所以冇乜特別, 不過bb下, 隔離果爐d人慶祝生日, 仲玩掟蛋糕tim, 不過我覺得食左佢好過喇, 太浪費喇~~~~~~~

>>June 22, 2004 at 3:01:17 PM GMT+8

2004 年 6 月 17 日 星期四 【晴】

今日冇野做, 都係休息一天~~~~~~~~~

>>June 22, 2004 at 2:54:52 PM GMT+8

2004 年 6 月 16 日 星期三 【晴】

今日要返工, 仲要著住套suit, 係冇冷氣既地方真係可以熱死, 不過今日返既地點係西港城, 有冷氣架~~~~~~cool ~~~~~~

我從來都未去過果度架, 今日係Deutsche bank既function, 係3樓有十幾圍(木台), 每(木台)十二個位, 每個位有五隻酒杯架, 成個埸都佈置得好靚, 好豪華, 果 度有好多唔同既人架, 有酒店喇,佈置喇, 保安喇, d人好忙, 好忟架, 因為就快開始, 個個都要做到最好, 因為今晚d客係銀行界既勁人~~~

我今日既位就係負責企係2樓, 全層都係賣布架, 不過我企係度果陣, 就見到一個著西裝既男仔(我諗係商場管理果d)俾幾個阿伯(布行既老闆)鬧緊, 話唔俾d客用電 梯(電梯前面有紅地毯, 兩旁有好多白色花花同埋有工人裝飾緊, 唔係咁方便俾人踏), 咁佢地點做生意呀, 鬧完一輪就散lu~~~~

跟住就黎左個著旗袍既姐姐, 佢係負責歡迎d 人客黎同埋計人數, 今晚大部分既客人都係外國人黎架, 咁我就成晚都係企係度, 只係去過一次飲水同去過一次break(但我去左同高妹傾計), 冇得食晚飯tim呀(只係十二點幾食過lunch)~~~~~~~

係我企果個位可以見到高妹架, 不過只係遠距離見到佢對腳, 佢就成日行黎行去, 佢隔離成日都有好多人架, 咁佢就成晚都係到傾計喇, 但d人佢係唔識架喎~~~~

佢仲同d阿嬸好好傾tim呀, d阿嬸見佢成晚冇食過野, 就拎左盒麵定唔知飯俾佢食呀, 我就成晚企左係度, 跟住個ic行過就叫我同隔離個旗袍姐姐傾計, 不過傾左一陣佢就要走喇, 因為佢放工lu, 但果陣只係九點幾~~~~~~~~~~

跟住企到十一點幾, d客人就不斷咁走, 但係去到十二點d人都未走哂(佢地係咁傾計同飲紅酒, 仲好似唔係好捨得走), 所以我地要OT, 不過我已經企到好累喇, 因為我著住對高跟鞋(雖然唔係好高同好尖), 由四點幾企到一點幾, 真係有d累架~~~~~~~~

一點幾就可以收工喇, 係小巴先有機會坐下, 跟住就同高妹去左旺角食野, 不過二點既旺角都仲好多人架, 跟住食完野就走lu~~~~~~~~~~~

返到屋企沖完涼就訓覺喇, 不過果陣已經係五點喇~~~~~~~~天都開始光………



總結: 今日好好玩, 辛苦又唔係特別辛苦, 同平時返工都差唔多, 不過返event既機會真係唔多, 同埋未去到個場都唔知自己會做d乜….嘻~~~~~仲有第一次著靚靚返工, 不過又唔係返office喎, 又第一次返工返到咁夜, 第一次咁夜係旺角都未返屋企……..總之今日就好好玩喇~~~~~~~~~~ 哈哈


今日都要多謝幫過我既人~~~~~~~~~^^^^thank you so much~ ^_~

>>June 22, 2004 at 2:49:02 PM GMT+8

2004 年 6 月 15 日 星期二 【晴】

今日約左高妹去街街(今日我地好"親"呀, 連衫都撞埋同一款), 首先就同佢去續約, 佢填完form, 我地就去左一間房度等, 嘩~~~一入去, 入面有3個著suit既人係度, 一睇都知佢地係見工喇, 不過我地估唔到佢地要見咩工, 因為佢地著得好formal~~~~~~~~

係等緊既時候, 又有2男4女入左黎, 佢地都係見工架, 不過d女仔有好多問題, 不過我地都明既, 因為未返工就要俾錢同埋唔肯定一個月有幾多日工返, 跟住d 女仔就走哂lu, 跟住個毛生又入番黎, 佢見到d女仔走哂就知佢地唔做喇, 咁佢就問d男仔做唔做, d男仔話做, 咁佢就俾form佢地填喇, 係呢個時候, 佢見到我, 佢仲話我好熟口面, 哈哈~~~~~~梗係喇, 佢5月果陣幫我續過約嘛, 不過我唔明點解果陣佢問我做乜唔做waiter要做保安, 乜我似waiter咩~~~~~~~~~

跟住就到高妹續約喇, 咁我就跟高妹入左毛生間房, 8下野喇~~~~原來著suit果d係in負責係ifc做野, 但又唔係做保安, 好似做接待咁架, 不過一定要係大學生~~~~~~跟住佢又話總之頭先叫我地幫下口, 叫果d女仔做呢份工, 佢早d講, 我都會幫下口既~~~~~~~~~呵呵

走既時候, 見到一個肥肥地既人, 我諗佢係公司既唔知邊個, 我地同一部lift, 咁佢就問我地近排係咪好少工返, 咁我地就話係喇, 佢就話7月會多番工返架喇~~~~~~~~因為西灣河同屯門都會開, 不過呢d可信程度一般~~~~~~~不過我想快d搵到一份文職既工多d~~~~~~~~~

*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*/*

續完約, 就去買衫喇, 估唔到點都要買番一套齊齊整整既suit(白恤衫+黑西裝褸+黑西褲), 係要黎聽日返工用架, 不過聽日既人工都唔夠買呢套衫呀, 不過返event既機會唔係時時有, 咁都係值得既~~~~~~~我地行完新世紀就去左行又一城, 但最終都係係G2000買, 我地仲買埋同一套tim呀, 我仲幫高妹慳左二十幾蚊, 因為和記資訊卡有九五折~~~~~~~~yeah~~買完, 就走lu~~~~~~~

今日要多謝幫過我既人~~~~~~~thanks ^_^

>>June 22, 2004 at 10:01:59 AM GMT+8

2004 年 6 月 14 日 星期一 【晴】

今日全班去食buffet, 不過少左may may, 因為佢要返工~~~~~~~~~~有d可惜, 不過又多左個高妹既愛人~~~~~~知你地恩愛喇

今日去果間酒店(富豪九龍)都唔多野食既, 又唔係特別好食喎~~~~~o~~~~~

今日d野都唔係咁好食, 所以食極都唔係好飽, 所以最後同jenny去羅甜品蛋糕食, 雖然係成隻碟都滿哂, 但我冇諗住全部食哂佢架, 我只係想每樣食一啖, 點知俾阿松當眾話我, 仲好大聲咁話我坐係度有肚腩tim呀,o~~~~魚~~~~~

最後我又去左"筆"雪糕, 不過唔係我食架, 我都係幫人架咋, 我行去果陣見到raphael係度整緊佢d傑作, 咁我就叫佢幫我"筆"雪糕喇, 點知佢唔理我就走左去, 咁我咪企係度等前面果個男仔"筆"完, 我就自己"筆", 點知果個人"筆"完, 等左2秒, 就話幫我"筆", 我就梗係話唔使喇, 因為我都唔識佢既, 不過佢就話"我幫你喇, 你個fd又唔理你, 點解佢會知架~~~~~咁我就唯有俾隻碟佢喇, 不過就超唔好意思, 最衰就係raphael, 都唔gentle既, 仲整到我咁魚~~~~~~~~

>>June 22, 2004 at 10:00:35 AM GMT+8