2005 年 12 月 9 日 星期五 【晴】

主題：返工 今日七點半就起身，執晒ｄ眼耳口鼻，就搭46X，俾部GH5221，好快上到城隧轉車站，尤其是上斜個段，差不多同EW龍咁勁，轉48X，俾部JN912，勁震部車，去到，又行陣惠康，因為早，之後就搭234B入碧堤，返到去，罷住個H，全日就睇下書，吹下水，玩下電話，打下電話俾女友，就係咁，過了個沉悶的十小時，放工，搭公司車，當然租冠忠車，PEGGY問我部車係唔係新車，我就係忘記了個牌係幾時出，但部車就半舊半新，總之一部似係前聽濤雅苑專車的中港車身五十鈴，部五十鈴係用傲群座椅，一款桶型座椅，簡單一點，「難坐」，頭枕位又唔似頭枕，頸枕更加唔似，都唔知點做出來。出到荃灣，就去搵女友行了陣街，行到咁上吓，就食米線，食完就送女朋友回家，當中行得好慢。之後就搭48X轉46X回家。

>>December 11, 2005 at 3:28:32 PM GMT+8

2005 年 12 月 8 日 星期四 【晴】

主題：陪女友 今日七點就起身，執晒ｄ眼耳口鼻，就搭46X，上到城隧轉車站，想轉273P，因為剛剛有車，點知，行到埋去，就走，係轉車站，一扭得出少少，就要走，唔係就走唔到，因為再開門，一來又危險，二來俾得一個上，就會無停咁有人追車，之後搭73X，去到荃灣，就過地鐵站等女友，等到佢到，真係唔慣，佢穿裙喎，同佢搭MTR過柴灣IVE，因為佢攞獎，送到佢去後，就行落去常安街，行行吓，見到富士S203喎，還要車房內，第一次見真車喎！！去到常安街，背光，都無乜嘢影到，影到城巴新TOYOTA HIACE工程車，行入小西灣搵位影，搵到ｄ位，唔係唔靚，又正光，係唯獨是自己部機反應慢，影唔到走行，停車位又無靚位，行到藍灣半島，出去影風景，影完返入站，SET腳架都無嘢影，唯有影電牌，開晒閃光燈，電牌ｄ點先反光得清楚一點，包括黑點，之後行去中巴廠，中巴專營權結束，新巴用，新巴新廠起好，到城巴用，城巴新廠起好，咁有乜用呢！中巴車就唔駛係廠頂晒太陽，改泊頂樓下一層，地下就變成屈臣氏蒸餾水車同貨場，行落去城巴車廠，同新巴車廠，似乎無乜嘢，行行下，望望城巴廠內，竟都見到雞拖，還要新色喎，影到些相，之後回柴灣IVE接女友，今日好似無乜影相，同女友搭MTR落柴灣，計下時間喎，出返灣仔，同佢上VTC搵資料，之後食飯，都諗了好耐去邊到食，哈哈！今次佢請喎！！之後四圍行，就行了出中環，諗住睇下嘢，點知無喎！！之後行CITYSUPER，點解兩次都係咁，下次都係唔好行，之後出咗3號碼頭天台坐，好舒服個度，坐到接近五點，就搭MTR~TCL到荔景轉TWL，送埋女友上佢阿婆個頭，就行返落荃景圍天橋，因為只係行平路，唔駛上上落落咁去大涌道福來邨個站，搭48X，趕到班46P，但班46P唔係快，早知等多陣搭46X，始終八點個ｄ尾車底搭一點！以為無乜點影相，不知不覺影了102張相喎！！

>>December 9, 2005 at 3:42:31 PM GMT+8

2005 年 12 月 7 日 星期三 【晴】

主題：80關 今日唔駛早返，又無乜嘢做，咁昨日又唔夠瞓，今日一於晏起，昨晚早瞓，今日成十點半先起身，一早起身，就幫亞媽睇洗衣機，亞媽越來越無記性，佢忘記我講過部機係自動，無得教時間，佢就猛按制唔得。之後執埋ｄ嘢，就趕班30車，今日又係KC6695，依部加4車開了兩日30車，許車長都開了兩日，上到車坐得，坐返個尾輪對家正位，感覺好怪，望下車頭，距離好短，望下望下，望到許車長個名牌，係喎！佢係6叔喎，開加4車對佢完全無影響，佢食完飯好慢喎，出到去，等埋女友出來，就去食車仔麵，食完四圍行，行完就送佢返校，之後想影相，整晒ｄ裝備，行到上元州街，諗下諗下，亞高今日好似落嚟打機，佢話係廣榮興睇嘢，剛巧有部AVW走了，就過去搵亞高打機，打灣岸，終於玩完80關，但最後一關由DENNIS幫我，畢竟我過彎差，之後同DENNIS玩對戰，我無佢咁勁，但山路追得佢好緊ｌｏｒ，打完都成三點三，就返校，接女友放學，同佢行去荔枝角搭MTR，送到佢去荃灣，再搭返MTR出返長沙灣，上KS堂，都睇下人哋點做，之後到五點幾先放，行上元州街，有火警，放晒大煙，之後影下相，就上青山道，搭86B的FV5579回家，梁車長到今日都未發現蘭頭巧妙之處。

>>December 8, 2005 at 3:58:34 PM GMT+8

2005 年 12 月 6 日 星期二 【晴】

主題：無奈天 今日又早早起身，七點幾就起身，執晒 d嘢，趕唔到3車，諗住上徑口路追返班車，點知落到巴士站，見到部33車部巨龍有點唔同，好似BB龍還要係M11偈，行到去是JC3180，搭ｌｕ搭ｌｕ，短龍坐過，M11偈短龍都係第一次，去到富健街，見後車30車用KC6695，兩部加4車係埋一齊，真係好笑，出到長沙灣，就落龍威打機，今日玩灣岸，唔知點解過彎好似OK了好多喎，所以贏了好多關，打完回校上LAW，上完上IE，之後出去食米線，食完，就落龍威，等等下，原來等緊還有亞高同佢朋友，佢哋落咗嚟打機，我打佢哋尖，玩了陣，就回校圖書館準備PRESENTATION，又搵下溫書中的女友，之後落蘇明鋤DEE，鋤到四點半上113室，開始PRESENTATION，點知編了我哋第五組PRESENTATION，開頭ｄ組又耐，又過晒鐘，ｄ亞SIR又麻煩，又多嘢講，搞到我哋成五點幾接近六點先PRESENTATION，求求其其，都唔知做乜，完了咗去，我唔明點解人哋可以用4P、SWOT，我哋要用5 FORCES，都唔知5 FORCES係乜，PRESENTATION完，就搵女友，話晒女友等了我咁耐都未走，所以就送佢回家，再搭48X轉46P回家。

>>December 7, 2005 at 3:13:03 PM GMT+8

2005 年 12 月 5 日 星期一 【晴】

主題：冷凍天 今日又早早起身，七點幾就起身，執晒 d嘢，就搭0844個班3車，好凍好凍，出到去，先知傑仔同車，行到地鐵站，女友已到，就行返學校，隻手都係好凍；傑仔個衰仔係後面笑下笑下咁，我都係個句「拍拖好平常」，點解個個都好似咁怪咁，包括女友班同學，唔知點解呢？送女友上課室，之後返課室上英文，上了兩小時，返了咁多堂最有用的一堂，抽籤，同亞YU、小寶同亨利一組，MISS抽籤抽得好好笑，祥仔個組呢，又同邊個一組喎，還有抽到一組是缺席組，因為組內組員經常唔返。放BRAKE，同女友去食米線，食完又回校，今日時間快過平時喎。上SCM堂，亞SIR叫人出去解個ｄPOINT，人人有份就永不落空，亞SIR又揀得我早，揀個最易，解完又落堂，就陪士深佢哋去星仔記，軒仔勁講笑，搞到江仔忍唔緊，噴我喎，好彩少少咋，之後上LAW，又係唔知做咩，總之無聊地就咁落堂，落完堂，我就搵女友，陪佢去圖書館溫書，我做下FINAL PROJECT，坐到五點就出去蘇明坐，坐到五點半，女友去042聽嘢，我就回家，搭86B的3車，何車長係咁開快車，回家後就做FINAL PROJECT。個PRINTER唔係釘蓋嘛，真係佢個大制呀！！ 成日都陪唔到妳，又要妳悶！！真是萬分抱歉！！

>>December 6, 2005 at 4:58:53 PM GMT+8

2005 年 12 月 4 日 星期日 【晴】

主題：暖暖女友 今日早早起身，八點幾就起身，執晒 d嘢，九點幾就搭46X轉48X去到愉景，係愉景方便一下，就行去荃景圍天橋，剛剛行到就見到女友剛剛到，部59A都差不多時間到，好似早了一點，唯有同女友坐到出西九龍中心落車，再返校，咁樣可以見多陣，回到校，就過035上IE，因為IE堂成日無靚位坐，所以就過去先，無送女友上樓，上堂，打了陣NDS，諗下諗下，都係努力上堂，唔多唔少都係受女友關係，之後上完堂，就食星仔記，食完，買了ｄ扣，因為想改個袋袋口扣，上LAW，都無乜心機上，瞓了陣，落堂就傾PROJECT，女友又傾PROJECT，大家傾完，就送佢回家，諗住過長沙灣搭30，點知個人渣司機，明知17分鐘一班，就好應該開門，我都跑去追車，點知唔開，我唔信睇唔到，正人渣，之後女友驚我夜返，於是搭MTR過荃灣，送到荃景圍天橋，就搭48X轉46P回家，48X部GX7130，勁快，斜路好勁，上城隧大斜時，2波還有得去喎！！回到家，亞爸又叫我吔蕉～～ 女友令我溫暖，自己一個時，隻手凍到爆，拖住女友，就勁暖！！！

>>December 5, 2005 at 4:01:22 PM GMT+8

2005 年 12 月 3 日 星期六 【晴】

主題：飛公路的笨狗 今日十一點半先出門口，搭88K出廣場，出到去，等亞高，等到亞高到，就陪佢上醫務所打針，佢好緊張咁喎，打完，就四圍行，目的是等亞彬，之後見TOYOTA同HONDA的汽車單張放得咁出，就去拎好多份，之後上希爾頓食老麥，點知多人，就買外賣，過中央公園食，食完就去增值，增完搭81出佐敦，見一部AVBW剛剛走，去到匯翔道影相，影影下第二部AVBW就返到，即唔影，過返站到等，坐車頭位，因為唔坐，成程會好辛苦，又靜又舒服，去到元朗，影多陣相，就搭77K過錦田，轉51出荃灣，好正喎，出到荃灣，轉49X轉46X回家。 期待明天見妳！！

>>December 4, 2005 at 3:13:13 PM GMT+8

2005 年 12 月 2 日 星期五 【晴】

主題：自動波HIACE 今日十一點幾出了門口，搭1158開的隆哥車，因為今個月隆哥1車，搭到出去元州商場，亞高仍然係大圍，諗住影相，點知對面有堆車違例泊車，都影唔到，影得個幾張，等了半小時左右，亞高先到，之後去食米線，食完就搭MTR匯合DENNIS及其朋友，之後就過葵興打機，打了陣，就過荃灣再打，之後打完，買點嘢食，再係荃灣轉地方再打，將部HIACE轉自動波，好似好好多，打完落九巴服務站睇嘢，睇完，上圖書館搵料，搵完就搭49X轉46P回家。

>>December 4, 2005 at 2:34:57 PM GMT+8

2005 年 12 月 1 日 星期四 【晴】

主題：就是這麼簡單的 今日八點幾九點就起了身，成朝行行企企坐坐咁，坐到十一點幾，就出門口，一落樓，4部86B食飯，下班會係S1車返，想睇埋班S1車，諗下行出大圍火車站，但諗下諗下，費時女友等啦，搭803K轉馬鐵啦，去到沙田圍站，就順便係博康影下相，影完等多陣，諗住行去另一邊車站大堂，就見到女友行緊過來，之後搭馬鐵轉東鐵，總之有原因，其中一個係女友未搭過馬鐵，反正都係多一兩蚊，去到沙田，去了陣CITY SUPER、玩具反斗城、西田同無印，就一反常態搭48X轉46X，因為平時返工就係搭46X轉48X，去到荔景地鐵站，轉TCL入東涌，係車廠見到有K-STOCK擺係廠到。入到東涌，食KFC，之後玩了陣揸巴士，就落巴士總站影相，因為AA1入咗東涌，影完就行出東涌新碼頭坐，順便影風景，坐同影到咁上下，就行返入東涌中心，點知俾隻死蜜蜂追住我唔放喎，又唔係針我，都唔知係到做乜，點趕都唔走，之後終於走了，行過隧道，講了一些認真說話，點知女友有電話，打斷了～～無奈。入返東薈城行陣，就搭E31出荃灣，送埋女友上荃灣中心，反正真係唔熟個頭，就行去荃灣MTR，搭MTR~TWL去荔景，轉TCL落九龍站，特登試下係九龍站轉穿梭巴士過唔過到機，點知今次無反應，個人話過得，就理得佢ｌｕ，出到去，一休竟然望唔到我喎，匯合埋ASTOR，就開始食嘢，間嘢都OK，係貴了一點，食完就打機，係星光行無機打，上返新港，玩了灣岸同揸巴士，揸巴士～容易玩好多，東涌個到難玩好多，又唔可俾大油，加分又少，新港係貴，但完全唔同；玩完就打電話俾女友傾，邊傾邊搭MTR轉88M回家。 我追求的簡單，就是這樣。

>>December 2, 2005 at 4:42:44 PM GMT+8

2005 年 11 月 30 日 星期三 【晴】

主題：見唔到女友喎 今日係家到，亞媽晨咁早話去飲茶，我繼續瞓係張床到，點知到九點幾就有電話話10點至11點送貨，點知成十一點幾先到，全朝坐係到，係咁搵大陸巴士，純粹睇下樣，認下個LOGO，搵下搵下，金龍有三間，金龍聯合汽車（蘇州）公司（簡稱蘇州金龍），廈門金龍聯合汽車公司（簡稱廈門金龍或大金龍）同廈門金龍旅行車（簡稱金旅或小金龍），但好似之前分拆過，係近排又合返埋，原因係主力打宇通喎，有人裝機，部洗衣機，學完點用，亞媽又要捉住我教佢點樣用，之後食埋飯，搞多陣ｄ嘢，到三點左右先出門口，女友又係同一時間落堂，以前都可以擔保幾時返到去，改了時間表都唔知幾點開，1510先開車，開33車，出到去，今次係長沙灣徑落，上FREEBOOK PRINT個FINAL PROJECT，PRINT完交埋，就上KS，悶到爆，唯有計86B時間表，點知計得快得濟同有ｄ唔知點計，好快計完，唯有打桌球，去到5點半，就走得，諗來諗去，都計唔到個時間，於是行去北九龍裁判署，等到班3車唔上，等埋部S1車先回家，新時間下，S1車夾係3車同33車之間，FV5579係唔係上了S1，今日又搭到喎！！ 今日見唔到女友喎！！有點～～

>>December 1, 2005 at 3:52:00 PM GMT+8