2004 年 7 月 24 日 星期六 【晴】

蘊怡~~~~生日快樂~~~~~~


今日可以休息下喇, 寫番哂d日記, 頭兩個留言我今日先睇得明, 因為之前呢兩個留言好奇怪, 咩加飯, ha ha, 都唔知邊個黎既~~~~

係喇, 我都有君君既疑問, 阿明都會扭蛋既咩, 仲要係pooh pooh 喎~~~~~哈哈

今日又收到電話有得返工, 但係我都係推左, 如果有人陪我一定會返架~~~~~~

放假就想返工, 返工就想放假, 點解我會咁架~~~~~~~黎緊呢個禮拜應該都幾得閒, 有工返又俾我推哂, 咁我咪會好悶羅,o~~~~~

~~~~好, 我要勤力d返工, 唔再推先得~~~~~

下午睇電視, 嘩~~~有工商杯睇呀, 如果我應承返工, 係咪即係返呢個呢?????? 9成9係喇, 果埸好似新伊館喎~~~~~~頭3part都係打和, 最後果part好好睇呀, 香港隊好勁呀, 第一個射唔入, 第二個會即刻跳高補多一下, 唔得既, 第三個都會咁做, 咁就入左喇, 哈哈~~~~~成隊都好有默契, 打得好順, 勁~~~~~~



夜晚收到阿諾個電話, 叫我聽日返旺角X-X, o~~~~我諗住休息架嘛, 仲要係商埸, 我真係寧願返戲院呀, 好唔想返呀, 係電話拗左好耐, 當然我係輸果個喇, so, 我聽日就要返工喇~~~~~ 不過我真係未做過商埸, 唔知要做d咩~~~

>>August 5, 2004 at 10:41:44 AM GMT+8

2004 年 7 月 23 日 星期五 【酷熱】

今日8點幾就起左身, 不過真係好眼訓, 嘩~~~8點半阿諾已經係我樓下, 明明約9點架嘛, o~~~~我仲未換衫架, 魂魄都未返黎, 仲好似發緊夢咁, 咁我就拿拿聲換衫落樓喇~~~~~~嘻嘻, 有免費車坐真好, 仲要係點到點, 正~~~~~thx~~~

去緊既途中, 就傾下返工果d野喇, 佢叫我聽日返新伊館既工商杯, 不過我真係想休息一天, 又講下黎緊一個禮拜會有咩做咁喇~~~~~


去到東涌東薈城, 原來係UA戲院, 跟住就搵經理簽名喇, 嘩~~~個經理好後生架, 有D唔似~~~~~

呢間戲院好大架, 反而唔係咁好喎, 因為去親邊都會俾D戲院職員見到, D戲院職員就企哂係收飛位, 連去廁所都要經過收飛位, SO怪怪的~~~

今日真係好悶呀, 由早場返到午夜場, 16個鐘, O~~戲院變左我屋企~~~~~~

今日真係發緊夢, 頭三埸都唔記得報平安更, 阿諾打黎我先記得, 之後每埸我都有報架~~~~~~~

去到夜晚12點散埸就搵經理(變左第二個仲著住套suit)簽名, 因為我驚佢早走, 點知佢會完哂所有埸先會走, 果陣應該會係3點架喇~~~~~~~~不過今晚可能冇午夜埸, 因為冇人買飛, 但我要等到佢真係冇午夜埸先走得, 但我真係想快D走呀, 因為我要趕搭車, 佢就叫我等多陣, 但我真係好趕架嘛, 只要有一個人買飛, 我都冇得走架, 到12點半先話唔開, 咁我就走喇, 呢半個鐘都冇錢收既~~~~

今晚食左榴槤pancake, 又真係幾正架喎, 不過都幾貴, $23蚊得兩舊, 我仲試左意大利涼份tim, 一條條啡色, 好似食蟲咁, 不過呢個就冇乜特別~~~~~

今日我個好朋友對我真好, thx* 100000000000000000000000000~~~~~~

>>July 25, 2004 at 2:02:51 PM GMT+8

2004 年 7 月 22 日 星期四 【晴】

今日又係返工喇, 不過返工途中收到阿聰既電話, 佢問我返唔返工喎, 都係做果d喇, 不過就係幫電影公司做既, 不過我都係推左, 因為呢套係<<智能叛變>>, 我真係冇乜興趣睇~~~~~~

今日自己睇哂一間house, 冇左阿聰陪, 有d悶, 不過今日都唔係好多人睇戲~~~~~


到左4點幾, 散左場就自己一個去食野, 去左美心食下午茶, 好彩今日唔難搵位, 不過我坐低左一陣, 就有一位姨姨問我對面果個位有冇人, 咁佢就坐低左喇, 最搞笑係佢不斷撩我講野, 佢話 "你咁x又咁斯文(實際唔係), 小心d唔好俾星探呃呀", "你住附近呀", "讀緊書呀", "拍拖未呀", etc~~~,

而佢都有講佢自己d野俾我聽, 佢話自己係退休公務員, 係第二期自願退休公務員計劃度走左出黎, 仲要係單身, 佢d親朋好友個個都返緊工,

冇人陪, 咁又真係幾悶既~~~~~~~佢仲話想返返工, 不過好難搵, 佢又話以前好易搵工, 人工仲好好tim呀, 一畢業就有$4xx一個月, 想當年搭車都係2毫子, 食飯都係個幾, 佢仲話一出糧就叫阿媽陪佢去買左隻精工表, 果陣都要百幾蚊架~~~~~~

不過我覺得真係好搞笑, 因為我地真係唔識, 但我地又好似識咁傾計, 不過多數都係佢講野, 佢仲話下次請我去椰林閣飲下午茶tim呀, 哈哈~~

我諗有緣都可以撞番既~~~~~~

食完又係去返工喇, 臨收工就收到阿諾既電話, 佢叫我聽日返東涌呀, 好遠呀~~~~不過佢真係唔夠人, so我就應承左佢喇, 不過佢話車我去~~~~

嘻嘻, 咁梗係好喇, 我唔使咁早起身嘛, 不過聽日有早埸, so都係訓得唔多~~~~~~

11點幾放工即刻返屋企, 不過沖完涼, 吹下頭, 都點幾喇, 訓得7個鐘就要起身返工lu~~~~~~~~

>>July 25, 2004 at 1:23:51 PM GMT+8

2004 年 7 月 21 日 星期三 【晴】

今日同雙雙去左續約, 阿洲同君君都有去, 佢地就見工, 不過佢地就唔係好順利, 因為佢地冇所需既資料, 又唔可以後補喎, 所以佢地要上多一次公司喇~~~~~~~

而我地份約係o岩o岩停, 續左約都有排先至可以返工, 都唔明做乜咁急要我地續喎~~~~~~

續完約, 諗住陪雙雙去羅制服, 點知我都有得返工喎, 不過我地要行到7點先可以去羅制服, 因為阿諾要開會, 咁我地就行行波鞋街, 新世紀喇~~~~

>>July 25, 2004 at 9:40:39 AM GMT+8

2004 年 7 月 18 日 星期日 【晴】

今日就係派成績表既日子喇, 不過我就懶得返學校羅~~~嘻嘻~~~~~我上網已經睇左成績, ok喇

~~~~~黎緊呢年, 我要勤力d先得喇, 唔可以再玩玩下~~~~~~

下午就去左大角咀還制服, 人事部既阿諾就叫我返多幾日, 不過俾我推左, 咁我就問下雙雙返唔返喇, 返下工唔使咁悶嘛~~~~~~~~

>>July 25, 2004 at 9:26:55 AM GMT+8

2004 年 7 月 17 日 星期六 【晴】

今日又係去返工, 同尋日一樣, 不過真係好悶呀, 每一次睇, 都好期待快d做到白雪雪果part, 因為黎到呢part就會好快做完~~~~~

今日睇左5次<<大面埋伏>>, 好彩今日冇午夜埸, 我總共睇左11次喇, 睇到d對白都識背喇~~~~~

去到最後果埸, 我次次都冇睇到<<大面埋伏>>既開頭, so,我好準時入左去睇, 跟住就睇下d 人有冇古怪喇, 跟住我又去左隔離house睇左少少<<蜘蛛俠>>, 又去傾下計, 11點幾就放工喇~~~~~~~

>>July 20, 2004 at 7:58:07 AM GMT+8

2004 年 7 月 16 日 星期五 【陰】

今日去左馬鞍山戲院返工, 去到就搵戲院經理幫我簽名, 跟住就去左換衫喇, 都未夠鐘開場, 就當然坐

下先喇, 臨開埸就企係收飛位, 跟住就同收飛果個女仔傾左陣計~~~~~~

我以為得我一個睇住, 點知仲有一個架, 不過佢就唔同我一間公司~~~~~哈哈, 咁我又識多左個人喇, 而且佢又做過, 我都冇咁驚, 食飯又有人陪, 唔使咁悶~~~~~

開頭都唔知呢套戲講乜, 我對古裝又冇乜興趣, 不過睇睇下都幾好睇既, 因為呢套係愛情片~~~~~~~嘻嘻
今日總共睇左6次<<十面埋伏>>, 仲有午夜埸tim, 成點幾先收工~~~~~

>>July 20, 2004 at 7:01:48 AM GMT+8

2004 年 7 月 15 日 星期四 【驟雨】

今日要去大角咀羅制服and返工, 好彩有高妹陪, 雖然唔係一齊做野, 不過都係做同一樣野, 不過明知會

掛8號風球, 我地都要返工呀~~~人地8號風球就放工, 我地8號風球就返工~~~~o

去到就羅制服, 講下要做乜咁喇, 不過今日就唔使返工~~~

今日一d都唔似8號風球, 因為出面好多人架, 而且都唔大風同大雨喎~~~~~~~~

>>July 20, 2004 at 6:37:04 AM GMT+8

2004 年 7 月 14 日 星期三 【晴】

今日我陪左細佬去佢間學校註冊, 間學校都幾大, 又近火車站, 我覺得都冇乜問題呀~~~~~

我今日去左買涼鞋, 上次已經睇過, 試完之後, 諗住買架喇, 個sale係咁羅其他鞋俾我試, 有一對真係幾靚架, 點知好貴, 原價$1xxx, 7折左都要$7xx, so 都係唔諗喇~~~~~而我買果對涼鞋當然就冇咁貴喇, 原價$6xx, 減到$2xx, 俾恆生卡仲有95折tim~~~~~~~~呵呵

夜晚收到一個電話, 又有得返event喇, 不過要自己一個返, 有d驚呀~~~~呢個event就係係戲院睇住d人唔好俾佢地偷錄, 而呢套戲就係<<十面埋伏>>喇~~~~

>>July 20, 2004 at 4:23:49 AM GMT+8

2004 年 7 月 12 日 星期一 【晴】

今日就知小學升中派位結果, 我細佬既結果就係派到第一志願喇, 亦都係佢唔係咁鍾意既學校~~~~佢竟然話想轉校, 不過我覺得轉到既機會好微~~~~~~~~選學校真係好煩, 要顧慮既野實在係太多喇, 又驚派左差學校, 又驚會派左去"山卡啦" 地區~~~~o~~

>>July 20, 2004 at 4:03:57 AM GMT+8