2006 年 1 月 30 日 星期一 【晴】

主題：珀麗灣 今日又算早起，執埋ｄ嘢就十點幾出了門口，坐3AD#46X上城隧，個司機開得幾快，係ｄ紅燈同人比較多ｄ，又係上到城隧公路，又係差不多到平路都有部73X爬頭，不過今次係AD，情景一樣，係車好似對調咁，過到轉車站，73X走了，搭49X，雖然兩部一齊到，但多人兼行好遠，都係唔搭，搭278X，TD偈3AV，去到西站，因為唔想見家長，所以約女友係西站等，等緊女友時影相，等到轉埋船入珀麗灣，四圍行同影相啦，行埋百佳就搭VOLVO B7R出青衣，但好耐無搭NR330的B7R，都唔記得八達通機同錢箱放邊，同B7R好耐都無搭喎，出到去傾今晚個餐都ｒ爆頭，同時又過了長發食茶餐廳，食完就沿青衣南橋行路出葵芳，出到去打了陣灣岸，今日不在狀態，所以唔係好掂，打完去食大家樂火鍋，食了好耐，食完就搭MTR過荃灣，想打機，玩巴士，唔夠個肥仔快，因為我想上去，個肥仔，飛快係另一邊上了去，打灣岸，不在狀態，更加唔得，兩鋪都有兩粒星，之後想跟返玩巴士，點知又有人跟緊，都係走，送女友回家，就例牌咁回家。

>>January 31, 2006 at 5:16:41 PM GMT+8

2006 年 1 月 29 日 星期日 【晴】

主題：放煙花 今日都算早起，一早執網頁ｄ相，塊到五點幾，就搭46X轉48X，搭46X，諗住部EU牌AD開，點知搞牌又唔知去邊，等又等得耐，最後開部F牌AD，人又多到爆，新翠未上晒客都頂閘，海福花園個站條人龍排到水蛇春咁長都係只得個望字，上城隧公路，差不多到平路都有部3AD的73X爬頭，講到尾都話46X唔夠車啦，有31部車又點，得14部正字軌，其餘咪蛇車，假日咪多個幾部蛇車，一多人起嚟咪又唔夠用，唔好話咩，平時都係緊緊夠，最唔明48X又係城隧線，部車成日都空空咁，46X~~唔頂到前後閘關唔到門咁款已經偷笑，講到尾，唔CUT車已經好好，因為馬鐵通車，都係成個沙田區線CUT了個百幾部車作怪，轉到48X都唔係好事，都係得個迫字，去到愉景，匯合女友，就落投注站買張六合彩，反正金多寶，之後搭MTR落金鐘，諗下諗下，多人，試下係金鐘出，揀個近會展的公園，SET晒機咁啦，之後就影煙花兼睇煙花，睇完就搭MTR過返荃灣食嘢，大家樂火鍋就無，就過對面食米線，食完唔夠爆，諗住買碗仔翅，點係個碗仔湯飲，成碗湯咁，口感好差，我對食無乜要求，都唔好咁啦，行去福來邨食，食完就送女友回家，然後例牌咁回家，差點要見家長，好彩好彩。部46X勁快到，除了48X條隊之外，最少人排隊就有車，見咩73X等等就好多人。

>>January 31, 2006 at 5:19:28 PM GMT+8

2006 年 1 月 28 日 星期六 【晴】

主題：年初一 今日仍瞓得好好哋，但亞媽早早叫醒我，之後不夠十點就出門，搭88K轉ER，因為88K剛巧是熱狗，咁就去到羅湖，港方依邊個大堂越來越靚，指示牌就越來越模糊，甚至唔見有，E道就多，但唔太多人用，人手個ｄ，排隊排到似輪街症，等到頸都長都係原地無郁過，大陸個邊下層又搞乜自助過關，都無人用，人手個ｄ，人龍比港方還要長，以倍數咁上，我同亞媽落到下層，諗多兩諗，聽到樓梯口個人話上面都有得過關，於是又上返去，點知排都唔駛排隊就過得關，搭豪巴返虎門，俾了三通的宇通，型號就唔係好記得，簡單一點是抄PB殼個款，車上勁多不明飛行物體，原來係蚊，去到虎門，轉巴士入南柵，等勁耐先有一部，人又多，等得耐又坐耐，臨落車又俾人阻，又俾個售票員叫落車入埋落門到，咁行到先得ｇａ！！大姑！！行到去，叔公未到，早知咪咁趕啦，全日無乜嘢做，行行企企同埋坐，打下電話俾女友，食飯前後都係咁，食完飯坐係到睇許氏三兄弟的賣身契，勁好笑，睇完叔公等等親戚先到，依個係乜水，嗰個又係邊個，完全唔知，亞爸又唔知去咗邊，好怕依ｄ場合，於是上三樓，亞爸係到喎，都係自閉係三樓一陣，係房打電話俾女友，收得唔係好清，出露台傾，點知一大風，我就被困，傾完就搵亞嫲求救，亞嫲耳仔唔好，都唔係太知我講乜，好彩係廚房的亞媽聽到，要勞煩亞媽上去開門。食埋飯，就坐叔公的車出虎門，轉豪巴，今次坐VOLVO B10M的裝運車，一上車好眼瞓，瞓瞓下聽到陳奕迅－十年的MTV，個陣醒醒，都已經去到南頭，睇下檢查站駛唔駛CHECK證件，直行直過，好似農曆新年一向都無人CHECK喎，因為放假。過埋關，香港過得特別快，之後搭ER，去到沙田，匯合姑姐兼俾嘢佢，姑姐成日都係咁，俾嘢我之餘，又夾ｄ錢落去，我哋睇兩睇，佢又驚我哋唔收咁，搞了一大輪，搭88K，等到權哥部車到，我等亞媽上先，排我後面的外藉傭工撞開我，我未俾你上先囉，但係佢連佢要睇住個老人家都唔埋，自己上咗車先，即俾兩個僱主鬧，兩個僱主又勁同我講對唔住，咁嘅外藉傭工都有。之後回到顯徑就回家。 更新了2006 年 01 月 28 日 星期六 日記

>>January 31, 2006 at 4:29:42 PM GMT+8

2006 年 1 月 27 日 星期五 【晴】

主題：116S 今日都可以晏起，用新袋裝相機，舒服一點，今日又唔記得係假日，搞到自己諗錯嘢，上徑口路搭81啦，搭到出去，JOIN埋STEVEN，CRYUS同亞青，想過譚仔記食，但幾間都無開，最後都係去返自己去開個間米線食，食完，就過荃灣搵女友行街，未過前，就幫女友搵碟，搵多兩搵就搵到，去到荃灣，互買嘢俾雙方家長，又順便上金星打機，玩巴士，四圍行多陣，就搭39M上荃灣中心食老麥，食完就送女友，之後搭返39A落大河道，轉紅VAN上慈雲山，好快上到去，係老麥坐多陣，飲下嘢，搞埋ｄ嘢，就出去影相，等師傅開部ATE到，今年又係佢開頭車，佢特登攞ATE，因為電牌車，沿途亞高同亞彬，先後上車，去到銅鑼灣，依部116特別車，都幾快，影完相又搭返上慈雲山都算快，不過轉了特別車116，去到影下相，轉搭下一班師傅車，因為係新ATE的MF341，但行了五百公里的新車，係第一個分站，終告壞車，轉下一班3車，又係師傅車，出到去就影相，之後過老麥食雪糕，然後影多兩影，坐N116的師傅車過紅隧口轉N281回家。回家前，有點肚餓，買碗生菜魚肉，係7仔附近食，食食下見到輝哥，之後就回家。 一車師傅講了個笑話，又係ｄ客等車，等了好耐一見有車，上車即罵司機，內容係咁ｇａ：「成條線死整你一個，咁耐都無車。」 繼契娘講「人渣」故事又一好笑故事， 而人渣故事係ｄ客等車，等了好耐一見有車，上車即罵司機，內容係咁ｇａ：「人渣！」個司機即反駁話，「依部車係人揸，唔滿意的話你落車到今晚先搭。」

>>January 30, 2006 at 5:06:59 PM GMT+8

2006 年 1 月 26 日 星期四 【晴】

主題：胡椒噴霧 今日一早起身，整理晒ｄ嘢，就等女友到，佢上到來，坐下咁啦，食埋個杯麵就走，搭88M轉MTR出灣仔，女友要交FORM，搞完晒就過去睇玩具，多人到唔想睇，落天后都一樣，上了間TOMY鋪頭睇，睇完（因為見女友好悶）過埋MSD買埋部TOYOTA SUPRA警車，就入維園年宵市場，行了兩行，就見到個吹氣警察圓型盾牌及方型盾牌，及警棍，個盾牌顏色好似調轉咗，其間諗到個好好笑笑話，行多兩行女友就早走，搭MTR過銅鑼灣，就JOIN埋一休同乖女等人再行維園年宵市場，行了好耐，就搵嘢食，搵了好耐，食了揚州炒飯就上世貿中心打機，玩灣岸，都有星星賺，但今日不在狀態，打完搭MTR轉88M回家 個笑話係：亞媽鬧你，你就攞起盾牌同警棍兼話：「警察」；當亞媽攞起滕條，你話：「警察，請放低武器，否則使用胡椒噴霧」，然後即走去雪櫃到攞樽胡椒粉倒出來吹。對於小朋友一定有效。

>>January 29, 2006 at 4:23:03 PM GMT+8

2006 年 1 月 25 日 星期三 【晴】

主題：128張相 今日一早起身，整理晒ｄ嘢，就搭洪哥部FV5579，佢話部FV5579靚了好多，比EH4005還要靚，搭到去美孚，就一直影相，因為練用部D50影相，因為忘記了洗相，影到百多張，就要轉卡，都成十二點，女友就係依刻俾電話我，佢早走咗，於是行快一點回校，回到校，同女友四圍行，行完就去食米線，食完就行落黃金買嘢，買完就行落去奧海城，想睇示範單位，入口就唔見，於是就係許留山買嘢飲，買完就搭33A回荃灣，送埋女友回家，就搭48X轉46X回家，好彩沒有被吸引搭46P，46X個部還要是ATR-電躉。

>>January 30, 2006 at 5:23:42 PM GMT+8

2006 年 1 月 24 日 星期二 【晴】

主題：TOMY 今日一早起身，就過亞高家影TOMY車，搭803K轉MOS，過到亞高家，拆盒影相，再裝盒，就回家放回ｄ車，之後抬MOS轉803K，回到家，就搭88M出去，剛剛走車，要追車，出到去見亞高同DANIEL等緊，之後搭MTR，出到天后上MSD睇嘢，再過隔離睇埋TOMY車，有好多絕版車，由幾十蚊到幾千蚊都有，睇完落維園80M睇，都無嘢睇，食老麥，食完就去打灣岸，有星星賺，過埋一百粒了，終於成為B1 CLASS，打完就搭H2，勁兜就去到香港站，轉MTR落九龍塘轉88M回家。

>>January 25, 2006 at 4:41:58 PM GMT+8

2006 年 1 月 23 日 星期一 【晴】

主題：考SPM+打通宵麻雀（下） 昨日打埋篇日記，就開始眼瞓，於是就係沙發到瞓下瞓下，但亨利有隻行來行去的狗，驚佢跳上我到，但瞓下瞓下就唔理，一瞓就瞓到六點幾，打多陣麻雀就離開，好笑，我講緊隻狗，都幾好笑ｇａ，之後搭MTR轉46X，去到隆亨探梁婆婆，探完就去食嘢，食完回家沖涼，沖完涼又準備出門口，約亞高，搭1318的86B#3車，出到去，就同亞高食米線，食完就過雷龍同龍威睇人打機，因為無得位打，落東波，有位，又可以賺星，有97粒星，就離開搭2號AVW3落尖沙咀，上去間國際車迷會睇嘢，睇完就去港晶樓下間機鋪睇下有無星星賺，點知無，上完圖書館就搭ER轉88K回家，基哥車，好耐無搭佢車。

>>January 25, 2006 at 4:08:09 PM GMT+8

2006 年 1 月 22 日 星期日 【晴】

主題：考SPM+打通宵麻雀（上） 今日一早起身，搭0818開的32車出去學校溫書，溫完就考SPM，都OK，做完，就照舊落龍威打機，今日只攞了8粒星，WIN了兩鋪，玩到換完卡，就落旺角行陣，之後去唱K，唱到接近七點，就行路過奧運站搭MTR過東涌，打了陣機，就落百佳買嘢，之後搭S64，過到逸東，上了亨利家打麻雀，現在仍通緊宵。

>>January 23, 2006 at 6:46:14 PM GMT+8

2006 年 1 月 21 日 星期六 【晴】

主題：總監檢閱禮 今日五點九就起身，未過六點半就出門口同上了小巴出大圍，去到大圍就匯合ABBY，就搭ER落紅磡，轉116，未到七點到三越，天都未光，等齊人就搭的士入HKPC，舊名就係PTS，現在叫香港警察學院（HKPC），我見到個名即笑，即問有ｄ咩文憑讀，今日操，沒有代表自己部門，過了策劃及程序署幫手，自己部門只得諾仔，終於唔駛代表自己部門兼尚要係右方基準員，個位練得唔熟，真係好大獲，去到策劃及程序署，跟大佬光，好呀！一句自由發揮，就係咁，大家都好亂喎！！！正場，總監檢閱，行到嚟，問我部門，真係好想答發展及訓練署，最後都答了策劃及程序署，總監問讀書定做嘢，答讀書，再問讀咩？答IVE，佢唔知乜來，林醫生話工業學院先知乜來，操完，就換衫過珍寶海鮮舫食飯，食蝦餃燒賣加油菜，噢！！～～食完，就搭71出中環，搭MTR轉88M回家，之後沖涼就瞓了陣，女友就係依個時間俾了四個電話加一個SMS，但就乜都收唔到，要佢擔心ｔｉｍ！！！～～～

>>January 23, 2006 at 6:36:17 PM GMT+8