2004 年 11 月 25 日 星期四 【晴】

<<<<<>>>>>

我諗我一定係最遲同你講生日快樂既人喇, 嘻嘻~~~~~祝你身體健康, 想果樣有果樣~~~~~~~~

>>December 1, 2004 at 12:36:14 PM GMT+8

2004 年 11 月 13 日 星期六 【晴】

今日都係做尋日D野, LUNCH仲去左食譚仔, 大角咀呢間加一蚊就有野飲, 仲有得食墨丸tim, 好開心呀~~~~下午去左商埸企, 等d日本仔既客黎, 就開門俾佢地, 又話2點半黎, 點知佢地4點幾先出現, 我企係商場, d人不斷問我廁所係邊, 下面有得聽歌呀, 嘉年華係邊呀, 有咩歌星呀, 幾驚唔識答呀

跟住佢地終於出現喇, 我開完門就閃喇, 不過都幾無聊, 因為企就企左2個鐘, 開門就冇1分鐘~~~~~

原來呢d所謂日本客, 就係李兆基, 仲有佢d仔, 再加d高層, 不過佢地經過既時候, 我真係睇唔到喎, 可能我冇留意喇, 佢地係落黎巡視業務架~~~

放工就去左食大角咀d大排檔, 好好食架, 仲有電視睇, 果度都幾嘈, 做獎門人既時侯, 仲多左d笑聲, 做到張家輝羅到把BB遮既時候, 全埸都係度笑, 好似去左戲院咁, 勁搞笑~~~~

睇完獎門人先埋單, 跟住就去松記食糖水, 好飽呀~~~~食完就走喇~~~

>>November 15, 2004 at 8:41:54 AM GMT+8

2004 年 11 月 12 日 星期五 【晴】

今日返港灣, 冇見幾個月, 個商埸都開左喇, 不過就冇咩野睇~~~~咁耐冇返, 我都唔知自己係咩位, 不過今日我係特遣, 不過都係係CONTROL, 跟住就收下飛, 數番D飛, 咁就過左一日喇~~~~

>>November 15, 2004 at 8:03:48 AM GMT+8

2004 年 11 月 11 日 星期四 【晴】

今日同雙雙去左交番grant loan d資料, 填呢d野真係煩死人喇, 明明俾左d資料佢, 佢都仲要再問

~~~~~~跟住順便交埋張延遲還款既申請表, 哈哈~~~~點都等到我唔再讀書先還$, 咁起碼可以賺到

一個幾毫既利息嘛

>>November 15, 2004 at 7:56:27 AM GMT+8

2004 年 11 月 10 日 星期三 【晴】

今日同高妹去左銀行搵姐姐傾計, 哈哈~~~我地又學左好多野喇~~~~~同姐姐傾計真係好搞笑架, 佢仲送左2005年既記事簿俾我地tim呀~~~

>>November 15, 2004 at 7:47:10 AM GMT+8

2004 年 11 月 6 日 星期六 【微冷】

今日返9點, 點知高妹遲左起身, 咁我就唯有等埋佢先一齊上去喇, 咁早, 中環已經好多人, 不過多數都係賓賓~~~~~~~

跟住我地就去大堂登記, 亦都登記埋張八達通, 諗住實唔會好似尋日咁白痴啦, 跟住就入lift, 嘟左八達通, 再按56樓, 跟住再上73樓, 上到去就冇門口入, 不過我地都知可能會係咁, 所以就再搭lift上76樓, 點知架lift上到75就停左, 禁制又唔開門, 嚇死我地喇, 咁我地唯有落番56樓喇,就問果d職員~~~~~原來登記左去邊層樓, 架lift就只會係登記左果層開門, 嘩~~~~d保安咁勁既, 咁我地唯有落番地下再登記過, 落去整過張證就可以上76樓喇, 我終於都見到冇證行過會係點架喇, 就係好似警鐘誤鳴咁, 不過果個人件衫有no.架, 佢係參加香港步步創高峰-挑戰國金架, 佢同我地一齊搭lift, 不過佢要去果層都唔係呢部lift, 所以佢又要落番去喇, 不過我想知點解佢會搭lift, 乜唔係要跑樓梯既咩

去到76樓, 點知原來係落唔到73架, 不過好彩果度有人, 咁果個人就用佢張八達通, 嘟完我地就落左72樓, 登記完就行一層樓梯上73, 咁就用左我地半個鐘喇~~~~~~~

返到去, 只係得我地兩個, 所以我地就食早餐先, 睇下報紙, 雜誌, 跟住就做野喇~~~~~~~~到左12點幾就落去食lunch, 落到大堂就見到tvb d人係度拍d明星跑上去88樓既情況~~~~~~我地周圍搵野食, 不過因為太多賓賓, 周圍都冇位坐, 所以我地買番上IFC食喇, 仲要唔買汽水tim, 因為可以返去飲~~~~~嘻嘻

跟住又要登記過喇, 我地諗住叫佢將76樓改做72樓, 點知佢聽錯左, 咁張證就整左72, 73, 75同76喇~~~~~哈哈


返到去繼續做野, 好驚做唔哂架喇, 咁我地有聽住收音機, 點知個DJ報錯時喎, 真係俾佢嚇左一跳呀, 明明係4點半, 佢就講左5點喎~~咁都得

到左5點半, 我地就做哂D野喇, 咁EDDIE就俾我地走喇, 不過佢都走喇, 搭lift既時候就傾下計喇, 我同高妹都以為marketing dept係負責宣傳, 廣告咁架喇, 原來恆基唔係咁分架, sales dept負責賣樓同做宣傳, marketing dept就負責租務~~~~~

落到去, 就要還番張證同埋解番張八達通就可以走架喇~~~~~~~

~/~/~/~/~/~/~/~/~/~~/~/~/~/~/~/~/~/~/~~/~/~/~/~/~/~/~/~/~~/~/~/~/~/~/~/~/~/~/~/~/~/~/~/~/~/~/~/~~/~/~/~/~/~/~

總結, 呢兩日好開心喇, 因為可以係國金返工, 哈哈, 我同高妹都好想第時可以係ifc返工架~~~~不過大公司, 又太多人喇~~~~有壓力~~~

我坐果個位, 肯定係男仔黎架啦, 因為張木台都幾亂, 而高妹果張就係女仔架喇, 因為好整齊~~~~~我覺得最搞笑就係搭lift喇, 因為次次都去唔到我地想去既地方, 成日都要遊lift河, 好彩d lift係高速lift, 用好少時間就可以上到幾十層樓, 不過由七十幾樓落地下係會有氣壓架, 所以要成日吞口水~~~~~~~

>>November 7, 2004 at 5:01:26 PM GMT+8

2004 年 11 月 5 日 星期五 【晴】

今日返12點, 不過就約左高妹係中環食早餐, 食完就行過去ifc, 不過時間仲早, 咁就行陣ifc先喇, 不過d野就好貴, 差唔多時間就上去喇, 不過我地就行黎行去搵lift, 因為果度有88層, 所以分左好多part, 搵到之後, 就要俾身份證同電話俾d職員登記, 跟住就出左個passes, 要有passes先可以行到去搭lift, 架lift有LCD電視架, 不過係講財經果D野, 同埋顯示去到幾多樓, 我地去到56樓就要轉lift, 跟住就上73樓, 就係我地返工果度喇, 一出lift, 就見到個無敵大海景, 好靚架~~~~~72, 73, 75同76樓都係恆基既office~

講番今日, 我地0係sales department, 同marketing department好近, 所以好多人, 不過1點之後, 佢地就開始收工喇, 我同高妹一人一個位, 個位好大架, d野仲好新, 不過呢度都係用左幾個月~~~~~ 我地要做既野好簡單, 就係搵番d data, 然後print lable出黎, 再睇下有冇錯

~~~~~未開始做野之前, 就梗係參觀下茶水部同廁所先喇, 嘩~~~呢個茶水部有汽水機架, 仲有好立克果d野飲, 不過今日係星期六, 所以冇得飲, 我知一至五會有lunch食tim呀~~~~

跟住就參觀廁所, 好靚, 好乾淨~~~~~~

我地返埋位就做野喇, 本來諗住d野會好快做完, 點知原來d地址係會重複架, 咁就要逐個睇, 咁就要用多d時間喇, 我地總共要睇2萬六千幾個地址~~~~~~

到左6點幾我地就去食飯喇, 食完返黎, 諗住有個passes就可以搭lift喇, 點知入左lift, 架lift都唔上既, 淨係叫我地please wait, 咁我地就轉過第二部喇, 點知都係咁喎, 再轉第三部都係咁, 咁我地唯有出去問人喇, 哈哈, 原來2點之後要嘟八達通架, 咁果個人就同我地一齊上左56樓, 再嘟多次上73樓, 不過果個人就冇上73~~~~~

我地上到去就print哂所有data, 因為聽日我地最早返, 但我地又冇password 開電腦喎, 所以就print哂先, 聽日先慢慢做~~~~~

9點就收工喇, 不過d恆基職員已經走哂lu, 我同高妹去左一間會議室度睇夜景, 嘩~~~~~好靚架, 咁高望落去, d車好似蟻咁行架, 個海景就可以由九龍望過港島, 睇煙花肯定好正喇, 好似係眼前爆咁~~~~~~~~

跟住我地個同事大超帶我地行錯路, 咁我地就要行樓梯上76樓先有lift搭番落去, 條樓梯又係好靚架, 兩面係透明玻璃, 梯級好似係雲石咁~~~

76樓仲靚, 有好多房, 中間就好似個廳咁, 呢度就係李兆基同d高層既房喇~~~~~~~

咁就完左一日喇, 聽日繼續~~~~~

>>November 7, 2004 at 5:06:49 PM GMT+8

2004 年 11 月 4 日 星期四 【晴】

今日放學同雙雙去左行街街, 哈哈~~~~我係it買左個袋, 好開心呀, 好耐都冇買過野喇~~~~~

~~~~~期待聽日返ifc~~~~~~

>>November 6, 2004 at 5:37:08 PM GMT+8

2004 年 11 月 3 日 星期三 【晴】

今日放左學同雙雙返左嘉亨灣, 不過我地唔係返工, 係去羅返d衫, 去到就梗係傾下計喇, 而加果度得番好少人, 好靜~~~~~我仲幫手打電話搵

人返工tim, 哈哈, 不過今次係搵人返港灣豪庭, 可能平時講慣左嘉亨灣啦, 所以好順口咁叫左人返嘉亨灣, 嘻嘻~~~~~~

本來我都係返港灣, 不過就調左返ifc, 哈哈, 仲有得同高妹一齊返tim呀, 好開心呀, 仲有得著便服, 仲係做文職~~~~~正呀~~~~

>>November 6, 2004 at 5:36:25 PM GMT+8

2004 年 11 月 2 日 星期二 【晴】

今日上ibe既時候, 我部電話唔知點解hang機, 阿松就幫我拎左舊電出黎, 點知再開機, 就唔見哂我d鈴聲, 特別係首天國的階梯呀, ~~~~~~

仲有, 呢個阿松臨放學果陣, 用鉛筆整損左我隻手指, 仲流血tim, ~~~~~你個哀人呀~~~

>>November 6, 2004 at 5:35:21 PM GMT+8