2006 年 2 月 28 日 星期二 【晴】

主題：三月/三個月 今日好凍，有點唔願起身咁，八點幾醒了，就搭0926班FX7476#86B-1車出去，出到去，去龍威匯合HENRY，華DEE同亞傑，玩了兩鋪就過東坡繼續，拎部B7 斯巴魯翼豹WRX STi VERSION VI GC8 WIN了兩鋪之後，就換部A2斯巴魯翼豹WRX STi GDB，總之好好玩啦，但HENRY好似被我哋屈星咁，之後打完上勞動，上完就過珍珍食米線，食完就落龍威睇人打機，睇睇下，自己又見灣岸有位，又TUNE車，之後打完上IDA堂，上完就去買嘢，買完嘢就落龍威TUNE車加挑機，個C2粉蛋，係山路狂夾我，完全靠我助佢過彎，部車又唔勁680HP/D，我700HP/B，又阻住晒，無能就排後面啦，我好人唔夾你，你就狂夾我，正一粉蛋，唔怪得山路680啦，公路都係640，還有我哋就佢用660，拋到佢老遠，係山路一心想夾人，無怪之得啦，不得不爆粗，打完趕去長沙灣地鐵站等女友，照樣到葵芳轉46X，今日新一個月，咁就搭到林哥車回家。

>>March 1, 2006 at 4:23:40 PM GMT+8

2006 年 2 月 27 日 星期一 【晴】

主題：普通上學日 今日一早就搭洪哥車出長沙灣，今日下雨，人又多，半個鐘先到大圍新村，出到去，落龍威轉CARD同TUNE車，今日狀態好差，可能穿BOOT同連續三日無打啦，之後回校上英文上勞動，就搵埋女友食晏，本來去星仔食，點知無位同個阿姐態度勁差，之前都唔係太妥佢，所以我同佢就過左去食米線，食完又過返去上堂，上埋堂無聊中文，上了頭一堂，MISS唔講書，大家又輪NDS，成日都係咁，落東坡TUNE車，見HENRY玩四次都過唔到第40關，幫佢跑埋，當然無LOST啦，但佢今日好早放，但就要女友係長沙灣等，係咁ｇａ喎，我係東坡就早放，係學校等佢就遲放，我整埋個名印就匯合佢，搭MTR係葵芳轉46P轉46X，原因係46P部龍好快，爬過部46X#AV-GE750，係轉車站轉GE750，因為好似好耐無搭過康偈豪，點知個司機係碌車，碌車都唔緊要，而且還要“CHOK”又要被下班齋躉過，無耐到極。

>>March 1, 2006 at 4:06:55 PM GMT+8

2006 年 2 月 25 日 星期六 【晴】

主題：新界北分區操 今日一早就搭804過安老院，推年老長者去聖堂同平時一樣，推完就搭部已BOOK的VAN仔去元朗大球場，去到就只係係車場到行來行去，都無乜嘢做，悶到同累到我休息時睡覺了，正場時就睇下有無學生唔舒服，正場完了就過返車場，無乜嘢做，就收工，做完晒，就搭269D轉46X回家。

>>February 28, 2006 at 3:05:20 PM GMT+8

2006 年 2 月 24 日 星期五 【晴】

主題：教書 今日一早起身先發現條工作服褲仍然借了俾ABBY未攞返，唯有CALL亞傑啦，所以今早搭803K出火車站，攞完條工作服褲先搭46X，搭中GH5813，好慢，但搭埋地鐵，又早到喎，0815到青衣城，咁唯有早換制服，換完都準時，之後過學校教書，我只教了一堂，其餘由FERYEUNG去教，教完就走，班學生都唔乖，之後落長沙灣同亞高同亞彬食米線，食完搭905的MC1037，搭第二次了，去到灣碼影相，影完就入會展內行個關於職業同進修的展覽，之後行完食點嘢，就搭SF轉ER轉埋803K回家。

>>February 28, 2006 at 2:23:38 PM GMT+8

2006 年 2 月 23 日 星期四 【晴】

主題：都唔知忙乜 又打唔到日記 又係週記咁打啦，返學放學打機咁啦，打機都係灣岸咁，去到A2 CLASS，依幾日都係咁，係星期四過了香港仔影相，等了好耐的43X，因為MISS了兩班車，因為剛上地鐵站開走一班，同過消防比賽個邊影相就MISS了，等到有班DART上斜要關空調，停車又好似地震咁，都幾好玩，搭VAN仔 出香港仔，影埋海澄就搭有八仔的“瀑” “瀑”雞追鴨脷洲影1561，之後上石排灣想搭971，但係係DART，所以搭7號的MAN，幾勁。星期四同五都同女友食夜晚。依星期過得都好普通，但好開心，都好順利~~~我全PASS ｄ科喎。

>>February 26, 2006 at 3:11:57 PM GMT+8

2006 年 2 月 18 日 星期六 【晴】

主題：大澳 今日一早就去推輪椅，遲起身遲出門口，就係咁，要成九點四先到，同平時一樣啦，之後坐JOSEPH車出沙田，出到沙田轉48X，搭到去荃灣，匯合女友，過新之買嘢，買完就搭MTR入東涌，匯合亞傑同ABBY，但係機鋪見到，等到一休到，就去食KFC，食完就搭11的冠忠的ISUZU LV423，入到大澳就四圍影相，影完就是但搵間鋪頭食夜晚，食完就搭11出東涌，坐ISUZU MT112，似過山車多一點，出到東涌，逛陣同打機，就搭E31，送完女友回家就搭48X轉46X回家。

>>February 26, 2006 at 2:08:24 PM GMT+8

2006 年 2 月 17 日 星期五 【晴】

主題：新界南分區操 今日就係新界南分區操，於是磨完鞋就搭46X過葵芳，匯合一休、ABBY同POLLY，食埋吉野家就過會場，去到會場只係做管排，全日就係咁，做完就過荃灣豐盛食飯，食到八點，就搭MTR落旺角間88，行後巷咁行過去，係快就快，好似有點危險喎，坐到咁上下，就回家。

>>February 26, 2006 at 12:59:08 PM GMT+8

2006 年 2 月 16 日 星期四 【晴】

主題：有一星都無打日記 依星期勁少接觸部電腦，同部電腦關係有點生疏，原因係出夜街食飯多咗，，簡單講下依星期，星期一上午陪女友見工，佢見工時我係沙田火車站影相，好似好耐無係依到影咁耐，返學之後打機，下午送完女友回家就同亞淇係葵芳食飯，坐勁殘的AD1過青衣吹水。星期二就係返學，打機，待女友放學，情人節，當然是陪女友啦，搞搞新意思，入了機場食味精拉麵，還坐了A31豪華車。星期三返學，放學諗住打機，點知女友有事早回家，上去佢屋企搞搞道鐵閘，咁就見埋家長，回家食飯。星期四早早過中環打機，咁就儲齊ｄ CARD，之後就同同班同學入赤柱BBQ，玩到夜晚，星期五有點嘢做，女友上了屋企幫手兼沒有回校上堂，下午就陪女友交學費同食米線。

>>February 20, 2006 at 4:16:55 PM GMT+8

2006 年 2 月 11 日 星期六 【晴】

主題：睇虛線 今日一早過了沙田圍推輪椅，人手就唔係好多，今日又多人要推，去到教堂，要等好耐先入到升降機，原因係一些識行識走，有手有腳都要搭升降機上三樓，我哋由G樓上L樓，但班人由L樓按定部升降機向下，由L樓搭落去G樓再上三樓，所以我係G樓一開升降機門時就見到部升降機爆晒，又有ｄ亞嬸串一句話「爆晒喎！」我見到，你見唔見到有一大班輪椅等緊，有人性就行出來啦。搞完一大輪就食早餐，食完就推回安老院，之後搭的士轉263過屯門，去到屯門就過NTN個場乜乜叉叉音樂會，全程叫睇ｄ FANS，點知乜都無，睇明星，或者係到玩，扮警察頂住ｄ鐵馬扮多人，但個場內一個人都無，睇睇見到有歌手咪嘴，但轉個頭就甩嘴，勁CHEAP，不過方力申好似好好人，至少你望佢會同你點頭。個活動完了，就搭WR轉701落去旺角88飲酒，今次包括埋小白，飲完就搭63S回家。

>>February 17, 2006 at 3:36:25 PM GMT+8

2006 年 2 月 10 日 星期五 【晴】

主題：迪欣湖 今日約了LEO執制服ｄ嘢，搭80匯合LEO轉MTR過總會買嘢，買完就過輝仔家拎埋LEO ｄ嘢，之後再上毛小姐攞帽，之後就搭MTR匯合女友，女友未到就上金星打了陣灣岸，打到女友到，就同女友過吉野家食嘢，食完搭E31轉R8，過了對面轉，搭到VOLVO B6LE，好想搭低B6過青馬橋，入到迪欣湖，行完一圈之後，就行去迪士尼個巴士總站影相，再過正門影相，影完就搭MTR過東涌行兼打機，打完落荃灣打邊爐，之後食完就送女友回家，再搭48X轉46X回家。

>>February 15, 2006 at 3:55:21 PM GMT+8