2005 年 12 月 29 日 星期四 【晴】

今日要考試!!!!!

>>January 1, 2006 at 4:23:14 PM GMT+8

2005 年 12 月 19 日 星期一 【晴】

上次去完迪士尼酒店食buffet，今日終於有得入迪士尼玩喇，嘻嘻~~~~仲要都係唔使錢tim。


估唔到今日都幾多人，好多人要排隊買飛，我已經有飛係手，可以排少一次隊，但係都要排隊check bag，浪費左我d時間~~~~~

一入到去就去左"明日世界"，space排隊要15min，咁我地就羅fastpass，跟住去對面玩巴斯光年，都係排5min，玩完就排20min，玩太空飛碟，玩完就0岩0岩好玩space，我以為呢個唔係太刺激， 我先敢玩咋，點知，開始既時候好鬼黑，都冇乜野，毫無心理準備下架車慢慢咁上斜，我就知驚喇，又冇得唔玩喎，跟住就係咁轉，又黑又冇野睇，好辛苦先可以玩完, 玩完就有d頭暈tim，我都唔係咁適合玩d咁刺激既野~~~~~

玩哂"明日世界"，跟住我地就去"幻想世界"，阿pooh歷險之旅要排60min，咁我地就羅fastpass，跟住去對面玩米奇幻想曲，呢個d fastpass派哂，但排隊都係10min，帶住3D眼鏡睇呢套野好得意架，d野好似會飛到你面前咁，開香檳果陣真係會聞到香檳味，潑水就真係有水飛出黎，超搞笑~~~~~~

玩完呢個已經係12:10，又未夠鐘玩阿pooh，所以就去食lunch，唔係太多人，唔使等位，d野食就一般，差唔多食完果陣，出面有條龍等緊入黎食野，好彩我地一早就入左黎~~~~~~跟住就去玩阿pooh，不過好鬼多人，有fastpass都要排一陣，冇就要排80min，玩完之後諗住趕去羅獅子王慶典既fastpass，再去番另一面睇米奇金獎, 但點知唔夠時間，咁就直接去左睇米奇金獎，點知full哂，所以又趕返去睇2:00既獅子王慶典。


2:30睇完，好想坐船，但係太多人，又唔想排45min，跟住周圍行，影相，跟住就睇巡遊，但係太多人，又唔係咁想睇，咁我地就走左去玩多次巴斯光年，因為唔使排隊，玩完就趕去睇米奇金獎，預早左30min去都full哂，跟住又行左去"探險世界"，仲係咁多人排隊等搭船，我又唔想排，咁就去左搭火車，點知架火車一定要係下一個站落車，咁就好低b咁去左入口lu，沿途見到米奇金獎條龍冇頭先咁長，一落火車就趕番入去排隊，不過排果陣個迪士尼姐姐話你可以排，但唔保證你一定有得入，咁唯有博一博喇，跟住就有得入去喇，不過都係企，好彩最尾都入到去，都幾好睇，冇浪費左我排左一個鐘既時間。


睇完米奇金獎已經係5:45喇，跟住就去睇下多唔多人搭船，冇頭先咁多，都要排30min，夜晚搭船好玩d，因為周圍都黑嘛嘛，有d恐怖~~~~玩完呢個就去搭木筏，又係唔使等好耐就過左對面，一落木筏走衝左上去泰山間樹屋，影完相就落返去，搭返木筏過對面，咁就6:45，諗住去玩小飛象，點知黑嘛嘛行錯路，行左出去城堡前面，好多人企哂係到等睇煙花，但係我企果個位唔係太好，又多人，又俾d樹遮住左少少煙花，睇完就走lu，不過迪士尼又宣佈今晚決定延長開放美國小鎮大街1個鐘，佢真係識做生意，呢條街係咁放雪，整到我成頭都係，不過都唔係真雪黎既。

~~~跟住我就走左入去買紀念品果度，超級多人，多到成日俾人撞同埋好迫又焗，不過我都買左個相架，咁就$120，但係又要排隊俾錢~~~~~

總括，我最唔鐘意玩Space同埋睇獅子王慶典，最鐘意米奇幻想曲，好想玩多一次，以為今日會玩唔到搭船同埋去唔到泰山間樹屋，最尾都去到~~~~~今日都玩得好開心，4part都有玩過，當然唔係每一樣都玩過喇，但係已經好鬼累，隻腳好痛。

>>December 21, 2005 at 11:08:36 AM GMT+8

2005 年 12 月 18 日 星期日 【微冷】

今日係sem 1既last day, 上完2堂finance就放學lu~~~~~~~

聽日有得去disneyland, 期待~~~~~

>>December 21, 2005 at 10:10:56 AM GMT+8

2005 年 11 月 17 日 星期四 【微冷】

今晚睇阿旺, 佢好慘呀, 老婆仔唔要佢~~~~~

花花公子vs 阿旺, 我覺得阿旺都唔係好差, 為左老婆仔咩都肯做, 又專一, 又唔會鬧老婆仔喎, 佢唔識路都要去"傻菇灣"搵老婆仔, 而花花公子果d遊船河, 食飯, 行街只係俾錢就可以做到~~~~~~~~

>>November 19, 2005 at 8:20:27 AM GMT+8

2005 年 11 月 15 日 星期二 【晴】

~~~~~~~今日放學同jenny,雙去左新世紀試新開既泰昌蛋撻, 一去到已經有十幾人排緊隊, 我同jenny都有猶疑過排唔排隊好, 不過條隊好似唔係好長, 咁我地就排喇~~~~~

點知呢條隊d人多數買沙翁+蛋撻, 但係沙翁又出得慢喎, 如果淨要蛋撻就可以好快, 我地排左接近一個鐘先有得食, 試完呢2樣野既感覺, 都唔係咁特別好食, 特別係沙翁, 好油呀~~~~~~~

***thanks for your message, jenny!~~~

>>November 19, 2005 at 7:37:09 AM GMT+8

2005 年 10 月 26 日 星期三 【晴】

之前2晚趕功課, 2晚都做到2點幾~~~~~~~慘!!!!!琴日交finance, 今日交3000字既management, 諗住以為可以輕鬆一陣喇, 點知阿sir又即刻派新一份3000字既management喇 >_< 今晚我要訓覺, 唔做功課喇~~~~~~~~不過仲有好多功課等住我去做呢, 3600字既marketing, 2000字既Asia Pacific Management, 下個禮拜交完呢兩份之後, 跟住又做番finance同3000字既management, 我諗交完呢兩份跟住又要再交marketing同Asia Pacific Management架喇, 8份功課, 接近兩萬字, 如果下個sem又係咁, 累死人喇~~~~~~~~

>>October 27, 2005 at 3:04:57 PM GMT+8

2005 年 10 月 13 日 星期四 【晴】

今晚好開心呀, 因為我有得去迪士尼食buffet, 本來我以為係去藍色果間好萊塢, 但係架旅遊巴去到果度唔停, 咁我就以為佢要再行入d掉頭, 點知唔係, 行入d就係城堡果間迪士尼酒店, 哈哈, 原來我係去呢間呀, 果一刻重開心, 好surprise, 因為呢間靚d又貴d羅, 呵呵~~~~~不過我覺得呢度食buffet都幾貴, 一位連加一要$4百幾, 要我自己俾錢既話我實唔捨得去~~~~~~~~

酒店入面好靚架, 好歐洲宮廷feel, 跟住就入去翠樂庭食buffet, 一入去就見到daisy, d人爭住同佢影相~~~~~~~

呢度都幾多野食, d甜品整得好靚呀, 又有個朱古力泉, 可以羅d生果點落個泉度, 不過d朱古力就嘛嘛地, 不過就好好玩, 跟住就玩下個雪糕機, 今晚食到好飽呀, 又肥死喇~~~~~~~~

今晚有幾個卡通人物陪我地食buffet呀, 有米奇, daisy, 高飛, 布魯圖, 而布魯圖好犀利架, 成個bb頭都可以放得入佢個口度, 哈哈~~~~~

最搞笑都係布魯圖, 因為佢成日整古做怪, 好百厭, 所以有個男人同佢玩, 點知唔小心整斷左佢條(月利), 搞到布魯圖(暗)住個口負傷走左, 哈哈, 跟住我就問下個女侍應整唔整得番架, 佢就話布魯圖返去搵米奇施法術就會好番架喇, 哈哈

食飽之後就係迪士尼酒店周圍行, 呢度都冇乜人, 重係好靚同好新, 個花園有個米奇迷宮, 不過我就冇玩,個花園對住個大海架, 不過夜晚就冇野睇, 我又去左行紀念品果度, 不過冇買到野~~~~~~~

行完又入返去食水果, 不過太飽, 食唔落, 咁我地就去搵d卡通人物影相, 布魯圖條(月利)好番喇, 所以同佢影相, 影完我就(手孟)下佢個耳仔, 點知俾佢(手孟)番我d頭髮, 哈哈~~~~~

玩到9點幾就搭shuttle bus去番迪士尼站, 落左車又周圍行, 行左去米奇噴水池, 閃閃發光好靚呀, 行左一陣, 跟住就搭迪士尼線走lu~~~~~~~~

>>October 15, 2005 at 8:42:38 AM GMT+8

2005 年 10 月 11 日 星期二 【晴】

今日頭2堂上marketing, miss講野好悶, 又知唔佢講咩, 所以我同jenny自己睇今堂既power point, 用左半堂我地已經研究完份ppt, 跟住我地就研究份marketing既case study功課, 係放break既時候我地就閃喇, 因為實在太悶, 點知我地出門口既時候俾大大阿sir睇到(佢係我地marketing同management既Tutor, 佢個樣, 聲, 語氣, 動作, 好鬼似大大, 仲要佢都係姓陳, 所以我同jenny都叫佢做大大阿sir, 嘻嘻),

佢話我地咁快就做逃兵呀, 我好快就答佢, 我地去廁所之嘛, 佢就話去廁所都(手羅)哂袋, 我地唔理佢, 好快就行左出門口lu~~~~~~

>>October 12, 2005 at 3:25:14 PM GMT+8

2005 年 10 月 9 日 星期日 【晴】

近排我又俾人話我肥喇, 唉~~~~都唔知點解我既身形由細到大都會俾人批評, 細個就俾人話我瘦, d人會話"你有冇食飯架, 食多d野喇, (我記得有一次我f.3班主任同我講)"見你一次就瘦一次, 小心身體呀"......, 而加就俾人話我肥(你快d做多d運動喇, 如果唔係會變大肥婆架喇......)~~~~~~

真係難服侍~~~~

>>October 12, 2005 at 3:23:39 PM GMT+8

2005 年 9 月 26 日 星期一 【雨】

今日3個鐘break又去左飲茶, 好唔鍾意"等"上堂呀

>>September 27, 2005 at 3:26:49 PM GMT+8