2007 年 9 月 28 日 星期五 【晴】

主題：台北之旅第一天 今次好難得有三日假期，因為唔駛請假，同埋係港龍假期找到一個PACKAGE，係個咁短的假期，短線就好多人同貴，個PACKAGE都算抵，而且自遊行，差不多啦，上次旅行團就要早兩個半小時到CHECK IN，今次自遊行，搭頭班E42應該OK，諗住搭頭班88K，點知執遲咗嘢，趕唔到頭班88K，為了趕頭班E42，搭的士到大圍，落車後，等了不久就有ENVIRO500的E42，去到機場，又係老婆到先，CHECK IN，無窗口位，之後四圍行影相就上機，上到機好FULL，但有兩個位吉了，到開機都無人坐，我同老婆一於轉位，睇住部飛機飛去台灣，係天空上見到高鐵，望住整個台北降落，到桃園機場，試試個落（爛）地簽證，搞了勁耐，搞個簽證比過關時間更長，之後搞完一大輪就搭飛狗巴士，好舒服，又有電視睇，小金都走出來睇風景，之後好眼瞓，瞓了都有一段時間，醒個陣都入到台北市內，左轉右轉都到了酒店外，今次住王朝大酒店，竟然唔係住尾房，係房內放低嘢後就過淡水，一出酒店門口，頂！落雨喎，好彩唔算大，之後去到南京東路捷運站，點知三日通無得買，成條木柵線得木柵站有，唯有買兩日通，左轉右轉左上右落，經過一大輪捷運車程，終於到了淡水，想去漁人碼頭，但好似行好遠，行下淡水老街，跟住出海邊，之後又行返入老街買點嘢食，再出海邊食嘢，坐到黃昏先走，之後見到小賞，小賞出世了，之後出士林夜市，行同食嘢，豪大大，食完就搭穿梭車過美麗華摩天輪，上完摩天輪就四圍行，之後就坐車離開，等了好耐先有車，勁多人，之後再轉捷運回酒店。

>>January 23, 2008 at 3:35:38 PM GMT+8

2007 年 6 月 19 日 星期二 【晴】

主題：華東之旅第四天 今日係第四日，亦都係成團最後一日，係上海，其實都無乜特別，今日就晏少少出發，首站就係一間珍珠鋪買珍珠，買了少少嘢就走，都不知真定假，因為好平，之後就過孫中山文物館睇孫中山故居，離開就搭車經過南浦大橋過浦東，首先就食晏，都係普普通通，無乜特別，係有小籠包食，之後食完就到江邊影相同遊覽，遊覽完影下大合照，影完就過了個商場行，近似香港商場，所以就去了一間超級市場行，行完都夠鐘集合，老婆見一間餅鋪就去買個飽，當俾錢時，我就聽到「呯」一聲，初初就無留意係乜事，之後上到去正想行出去集合地點時，點知ｄ團員就入返商場內，原來係側邊有個地盤，跌了ｄ嘢落薄A搞到勁大塵，之後就穿返商場，再行返去搭車過去一間買「皮優」的地方，入到去，個個都好快走返出薄A都無人有興趣，之後搭車過機場，有諗過CHECK IN後搭磁浮列車，但一來一回，有咩事就搭唔到飛機返香港，唯有係機場行下，係機場入閘後，點知就無嘢行，坐低食嘢啦，好貴，食個海鮮烏東，一碗不大，要$58，真係局屈，之後上機，都係搭東航的AIRBUS A320-214，機上膳食非常好，好好食，又有雪糕食，落機望望隻錶，同上次去完台灣落機時間一樣，又同上次一樣，行得好快，又好快拎了行李，之後送了老婆上A31後，我搭巴士轉地鐵再轉46X回家，係荔景兜了好大個圈先到巴士站，因為諗住貪方便，點知蝕咗。

>>December 23, 2007 at 1:36:27 PM GMT+8

2007 年 6 月 18 日 星期一 【晴】

主題：華東之旅第三天 今日當然又一早起身，之後去今日首站，係寒山寺，出發前見到個蘇州個導遊，上到車，佢講港式廣東話，完全唔似大陸人講廣東話，去到寒山寺外，有條河，原來個條係古運河，咁窄的，之後入了寒山寺四圍遊覽，遊完就去遊古城，之後坐船遊古運河，遊完就去了絲綢廠，係老婆買了個枕頭，我都無嘢買，之後去埋樓上食晏，食完就離開蘇州，咁快玩完蘇州，之後就坐車去上海。去到上海，有點似香港，去到新天地時，更望到新鴻基的標誌，又有戲院，更上緊魔盜王3，但大陸叫《世界的盡頭》，係新天地就真係唔知行咩好，因為好似香港，之後就去城隍廟，都逛了好耐，入廟拜神香火鼎盛…就一ｄ都見唔到，似係一些舊建築物改建內部，變成一個購物地帶，逛完一輪，就等下南翔小籠包，每ROUND出貨少，人又多兼買得多，所以排排下，都夠鐘了，之後就行去一間酒店食夜晚，間酒店個電梯大堂個景好靚，近酒店是舊區，遠一點是浦東，新發展區，一舊一新個景好正，食完就坐車過外灘，行不夠一陣之後，就過南京步行街，行來行去都係ｄ大商場，行完就搭車返假日酒店。

>>December 14, 2007 at 3:07:26 PM GMT+8

2007 年 6 月 17 日 星期日 【晴】

主題：華東之旅第二天 今日又一早起身，0745就食早餐，之後去首站，又係西湖，不過今次就坐船遊船河，矇查查的杭州，遊完湖後，就遊下個公園，見到有孔雀開屏，之後就搭旅遊巴去茶園，去買龍井茶，但對龍井茶就無興趣，相反對茶園風景、茶製小食同火腿有興趣，離開茶園就去睇錢塘江大橋，睇完就食晏，食完晏就去了朝天門，影一影相，影完就上車，上返車就代表要離開杭州，坐長途車，坐到去烏鎮，之後四圍遊覽，遊完就食夜晚，食完就坐車入蘇州，部車開得好快，之後就直接進入酒店，間酒店叫南亞酒店，都幾大的，但係唔係南亞人士住的？？

>>October 17, 2007 at 3:50:42 PM GMT+8

2007 年 6 月 16 日 星期六 【晴】

主題：華東之旅 今日一早起身執埋ｄ嘢就出門口，本想搭頭班88M，可惜時間不配合，唯有轉搭46X，都好似錯過一班車，出到大圍，見有E42，不如轉E42，因為到荔景搭地鐵都好忟水，算啦！唔慳得咁多，係美林轉E42，去到機場，又係等，等了很久，其間買了個BURGER KING食，之後攞返個回鄉卡同登機證後入閘同坐無人駕駛，就同上次到台北差不多，連閘口都差不多，望下部飛機，差點都望不到咁款，因為部機係AIRBUS A320，總之就係細機，望望張登機證，點睇部機都係3+3，應該係窗口位，影下相飛機相就上機，言中，真的窗口位，正，可以睇住升空，睇到迪士尼，飛飛下，穿過雲層時，就突然好似坐過山車咁樣急降，但部機爬升緊喎，原來遇上氣流是咁恐怖，上到雲層上面，好靚好靚，還可以明白咩叫低壓槽，之後一直微微震下震下，還要食早餐，食完早餐，係上空望落去，都見到雲海，去到浦東機場就搞掂晒ｄ手續就坐豪華客車直去杭州，坐成三至四小時車程，坐金龍車，我都怕我會暈車浪，幸好無事，坐到岳王廟，睇完岳王廟就上返旅遊巴，去食夜晚，但是五點鐘就話食夜晚，天都未黑。去到個飯堂，今餐好似麻麻，之後食完就過返西湖行了陣，行完就去睇西湖之夜，西湖之夜睇完就回酒店了。

>>October 16, 2007 at 3:15:42 PM GMT+8

2007 年 4 月 18 日 星期三 【晴】

主題：　回覆留言時間 留言日期>>2007年04月05日 18:33:14 TO 路人： 首先你係乜水呀??? 第二，首歌係翔龍灣廣告歌，歌名是Stay Awhile - The Bells

>>April 18, 2007 at 4:10:00 PM GMT+8

2007 年 2 月 11 日 星期日 【晴】

主題：2月9號至12號之台灣之旅～第四日 一早起身就去食早餐，今日就無乜事咁，食完早餐就係經台北車站外行去新光三越，行行下就見到亞傑個名係巴士站上，去到新光三越都未開，所以坐捷運過西門町行兼買手信兼影相。之後買完就過返台北車站附近，再行下新光三越，行完就去食吉野家，點解唔食點特色食品，因為腸胃炎啦，食點清淡食物，之後過左新化行，再周圍搵光華商場，搵來搵去，最後搵到光華商場，買了好多漫畫，再坐了一陣一間飲品店坐下，之後再過台北車站同新光三越買點物品，再返天成集合，再搭巴士出機場，之後上飛機，有窗口位，話咁快就返到香港。之後趕快出境，就搭E42(MK8411)轉88K回家了。 四天團~就咁完結了

>>April 17, 2007 at 4:10:59 PM GMT+8

2007 年 2 月 10 日 星期六 【晴】

主題：2月9號至12號之台灣之旅～第三日 晨咁早八點就話食早餐，但有種不安的感覺，但就覺得今日好慘痛，總之又唔係好舒服，額頭又有少少熱熱哋，咩事呀，今日要去九份ｇａ，照樣捱住先，去了山地人的靈芝中心，都係個句，叫你買嘢，不過依間無珍珠個間咁恐怖，我都無乜點理，因為都OK辛苦，之後就過故宮博物院，但都係好辛苦，所以去了醫療室，入到去都係唔多掂，就算勁瞓都係咁，再搭車過點水樓，點水樓出名的是小籠包，我就無胃口，領隊同導遊見我咁辛苦，就問我提早回酒店休息，無計啦！咁辛苦，唯有回酒店啦，搭的士過酒店，部的士好舒服好靚，通街ｄ的士又多款又正，好過香港得兩種。今晚住天成大飯店，上到房，無窗ｇａ，不是嗎？？？瞓下醒下啦，到了夜晚八點，就搭的士入了醫院，最主要係我在想想點樣講自己有咩病，突然間他講了句廣東話，原來他是香港人，咁就好好了，講下講下就話要打點滴，咩叫打點滴呀，原來係吊鹽水，下！咁嚴重呀，我諗最多都係打針食藥，搞咁多嘢呀，之後都係食藥，依次就發燒，同腸胃炎，望望下張診單，點解23歲，導遊話係咁計，之後搭的士回酒店，之後買一點嘢就回酒店休息。 多謝...老婆

>>April 17, 2007 at 1:16:18 PM GMT+8

2007 年 2 月 9 日 星期五 【晴】

主題：2月9號至12號之台灣之旅～第二日 晨咁早八點就話食早餐，食完之後就去烏來，其他人到烏來是浸溫泉，我同老婆就四圍行，好彩四圍行，因為四圍風景好靚，雖然有點雨，又有點霧，好靚好靚，之後離開就搭車去維格餅店，勁似一些小餅店，買完訂完就去了鐵木真食火鍋燒烤任食，除了有火鍋，還可以叫人幫你煮，其實導遊都無乜點提過下午有咩活動，原來下午去了一個珍珠養殖場，話就珍珠養殖場，我還以為係海邊，正諗緊坐幾耐先到，點知轉個頭就係座大廈側停車，門口水牌話係珍珠養殖場，堅ｇａ？原來係介紹我哋買珍珠的一間公司，係地底到，擺明黑店，我哋講明唔會買，ｄ店員都係咁話計平一點，之後上地面，我見到有平治的士。上返架旅遊巴，就去了中正紀念堂，都幾多嘢睇，之後又再上車到忠孝東路行，又有行地下街，不過最辛苦是由地下街/捷運出口，有些行成六十多級樓梯，我同老婆還行了天仁茗茶買茶，行完就食了一餐不太好的晚餐，好似唔知點咁，之後就過了HELLO KITTY專門店睇嘢，睇完就去台北101大廈，上了去觀景層睇風景，都幾高，影下風景，不過黑媽媽，都不知咩地方，之後又就返左都OK遠的麗園會館。

>>March 27, 2007 at 4:00:58 PM GMT+8

2007 年 2 月 8 日 星期四 【晴】

主題：2月9號至12號之台灣之旅～第一日 8號夜晚就過了老婆家過夜，整夜玩PS2的東京巴士，又打陣NDS，打到三點幾先至瞓，瞓到四點幾，當執晒嘢，正想出門時，但係最後老婆搵唔到條鎖匙，所以趕唔到四點九個班N31，唯有五點零五，好快就入到機場，我成程巴士都無睡到，去到機場放低咗ｄ行李之後就去咗7仔買燒賣食，食完就入閘，去到66閘口等登機，上到機到，食了個早餐影下相，還有得睇TVB的15/16，就係咁好快到了桃園，還睇住降落，好得意，落機後，換埋新台幣，過埋過又亂又多人的關，再拎埋行李，就上了架核突的黃色豪華旅遊巴，成部黃色，坐了好耐車就到首站小人國，係小人國好多台灣小人嘢建設，還有高鐵同掃把佬，之後搭小人國小火車到機動遊戲區，就好似海馬公園分兩邊，一邊參觀，另一邊就係機動遊戲，小火車經過兩邊田園，好靚咁，好舒服，到了另一邊機動遊戲區，有好高的滑水道，運作又嘈，踐起水花好高，依邊有埋外國小人嘢建設，之後就離開再轉到六福村，首先食了個客家風味的LUNCH，食完就入園內，睇動物，四圍行，最好玩的是踩單軌單車，是沿單軌去看猴子，踩完都係四圍遊。行到五點幾就上車出返台北市，有睡覺時間，之後出了士林夜士，食了個海鮮炒麵，還有蝦湯，傳聞話係臭豆腐的唔臭炸豆腐，好酸的金桔檸檬，最後買了腸仔同炸雞做宵夜，之後就返左都OK遠的麗園會館，間房好大，大到有個好似書房的物體。

>>March 29, 2007 at 7:58:01 AM GMT+8