2005 年 11 月 9 日 星期三 【晴】

主題：愉景灣

今日起身，就換衫出門口，交埋ｄ雜費，就搭46X，開部KW8561，原來是邦哥喎，坐佢車出到荔景，轉MTR去到陰澳，再轉DB03R，入愉景灣，係碼頭影，之後過車廠，再返回碼頭，差不多影完，就有同我講唔準影相喎，無所謂，搭返DB01R出返東涌，上冒險樂園玩巴士，但隻巴士GAME好似TUNE過，起步等等都快咗，所以係咁被扣急起步，係咁要我俾半腳油，加到十幾，先俾地板油，難玩得佢，不打緊，都去到終點，之後玩了兩鋪灣岸，就搭MTR落返長沙灣，同亞高及DANIEL去食米線，今日係繼續第四日食，食完就落廣榮興買TOMY車，之後落龍威打了陣機，就去鴨寮同三和睇嘢，買了部GTR33警車，其間見到有個女仔入了三和，見佢係到玩三和隻狗，好似當隻狗係自己咁喎，之後就搭FB4822~87B回家。

亞媽買六合彩，中晒七個字，不過平均分佈係個張六合彩的四條上，只係第四條有三個字，好似有$20

>>November 10, 2005 at 4:23:10 PM GMT+8

2005 年 11 月 8 日 星期二 【晴】

主題：又話溫書，轉個頭咪係機鋪

今日諗住0930回到校溫書，但最終只能趕0930班31車返學，一落樓，只成大群人排隊，諗諗吓80P尾車開了，同80P好少排到咁多人，唔通86B斷纜，又唔係，下班S1車~EH4005都好準時返到，行到埋去，原來應該係某中學男同學去馬騮山旅行，大約40人就搭86B去，都唔明，40人租部旅遊巴，搵城巴租，租部DC仔(14XX)，43人，走廊又闊，假若唔知個電話，俾埋個電話你又點話~2136 2373，真係頂爆嘛！成班人罷晒ｄ位都唔夠，上到車大聲玩大聲笑大聲講嘢，都正打耙，當足部GH5874係租返嚟，無奈！出到永隆街，都打唔到電話俾士深，肯定落咗龍威，落得龍威就打下機，就玩吓灣岸，玩完，回校，其間亞彬CALL我，話有低B6(13XX)去咗城巴非轉利行60R，咁開心。本身諗住去圖書館，士深話張學生證唔見咗，咁過SAO溫，過到SAO又話搵返張學生證，溫了條數，以為好難，其實好易，之後都唔溫啦，條數搞得掂，MC都唔知點溫，課課都要理解，咁死得啦，剛好一休CALL食晏，於是又落龍威，睇人打機，等到一休到，又繼續打機，玩BG3，之後又食米線，今星期第三次喎，食完，又回校溫書，溫到咁上吓就去TEST IE，都係麻麻地啦，TEST完，就搭MTR落銅鑼灣，係MCCAFE食嘢，食完就返會開中學組總隊長訓練班，今次自己做曹SIR助理，關於檢閱程序，開完，去食麵(米線)，食完搭MTR同88M回家。

>>November 9, 2005 at 4:33:53 PM GMT+8

2005 年 11 月 7 日 星期一 【晴】

主題：AD1喎

今日返學，早了起身，本來搭3車，但我懶懶閑咁，都係搭33車，落到樓，見部33車唔係FB9728喎，竟然係AD1~EL5113喎，上次搭好似係剛轉荔枝角廠後搭212，竟然又有得搭喎，姚車長開平路就麻麻，上斜就好去好多，好過掛牌車，可能係ZF波箱，時間係31分鐘，比平時快，出到學校放低個BAG，就上FREEBOOK打特見同報返顯徑開車時間，之後上英文堂，上完，就落蘇明搵阿珊，點解唔見佢，佢唔係放咗咩，（後來先知佢遲放過我）係蘇明內等，等到阿珊就出去食米線，當然又係米線啦，哈哈！！我做了個聆聽者，食完都遲了好多，我同佢都遲了上堂，哈哈！！上S.P.，默書喎，默完就作解釋，咁就一堂，之後同亞軒江仔過星仔，我食咗嘢，就齋坐，之後去圖書館溫IE，溫到四點幾，就過元州商場等EL5113影，影完就搭ES5485回家。

>>November 8, 2005 at 4:05:56 PM GMT+8

2005 年 11 月 6 日 星期日 【晴】

主題：測LAW

今日又走堂，今次無返IE，係屋企去到點幾，坐30車的HZ6722，出到去，以為佢哋剛剛放飯，點知唔係，老早食了飯，唯有跟佢哋係SAO溫書，溫溫下就吹水，出MC都唔知佢出乜，都唔知點溫，都係打天才，玩六合彩，兩點半TEST，做得好快，測完，諗住快ｄ走，之後食嘢，點知要等IDA喎，有ｄ嘢講，即早走都無用，等到測晒入返個HALL到，無聊到爆，聽埋ｄ普通嘢，係個份工可以諗諗，但$80一日，做幾耐，做幾多日，明確少少做ｄ乜，係邊到做，乜都唔知，咁應該唔做，之後放學，食米線，食完交埋電話費再買隻千杯不醉，搭31車的GH5874回家，還要勝哥車，正！！！節省！！

亞媽話牆上有隻好靚的飛鵝，還要係到好耐，亞媽話亞婆唔捨得走喎！！吓！

>>November 7, 2005 at 3:53:36 PM GMT+8

2005 年 11 月 5 日 星期六 【晴】

主題：悶到癲

今日返工，又早起身，都唔願起身，近排做嘢就多，休息就少。八點九就出咗門，搭46X~3AD，九成滿上城隧大斜，挨二波，到轉彎位落一波，幸好無車爬頭，到轉車站好彩部48X~HT9508跟尾，去到富華街係惠康買嘢，之後轉96M，返到去，都唔知做乜嘢，求求其其就揀了D單位守，貪佢夠深，睇書都方便，有客入來都夠時間收，點知今日悶到爆，又無得上現樓喎，係咁等放工，無奈！！放工搭穿梭車轉48X~HT9508，再轉46X~3AD回家。

>>November 6, 2005 at 2:32:05 PM GMT+8

2005 年 11 月 4 日 星期五 【晴】

主題：交安活動*2，會唔會上電視？

今日一早起身，執晒嘢，到八點出門口，落樓，搭小巴，咁多人都係唔好，搭88K，KV5737，乜係契娘開開0813，又話十分鐘出唔到大圍喎，佢呀~~0822出到去，用了九分鐘，轉ER過粉嶺，落心誠，今日只負責收錢袋，收了81個，再送落大埔，之後係匯豐銀行做多陣嘢，就搭307出灣仔，俾部歐3偈4波ATR，城巴車係前車同後車，又唔係AVW，又要無位坐，$20.30，除了快，我就只有無奈，出到灣仔，食老麥，之後就上灣仔警察總部到，參加頒獎，個節目話會係無線到播-12月20日晚上11時05分播出，其實無乜點，悶到爆，上台拎下證書，影下相，咁就完了個活動，之後落老麥食點嘢，就落三聯搵書睇，買了本書，再之後搭MTR轉88M的GF2128回家。

無聲仿有聲 謝霆鋒 不懂訊息輸送嗎 而這次 叫你真的驚訝 最美亦最真 卻像似假 偷泣的聲音沙與啞 而你說你快樂而害怕 你不信任愛嗎 * 和情人 深深一吻來代替講話 好嗎 這訊號以無聲仿有聲 領略時未需解碼 和情人 緊緊擁抱來代替講話 好嗎 你快樂眼淚想灑了 而不准你灑 我在旁 請不要害怕 * 不懂得講出心意嗎 仍欠語句 唇邊輕輕掛 給些信心好嗎 聽到低泣的聲音沙與啞 而我說我會來付代價 我心痛 但你聽到嗎 Repeat * 凝神凝望 你這串淚時 我發覺 我已完全會意 而無用你的啟齒 Repeat *

>>November 5, 2005 at 3:48:38 PM GMT+8

2005 年 11 月 3 日 星期四 【晴】

主題：C2贏SSS

昨晚唔知咩事，突然瞓瞓吓肚痛喎，夜晚起身去大瀉天下，只係勁眼瞓，瀉完食埋正露丸，就睡覺，順便熄了個鬧鐘去，隨意瞓到幾點，反正堂SP都唔乜用，當時時間係0228，頂！就係咁一瞓就瞓到0830，即返學時間，一於走堂，到大約十一點先出門，趕1103開的33車~FB9728，原來部FB9728由大圍上山，係大圍新村上沙田嶺路上段短短距離，都要一二波係咁跳，上到普通話堂，都係做準備下星期TEST個類習作啦，之後亞SIR話係我哋做個ｄ習作中抽十個字問我哋點讀，然後計分，我去到最後嗰個，我以為得個2個讀對，4個合格，點知亞SIR寫個分出來，我都眼凸埋，不是嘛，太沒可能，佢寫了8/10，真係神奇，落完堂，過星仔記到坐陣，等埋亞彬，之後食麻辣米線，食完就打機，BG3有人玩，咪玩住灣岸先，山路玩得都唔錯，至少過彎都唔錯，一直跟尾，到最後加速先過頭，又贏了山路，不過公路賽就輸了俾HIACE同COROLLA，之後再玩BG3，玩完又玩TRILL DRIVE 3，用鴨鴨跑，原來要透過洗車會換ENGINE，所以最後一場剛剛好到終點，上返地面搭2B落李惠利等亞高放學，之後落又一城間玩具反斗城，睇下有無機打，點知無，被人霸住，之後落香港唱片搵TOMY車仔，搵到GTR同舊HONDA電單車，之後搭火車過沙田搵一休，之後睇單車，睇完又打機，玩灣岸，技術唔掂，俾人挑機，都係最尾，之後玩BG4，係咁玩了好多鋪，BG4我贏得多一點，我又懶懶閑咁，唔同一休性急的駕車方法，所以先贏，打完，見灣岸無人打，又玩灣岸，又被人挑機4個人，一個好賤格，專玩嘢，揸GTR，CLASS係SSS；一個CLASS A，揸E3；一休就EVOLUTION，CLASS B，我就當然至愛掃把佬啦，CLASS C2；我都係懶懶閑咁，第一次輸了，之後三人賽，我同一休對GTR，部GTR特登等埋我哋玩，點知佢唔好彩，撞了其他車，一休又墮後了，我唔理係咁走，大約只整一公里，個E3又挑機，4個，我繼續懶懶閑，同樣去到只整一公里，我仍墮後，其他三個人係前面混戰，慢晒，只係得我高速切入快線，贏了喎，E3唔順又挑機，我打了好耐，好累，求求其其就算，打完，就過大圍，食鹿苑，之後落火車頭飲酒吹水，飲一杯吹完，搭46X#AL回家。

>>November 5, 2005 at 3:17:53 PM GMT+8

2005 年 11 月 2 日 星期三 【晴】

主題：返工碧堤

今日返工，晨咁早肚痛，多得昨日米線，因為飲了湯底，一定肚痛，但好飲嘛，早了起身，就懶懶閑咁，之後出門，和記寄了封信，地址就正確，就無依個人，咁要拎返落郵局，落樓後，行過天橋時，見到86B個食飯位，2車泊了係到，見到有S3V，我諗緊隆哥拎返部GL390喎，但行近一點望下，係就GL牌，係就係3個位，係GL258喎，甩了出87B，今日就被隆哥用了。見46X，乜車都無，除了一部AD，但食飯中，寄埋封信，落返去總站，第一次用自己部6260影巴士，都唔習慣可以點影，影完先有車返，一返係蛇車的GM6315喎，照相啦，由望到GL258開始，到GM6315開車，依段時間咁長都無車，都估一定多人，過埋美林就頂閘，後車都追到，上城隧公路轉第一個彎，就跌返一波，用一波挨上去，好自然實有48X從側邊爬頭，還要是愛好車款3波TD偈~GW7044，無奈到震，好彩隧道塞塞，同部GW7044排隊落客上客，沒有打尖，上到GW7044去到富華街轉234A~FC321，剛剛有車，好彩部FC321多人搭，見到亞輝喎，上車後，亞RAY俾電話我喎，去到荃景圍天橋個站，見到個女仔，諗緊會唔會PEGGY，望下望下，同阿珊個樣咁喎，咁係PEGGY，哈哈，落到碧堤，之後開工，坐係個單位到睇書，睇了成朝，食完飯就同亞PEGGY吹水，吹了成個晏晝，就放工，一落到樓，就見到冠忠新車MA6519，超型，我望緊部車，亞YENKI好衰格咁話：「做咩咁依依不捨咁望住阿珊呀！！」吓！講乜呀！！一來，我諗緊個車頭位，真係好熟，似乜呢（剛剛諗到似中港車身CHINA STAR，有點似喎，睇返屋企ｄ相好相近）；二來，今日返工係PEGGY喎。唔理個傻YENKI，主力理部MA6519，咁多級梯級，唔怪之得部車咁高，部車3+2位，如果2+2就勁豪華，可惜都未做到戲院式排位，唔係就勁正勁豪華，可惜香港沒有依類型豪華客車，出到荃灣，走了班49X，等48X啦，等等下，見有部AD，兩隻字喎，應該係48X喎，但望清楚都唔似禾輋喎，似廣源喎，又49X喎，部AD~EW5608下層得一兩個人，無乜人，個師傅開得勁快，似蛇車趕收工咁款，上象鼻山路，2波中段，天橋彎位至轉車站2波低轉，追到前車的FC5718，同追到我愛搭的46P的尾二車，FK4038，上車後，望兩望下層車尾，點解有兩條黃柱，個師傅又趕收工，係咁踩住去，此係一個原因鍾意搭，二來係入美林邨，我已經坐到成個大帝咁，因為少人搭。回到家，沖完涼食飯，咁多魚ｇａ，亞媽！！下次少ｄ，又點解有蟹，咁開心有蟹，正！亞爸留ｇａ！！~~好！亞媽轉了部V170，未摸熟自己部機，就要摸熟部V170！！~~

>>November 3, 2005 at 4:38:40 PM GMT+8

2005 年 11 月 1 日 星期二 【晴】

主題：剪髮

今日返1030，但我1015左右先出門口，阿珊同我ICQ都覺得無奈，落到樓，見有部FV7886，無理佢啦，四圍望下，部FV7886應該係2車，尚未走喎，望望2車個司機，隆哥喎，係喎隆哥今個月2車喎，重記住上個月的1車，佢揸部蘭頭，係無佢部GL390咁肯去同咁快，但都開了廿八分鐘就出到去，開下班1043~3車個兩更快車手都要跑三十分鐘先出到去，隆哥佢又話部車慢，但做出時間係快，佢個車手，真俾佢吹脹，回到校，既然都遲，入蘇明搵下佢哋係唔係到，見亨利、傑仔同文俊係到食早餐加吹水，我坐陣吹水，之後上LAW，上完上IE，上完晒堂，就同士深勁快咁走去食米線，食食下見文俊，之後三個就落龍威打機，打完灣岸，再打BG3，再打TRILL DRIVING 3，終於用到鴨仔，終於衝過終點，但炒車一次，攞第二，打完，就去剪髮，剪完佢同我講話焗油好喎，都係$30，試下ｌｏｒ，做完晒嘢，就過對面文具鋪買文具，買成六十蚊，因為買埋A4紙，之後過東沙島街搭33車的FB9728回家，由北九龍裁判署上大窩坪交匯處，一波同二波係咁跳，許師傅一拖返個一波，不夠兩秒又跳返上二波，部FB9728真頂隱。

>>November 2, 2005 at 3:35:17 PM GMT+8

2005 年 10 月 31 日 星期一 【晴】

主題：新的開始

今日返0930，好自然就搭0848開的FB9728，見輝哥係前面，等佢上上層瞓覺啦，因為經常都要瞓覺，我費時阻佢，坐返個招牌位，都無同我爭，去到隆亨，偶下偶下，傑仔就叫我，反應慢少少先應佢。回到校，諗住拎定本英文書，順便落個7-11 CHECK CHECK部S1車咩車牌，因為睇唔清楚，點知個7-11個堆機都未開，7-11喎，叫咩7-11呀，24小時做唔到，7am-11pm都做唔到，九點半都未開，叫咩7-11，行過籃球場，好似FEEL到有ｄ嘢咁，我無理啦，開LOCKER時，有電話到，我個電話都接近封塵地步，咁早會有咩人打俾我，唔通阿珊（因為佢好似返0930），一開個電話，真係佢喎！我開完LOCKER重見到佢係243門口到企。之後上英文堂，上成兩堂都唔駛用英文書，拎本英文書最大得著只是見阿珊，好呀！落堂同士深過高登，佢CHECK個HARD-DISK，我買了張MMC，之後就過龍威打機，玩了鋪灣岸，終於WIN了場山路，WIN的距離係0M，咁都計我WIN，唔理佢ｌｕ，之後上S.P.，遲了20分鐘返到去，都知要做乜，都做得晒ｄ嘢，好肯定亞SIR又遲開波，上完S.P.，之後食星仔，再上堂LAW，上完堂，又見到阿珊係地鐵站口，哈哈~~！！，就86B的30車，咁都見到亞媽喎，咁早~~，去到隆亨就匯合亞HUNG同BONNIE，上去探梁婆婆，因為BONNIE俾亞HUNG報錯名，局住上去探梁婆婆，坐了成45分鐘左右，就行路回家，不知不覺做了好多嘢。

>>November 1, 2005 at 4:27:36 PM GMT+8