2003 年 11 月 28 日 星期五 【微冷】

今日好累呀, 返左10個鐘頭工呀, 隻腳好累, 好累~~~~~~因為大部分時間都要企~~~~~~~

今日返8:30, 我地好準時去到, 但我地阿head即係阿武重早到, 但有一個男仔遲左到, 高妹一見到佢, 就話好熟口面, 話佢係year 1 果陣同佢一組考oral既, 咁就問下佢係咪讀ive, 佢就話係, 佢地就咁相認番喇~~~佢係讀haking wong既account架

跟住我地四個就行去京士柏山, 重以為搭車tim, 行上去好辛苦架, 雖然一出油麻地地鐵站就見到, 但係個山度, 行一條斜路, 再行過京士柏公園, 好彩有阿武帶我地行捷徑, 如果唔係就要行多d路架喇~~~~~~~

去到京士柏山就簽到, 換衫, 今日樓盤得6個人負責咋, 我地重一人一部對講機,點都估唔到要用呢部野, 有d驚訝~~~~~~~跟住就跟靈姐(呢個人好有經驗架喇, 重對我地好好架, 佢帶我地行左差唔多成個京士柏山, 又教我地開house d門,
開總制, 開全屋冷氣, 開全屋既燈, 不過最唔好係成日除鞋, 著鞋, 上樓梯 因為house 係唔俾著鞋行入去架, 一係就要著鞋套) 跟住就到我地試開喇, 因為有好多間等住我地開, 果度有分house(三, 四千萬) 同apartment(千幾萬), 天文數字~~~~~~都唔明點解d人可以咁有錢, 睇佢地d樣同普通人差唔多之嘛~~~~~

我同高妹要做既野係登記佢地個名, 幾點黎咁, 跟住帶佢地去佢地想睇既單位,

apartment 係每次都要用鎖匙開門架, 點知高妹拎錯左, 要我拿拿聲拎俾佢~~~~
到我帶d客去睇果陣, 我開73座4b室個鎖好難開架, 好彩開到, 開唔到就魚皮喇~~~~又黎一次玩開鎖匙, 如果開到係我既, 就好喇~~~~~~

我地食飯係叫外賣架, 太好喇, 唔使行出去食, 叫咩野食都係$22, 重有凍飲一杯
我可以同高妹一齊食飯, 唔使咁悶, 但佢送漏左我果個菜遠肉片炒河, 咁我就食人地果個先, 人地就食番我果個喇~~~~~~~~~

收工之前就搬番d野入去, 關總制(全屋既野熄哂, 我地好似黑玫瑰咁), 果陣好黑架, 6點幾~~~~~~跟住鎖門

總結, 今日d 野唔難做, 有d辛苦, 不過學到好多野, d 同事對我地好好, 好細心咁教我地(特別係靈姐, 阿武), 雖然我地係新丁, 佢地都俾機會我地做~~~~~呢個盤唔係太多人睇, 一來好貴, 二來有d 重有人住緊, 都唔係未入伙個d~~~

原來古天樂都係住呢度架, 唔話俾你地知佢住邊間~想知就問我同高妹喇~~~不過當然係house喇~~~~呵呵~~~~~~~~~~我地今日見唔到佢~~~~~~~

>>November 29, 2003 at 4:48:16 PM GMT+8

2003 年 11 月 28 日 星期五 【微冷】

嘩~~~~~好累呀~~~~~~~返左10鐘頭工~~~~~~~~隻腳好累, 好累~~~~~~~~~~~~~~

今日一早就同高妹去京士柏山返工, 重以為係地鐵站等齊人(有人遲到, 果個人一黎到, 高妹就話佢好熟口面, 話佢係year 1 一齊考oral架, 問下佢, 原來真係, 不過佢係讀account架) 就一齊坐車去tim, 但點知係行路去, 一出油麻地地鐵站, 就見到京士柏山架喇, 但係係個山果度, 行完斜路, 重要行過京士柏公園

>>November 29, 2003 at 3:10:26 PM GMT+8

2003 年 11 月 27 日 星期四 【微冷】

今日係學校既open day, 可以休息一天, 但係星期六日就要返工喇~~~~~~~好奇怪, 一係就冇工返, 一有工返就唔只一份, 今日又有人打俾我喇, 問我星期日返唔返, 我就話有人叫左我返喇, 我以為係返同一地點, 咁就收左線喇, 過左一陣又再打過黎, 我以為佢唔記得左tim, 又係問番同一樣野, 我就答番同一樣野, 重問係咪星期日肯定有得返, 我就話係掛, 因為高妹話佢係返星期六日, 不過佢問我返邊度, 我就話京士柏山, 但佢果個係大埔, 佢好似好等人用咁, 不過佢果個淨係返一日, 唔抵~~~~~~~~

過左一陣又有人打俾我, 呢個就係聽日同我地一齊去果個, 佢係打黎confirm, 因為雙雙冇得去, 我就問下佢重有冇位, 但係佢話我叫左你個fd 喇, 又問我識唔識梁嘉怡, 但係佢話夠人喇, 跟住佢就話要下個禮拜喇~~~~~~~原來我淨係返星期六咋, 高妹就返六日, 我就問佢喇, 佢就話聽日返住先, 聽日先算, 咁我就諗總之話返大埔喇, 不過佢好快又打返黎叫我返埋星期日~~~~~~~

>>November 28, 2003 at 2:28:52 PM GMT+8

2003 年 11 月 26 日 星期三 【晴】

今日早左放學, 因為miss要放d人去整open day d 野, 就係咁, 我地就去左旺角, 係搭地鐵既時候,
因為一樣野, 你地就全部都笑我, 你地好衰呀, 唔幫我重笑我, 我係唔會拎呢d野黎講笑架, 就算佢
係冇心或者唔小心, 我都唔鍾意呀~~~~~~~衰~~~~~衰~~~~~~~衰~~~~~~~~~

今日見唔到阿寶呀, 不過就見到小白~~~~~~~~行左陣旺角, 就去左pizza hut 食下午茶, 用coupon
有買2得3, 我地5個人叫左6個餐, 經過上次計左夠一百蚊, 但係埋單都唔會係一百蚊之後, 今次君君就好認真咁計到9折左都實過一百蚊先叫野食, 個waiter 重話唔會送最平同最貴果兩個餐, 佢會計中間果兩個, 點知埋單果陣, 得$93.xx, 唔夠一百蚊, 儲唔到單喇, 佢竟然送左一個最貴同一個中間價既餐, 平時實唔會架, 一到儲單既時候, 就係都唔俾人地夠一百蚊, 我話唔要9折, 叫佢開過張單, 佢都唔肯, 俾錢佢賺都唔得既, 見到個waiter好似想喊咁, 費事佢難做, 就咁算~~~~~~~

>>November 28, 2003 at 2:02:10 PM GMT+8

2003 年 11 月 25 日 星期二 【晴】

今日係 mandy 既生日, 生日快樂~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


今日朝早風風同高妹陪我去驗血, 今次係驗甲乙型肝炎, 今次抽血好快就抽完喇, 抽左一支針筒呀
不過我一早都冇食過野喎~~~~~~我唔要有抗體呀, 我要打針呀~~~~~~臨走果陣風風話要去廁所,
去果d廁所要用好大個鎖匙扣既鎖匙架, 但係風風用鎖匙開唔到門喎, 我就話呢間屋唔係你架喇,
咁就等我試下, 我一擰就開到喇, 好有台慶抽樓果d feel 呀~~~~~~哈哈

跟住就去nokia 拎番部手提, 重有一個月部機就過保養架喇, 佢都換左部機既底板~~~~~呵呵

拎完就去行街街, 又食左車仔麵, 12點幾君君就黎同我地一齊行, 2點幾就去唱 k~~~今日葉安特別
早到, 不過係佢以為2點, 不過佢平時都係早到果d 黎既~~~~~~~抵讚~~~~~~~

今日係壽星女mandy既生日, 重有特別嘉賓, 就係jo jo gf, 冇乜邊個見過架!!!!!!!!我地成班就去左唱k 喇, 好開心, 不過高妹興奮得滯, 唱左首落地開花, 亦都將個香檳杯落地開花~~~~~呵呵

唱完k, 就去打邊爐, 有種食送叫金枕頭, 我就叫風風問下個侍應係咩黎既, 點知風風講左d 野, 而
搞到俾所有人笑, oh~~~~~~~~~~

打完邊爐, 我就走喇, 冇去打機同食糖水, 我都想唔走架, 但我唔想咁夜返屋企, 嘈住屋企人~~~~~~

>>November 27, 2003 at 3:48:32 PM GMT+8

2003 年 11 月 24 日 星期一 【晴】

今日因為係學校畢業禮, 咁就多一日假期喇, 不過係屋企都冇乜野做, 淨係食野, 重食左好耐都冇

食過既豆腐花呀~~~~~~好滑呀~~~~~呵呵~~~~~要5個大樣架~~~~~

>>November 25, 2003 at 2:27:47 PM GMT+8

2003 年 11 月 23 日 星期日 【晴】

今日玩啤牌我又有贏呀~~~~~唔再係次次都係我輸喇~~~~~~~~~~~yeah~~~~~~~~

>>November 24, 2003 at 3:08:57 PM GMT+8

2003 年 11 月 22 日 星期六 【晴】

本來今日有 "忘不了" 既免費飛, 但係唔係好得閒去睇, 聽日又要背默英文, 咁就冇睇喇~~~~~~

~~~~~~哂左~~~~~

>>November 24, 2003 at 3:14:08 PM GMT+8

2003 年 11 月 21 日 星期五 【颳風】

今晚本來要同斯維去bbq (其實我唔係咁想去), 但都有去, 8點幾就去到城門水塘, 去到得我地兩

個, 其他人未黎, 個度風涼水冷, 見到個水塘都有d 驚, 人就唔係好多, 又冇街燈, 得一個流動廁所,

等左好耐, 差唔多10點, 其他人都未黎, 雖然俾左錢, 我就話不如走, 佢就有 d 唔願意咁走喇~~~~~

>>November 23, 2003 at 6:20:04 AM GMT+8

2003 年 11 月 20 日 星期四 【微冷】

今日冇帶到 FIT 既 lecture 9 and IEPD lecture 8 既 notes, 唉~~~~返到屋企又要抄番哂D解釋~~~0~~~

放左學就同雙雙去灣仔見工, 果度係屈臣氏招聘部黎架, 不過個度好靜架, 好少人~~~~~跟住就禁

門鐘入去, 入到去就填form, 份form 好簡單, 寫下名呀, 電話, 工作經驗咁 (我冇喎), 係我地填緊既

時候, 我地就偷聽入面果兩個姐姐仔講野, 佢地講關於請人果d, eg 甲姐姐話有兩個唔覆電話, 咁

乙姐姐就話唔好打俾佢地~~~重有其他架, 不過唔講lu, ~~~~~交左form 就走得架喇, 唔使in~~~~~~

跟住我同雙雙就行返金鐘, 搵等緊我地食飯既apus 同may may, 真係唔好意思, 放一點半都要佢地

等我地, so sorrry~~~~~~, 我地一齊食kfc呀, 雙雙重有coupon呀,~~~~~~呵呵

食完之後, 雙雙同apus就上may may 屋企玩, 我就去旺角, 佢地好好呀, 送到我去地鐵站, ~~thx, thx

去到旺角, 就幫斯維拎部電話去nokia 度整, 好彩都唔使等好耐, 臨走個陣, 果個人俾張紙我填, 原

來係要俾服務態度既分, 由非常好去到非常差, 咁我覺得ok, 而且佢又睇住我填, 我咪圈左個非常

好羅, 俾返佢之後, 佢d服務態度當然重好喇~~~~~~呵呵

>>November 23, 2003 at 3:58:41 AM GMT+8