2006 年 7 月 16 日 星期日 【晴】

主題：展能 返了三日交安展能（15/7、16/7、17/7），三日都係無乜嘢做，睇住班學生咁啦，初初覺得我帶個班學生係差一點，懶散、唔盡力、顧住玩、又唔齊心，係頭一日兩個活動好覺，第二日係個軍用障礙賽受挫敗，我感覺到好傷害到佢哋，打後好似越來越好咁，夜行又好好，雖然係最遲一組出發，但卻最早回到營地，都只係廿六分鐘，第三日更係他們最好，我一向覺得他們不太好，點知係搶軍旗，竟然有好表現，得到最高分數，及成為全場總冠軍，頭兩日次次見佢哋包艇，都唔明點解會計到全場總冠軍，原來自己唔理佢哋，我只係好簡短咁同佢哋講下ｄ問題，都有好好成績，以後都係咁做，不過日後可能無得帶組呢。

>>July 19, 2006 at 4:22:58 PM GMT+8

2006 年 7 月 13 日 星期四 【晴】

主題：返工 返了三日工（12/7、13/7、14/7），三日都無乜嘢做，上吓現樓，包括一座，又換吓一座燈泡，都係無乜嘢做，睇書囉！14/7晚約女友食飯，點知女友唔舒服，所以上了發仔家打機兼食飯。

>>July 18, 2006 at 4:10:44 PM GMT+8

2006 年 7 月 10 日 星期一 【晴】

主題：演出 下大雨的七時半已出了門口，匯合埋組員就搭的士，出到大圍冼次雲，采排同演出咁啦，演出完再執拾道具，之後搭貨VAN回中心，食晏同玩NDS同再開檢討會，估唔到俾人裝彈弓，我亦估唔到有ｄ咁嘅人，搞到自己發晒火，一導想退組，開完同MEI-LING傾下頭先所發生的事，之後傾完就回家。

>>July 13, 2006 at 5:19:12 PM GMT+8

2006 年 7 月 9 日 星期日 【晴】

主題：交錢 今日一早出門，86B的1車趕唔到，於是就搭88M轉MTR，回到校，搞埋手續，就同C班同學出東亞交錢，我就真係唔太認得依位同學，之後再回校交返張FORM，即係下年有書讀，之後食麻辣米線，再回中心執道具，執好就搬上貨VAN運去學校，之後再整整一些道具，做完就食嘢，然後回中心再開會及再排，之後開完就回家。

>>July 13, 2006 at 4:43:27 PM GMT+8

2006 年 7 月 8 日 星期六 【晴】

主題：澳門之旅 整夜睡得不好，想早起身，都係好累好累咁，但係朝早係落大雨，食過早餐後，出太陽，執好ｄ嘢就退房，退完還頂酒店托管行李，咁就可以輕鬆走，搭2號過海防，我睇過幾次，女友第一次看都無乜興趣，所以看得好快，之後聽澳門市民說話搭的士過旅遊塔，係上面影相同買了一些紀念品，之後就搭32過漁人碼頭，但今日似愚人碼頭，因為好熱，我影了少少相就走，因為我同女友都好熱，之後搭3號電牌新飛鏢過大馬路，其間見到五洲龍部雙動力，之後係議事庭前地食嘢，再上大三巴影相，影完買手信同豬扒包，但我比較個杯凍菊花珍珠蜜，之後回了酒店取回行裝，再搭接駁車到港澳碼頭，提早一班船，搭1900的新輪貳，但佢行大嶼山北面回九龍，見到機場同碧堤半島，回到香港都2020左右，抵港大堂有顯示屏，可以見到新渡輪所出的六艘船，新輪捌拾壹、新輪捌拾叁、新輪捌拾陸、新輪貳、新輪伍、新輪陸，即新輪捌拾貳同新輪捌拾伍上了排，之後搭6仔過深水埗食麻辣米線，食完就搭MTR轉95A送女友回家，95A個亞伯好慳油，所以好慢，之後轉48X再轉46X回家。

>>July 13, 2006 at 4:35:45 PM GMT+8

2006 年 7 月 7 日 星期五 【晴】

主題：澳門之旅 終於等到今日澳門之旅，朝早在家執嘢，之後搭46X轉48X接女友，接完就搭234X，點知塞下塞下車，原本有多餘時間，但都變越來越忟水，去到尖沙咀碼頭沿海港城一直行返上中港城，食過老麥就入閘過關上船，坐中新輪捌拾叁，感覺好正，同好快好定，過到澳門，要輪好耐先過到澳門境，搭接駁車過皇都先，入住皇都，話晒五星級酒店，之後係房放低嘢就落餐廳BOOK位，之後就過金沙賭場見識一下，想係金沙外面影下相，可惜無帶SD卡，我終於明白到點解咁多人進入了澳門，ｄ人唔多覺係街到，原來大部份人入了賭場，只見裡面ｄ人一百一百咁樣，望了兩望，就去KFC嘆下午茶，嘆完就搭接駁車出港澳碼頭，再轉接駁車回皇都，之後就食飯，個餐廳好多人，開了半邊無人的地方給予我哋，無啦啦變包場，係多人去廁所出出入入，食完就行一陣，買一點宵夜就回房睇電視同休息。

>>July 12, 2006 at 4:21:57 PM GMT+8

2006 年 7 月 6 日 星期四 【晴】

主題：長沙灣 生活總是離不開長沙灣，今日又係落長沙灣，搭86B，是1246班33車，GH5874力水差一點，無GH5221咁好，出到去匯合亞彬同亞高食麻辣米線，食完落深水埗，行過間機鋪，玩了一鋪BG3，再過鴨寮街買增值卷，之後落東波挑機，玩四、五點，就搭6號落美孚，亞高買Q版，買完，就搭46X的GE8007回顯徑買嘢，買完回家，回到家，搞ｄ嘢食埋飯，就落中心，其間收到個電話，學校話收我讀21949F，當然好開心，但10號要搞掂，都好緊迫喎，之後又發生ｄ唔開心嘅事，所以發晒脾氣，之後完了就回家。

>>July 7, 2006 at 5:08:20 PM GMT+8

2006 年 7 月 5 日 星期三 【晴】

主題：已準備 今日到兩點先出門口，一落樓就搭86B出長沙灣，匯合亨利同亞姍，就食珍珍，食完就四圍行，然後落東波打機，係咁被波子夾，幸好最後都係第二，過了部波子，打了陣就搭MTR過奧運接女友，之後再過荃灣，上金星打機同過油麻地旅遊BOOK嘢，之後就過愉景食夜晚同坐下，坐到九點幾，就送女友回家，再搭48X轉46X，係48X坐到AL，正！正！ 46X就有2+2AD唔上，因為太多人，部AD走了不足一分鐘，後車3AD都到了。

>>July 6, 2006 at 4:43:08 PM GMT+8

2006 年 7 月 4 日 星期二 【晴】

主題：拎智能 今日到三點半先出門口，搭88K出沙田拎智能，拎完落去ｄ旅行社拎澳門資料，（油麻地旅遊太多人，無問佢拎到）及到商務買澳門資料，之後到新世界幫亞媽增值，見多人又未提款，都係提款順便食嘢，食了間壹麵館，出前一丁餐好平，廿蚊有兩餸加凍飲，食完就幫亞媽增值，之後搭ER轉小巴接女友收工，本來想搭21K，後來見無車，都係搭79K，女友五點三已經收工，我都係剛剛轉出火車站，去到奧海城，匯合女友，之後搭MTR，搭到TCL新K-TRAIN~V613-V813，好快，係南昌站一出，被AEL爬頭，但V613-V813加速加速，最後還過頭，咁快嘅，去到荃灣，上南豐又拎一些澳門資料，拎完就搭49X轉46X，回到家，食飯做ｄ嘢，就落中心上BOARD做道具，之後到十點幾完又回家。

>>July 5, 2006 at 6:09:57 PM GMT+8

2006 年 7 月 3 日 星期一 【晴】

主題：接女友 今日無所事事，點知成日都無電話，女友一打電話落屋企，先知手提有問題，搞了好耐都唔得，結論係張SIM卡有問題，所以今日帶多部電話，搭87B出大角咀接女友收工啦，俾部FB4822，好熱好熱，出到去奧海城，時間尚早，一於打十蚊機，兩鋪第二，一鋪第三，幸好有個C1咋，打完就係奧運站等女友，等下等，五點十喎，都未見人同電話又無，唔通打唔到電話俾我，後來先知係遲放，行了一陣奧海城，就搭2E的EC880落深水埗，個司機名叫李生，去到深水埗間ONE2FREE轉SIM卡，轉完就落東波玩了陣，等女友休息一下，然後待我打完，再行落長沙灣食麻辣米線，食完搭MTR返荃灣，再係愉景傾了一陣，傾完就送女友回家，之後搭48X的HA8442，部車真係好靚，特別係ｄ聲，個司機控制都好正，之後落車就有46X的3AD，一出城隧，見到KU9771行48X，個車序好似係行N170的3車柯打，回到顯徑就回家啦當然。 真的去到澳門嗎？？？無所謂啦！！！～～～

>>July 4, 2006 at 5:12:03 PM GMT+8