2003 年 12 月 8 日 星期一 【晴】

今日放學同高妹去整本票(本來應該係係學校溫緊書) 呵呵~~~~~本票係用黎買股票既, 不過過程好唔順利, 我地去搵中銀, 搵到但我地未禁錢, 咁我地就去返恆生禁錢喇, 禁完就行返中銀, 出哂汗, 跟住就一路排隊一路填表, 因為4點就唔交得表, 果陣都差唔多4點lu, 到我地個陣, 原來要係中銀有a/c, 先可以整本票, 唉~~~~~~排左咁耐, 趕頭趕命, 最終都係交唔到~~~~~~

跟住就過番恆生, 都係排隊, 到我地果陣, 我地霸住個counter 好耐, 因為開張本票要寫好多野, 高妹重想開多張俾佢媽咪, 但唔可以架, 因為本票後面會有自己個名~~~~~~~~

我張本票唔著數呀, 因為我有帶簿仔, 咁就過足全數, 而高妹冇帶到, 佢要俾要金, 咁仙位係俾唔到架嘛, 咁就唔收佢喇~~~~~~~~

跟住就返學校溫書喇~~~~~~~


~~~~~~~~~~原來招股書係咁重咁大本架, 羅死人咩~~~~~~

>>December 15, 2003 at 3:26:16 PM GMT+8

2003 年 12 月 7 日 星期日 【晴】

今日英文test~~~~~~~~

>>December 13, 2003 at 3:40:39 PM GMT+8

2003 年 12 月 6 日 星期六 【晴】

今日一早就返工, 但係我遲到呀, 高妹同雙雙就咁係地鐵站等埋我喇, 好對唔住呀(下次唔會架喇), 我地就亂咁行, 但都俾我地行到去港灣豪庭, 但亦都因為我遲到, 去到都遲左喇, 一入去, 果度所有人都換哂衫, 全場既目光都集中係我地度, 好魚呀~~~

跟住我地簽到完, 就去換衫, 換完就出去, 所有人都排好隊喇, 我同雙雙一行(好耐都未排過隊喇), 高妹就排另一行, briefing 完, 阿添(阿head)就問有邊個唔可以服從紀律架, 我覺得問呢句好搞笑呀, 跟住就分番team, 我果team 得四個係女架, 其他就係男仔, 不過佢地好搞笑架~~~~~~

跟住坐到10:50 先開始企, 我同雙雙同琴媽都係企示範單位, 我地要講歡迎光臨, 慢慢行呀, 因為今日有party, 好多人黎食野架, 唔使錢就有得食哈x斯喎, 但黎黎去去都係果班人, 佢地起碼行左十個圈呀, 因為每次都係派一張飛~~~~~~~

11:30 我要頂人地個位呀, 因為果個人要去食飯~~~~~~~~但果個位好大風同埋要自已一個~~~~~~

今日得45mins 食飯咋, 我同雙雙去左附近既茶餐廳食lunch~~~~~~好慘呀~~~~
好彩有得break 咋, 第一次break 20 mins, 第二次都係20mins, 但我坐左幾分鐘就有人叫我全名喇(個對講機要用hand free 架, 好似G4咁架), 又係去頂人地果位, 人地又係放break, 亦都係因為咁, 我見到劉錦玲, 佢係度同d人玩遊戲同唱歌~~~~~~~~~

放break 有得食熱狗同雞亦呀(但我冇食喎), 重有道地綠茶飲tim 呀, 但高妹得熱狗同水咋, 守地下係著數d 架喇, 呵呵~~~~~~~~

我地三個俾人改左花名呀, 不過唔話俾你地知係咩~~~~~~呵呵

今日好累, 好累, 特別係腳爭, 因為我地返左11個鐘頭既工, 不過又識左好多人(今日有幾十人返工, 當然唔係個個都識喇), 但我地果team d 人好搞笑, 好好玩~~~~~~~~~

8:30 先放工, 放工之前都要briefing 一次架, 不過係多謝我地辛苦左一日, 又話呢度係港灣大家庭, 好搞笑~~~~~~~

>>December 7, 2003 at 3:43:08 PM GMT+8

2003 年 12 月 5 日 星期五 【晴】

今日要返學補課呀, 冇得訓耐d~~~~~~~~~~~~~

上堂就係度send sms 俾iris, 唔使錢就勁send, 呵呵~~~~~~~~~~~~

放學去kfc 食野, 好似開party 咁, 都係20個大洋~~~~~~~好平呀~~~~~~~~~~~

高妹今日好黑架, 竟然俾部機食左張卡,填表又填錯~~~~~~~~~~~好彩佢搭火車冇事咋~~~~~~~~

>>December 7, 2003 at 2:54:42 PM GMT+8

2003 年 12 月 4 日 星期四 【晴】

今日放學去左pizza hut 食野, 主角係apus呀, 因為佢尋日生日, 不過尋日得一個鐘食飯, 太趕~~~~所以今日先去慶祝~~~~~~~~~

今次有好多一百蚊既單呀, 因為個waiter 太識做喇, 將總數分番咁多張單~~~~~~~抵讚~~~

我同高妹即刻整左張會員証, yeah~~~~~~~

>>December 5, 2003 at 12:42:31 PM GMT+8

2003 年 12 月 3 日 星期三 【微冷】

今日放學去左公司, 壁虎要羅衫, 我就要轉上堂既時間, 開頭都唔係好敢同佢講, 因為轉完又改, 好驚佢會鬧呀, 好彩佢唔係好記得, 我地成日將d時間改黎改去, 不過今次應該唔會再改架喇, 因為果陣係放緊假~~~~~~~

今個星期六唔使返工呀, 可以補課喇, yeah~~~~~~~~trainning 又轉埋, 又唔使走堂~~~~~~呢d 咁煩既野終於完滿咁解決左喇~~~~~~~~好開心~~~~~~

>>December 4, 2003 at 12:47:34 PM GMT+8

2003 年 12 月 2 日 星期二 【微冷】

dayoff 一天~~~~~

>>December 4, 2003 at 12:24:18 PM GMT+8

2003 年 12 月 1 日 星期一 【微冷】

今日放學去左配con, 我d 近視又深左喇, 我今次係配 one day, 我上年已經想配, 點知我配左一個月個d, 佢唔俾我換, 蝕呀~~~~~~~~~計落都係差唔多, 我又唔係日日帶, 又要買洗con 既藥水,o~~~

我買左180對con, 重送多5對同winnie the poor 既風筒呀~~~~~呵呵~~~~~~~~~~

跟住重買左對黑鞋, 返工用, 返呢份工真係多投資, 好想快d回本呀~~~~~~~~~本來諗住唔買架喇, 借阿妹果對黎著, 點知佢都要著, 咁我就買個對喇, 費事煩~~~~~~~

>>December 4, 2003 at 12:20:55 PM GMT+8

2003 年 11 月 30 日 星期日 【微冷】

今日放學去左睇份驗血報告, 報告出左, 但重未送到去果度, 又話兩日三日就有, 重以為冇得打針喇, 點知佢又可以係電腦check 個結果, 咁當然係冇喇, 好彩~~~~~好彩~~~~~~~~係香港, 十個就有一個有乙型肝炎架喇~~~~~~~~

跟住我就打針喇, 不過好似有d兒戲, 如果佢睇錯左, 咁就弊喇~~~~~~我打果支針叫 twinrix, 係甲乙型肝炎混合針, 要係 0, 1, 6 月打三支針, 如果分開甲乙型打就要打5支針, 我就梗係唔制喇, 要痛5次, 而加只係要痛3次, 不過今日打呢支針超痛, 差唔多十秒先拎番支針出黎, 打完隻手痺左, 重痛過抽血架, 到夜晚都重有d痛~~~~~~~~~

>>December 1, 2003 at 2:39:00 PM GMT+8

2003 年 11 月 29 日 星期六 【颳風】

今日又去dream house 返工喇, 又識左d 唔同既人, 有阿詩, 阿偉, 阿發~~~~~~~~~~

一開始 又係去開門, 開總制, 開燈, 開冷氣, 搞掂就企番係83號屋, 阿詩係度做左幾個月, 佢講左好多野俾我地聽, 尋日有四個小朋友係度玩架喇, 我已經覺得佢地好曳, 其中一個特別串, 原來佢地有個綽號叫"四大金剛" 阿詩就話其中兩姊弟就係米蘭站老闆d 仔女(個家姐把口串到飛起,個細佬都係, 但冇咁勁, 但佢地好細個架咋, 我諗得5 or 6 歲) 佢地染髮架, 個男仔重帶耳環, 唉~~~~~~含住金鎖匙出世既人就係咁, 寵壞哂~~~~不過有d 又好乖既~~~~~

佢地今日偷偷地入左示範單位搗亂, 雖然有個菲傭睇住同叫佢地唔好, 但佢地當然唔會理個菲傭喇, 但係佢地俾高妹發現左, 高妹就叫佢地唔好係度玩, 佢地當然串番高妹喇, 但高妹係唔會俾佢地蝦到既, 咁佢地就出番去喇~~~~~~~另外個對姊妹屋企重有錢過米蘭站果個呀, 佢地而加住緊apartment, 原來重買左間house 架喇, 不過未搬入去~~~~~~~

今日我地1:30先有得食飯呀, 因為要輪住黎食, 我同高妹就係最遲食果個, 食完就去返83號屋, 今日d客係咁黎, 搞到有d亂, 今日我有用到對講機呀, 但高妹話人地叫左我三次我先應人, 但我只係聽到佢叫我兩次, 第一次應左, 佢聽唔到~~~~~~

今日有對中年夫婦黎睇樓, 佢地而加住緊house架喇, 個太太唔想行樓梯, 所以想住apartment, 咁就黎睇喇, 但佢地話2千幾呎細得滯~~~~~~~

今日有樂隊唱歌同大食會呀, 原意係吸引d 人黎睇樓, 但多數黎果d 人都只係黎食野架咋, 有d 重係個個禮拜都黎tim~~~~~~~跟本就冇心睇樓~~~~~~

今日有得小休半個鐘呀~~~~~~~~本來尋日都有架, 但因為有團十幾廿人既大陸睇樓團, 我地就冇得小休喇, 佢地好搞笑架, 有人影相同拍佢地睇樓既video~~~

今日見到古天樂呀…………………….既阿爸, 佢好搞笑架, 係咁同個agent 吹水, 重教佢唱歌tim 呀, 我地係好遠都聽到, 高妹幾想佢過黎同佢一齊吹水呀~~~~~
不過我地都見到佢架保母車經過既~~~~~~~~~~

收工就同高妹行左陣旺角, 跟住去吉野家食晚飯~~~~~~~~食完就返屋企喇, 因為好累喇~~~~~~~~~

>>November 30, 2003 at 3:25:36 PM GMT+8