2006 年 1 月 9 日 星期一 【晴】

主題：冬天富豪 今日八點幾起身，就搭洪哥S1車，佢部FV5579又壞了，都係個避震有問題，昨日用GF3087，今日用的是GX6858，原來佢昨日部GF3087足足壞了兩次（夜晚回家見到開80喎），過車都過了兩次，冬天富豪係快一點，好爽咁啦，不過俾多$1.30就……回到校都無傾，做下其他嘢，女友都回到校，坐多陣就去食星仔記食嘢，食完就回校傾多陣PROJECT，女友好火，因為個科嘢考得唔好，唔好咁啦！！！傾完就落旺角陪女友買電話殼，但好似無以前咁多，買完就落女人街行，行完出柏景灣搭33A，點知咁好彩係部AS1，好多人搭，去到如心廣場，女友就陪我等車，唔係就唔開心喎！！哦！！我上48X，而佢就剪髮，去到昌榮路見有班46X走了，咁就搭46P的AL回家，回到家睇B2板先知33A CUT車，唔怪之得咁多人啦！！

>>January 10, 2006 at 5:03:55 PM GMT+8

2006 年 1 月 8 日 星期日 【晴】

主題：SET B 今日晨咁早起身，執晒嘢就過女友到，因為要送部焗爐過去，去到就坐了一陣，坐完就搭59A，出到長沙灣送埋女友回校，就落東京街、南昌站同海麗邨影相，影完就回校接女友，之後食米線食完就搭905落灣仔，然後行返去金鐘，換個SET B，換完就搭MTR送女友回家，再搭48X轉46X回家。

>>January 9, 2006 at 3:58:05 PM GMT+8

2006 年 1 月 7 日 星期六 【晴】

主題：賣獎卷 今日晨咁早到太古，搭80轉MTR就好正常，唔正常的是，係太古地鐵站，行到老遠食早餐，又行到老遠，今日全日買獎卷，以為ｄ人有錢一點，點知都無乜人買，全日一有空就同女友講電話。買到五點就完了，收後搭MTR過觀塘，買點嘢就搭80回家。

>>January 8, 2006 at 4:38:35 PM GMT+8

2006 年 1 月 6 日 星期五 【晴】

主題：影相 今日出街影相，到晏晝兩點幾先出去，搭33車，出到去，JOIN埋亞堅，就四圍行下深水埗，之後就搭905過金鐘影相，影完就行去添馬艦影，影完就行落灣仔新記食嘢，食完就落會展影無聊幻彩，都OK好影，影埋維港夜境，就搭MTR過觀塘轉80回家，因為想舒服一點回家。

>>January 8, 2006 at 4:14:22 PM GMT+8

2006 年 1 月 5 日 星期四 【晴】

主題：趕PROJECT 今日諗住一早回校傾PROJECT，遲了出門，走捷徑沿徑口路都追唔到隆哥部車，剛到路口，就見佢部GL390過了，後來搭81出到爾登華庭，再行山路落山，買點嘢就回校，上PTH，讀字，之後讀完就過去搵女友傾了兩句，再過SAO搵軒仔同江仔，再過海麗邨快圖美，即日就無得取，唯有遲一點，回到校，執埋份PROJECT，交埋就去食米線，食完就搭GH5874回家一陣，之後就搭803K轉ER出尖沙咀，過百樂同女友班同學食飯，食了好耐，都OK，之後食完就搭K16轉WR送女友回家，再搭48X轉46X回家。 一唔搭洪哥車，就俾部FV5579。

>>January 8, 2006 at 3:49:06 PM GMT+8

2006 年 1 月 4 日 星期三 【晴】

主題：無嘢呀，唔係俾臉別人，早就鬧你 今日本身唔使返，但趕IE PROJECT就返去啦，一早起身，趕洪哥1000開的班次，點知唔記得攞電話，上返家，好彩都趕到，諗住影佢部FV5579，點知今日開AL，都算係咁，好耐無坐過AL行86B，出到美孚就影相，影完回校做PROJECT，做到咁上下，上圖書館打入電腦到，之後就食米線，食完就過SAO印嘢，其間發生了一些事，搞到好似向女友發脾氣咁，坐到做完晒，我一早做完，唔知係到做乜囉！攞埋PASSPAPER份答案，就同女友搭102過天后MSD買個LEYLAND舊LOGO，再落維園行下影下相，就送女友過地鐵站，我就JOIN埋亞堅、VIKKI同碧珊再返會，係會上一堂，唔明點解上完又上的堂，上完就去鋸扒，鋸完搭MTR同88M回家。

>>January 7, 2006 at 4:37:28 PM GMT+8

2006 年 1 月 2 日 星期一 【晴】

主題：返學 今日九點五先起身，成十點八先出門，搭86B#32車#HZ7273出去，見到亞TEA，全程勁八，我今日遲了，要女友等，係長沙灣廣場到等，之後行去食米線，食完就回校，做IE份功課，都唔識，左抄右抄啦唯有，好快做完，就落CANTEEN睇GROUP個份IE PROJECT，順便鋤DEE，兼等埋女友，到三點幾就走，去了長沙灣搭30，去到福來邨落車買六合彩，買完送女友回家，就過荃灣服務站，購埋餘下三部賀年Q版巴士，之後買ｄ小食，就搭49X轉46X回家，由眾安街上轉車站，同48X做出的時間一樣，又係一大堆48X加49X先有一部46X，頂！回到顯徑被3AD追到，咩F牌AD，慢到嘔，車頭有三塊膠牌放係到，兩塊數字，應該是46P/46S，同一塊荔景北，放得咁揚，唔驚俾人偷。

>>January 3, 2006 at 4:47:41 PM GMT+8

2006 年 1 月 1 日 星期日 【晴】

主題：大西北 今日晏起，成十二點三先出門，搭86B匯合亞彬，出到元州街，亞高仍係大圍，四圍影相先，等埋亞高就食米線，食完就搭75小巴落南昌，轉WR入屯門，係九巴屯門廠影相，影完過WR屯門巴士站，影7系十一米躉，點知K52得6系十一米躉，見到506個師傅係上次遊河識，搭佢車過屯市，提款，出面兩部機超長龍，入面都好長龍，但係係入錢，提款就少人到爆，之後上了80M，買了6008同1042 Q版巴士，更買了部散裝TOMY警車，之後落九巴服務站買了兩部賀年Q版巴士，分別是雞年同狗年，狗年真車未出街，但隻金毛好正，之後上506過對面轉A73入天水圍，A73俾部7系十點六米躉，去到天耀轉706過WR天水圍，都係諗住影7系十一米躉，點知K76只有7系十點六米躉，唯有搭K65入屏山影三部舊巴士加陽光巴士，三部舊巴士車主係到，唯有等佢走後先影，影完搭751上返WR天水圍，轉WR出荃灣，係WR先發現自動關了電話，三點幾已關，因為亞媽個陣CALL過我，可能跑去追506個陣啦，又聽唔到女友電話，出到荃灣西，行出楊屋道轉49X，上到轉車站轉46X，上車後不久，隔離兩個人瞓覺，係咁迫住我，我坐過對面，原來有接近半張椅位置被人迫住，我容忍都相當大，車程中還見創演的亞傑。之後回家。

>>January 2, 2006 at 5:13:41 PM GMT+8

2005 年 12 月 31 日 星期六 【晴】

主題：金銀衣紙 今日又都沒有晏起，一早起身，就食埋個早餐，就去了永恆，803K轉KCR，去到永恆，只係係到接金銀衣紙，接到大殮個陣，似乎姑丈係特快，一日就做完，上埋鑽石山火葬場，搞埋落柴灣食飯，食完搭MTR回家，阿媽話唔煮飯，阿爸話食公仔麵，既然都出去搵亞青攞返ｄTOMY車仔，就出去大圍食，今次佢話請我喎，舉手之勞咋嘛～～，食完過了大圍影相，試下機，之後影完就搭803K回家，回家時同女友勁傾電話。

>>January 1, 2006 at 5:17:24 PM GMT+8

2005 年 12 月 30 日 星期五 【晴】

主題：亡命VAN 今日都沒有晏起，一早起身，就執下自己間房，因為好亂今次真係接受唔到，間房咁樣，執完，清了好多吉盒，及執了好多唔用的舊相機及唔睇的VCD，到三點幾，搭87B出鴨寮街變賣這些舊機，之後上返青山道剪髮，剪得好快，之後就搭MTR落荃灣，變賣埋VCD，時間尚早就影下相，之後上返荃灣地鐵站等女友，等到女友到，就拉了佢陪我玩巴士，玩完就搭MTR落灣仔，睇玩具，又洗了錢買TOMY車，兩部→（YARIS同92-豐田皇冠），之後食新記，多人時候去食新記，真係搵笨，不過都算啦，食完之後出會展影相，影961，影完企係海邊倒數，邊到倒數呀，到到倒數唔同，AIG個廣告牌就最賤格，不停3, 2, 1, HAPPY NEW YEAR，我睇了最少REPEAT兩次，倒數完就送女友回家，回到荃景圍天橋，望下望下走了部N269，都係搭紅VAN，快一點，一上車，點解咁藍，原來上門裝了藍色光管，小巴佬話去登打士街經塘尾道，都唔記得邊到塘尾道，好熟好熟咁，搭咗先，最多行，全車三個人包括我同小巴佬，以為要等客，但佢一轉上荃灣路，我未試過坐石油氣豐田柯斯達咁盡同咁快，引擎高轉，個速度計就去到一百，但限速～～望望側邊，70咋，係美孚個到的荔橋落斜至西九龍走廊落返60左右，係唯一一段個速度計沒有閃下閃下，係西九龍走廊跑到一百零三，個段路都係70，終於記得邊到塘尾道，係旺角道落車，行返入旺角，又走了班N281，局等綠VAN，等了五、六部車先有得上，回到家就沖涼沉睡。

>>January 2, 2006 at 2:57:12 AM GMT+8