2003 年 12 月 28 日 星期日 【晴】

今日同雙雙去training, 本來重有高妹架, 不過佢懶訓, 唔肯起身, 咁佢就唔去lu~~~~~~~~~

今日教個d 野, 我地應該唔多機會用既, 例如:阿a同阿b有固定車位, 但阿a 有一晚(半夜)泊錯左阿b個車位, 但阿b (jar)車返黎發現左, 咁我地要點做呢? 多數既人都叫阿b 泊住一晚咁多喇, 但阿b 唔肯既話就要叫阿a 落黎泊番佢自己原本既位, 但咁夜, 阿a 會唔肯落黎, 咁又點算呢, 就算阿a落黎, 佢地又可能會鬧交, 咁阿sir 就話要用中間法喇~~~~~~~

其實係要同事間要有默契, 首先就call control喇, 跟住就同阿b 傾下計, 五分鐘之後, control 就會話阿a 唔落黎住, 咁就同阿b 講今晚泊個特別位喇~~~~~~~咁阿b 唔會等, 咁佢就會去泊特別位架喇~

不過要我地上呢d堂, 真係好悶架, 不過下午講law, 就有d似year 1 學個d咁, 跟住就放學喇~~~~~

跟住就同雙雙去教協買野, 再行左陣, 就返屋企喇~~~~~~~~~~~

>>January 1, 2004 at 9:04:04 AM GMT+8

2003 年 12 月 27 日 星期六 【晴】

今日行左一陣街~~~~~~~~

>>January 1, 2004 at 8:38:31 AM GMT+8

2003 年 12 月 26 日 星期五 【晴】

今日冇咩野做~~~~~~~

>>January 1, 2004 at 8:37:07 AM GMT+8

2003 年 12 月 25 日 星期四 【晴】

今日係屋企冇野做~~~~~~~悶悶+++++++++++++蛋蛋~~~~~~~~呵呵~~~~~~~~~~~

>>January 1, 2004 at 8:36:26 AM GMT+8

2003 年 12 月 24 日 星期三 【晴】

今日係聖誕節, 本來係冇乜野做既, 不過大表姐就打電話黎問我去唔去二表姐度大食會呀, 我當然話去喇, 好似好耐冇見喇喎~~~~~呵呵~~~~~~~~~

7 點幾就去到佢地屋企, 跟住就播聖誕歌同傾計, 玩下咁, 跟住就食野, 但係我見到張table有個電個d 爐, 重有張錫紙係度, 重以為佢地咁勁, 玩韓燒tim, 不過就唔係, 係要黎煎下腸仔呀, 火腿咁, 唔使呢d 野食凍哂~~~~~

咁佢隔離屋都有黎食, 李太個細仔話驚狗喎, 四表姐就同佢講話呢隻唔係狗(大表姐隻西施狗, 名叫mark mark)黎架, 係一隻兔仔黎架, 咁佢又信喎, 重去摸下佢tim, 咁佢就唔驚喇, 不過佢就走左返屋企話左俾佢阿媽知, 到佢阿媽黎食野個陣, 就話呢隻邊係兔仔呀, 係狗呢架, 好搞笑~~~~~~

我地一路食一路玩, d 聖誕歌播完, 就播”女子十二樂坊”~~~~~嘩~~~成隻碟都冇人唱歌既~~~~~~~

跟住二表姐走左入房, 又唔開燈, 唔知佢做緊乜, 跟住重關埋門tim, 好神秘~~~到佢走番出黎, 原來佢頭先整緊抽獎個d 紙, 佢拎左三百蚊出黎抽~~~~~~~分左兩封一百, 一封五十同一封四十(本來都係五十, 不過佢搵唔到多一張十蚊)~~~~

到抽果陣, 大表姐抽到利是, 不過二表姐話佢咁大個就唔好要喇, 又放番落去, 抽唔到個d 再抽, 抽完, 佢隔離屋個李太抽到又話捐出黎再抽過~~~又抽 (抽左好多次喇)~~~~
抽完哂之後, 有得羅利是既有我, 李太個仔, 曦曦(二表姐個女)同埋(二表姐既賓賓), 一睇呢個結果就知係黑暗喇(大表姐話既)~~~~呵呵~~~~~

我地四個都要再抽, 李太個仔幫曦曦抽, 跟住到佢, 跟住就係賓賓, 最後係我, 結果係曦曦同埋賓賓抽到一百蚊, me 有五十, 李太個仔有四十, 但佢個樣超開心, 重以為佢抽到一百蚊tim~~~呵呵~~~~呢個結果又一次俾人話做馬~~~~哈哈

由於曦曦係我地開始食左一陣野先肯起身(起身都重要發陣脾氣), 所以佢好精神, 首先係fashion show, 佢換左一套芭蕾舞衫出黎, 好搞笑, 跟住就換左套體操衫, 好開心咁走黎走去, 跟住又羅左隻狗條毛巾黎玩, 隻狗就咬住條毛巾, 咁曦曦就拖住隻狗黎行, 行黎行去, 隻狗又唔肯放, 真係驚佢d 牙會(nut)哂, 大戰左好多個回合, 佢兩個都喘哂氣, 隻狗就(pa)左係地下, 曦曦又(pa)左係地下度, 大家對望, 突然, 曦曦好認真咁同隻狗講, (你有牙, 我好驚你架), 全部人都係度笑~~~~
呢句野好搞笑, 次序可以掉一掉變做( 我驚你有牙)~~~~~呵呵~~~~~

差唔多十一點就走lu, 我地下一次既gathering好快就到, 就係下個月既新年喇~~~~~又有利是收喇~
yeah~~~~~~~


走個陣, 我細佬有聖誕禮物(我冇呀), 點解咁遲先俾, 因為費事佢有而李太個仔冇, 咁就唔係咁好喇~~~~~話說買呢份禮物都好搞笑, 咁大表姐同三表姐一齊去吉之島買, 買曦曦果份就易, 因為佢細呀嘛., 買左個hello kitty俾佢, 但佢地就唔知買咩俾我細佬好, 咁就係玩具部睇下同佢咁大既小朋友鍾意d咩, 點知有兩邊, 一邊係數碼暴龍, 一邊係gundam, 咁gundam 個價錢好d, 佢地就走左去gundam個邊, 點知佢地想買個盒俾個男仔(哥哥)拎住左, 到佢放低, 個細佬又即刻羅住, 佢地就係到等佢放低, 到佢地拎到上手, 就有兩個choice, 唔知買邊盒好, 一盒貴d, 一盒平d, 咁就問下個兩個男仔, 個男仔就好cool, 唔出聲咁指住貴d個盒, 咁佢地就買左貴d個盒喇~~~~~~~~~~~

總結, 今日好開心同搞笑!!!!!!!!!!!!!!!!!!!!!!!!!!!!!!!!!!!!

>>December 26, 2003 at 2:35:51 PM GMT+8

2003 年 12 月 23 日 星期二 【晴】

今日係jenny既生日, 祝佢生日同聖誕快樂~~~~~~~~~不過我諗佢都好快樂既, 因為佢有得開party呀~~~~~~

祝 各位聖誕快樂!!!!!!!!!!!!!

講番今日喇, 要同雙雙講唔好意思喇, 搞到你冇整頭髮~~~都係我唔好喇
~~~~~~~~~~~~~~~~~So sorry ~~~~~~~~~~~~~~~~

咁今日同高妹去整頭髮, 我就整招牌髮型, 我下次就唔會再整架喇~~~~~~~~~
高妹就整highlight, 佢high到若隱若現咁, 好犀利~~~~~~~~~~
不過高妹highlight 就快過我, 咁佢就要等我整好先有得去食野喇~~~~~~整完都差唔多4點lu(我地未食lunch架,餓死lu), 我地就去左食碗仔翅, 腸粉同咖哩魚蛋, 好好味架~~~~~

食完就去行街街, 新都會每半個鐘都會落一次雪架, 咁果陣重有7分鐘就會落雪, 咁就諗住入去馬拉松行7分鐘再出去睇喇, 點知睇下野, 高妹買埋頸巾, 出番黎, 就落完喇, 咁就睇唔到lu, 要再下個半個鐘先有得睇, 咁我地又去行陣,

行行下, 見到聖誕老人, 小飛俠同3個天使姐姐係冒險樂園門口唱歌同跳舞, 好搞笑, 我同高妹都覺得小飛俠好靚仔呀, 都叫高妹去結識下佢架喇, 跟住佢地唱完歌, 天使姐姐就派糖, 我當然有羅喇, 不過俾高妹話我, 佢話d糖係派俾小朋友食架, 呵呵~~~~我唔知喎~~~~~~~~

跟住問下高妹幾點呀, 佢就話重有4分鐘就落雪喇(如果我唔問, 咁就又會錯過架喇), 咁就好趕咁衝番上去, 不過未開始~~~~~嘻嘻~~~~~

嘩~~~~~跟住就落雪喇, 係d 泡黎既, 好靚呀~~~~~~白雪雪~~~~~~~我地重影左d 相tim~~~~~睇完高妹就走喇, 佢走左之後, 聖誕老人個班就係落雪個度又唱歌同跳舞, 唱完之後, 天使姐姐又派糖, 嘻嘻~~~~小飛俠係佢隔離, 我就話我想同小飛俠影相呀!!!!!!點知天使姐姐就問我係咪想影相呀(佢竟然識聽我講野, 不過佢係同我講英文既), 呵呵~~~~~我話係呀(開心得滯, 唔記得轉channel tim)~~~其實我應該答yes, 因為佢地係外國人黎架,
跟住天使姐姐重俾左佢支棒棒俾我拎住tim 呀!!!!哈哈~~~~小飛俠重企係我隔離tim呀!(高妹, 你恨唔到咁多架喇, 最多send番小飛俠俾你睇喇)~~~~~~好開心同好搞笑(因為好多人望住架), 我影完之後, 其他人就追住要同佢地影喇~~~~~~~

>>December 25, 2003 at 9:59:40 AM GMT+8

2003 年 12 月 22 日 星期一 【晴】

今日阿松掉左高妹個散子包落個廚房仔度, 咁我諗住好心幫高妹執, 點知佢即刻關門困住我,
fd 喎, 衰衰衰~~~~~搞到d 人笑我~~~~~~~

放學就去左工展會玩, 個個填緊個張投票個張野個陣, 但我搵唔到喎, 不過最後都搵到張野, 十大名牌我投左豬頭嘜, 行行下, 見到豬頭嘜個檔, 見到好似有遊戲玩喎, 咁就同mandy行埋去睇下喇, 點知要買煮食油先有得玩, 咁我就當然唔會買喇, 咁就問下佢淨係玩遊戲得唔得呀, 點知果個人又話買油唔玩遊戲都有禮物, 我就話我投左你票喎, 咁佢就去拎左個鎖匙扣俾我, 哈哈~~~咁就呃左份紀念品喇, 但我冇諗住會有架喎~~~~~~~~~

走就搭船去尖沙咀, 沿途d 燈飾好靚, 重有好多人tim 呀, 去到尖沙咀, 見到有唔知咩既宣傳活動(唔知係咪安娜與武林), 但我知道佢會派禮物, 嘻嘻~~~~~我當然就想要喇, 佢派果陣, 我拎左好多呀, 不過又係鎖匙扣, 都幾得意架, 係兔仔黎架, 羅咁多就當然係分俾大家架喇~~~~~~~~

行左陣就搵地方食野, 周圍都好多人, 搵緊野食果陣, 高妹一大班同鄉好熱情咁招呼佢呀, 叫佢上7樓, 4樓食好有家鄉風味既食品呀, 但高妹唔賞面喎, 哈哈~~

食完就返屋企喇~~~~~

>>December 25, 2003 at 7:14:29 AM GMT+8

2003 年 12 月 21 日 星期日 【晴】

今日沽左d 股票lu, 呵呵~~~~~~~~

今日吉堂就同高妹一齊去銀行, 行緊既途中已經知道去到咩價, 一入銀行個價重升左d, (我地又見到幫我地開a/c 既銀行姐姐, 佢重認得我地), 好開心, 但排隊都排左一陣, 到我果陣個價跌左dd,

不過高妹就重慘, 到佢個陣佢個價跌左d, 雖然唔係差好多, 做完d手續, 就要等一陣, 我地又去禁下個價, 個價又去番頭先果個價, 高妹真係咩都可以黑一餐架~~~~~~~~~~~

今日又發生左一件好魚既事, 當我地等緊個陣, 我就同高妹講紫金今日上呀, 佢係咩no. 呀, 好想知佢第一日會升幾多, (因為紫金超額認購幾百倍), 我講完之後, 隔離個阿伯就話紫金都未上, 聽日先, 我就即刻話乜今日唔係23號咩~~~~~~~~~我又即刻諗到今日係22號喎, 嘻嘻~~~~~~~~~~~


放學就去high tea, 跟住就行街街, 因為今日係冬至, 唔係行左好耐就走lu~~~~~~~~

>>December 22, 2003 at 1:53:39 PM GMT+8

2003 年 12 月 20 日 星期六 【乍雨乍晴】

今日冇乜特別~~~~~~~~~

>>December 22, 2003 at 1:31:18 PM GMT+8

2003 年 12 月 19 日 星期五 【乍雨乍晴】

今日唔使返工, 有好有唔好, 好就係今日真係超凍, 唔使咁早起身, 唔好就係冇得搵錢~~~~~~~~~

今日係西鐵通車, 以前係元朗返學既時候, 望住由本來既綠色地方, 到變左黃泥地, 到有一支支石柱, 到有埋個站既型, 到今日通車, 眨下眼, 就五年喇~~~~~

今日又係好魚, 話說我要去skII度換野, 去到就俾張coupon 個sale喇, 但個sale要睇下張coupon喎(佢應該一睇就知架喇), 跟住個sale 就話要去對面換(我心諗唔係一樣既咩), 我就即刻望上去個牌, 如夢初醒, 原來呢個counter 係shiseido架, 哈哈, 最衰就係個counter 係打對面, 而且兩個都係用紅色, 咁我就以為兩個都係一樣~~~~~~~~~~~~~~~~~~~~~~~

”””””魚魚魚”””””

>>December 21, 2003 at 5:51:54 AM GMT+8