2005 年 12 月 29 日 星期四 【晴】

主題：NIKON D50 今日成九點十點先起身，一早對住部腦，直到女友到了顯徑，帶了佢四圍行下坐下，之後就搭88K，係部KC7800喎，之後就出到康文署，女友去交FORM，交完就去買遮，都OK唔算太貴，四圍搵嘢食，點知想食個ｄ就好多人，搭48X過荃灣食啦，上部AD，收$3.10，係喎88K轉48X喎，但乜依個方向都可以ｇａ？？唔理，總之平咗就可以，之後都建明街／富華街，轉39M，依程就免費，上到荃灣中心，食老麥，食完就見到久違的亞旋，原來佢係荃灣中心教琴，送埋女友過對面就走，行到愉景天橋，女友打電話收到消息，好彩上部MP3上得快同行得快，同無行對面落地鐵站，唔係就要見家長，去到荃灣地鐵站，搭MTR落旺角，等亞堅到就四圍睇D50，同夾價，最後到永成，做$4780，如果做24個月分期，就收多5%，即埋單就$5019，每月都係$209，唔過自己預算，所以食完十蚊粉麵就拍板，之後買完，落了鴨寮街買腳架，買完，總之又唔見一部分錢，上返黃金睇嘢，睇完就買下雜誌，因為個柔光罩原價$200，現在$18隨書附送，雖然現在暫時無用，日後有燈就唔係咁講，至少節省$182，值得一買，回家搭86B#2車，今日用了洪哥部FV5579的蛇車，重點個樣係鍾車長開，超慢，又諗起女友講95A個亞伯。

>>December 30, 2005 at 5:09:29 PM GMT+8

2005 年 12 月 28 日 星期三 【晴】

主題：一個月了 今日一早起身，成十點幾先出門口，預計搭1102開的3車，但唔知點解，班3車就係到，但剛剛到的隆哥，話剛剛有車走，同時契娘想係背後嚇我，點知隆哥唔通氣，叫我向後望，之後隆哥趕食飯，同契娘吹水，同時林哥又到，因為佢蛇車收工，林哥又問我現在做乜，林哥走後，同契娘講多兩句，佢就話瞓覺，等到1110，班3車都未開，堂哥都到，準備開車走，其間佢話我上次俾足錢，俾足錢都俾人話，有點無奈，等到1119，班3車先開，都唔知點出依個時間，搭到出去，買點嘢，就回校傾PROJECT，傾了不久，就鋤DEE，玩到點幾，女友回到校就走，之後陪女友過SAO攞嘢，就出了滙豐，多人到爆，等了好耐，女友入完數，就食米線，食完就買波鞋，之後再落鴨寮街睇嘢兼買嘢，再過三和睇睇，無嘢買，行了落荔枝角，諗住搭30，點知又係AA，唯有搭MTR啦，去到荃灣，行上荃灣中心，買嘢兼食嘢，就送女友回家，搭48X的GW7044，學洪哥聽下部車，好似部車有點壞喎，去到眾安街上爆部車，好多人喎，以為可以飛站，點知站站停，捱了好耐上到轉車站，之後轉46P，其實可以上46X，因為人多，所以上46P，之後回家。

>>December 29, 2005 at 4:51:50 PM GMT+8

2005 年 12 月 27 日 星期二 【晴】

主題：工展會 今日十點幾被亞高電話叫醒，到十二點先出到門口，首先匯合亞彬就搭契娘車出大圍KCR，轉KCR啦當然，去到旺角轉MTR，過到灣仔，就落機鋪匯合DENNIS同亞高打了陣機，之後去食嘢，間鋪早五分鐘放我哋食下午茶，食完就搭電車落天后，上蘋果商場的MSD睇嘢，之後就落工展會，同上次去咁，無乜料到，只係喺80M買了個膠錢相，同大嶼山的士遙控車，之後跟DENNIS同亞高落尖沙咀打機，玩了多鋪都輸，打完就搭KCR轉88K回家，食完飯搞埋ｄ嘢就落中心開會，開完就回家。 今日朝早交完水費後就瞓得唔好，所以全日都有點偶同燥。 今日女友起勢咁唔聽電話，哈哈！

>>December 28, 2005 at 5:06:57 PM GMT+8

2005 年 12 月 26 日 星期一 【晴】

主題：返工 今日返工，早早起身，搭46X轉48X就一定，今日遲了一班車，但係今日係ATR喎，轉48X，個司機好似未瞓醒咁，去到建明街個站落車，諗住一落車向後行，點解ｄ景物同昨日唔同，至少唔係天橋底，個司機停了舊站富華街，真係未瞓醒咁喎，今日遲了，唯有搭234A的AD，同昨天一樣，HA9056#4車，因為都係上層壞了一部電視，同樣地亦係荃景圍天橋就見到阿珊，一同回到去，今日全日都係吹水，無聊，食飯，昨日比亞RAY考起，昨晚搭46X去到海福花園望一望一部88K車尾，係HG4437喎，未望到個車牌就醒起，真吹脹，還等我勁諗勁諗咁，放工，搭公司車，出到去荃灣，約了女友同兩個朋友（其中一個是久違的朋友），去豐盛打邊爐，打完就落新之城間機鋪，玩巴士，當然今次回到終點啦，之後行出西鐵站兜兜，兜完就送女友回家，就搭48X轉46X回家。

>>December 28, 2005 at 5:02:05 PM GMT+8

2005 年 12 月 25 日 星期日 【晴】

主題：返工 今日返工，早早起身，女友亦都有叫我起身，搭3AD#46X轉48X，去到大河道，剛剛離站，點解下一站係建明街，原來係搬了站，移前少少，上去新之城個廁所，落返去，走了班234B的AA，唯有搭234A的AD，係荃景圍天橋就見到阿珊，一同回到去，今日全日都係吹水，無聊，食飯，比亞RAY考起，88K只欠一部掛牌車，勁諗勁諗，個樣嚇倒阿珊，醒唔起，放工，搭公司車，出到去，見早收工，落了愉景睇TOMY車仔，睇完就行去荃景圍天橋搭48X轉46X回家。

>>December 28, 2005 at 3:58:05 AM GMT+8

2005 年 12 月 24 日 星期六 【晴】

主題：賣獎卷 今日都遲了出門口，原因是當七點鬧鐘響，亞爸亦都同時入緊廁所，到我執埋ｄ眼耳口鼻，出門口搭803K轉埋KCR都0830到紅磡KCR，其實係遲，食埋早餐，間美心好多嘢食，合自己個ｄ得幾種，但價錢又貴喎，最後都係要個中式早餐，糯米雞，隻雞塊葉就包得好大，份量係隻珍珠雞多ｄ，有點受騙，到開始賣獎卷，好快賣了自己手上個六十張，之後再賣其他長官，賣賣下，被人話阻住做生意，我行了咁多次紅磡KCR，你間鋪頭都無人入去買嘢，無生意得個賴，之後同亞堅落理大條天橋試位，個位去得好快，不過途人望住有點怪，話晒全套冬季軍裝賣獎卷，上返去紅磡KCR食飯，又係全套冬季軍裝買老麥，穿制服有雞翼送喎，正！食完又落去理大條天橋賣，賣到四點幾上紅磡KCR點數，咁大個仔，第一次點咁多硬幣加紙幣，點完，就換衫，送埋亞輝上的士，就搭K1落九龍站等埋女友，就行去西九龍海濱長廊影相，影完就入海港城，同星光行，女友要係CITYSUPER同商務買嘢，好彩今次係CITYSUPER無乜嘢，買完晒，就落海傍睇超無聊的激光匯演，一來唔知睇乜，二來又多人，睇完，就去行廟街，順便食煲仔飯，食完行埋廟街，之後搭30X，送埋女友，就搭48X轉46X回家。

>>December 28, 2005 at 3:57:48 AM GMT+8

2005 年 12 月 23 日 星期五 【晴】

主題：平安夜 今日一早搞下電腦ｄ嘢，到點幾先出門口，搭46X轉48X去到愉景，接埋女友就搭E31入東涌，係東涌食KFC，食完就過去東涌巴總搭11入大澳，坐新亞殼五十鈴，差點忘記依批係LT132喎，去到就行出石仔埗碼頭坐同影相，影完就出返去，行行下去到個公園玩了陣，之後就搭11出返東涌，係東涌打了陣機，點知去到尾站就GAME OVER，頂！！搭MTR出尖沙咀，出出下，發仔話唔舒服，提早完，於是同女友係長沙灣出了站，女友話要食車仔麵，四圍行，行了好耐先搵到一間，食完就行落長沙灣巴士總站，搭30，個司機唔記得轉方向，過完機先轉，咁就$4.50，包個上層包到去葵芳，正！上到荃威，見EL5113喎，行39M，送完女友，就搭48X轉46X回家。

>>December 26, 2005 at 2:24:20 PM GMT+8

2005 年 12 月 22 日 星期四 【晴】

主題：好火 今日遲了起身，簡直有唔願郁的感覺，到九點十先出門口，上徑口路搭81，因為最快出到佐敦，出到去，都遲了，遲到三、四個字，搵埋LEO，就上汪師傅做制服，汪師傅個到有呔買，$30一條，即幫PENNY執條，做完，就落毛小姐到做帽，提做完工，送LEO落MTR，就去了打機，都好好火，都係因為ｄ交通車阻住晒，打完出到去，沿彌敦道向南行，睇有無嘢買，最終去到尖東站先買到，之後搭ER落旺角，匯合亞彬，落上海街食飯，食完就上旺角車站搵PENNY，後加埋KEN，又話KEN唔到呢~~落返旺角軍用鋪頭，再上國際，再返旺角軍用鋪頭買BELT，間軍用鋪頭ｄ人態度越來越差，都唔明，去佢到買嘢都黑口黑面，都係個亞叔好一點，之後離開，落窩打老道，等7號的JH3385匯合亞高，去到尖咀機鋪，就邊打邊等DENNIS，打打下又四挑，總之係差一點，都唔明點解追唔到，差不多鋪鋪我都做尾，我哋三個不停換對手，其實玩玩下都只係想三挑，有條粉腸，剛剛挑完兩鋪，又有星星贏，我哋三個擺都明唔想再同你挑，已經取卡再入，還要等到你按埋REFUSE先入，你條粉腸又要入返嚟挑，玩玩下發脾氣，反正都輸，超火滾，真係好想打人，其後就走，四圍到機鋪睇，又落埋港晶個間機鋪打，都有星星贏，不過自己好衰咁夾人隊落部貨車到，打完就搭ER，係車尾第十二卡，落車後，行去田心村搭803返顯徑之後回家。

>>December 23, 2005 at 3:39:08 PM GMT+8

2005 年 12 月 21 日 星期三 【晴】

主題：GZ8642 今日只係返KS，一早起身就做KS，做到三點幾都未完成，唔理，一出門就上徑口路搭1車出去，畢竟快一點，出到去，第十個PRESENTATION，無乜所謂啦，PRESENTATION時好緊張，因為無乜準備，完了，就衝落MTR搭去深水埗黃金買MOUSE，買完就趕上北九龍裁判署個站，搭S1車，估1804左加會到，點知等到1811先到，今日係部GZ8642的AV，得到車頭位企，又多人又塞車咁，就係咁同洪哥傾了好多，原來佢話部EH4005好勁，因為同大偈溝通過，部車好好，好適合佢喎，但唔知點解轉了FV5579俾佢，佢諗住揸埋EH4005到下年十一月，因為EH4005於下年十一月到期，點知掟EH4005做士啤，佢勁LIKE天冷駕駛VOLVO車，唔會太慢，其實佢喜歡VOLVO車，佢又話駕駛21年車，講了好多，收了好多料，之後回家，打邊爐做冬，到夜深，打個電話俾女友，因為今日好似無乜傾過咁。 NEW JOHNSTON字體出報告都不錯喎，今日試過效果唔錯。

>>December 22, 2005 at 5:10:13 PM GMT+8

2005 年 12 月 20 日 星期二 【晴】

主題：KING KONG 今日返1030，就特登搭洪哥十點開的S1車，今日開返1002喎，真係呀！出到去都遲，上LAW，又話咩PRESENTATION，點知話我哋PRESENTATION內容錯晒，條問題都唔知問咩，算數，反正平時分都合格緊，空堂，打NDS兼鋤DEE，之後上IE，上完，又食米線，食完就搵陳SIR，都OK明佢講乜，個結論得一個，有嘢做，之後鋤DEE，點知話搞PARTY，又趕我哋走，算數！執嘢！有人拉我條腰帶，我諗緊邊個拉呢，無理由江仔，江仔都唔做，原來係女友，差點爆了粗喎！！上一樓平台玩，原來江仔坐係亞軒同亞希中間，亞希就勁輸，玩到有人趕，就上FREBOOK坐，等到女友放，點知UPLOAD唔到，搞了好耐，女友又返去213-214搵朋友，到我行到附近等佢，見到亨利未走喎，坐係到睇漫畫等夠鐘。我同女友就走，即過青衣城，去GH買KING KONG戲飛，入到睇，睇了三個鐘，睇睇下一定唔肚餓，因為有ｄ位好核突，睇完就去KFC食嘢，食完就行去青衣警署外，搭243M過愉景，去到愉景，就送女友回家，之後搭48X轉46X回家。

>>December 22, 2005 at 4:52:55 PM GMT+8