2005 年 9 月 25 日 星期日 【雨】

今日返4點, 從來都未試過返咁晏, 上完2堂, 6點放學.....>_<

>>September 27, 2005 at 3:23:55 PM GMT+8

2005 年 9 月 22 日 星期四 【晴】

今日淨係上2堂Tutorial, 不過2堂之間要等2個鐘, 真慘~~~~~~~~~

第一堂上marketing既Tutorial, 未夠鐘我地已經係課室門口等, 跟住就見到上次係marketing Lecture幫手搬chair既人, 因為上次唔夠位坐, 但係我開頭以為佢係同學仔, 因為佢冇chair坐要企係課室後面, 跟住佢又幫手搬chair, 咁我就以為佢係校工, 點知今日佢拎住d書同我地一齊等入課室, 咁我又以為佢係同學仔, 入到課室先知佢其實係Tutor, 哈哈~~~~我又以為佢係Bachelor所以要做Tutor, 點知佢已經係master, 咁Lecturer咪可能要係doctor0羅~~~~~~o~~~~~

今日marketing Tutorial既例子環繞住酒店黎講, 有d似"酒店風雲", 因為阿sir係酒店出身, 所以佢就將酒店既例子套落marketing度~~

2個鐘之後上management既 Tutorial, 又係佢教, 一開始就分組做project, 跟住佢又講下佢個fd係香港做導遊既野, 有d似"開心賓館", 嘻嘻,

佢話做導遊既人工有可能係佢既人工既2倍, 因為做導遊既commission有好多架~~~~~~~~

放左學, 我地等搭lift既時候, 阿sir又係我地隔離, 咁我就多口問下佢, 咁我就指住阿雙, 話佢個妹咁耐都未搵到酒店既工, 要做住其他既工先, 乜真係咁難搵酒店既工架, 跟住阿sir就話佢係咩樣架(因為呢個阿sir上年係haking係教酒店), 跟住jenny就指住阿雙話, 咪就係咁既樣羅, 跟住阿sir又話有d印象, 跟住佢就問佢阿妹讀咩科, 跟住佢又話讀呢科都唔係咁難搵工, 佢梗係揀工做喇, 阿雙就話唔係, 最後阿sir就話可以幫佢問下人, 不過未必得架~~~~~~

>>September 24, 2005 at 9:56:10 AM GMT+8

2005 年 9 月 21 日 星期三 【晴】

今日有2堂Tutorial, 其中finance個Tutor叫我地去考cfp, 佢仲話有degree+ cfp就一定搵到係銀行做既工,

雖然"財務策劃師"個名好似好勁咁,但係我都唔鍾意計數~~~~~~~~佢仲話佢個fd有cfp入去銀行做就年薪50萬, 跟住加到100萬, 嘩~~~~我都想有咁既人工呀~~~~

今年要買個部finance既計數機~~~~$$$$$$

>>September 22, 2005 at 4:28:51 PM GMT+8

2005 年 9 月 20 日 星期二 【晴】

今日上marketing堂, 成個課室都坐滿人, 遲到果d仲要冇位坐~~~~~~~

lunch係學校食, 不過d野食就0麻0麻地~~~~~

下午上doctor果堂finance, 佢講野好鬼快, 不過佢話呢科唔知點解咁多人fail, 仲話d數只不過係+-*/同埋開方, 我最怕就係呢科, 因為要計數, 我要俾多d心機先得喇~~~~~~~~其實我應該鍾意呢科先0岩, 因為可以計下銀行利息, 供樓利息, 點先係賺錢咁, 以前danny sir都教過, 但係我都唔係咁識, 而加又再讀番, 我唔可以再唔識架喇~~~~~

>>September 22, 2005 at 4:26:45 PM GMT+8

2005 年 9 月 19 日 星期一 【晴】

嘩~~~~我好耐好耐好耐都冇寫過日記喇~,,,我既平淡暑假要結束lu, 不過呢個應該係最後一個咁悠閒既暑假~~~~~~~

今日第一日返學, 有d唔慣tim, 仲有3個鐘空堂, 所以我就同jenny, 雙, 洲去左飲茶, 我地叫左好多野食, 仲要食唔哂, 不過呢間酒樓d野都幾好食, 果度有一個點心叫""這不是春卷的春卷"", 所以我地就試下佢有d咩特別, 都幾好食, 其實呢個春卷係用左第二種方法去整~~嘻嘻~~~~~

講返今日上堂, 教markerting既 miss一句中文都冇講, 淨係講英文, 佢d發音好特別, 但係我地聽完就成日都想笑~~~~~

Asia Pacific Management 個阿sir就冇咩特別, 最特別就係得9個人上堂, 名副其實既小班教學, 我諗係冇咩人選ib黎讀~~~~~~

International Business Management 有d似以前郭sir果堂~~~~

今日6點先放學, 而加5日都要返學, 其中3日仲要放6點, 同上年ive一星期返3日, 每日4個鐘, 好唔同呀, 累好多~~~~~~

!!!!!!!!! 今年我唔可以再咁懶架喇, 因為我好想帶四方帽影畢業相~~~~~期待中~~~~ ^_^

>>September 22, 2005 at 4:21:25 PM GMT+8

2005 年 5 月 20 日 星期五 【晴】

今日測ci, SQ唔係好識tim~~~~~~~~~

測完驗就同高妹, 阿安, 阿松去西九食壽司, 佢地羅左壽司又唔放返好個蓋喎, 重要笑我(不嬲食壽司都係放返個蓋上去架喇)~~~~~哼, 高妹重要話咁係咪食完碟壽司隻碟都放返上去呀, ~~~點知~~~~真係有d食完既碟係度轉下轉下, 好核突呀, 從來都未見過架, 跟住有個阿姐一路鬧一路收返d碟~~~~~

唉~~~~~都唔知係咪高妹係我地唔覺既時候, 靜靜地放返d碟上去~~~~哈哈

>>May 22, 2005 at 2:14:39 PM GMT+8

2005 年 4 月 17 日 星期日 【晴】

今日睇中左對鞋, 原價八百幾, 六折左都要五百幾, 買唔買好呢?????????

>>April 18, 2005 at 5:06:13 PM GMT+8

2005 年 3 月 25 日 星期五 【晴】

今日我先試食自己整既蛋糕, 哈哈~~~~~賣相同味道都ok喎, 不過有人教係唔同d既~~~~~

>>March 27, 2005 at 7:15:11 AM GMT+8

2005 年 3 月 24 日 星期四 【晴】

今日下午同jenny去左學整蛋糕, 不過我地要同一個唔識既人一組, 跟住我地就一齊整喇, 都幾好玩既, 最累就係打cream喇, 將d液體既cream打到企身, 咁就可以搽落個蛋糕度, 即係好似幫佢做批(蕩)咁, 雖然唔係批得咁靚, 不過我地係整黑森林, d朱古力會遮哂唔靚既地方, 哈哈~~~~

最後係個蛋糕中間加粒士多啤梨, 咁就完成喇, 賣相都唔差~~~~~~yeah~~~~~

今晚要返工, 去到先知今日做帶位, 今晚個演唱會係外國女歌手Avril Lavigne, 我都唔知佢係邊個, 不過D觀眾就好high, 企哂係張椅度, 都幾危險, 唱個半鐘, 山頂位就要$320, 平地都要$680, 再前d就$780, 都幾貴, 外國人演唱會係不斷唱歌, 係個台度走黎走去, 唔會好似香港果d係度傾下計, 喊下咁, 唱完最後一首歌, 講句thank you so much, 加多個飛吻, 佢就走左lu, 但早左5分鐘喎~~~~~~~

不過佢又唱得幾好聽既

>>March 27, 2005 at 7:35:41 AM GMT+8

2005 年 3 月 1 日 星期二 【颳風】

特首落台????????真定假架?????????

>>March 3, 2005 at 7:23:39 AM GMT+8