|
2008 年 4 月 1 日 星期二 【綿綿細雨】
 哇~~成4個月冇寫過野,大家係咪好掛住我XD
因為睇到SHAMPOO話我個blog入唔到我先試下....
仲得喎...yeah~~^^
有幾件事要講下先,都係關shampoo事,就係11月我會做佢的伴娘啦~~
真係好開心,最好的朋友終於都結婚了,恭喜晒^^
我未做過伴娘架,不過我會盡力做既^^
心情開始緊要啦,成日問周圍既朋友同事結婚果日要做d咩咁....
搞到我都有d衝動.....XD
最近開始整蛋榚啦,都幾好玩既,不過整左3個都好似麻麻地....
係食得既,不過個樣麻麻...唉...我要問下其他人點搞先...
我目標係整心太軟XD
最近追緊一套韓劇"宮",幾年前架好似,買左DVD一路未得閒睇,
而家晚晚都要睇,正呀,好鐘意個女主角既性格,好可愛架^^
又有學韓文既衝動...之前學過覺得好難呢..
3-5月番工又辛苦D喇,要番0730....=_=
都有好處既,可以放早D^^
希望可以快D捱完,之後暑假就要勁放假啦~~
P.S. 天氣時冷時熱,拜託唔好病啊~~~><
>>2008年04月01日 Tue 16:16:27 (GMT+8)
2007 年 11 月 1 日 星期四 【微冷】
 好唔開心!!!!
事件1....因為我一時既口疏令到件事差D搞唔成..
對唔住了....真係好內疚,原來自己係個咁差既人....=_=
事件2...知道左D野....令到我諗左好多好多...
雖然大家既工作已經唔同,見面機會少左,
但我都好珍惜每次出來既機會...
為何一次又一次令我失望?
每次約你地都係唔得閒,什至係放飛機...
我知道大家都係好忙,而家已經係11月了...
我的生日飯仲係無著落...
我死心了....
超哥講得好既:真正既朋友唔需要成日見面....
但...我是一個怕寂寞既人,亦鐘意熱鬧既生活....
最重要我好掛住你地,無時無刻都想同你地一齊...
呢次之後,我會接埋,不會搞活動,亦唔會參與你地既活動...
我要適應下....對唔住....
今日既DAY OFF...喊足一天...真浪費...
天氣凍了,我個心仲凍....
>>2007年11月02日 Fri 0:16:33 (GMT+8)
2007 年 10 月 31 日 星期三 【陰】
 原來兩個幾月無寫日記了,仲以為呢度會del左XD
最近真係好忙好忙...而家總算穩定落來了,
呢三個星期二都去左打波呢,做下運動都幾好架,
唔係係咪尋晚太用力打既關係,今早訓醒右手有D痛添,
唔緊要啦,下個星期二又打過XDD
至於工作方面亦都好大調動啦,有同事走了,
唔夠人啦,希望快D有人來啦>_<
仲有十月既生日過左啦,多謝大家既禮物^^
年年生日都過得好開心^^
今年終於去左OP既哈囉喂,好正好好玩呀!!!!!
雖然係好驚,不過一班人玩好開心,
我玩到第二日仲病左XD
下年一定要再去玩!!!
天氣開始涼了,大家要保重身體了~
>>2007年10月31日 Wed 10:41:24 (GMT+8)
2007 年 8 月 15 日 星期三 【乍雨乍晴】
放左一個星期假啦,仲累過番工....=_=
真係日日早出晚歸架.....
上星期五最唔抵啦,八號波又請左假,
蝕左2個半鐘XDD
前日番工勁唔慣,做野唔係好上手咁.....
仲要而家放暑假好辛苦添....
仲要呢個星期都要番晏,冇得出街啦>_<
睇左變型金剛,比我想像中好睇喎,幾型丫~
之前D咩哈利波特都冇睇.......
>>2007年08月15日 Wed 12:05:14 (GMT+8)
2007 年 7 月 26 日 星期四 【炎熱】
好忙丫最近^^
所以好耐都未update日記...
知情既人就知道我忙咩架啦,哈哈~~
話說上次我整親條腰,而家都接近好番啦^^
大家都唔使擔心我了....^^
上個星期去左書展,買左5百幾蚊書...傻左=_=
之後去左射哥同winnie既farewell,有廿幾人咁多,
包左cafe大家一齊玩,好開心,
希望佢地去左新既工作環境都要開心啊~^^
呢個星期我同annie調左過對更,番工時間完全相反....
有d唔憤....不過都幾好丫,好快適應了,我要更加努力先得^^
來緊既8月會放一個星期大假呀,plan好有咩做啦.......
希望可以趕得切^0^
>>2007年07月26日 Thu 13:15:58 (GMT+8)
2007 年 7 月 5 日 星期四 【乍雨乍晴】
中午約左ANNIE去試做一次激光XX啦,
不過去到cwb突然落好大雨啊,好彩有帶遮,不過都濕晒....
annie冇帶遮呀,所以遲左來....我上去先啦....
初初唔係點sell野既,整果下都幾痛喎.........仲有燶味XD
之後我地話諗下已經開始勁鬧,低能即走!!!
不過都賺左啦XD
之後一齊行下TIMES,仲食埋TEA,哈哈,好耐冇同ANNIE行街啦~
之後去左尖咀買野,頂又落大雨,隻鞋又濕晒.....好黑仔.....
落馬鐵去沙田,今晚約左超哥一家人食飯,佢細佬生日嘛~
間酒樓幾靚呀,又抵食喎,食到好飽~~
最黑既事發生了............走既時候我唔小心跣落樓梯............
左手手臂同腰好痛呀!!!!!!!!痛到喊呀!!!!!!!!!!>_<
嚇死超哥,即時打的去威爾斯睇急症,
頂!!!!!!!!!等左3個鐘先到我,不過個醫生超求其囉,係咁易睇下就叫我去照X光,
照完冇事就叫我走了,哇!!!!!我條腰仲痛呀都唔俾野我查既.............=_=
只係俾左止痛藥我食,好彩有一日SL,痛到我彎唔到腰...唉..........
12點幾先離開醫院,搭的士番荃灣好彩追到尾班巴士,
超哥仲送埋我番屋企,多謝佢啦~~~~~~^3^
夜晚仲好痛訓唔到啦,嗚~~真係好黑仔呀今日!!!!!!!
行路我要小心D啦!!!!!!!!!!!
>>2007年07月06日 Fri 20:14:44 (GMT+8)
2007 年 6 月 24 日 星期日 【炎熱】
 呢幾日仲咳緊呀,好辛苦....=_=
今日星期日調左要番工,番對更時間好快過啦~~
早上見左report,都係講果幾句啦,今年咁早見既...
約滿籌金快d出就好了^^
同小如調左食1330,可以同何生出去食,
加埋samson同阿文好開心丫,
之後番去晌counter了,
咦?我地4個終於都晌counter了,未試過丫XD
勁興奮!!!所以做野都快左好多,冇咩人龍添XDD
最後好快收工,YEAH~~~~~
之後我地5個出左街,哈哈~~~~~~~
真係好開心好開心,夜晚先送SHARON番屋企,
5人敬禮又出現了,之後佢地送我,不過好熱呀
番到屋企即時沖涼........
明天又對更,番晏呀,可以訓耐D^^
>>2007年06月25日 Mon 23:42:53 (GMT+8)
2007 年 6 月 13 日 星期三 【微雨】
又病左了,今日請左SICK LEAVE啦........=_=
raco唔晌度要打俾周小姐請假,有d驚........
成日都係訓覺,都幾正........
夜晚約左shampoo佢地食飯+去seto屋企玩XD
六點幾出去市中心先.呵~~撞到細MAY喎~
傾左一陣啦,之後接埋筒哥哥,等埋SHAMPOO同SETO去食飯先,
因為我咳呀,所以冇咩食得添.........
走既時候落得勁大雨啦>_<
佢地既新居晌兆康呀,都幾近呀,上到去都OK喎
5百幾呎都幾大,不過有D殘啦環境......
個地板有D裂痕......不過租既冇計了....
見到佢地部32"幾正,究竟32"定37"好呢?
坐左一陣就走啦,下次帶超哥上來睇下XDD
番到屋企咳得好勁........唉........
明天要睇多次醫生了...........=_=
>>2007年06月14日 Thu 11:26:33 (GMT+8)
2007 年 6 月 4 日 星期一 【炎熱】
上年既今日係我地4個去泰國既日子,
今日係我地一週年啦,心情百感交集........
呢一年發生左好多野,
多謝射哥,何生同SHARON照顧左我呢個白痴妹咁耐啦^^
識左你地真係好開心,期待我地有好多個週年~
早上唔夠人呀,不過又好快過左了,
放工等埋SHARON就走啦,好耐冇同佢出街了^^
今晚我地要慶祝下,不過今晚有個遺憾..........=_=
忍左好耐最後都喊了.........令大家唔開心了,對不起......
食得飽飽去左沙灘,做了個儀式XDDD
好熱呀,番到屋企即時沖涼,爽!!
>>2007年06月05日 Tue 11:32:17 (GMT+8)
2007 年 6 月 3 日 星期日 【酷熱】
 今日星期日要番工,都ok多人啦,見到阿文番工喎
好耐冇見佢啦^^
放工大堆人去左大輝屋企玩,有10個人呀,
本來想玩wii,不過太熱了,走出去打左一陣牌好了,
何生肚痛喎,我尋日都係呀,所以有止瀉藥晌身,
俾佢食完之後幾日唔使去廁所XDD
叫左PIZZA食,個新批麻麻啦,之後開氣酒(冇香檳買....)
幾好味喎,因為我咳呀,飲少少好了XD
之後教下細輝打牌,小朋友幾快上手喎,哈哈~~
佢地3個繼續玩PSP.........
玩到十一點先走,番到屋企沖完涼舒服晒^^
不過我間房冇冷氣真係慘.............
>>2007年06月05日 Tue 11:14:45 (GMT+8)
|
|
今次唔算爬得好多...