2005 年 11 月 29 日 星期二 【晴】

主題：賽車日 今日約打機，搭ES5485喎，部3車出返，咁閃，部車反晒光，原來部車年驗完，點知部車飛得好快，半個鐘出到永隆街，同未改路個陣做出時間有乜分別，落到機鋪，就邊打邊等，但玩完晒都唔見佢哋，只係見士深，之後返去上LAW，都無心上，玩NDS，係到孖寶賽車，打到落堂，上3樓，放低個袋，女友就俾電話我，傾了一陣，遠望一陣，就上LAW堂，無帶NOTES，之後落堂去FREEBOOK PRINT嘢，PRINT完就食米線，食完又打機，打到四點幾，就落旺角交上網費，交完又返校FREEBOOK坐，等女友放學，陪佢搭地鐵去到葵芳，就轉46P回家。

>>November 30, 2005 at 4:30:24 PM GMT+8

2005 年 11 月 28 日 星期一 【晴】

主題：手牽手 今日終於知道新時間表，就計新時間表，都係咁啦，86B唔計時間，等到瓜柴都無車上，0844上3車，都唔知開了幾多日替車，部ES5485都唔知去邊，唔係轉掛牌話，部S1車已經ｒ爆頭，唔好呀，出到去，落地鐵站等阿珊，之後一齊返校，兜一兜就落返班房，上英文堂，越上越驚個EXAM會肥，似乎下星期或之前要溫書，落堂，就同阿珊食米線，食完就回校，上SPM堂，多趕住上，因為TEST唔合格，費時俾亞SIR點名話遲到，又扣平時分啦，落堂，又過星仔記坐同吹水，之後上LAW，上完，就係蘇明傾PROJECT加鋤DEE，玩到五點幾，等到阿珊玩完TENNIS，之後就上返青山道搭6號落尖沙咀。一休電話又唔通，就同女朋友行海傍，行完就過尖沙咀地鐵站搵埋ABBY，就上去JOIN埋一休同亞HUNG伉儷，之後去打邊爐，打完就送女朋友返荃灣，搭48X轉46X回家。

>>November 30, 2005 at 4:10:38 PM GMT+8

2005 年 11 月 27 日 星期日 【晴】

主題：普通的生日 今日好勤力，好早起身，因為去打機，九點五先出門口，落到樓，見勝哥泊食飯位，以為佢食飯，後來佢開車埋到來上客，先知佢同鍾車長～FZ7161#1車調了位，佢話部1車回到來先，就佢開先，但勝哥開車時，1車先返到，勝哥局走啦！時間表轉了，但佢都開返個舊時間，全程都了解改路佢哋會點，問會唔會加車，出到去，就落機鋪主力打灣岸，打完就TRILL DRIVE 3及2，就玩埋BG3，及PHOTO HUNT，就去MTR搵阿珊，阿珊唔係約了我咩，點解有個人係到，扮晒嘢路過，原來係阿珊個朋友，原來佢先係路過，一路傾計，一路返到學校重傾，係2樓陪多佢一陣，就落035上IE堂，上完，早了落堂，過星仔記食，食完就返去上LAW，上完就過西九龍中心，上豐澤睇洗衣機，兩個售貨員係咁叫俾錢，好似屈我哋買咁，激似黑店咁，之後臨俾錢又話無貨，又話俾晒全數，又話要代理商拎貨，雖然我讀過BMM，知道點解都會無貨，但勁似黑店，亞媽話唔要，好呀！上了實惠到睇，睇過下就過南昌街間豐澤，個間好好多，個人SALE得唔似黑店先啦，最後都買了一部，星期四送貨，方便了亞媽，但係‧‧‧算啦！！之後搭87B，搭中GL258，回到顯徑，抄埋86B新時間表先回家。 純真傳說 古巨基 Composers:曹雪芬/韋懋騰@宇宙大爆炸 Lyricist:林夕 Arrangers:曹雪芬/韋懋騰 Producers:張佳添/古巨基 畫公仔 雙眼外只得兩臂 有人說很歡喜 連我也歡喜 換新衫 不理會怎麼叫美 我們已很歡喜 *童年愉快因太易叫好 期求的多麼簡單自能做到 數指甲也當嗜好 得一個蠟燭加蛋糕 已想起舞 人大了沒有快樂隨手到 *我願我年年都似十四歲那天 別過年 別過年 最多天真不免膚淺 日日都拒絕看見明天 只是我們純真夢中化煙 不快樂 只因充實知識 在成長裡漸變 畫公仔 雙眼外只得兩臀 有人說很歡喜 誰說了不起 換新衫 不過為基本美 太難帶出驚喜 Repeat* 我願我年年都似十四歲那天 別過年 別過年 最多天真不免膚淺 日日都拒絕看見明天 只是我們大了要挑戰 憑那蓋掩如何赴戰 只得打爆機 主角那管幾多歲 唯有那個性沒有變 嬴是娛樂大概少不免 不似我似十四歲那天 別過年 別過年 最多天真不免膚淺 日日都拒絕看見明天 只是我們純真夢中化煙 不快樂 只因充實知識 在成長裡銳變 只盼望一生不用太深 願純真永未變

>>November 28, 2005 at 4:40:10 PM GMT+8

2005 年 11 月 26 日 星期六 【晴】

主題：總隊長訓練班～小學 今日五點半就起身，一落樓就見輝哥放工回家，去到巴士站就走了班46X，唯獨要追巴士，係顯慶樓個站追到，上到轉車站，見269D得兩個人等，都唔知要等幾耐，見有49X，即上，去到楊屋道落車，行去西鐵站，天都未光，轉輕鐵，上到頌富，就去大家樂食早餐，食完就過毅智，企同坐足全日都無乜嘢做，食飯，食完，就俾個電話阿珊，講了不久，又要開始，雖然都係無乜嘢做，但無理由全程傾電話，我做唔出，到采排，開始有點嘢做，做到完晒，還要陪爺爺入休息室食嘢，食完就等多陣換衫，換完衫就走，出到去，等埋ABBY就搭265B出旺角，搭車時，又打俾阿珊，落88 PUB飲酒，飲完，搭87B回家，臨過隧道又打俾阿珊，不過暈暈地，都識回家，回到家沖完涼，好快睡覺。

>>November 28, 2005 at 3:59:43 PM GMT+8

2005 年 11 月 25 日 星期五 【晴】

主題：又返大陸自閉 今日七點就起身，照舊執晒ｄ眼耳口鼻，七點幾就出門口，搭803K轉ER返羅湖，今日86B ｄ班次又係亂，見S1車是FV5579，係唔係上咗牌呢，唔駛插牌，上好晒喎！過咗關，見有B10M，奧特爾車，上呀上呀，下班係宇通，宇通唔係唔好，係好似迫夾一點，我就當然有得揀，就揀ｄ舒服一點，就連揀位坐都唔覺意揀了中門前，於是就好好咁使用張可調教角度的座椅，教到最低角度，返到虎門，轉蘇州金龍，落車個陣，唔覺意就好準咁叫有落，係正個街口落車，返到去，就悶死我，睇書聽MP3，食完飯都係咁，想玩狗都唔得，ｄ狗惡咗，到點幾鐘就話走，搭堅叔部車出虎門，轉深中旅豪巴，見部宇通有點特別，搭全程，大部分路程的睡覺，大部分時間都係塞車，部車好靜喎裡面，落車望下部車，原來部車杭州日產UD同宇通合作的豪華客車（回家先知係～萊茵系列），之後搭ER過沙田俾嘢芳姑姐就搭88K回家。望下86B部S1車，點解EH4005，邊部S1呀？？

>>November 28, 2005 at 2:41:20 PM GMT+8

2005 年 11 月 24 日 星期四 【晴】

主題：生活總離不開街機 今日都唔記SET鬧鐘，七點幾俾樓下班學生嘈醒，執晒ｄ眼耳口鼻，諗住搭0836班3車，點知班車成0844先開，班次到今日仍然如此，似乎我要捉ｄ師傅研究研究一下先，唔係點返學喎，兜一兜，又要睇時段，一條T3，就係到擾民，出到去，遲了好多，不打緊，有得點名就得，士深幫我簽名，似有個簽名刪除咗去咁，無無聊聊就落堂，之後就落蘇明玩，玩完就見IDA，傾了升學，就傾FINAL PROJECT，IDA俾了ｄ料我，好正，好過赤柱陳啦，亨利個衰仔唔走，原來是叫IDA唔好俾咁多嘢我哋，不過都知佢係玩，之後上PTH堂，本係265B，點知歐SIR改了去142，派PTH卷，鈴聽就29.5分，另外個份就27.5，亞SIR計錯數先31.5，之後阿珊到，就同佢去搞ｄ嘢，佢懶神秘咁，之後繼續上堂，上完又過圖書館搵阿珊，入到去見佢坐係死角，四圍都有人，就出返圖書館，打電話，搞到好似局佢出返嚟，無得溫書，係學校傾計到2點左右，佢就陪我出去食米線，食得超快，因為阿珊約了她媽媽，所以．．．我就標晒眼水咁食，早知唔落辣啦，出返地鐵站，就搭MTR落深水埗買線，唔係點聽MP3喎，因為今朝整爆舊個條，之後搭12，等了不久就有車，落到新港，當然又打機啦，灣岸、TRILLING DRIVE 3同東京巴士，玩完就搭K16轉火車轉803K回家。

>>November 28, 2005 at 2:41:59 PM GMT+8

2005 年 11 月 23 日 星期三 【晴】

主題：去街街 今日諗住可以晏起身，點知都係好早醒了，執晒ｄ眼耳口鼻，就按預計搭1155班31車，落到樓，就見GH5874同FZ7161，我以為部FZ7161是2車，但企企下諗下，食飯時間係2車最早食，咁依個時候，應該是31車>S1車>32車>2車，S1車就收工啦，點都無理由唔見了32車，86B都唔駛出大圍食飯啦，咁唔通班次好似塊板上寫咁有誤點，諗到咁，阮車長就準備開部FZ7161，即FZ7161是1車，即係有誤點啦，開車個刻，32車就到，即係無錯啦，即有誤點啦，出到大圍，乜要停大圍道個站，還要開個新站位FOR CUT線右轉入美田路，即依原有路線抵大圍道（要停積德里同大圍道個站）＞右轉美田路＞右轉大埔道北行（停美桃樓）＞入松嶺路（不停松嶺路個站）＞右轉上T3公路至油站出返大埔道南行，就係咁兜兜，就俾平時用多了時間，好彩今日是阮車長開，如果係鍾車長開，定必有排先出到去，亞媽今日一同出去，睇醫生喎，腰骨有事，希望無事啦！！出到去，望望個電話，都遲了返學校，行到地鐵站，阿珊已經放咗，係幸福就見到佢，之後出了去食麵，食完就同佢返學校，再傾多陣，就行出去深水埗，買了條牛仔褲，就上黃金睇嘢，之後再落龍威谷多兩谷部HIACE，就回校等阿珊放學，放完就同佢去V60個示範單位，無乜嘢做之餘，同肥RAY叫我去睇睇個模型，又話有嘢食咁，講到好吸引，搭MTR轉1號巴士，搭到西環先留意到係TD偈豪，好明顯就唔係我唔掂啦，原因是．．．大家估下啦！！！去到亞RAY就迎接我哋，係個示範單位內睇嘢加吹水，個到尚有SHIRLEY同DANNY KOON，重點人物不在啦，包括梁SIR啦，傾了好耐，就離開現場，就行了出海邊，睇睇個環境，日後有地方影相，之後就搭10仔出中環，又係TD豪，出到中環，就過三聯搵碟，搵完唔見有，就搭MTR落金鐘，上UA買飛，之後再去香港唱片搵碟，搵完就食個老麥，就入戲院，睇個套天國可人兒，幾好笑，有點愛情，尚有點靈異，幾好呀，睇完，就同阿珊搭MTR返荃灣，再行去荃景圍，就搭48X轉46X回家，係轉車站個到，條路重鋪，整了個臨時轉車站，勁騎呢啦！！86B部33車咁早走，唔係2327已然係雲疊出美孚，唔係開2400咩？？返到顯徑，見部30車泊埋坑到，好似尚要跑多一單出美孚喎！！

>>November 28, 2005 at 2:42:16 PM GMT+8

2005 年 11 月 22 日 星期二 【晴】

主題：照樣谷部HIACE

今日都算早起，因為約了亞高同DANIEL去BOOK機打，我一落樓，諗住睇通告，點知分站無得睇，去總站睇又驚MISS咗班車，早知去總站睇下張通告，因為陣間就知，搭FB8886，前80蛇車，上完87B後又甩牌，估唔到現今又行80，估計替蛇車啦，出到去九龍灣地鐵站個站，一落車，就等佢兩個，又順便望望電牌的字粒，1A個批新AVW好似倒轉咗咁，佢兩個夾得很，因為一同遲到，一齊遲，但係搭唔同車喎，過838機鋪，點知無得BOOK，上德福打，揸巴士（唔使控制油門柔順）同灣岸，加埋BG4的卷腸粉，之後落返德福食飯，食吉野家，食完又過返838打灣岸，打完就過圖書館搵料，搵完就搭13D過奧海繼續打灣岸，因為亞高有朋友在此，打完就搭87B回家，車程就同人傾電話，點知傾傾下，傾足全程巴士，都好似未試過傾咁長電話。回家要執86B資料，大檸樂，唔記得睇張通告，上KMB網頁啦。今日用了不少錢谷部HIACE，傻咗！

>>November 24, 2005 at 2:48:05 AM GMT+8

2005 年 11 月 21 日 星期一 【晴】

主題：谷部HIACE

今日早起，都係個暖暖的被窩，都係有點捨不得，起身，搞左搞右，就只趕到0900班車-HZ6722，愛坐位置俾人霸了，咁唯有樓上車頭啦，0900開唔到，因為遲到，開0904，24/11/2005就改路，至少明天要開始做嘢，一定要記住，唔係點做86B個板出來，但張通告到今日都未睇過，但點行，大約都知道，出到永隆街，就回校，上英文，都係同平時咁，落堂，諗住落返蘇明門口先打電話俾阿珊，點知一出課室行了一段路就收到佢電話，原來佢在我後面，就同佢出咗去食星仔記，傾了好多嘢，關於我昨日返大陸ｄ嘢，傾下東傾下西，段估沒有悶親阿珊，返校，陪佢過SAO，其實似係局佢行過去，因為我係165A上堂，佢係213-214上堂喎，過SAO係兜了成個大圈，我反正順路都係，點知上到去，SAO無開，之後我就返課室，SPM派卷，有32，肥了一科，都算係咁，無溫過都有32，還以為自己廿分都無，提早落堂，之後就同士深打機，我玩灣岸，谷行部HIACE去，使HIACE更快，贏了GTR感覺更怪，打到1430，就上LAW，士深俾埋IE卷我，有53分，好！落完堂，等埋阿珊，傾了ｄ嘢（跟佢～唔想比人知．．想知？自己親身問我啦），同亨利搭MTR落灣仔，行荔景個邊，兜埋阿珊，去到荔景，見返明仔，落到下層，見到士深同文俊，搭埋TCL轉ISL，去到灣仔，姨丈不在，就落玩具街睇點嘢，睇完，就上電腦城，都無亨利想要的NDS套，落返去搵姨丈，搵到，俾埋ｄ嘢佢，就落188，之後見到有NDS套買，買完就搭MTR過尖沙咀，我上去搭NR82，改了新站，都唔知邊到上車，我企係個站牌，原來唔係個到上，就咁MISS了班車，重要俾條青衣兩線站長話你企係到咁樣睇唔到你，第一，你兩線停係到等客，咁叫其他線停邊到上客，第二，運輸署不嬲亂咁做，都無話邊ｄ總站等客，邊ｄ分站即走，沒有分。到最後搭下班車，搭HINO車，第一次搭，起步不錯，之後就回家。

>>November 22, 2005 at 3:54:07 PM GMT+8

2005 年 11 月 20 日 星期日 【晴】

主題：入伙酒（我絕無飲酒）

今晨早就給父親叫醒，暖暖的被窩，真的有點捨不得，準備了好久，就出門，於是就搭803K去大圍，轉搭ER去羅湖，真的好多人，過關後，就過巴士站，又搬了位，好彩剛入總站時，看了看位置（唔玩了，打返平時咁打），差不多行到去，諗緊會唔會有新車，當然想就係VOLVO B12M，點知望到部西雞咁樣，係IRIZAR個殼，但無了個LOGO，大陸車一部，係唔知咩公司，就連間營運公司都唔知咩公司，個間是深中旅豪巴，上到部車到，都感覺幾豪，車廂內聽引擎聲，勁似個ｄ細車引擎，係講唔出咩細車，上到公路，去到長安個頭，見到側邊有部宇通十米的豪華客車，見下個LOGO，再望望太陽擋個LOGO，一樣，三條向上彎︵的線，即係宇通客車，哈哈！第一次坐國貨客車，但ｄ VOLVO B10M，好似少咗，因為又見到有一些三通的日產加宇通合作豪華客車，咁由兩間的裝運及奧特爾，變做四間公司營運，去到虎門，轉蘇州金龍，等成世都未開車，去到南柵，就行路返去間大屋，成日都開始悶，一係睇書，一係玩電話，一直悶到食飯，食完飯就更悶，返自己房之後又睇書，睇睇就睡覺，反正張雙人床，瞓下醒下，又睇下書，直到三點幾，就話走，坐亞叔車出虎門，就搭裝運的VOLVO B10M，唔算太快，去到南頭，我拎定張回鄉卡，等個公安檢查，點知個死懶鬼，檢查了半部車就當檢完，出到深圳還要塞車，望下望下，大陸翻冒的速度真勁，URVAN頭+HIACE身的混種，已經出現係各大小街道上，之後過關又要填表，都唔明ｄ人唔識填，要偷望人哋填乜，但個ｄ係個人資料，知唔知咩叫個人私隱，有把口唔識問人。過完關，就搭ER返大圍，亞爸話搭803K，多人到爆，等成十多分鐘先有車，俾多$2.70，上803K個刻，已返到家，算啦，回到顯徑就回家。

>>November 21, 2005 at 2:36:49 PM GMT+8