2007 年 2 月 16 日 星期五 【晴】

今日係年三十啦,開始我既6日假期XDD
不過一早俾sms嘈醒添........
好啦,約埋carman番圖書館先XD
番到去個個見到我都好出奇喎,哈哈~
送左隻狗狗俾SHARON,係去維園既手信啊~^^
食左李生既蘿蔔榚,勁多料,好味^^
同埋何生,熙熙食飯,之後我同CARMAN去睇戲啦,
睇"翻生侏羅紀",幾好睇呀,不過尋晚4點先訓......
搞到有幾個字訓左覺XDD
散場後MEET埋何生就行一陣花市先,
TW既年宵咁細既........
送走埋CARMAN得番我同何生啦,
食完野去行埋旺角既年宵,超爆多人!!!
好辛苦迫入去,好辛苦迫番出來,都冇收穫=_=
之後再MEET埋SAMSON,阿輝同阿文去CAFE玩,
上到CAFE都12點了......
傾左好多野喎,佢地講D野勁中POINT~哈哈~
HEA到3:00AM先走,番屋企途中累到死左.........
好眼訓呀,連何生都有眼訓感覺了......
4點幾訓,早過前幾年的年三十啦......

P.S. 新年快樂呀大家~
祝豬年個個都豬寵入水,個個都行大運啦^^

>>February 18, 2007 at 5:11:48 AM GMT+8

2007 年 2 月 9 日 星期五 【晴】

今日番早,早上annie唔舒服呀,想嘔咁.......
叫佢走啦,佢11點先走...........
今早ok多人啦,唔算好辛苦.......
lunch麻煩佢地去m記買左奶昔同換左公仔俾我^^
我想每個朋友都送個m記公仔俾我呀,開心樂園餐果個呢........
有10款架XD
下午上書都幾輕鬆,放工同射哥去西鐵站等CARMAN,
之後去滿記食野,好味^^
傾左D野啦,下個星期我地有好多節目XDD
之後佢地送我去我麻麻住的安老院,今日係團年聚餐嘛,
不過唔係太肚餓,D野麻麻好食啦..........
食到9點幾找何生出來傾計,因為安老院正在佢樓下XD
買左支野飲就坐公園傾啦,咩都有傾啦..........
傾下D開心野,唔開心野,自己野.....
睇來何生已經OK左DD啦.....
差唔多12點時佢就送我走啦,去到我屋企樓下又係傾.......
最後接近1點先回家...大家既心情好似冇咁沉重啦.......
我呢個做妹既梗係要開解何生啦XDD
聽早又約左食早餐..唔使訓了.....

P.S. 要朋友們擔心了,我冇咩事啦.......^^
有機會約晒你地出來傾呢個星期既事^^

>>February 10, 2007 at 5:43:13 PM GMT+8

2007 年 2 月 8 日 星期四 【晴】

因為尋日同D朋友唱K唱夜左啦,
成點先回家,所以今日好眼訓了.........
早上六點起身,約左何生7點食早餐.......
好耐未試過咁早食早餐啦^^
今日都係番對更,感覺勁FREE,
中午我地叫PIZZA HUT食,果隻三重芝士批冇咩特別既......
不過都食得我地好開心,仲好飽了....
下午搞下D DISPLAY書,今次既TOPIC咁難搵既......
多謝WINNIE幫我找啦,感激佢啦~
臨放工見到阿文,掛住佢啦~哈~
本來約左CARMAN佢地去食D野,
不過佢地話出先達搵D野,我同佢地一齊出去啦~~
最後都係搵唔到啦,不過食街邊野都好開心,3個人食左4串野^^
送完CARMAN上車,叫何生陪我等超哥啦,
超哥見到何生個樣都知道佢唔開心啦......
唉........大家都需要時間復原啊.......
之後同超哥行旺角,不過真係太累好似冇咩心情行咁.
買左個MARIO鎖匙扣,可以扣晌NDS度啦~正~
早左回家,真係好眼訓........
明天又番早.......

P.S. 前兩日訓"厲"頸,今日都仲痛........
唉.....

>>February 9, 2007 at 5:11:30 PM GMT+8

2007 年 2 月 6 日 星期二 【晴】

心情繼續不好.....
今天調了更番晏,在對更可以輕鬆點.....
同sharon勁傾計,好懷念呢種感覺....
變態佬又來了,好憎佢!!!!
不過俾阿敏趕走左XD勁呀佢XDD
TEA既時候有好多野食,多謝阿JOHN^^
決定星期五LUNCH叫PIZZA HUT食~HAPPY~

間唔中有一剎那唔開心,差點又喊了........
我幾時先可以企番起身>_<
收工前勁忙,自修室入座證LAST一日收表了,
D人係要最後一日先交表.........
放工見到CARMAN,很掛住佢~
番到屋企又是悶悶的.........唉..........

P.S. 知道左D野,你地唔話我知是為我好,
不過而家知道了又很心痛.........=_=

>>February 7, 2007 at 1:51:53 PM GMT+8

2007 年 2 月 2 日 星期五 【晴】

最近好少寫日記了........
呢個星期發生左好多事,心情超DOWN........
直至而家我仲係好唔開心......
唔多講了,
當我心情好D既時候我會繼續寫的^^

>>February 3, 2007 at 1:04:56 PM GMT+8

2007 年 1 月 10 日 星期三 【晴】

早上十點幾起身了,約左佢地3個飲茶,
順便交換聖誕禮物(XD),不過何生冇帶出來........
SHARON收到兩份好大既禮物啦,何生果兩份都好正,
之後去左元朗既CAFE坐下,果度環境幾好呀,
好舒服好乾淨,hea左一陣meet埋carman就去元朗廣場meet埋janice,
見到小如佢地,咁一行十幾人行過去啦,
今晚係我地annual dinner呀,去食韓燒,
不過d野麻麻好食,食左唔多囉.......
8點幾走左了........

p.s. 我地又搭的士回家了,好豪XDDD

>>January 11, 2007 at 3:52:32 PM GMT+8

2007 年 1 月 9 日 星期二 【晴】

講番早幾日病左呀,把聲都沙晒,好辛苦......=_=
而且個人好唔開心好煩躁........唉.....
今日終於好番D,出到下聲啦~YEAH~
一早起身同超哥去上環既蓮香樓飲茶(TODAY我cleaning off)
去到個格都幾古老,d野食ok咋,都食左九十幾蚊,痴線....
之後去左環球嘉年華,十一點入場勁少人,d攤位冇人玩,
玩左機動先,total我玩左11樣機動,都幾好玩呀有d,
超哥玩埋G-force同大風車,之後玩攤位先,送既60個金幣竟然一個公仔都拎唔到..........
再唱錢啦,最後win左三隻公仔番來,都好丫~~
最出奇係d流動廁所好乾淨,仲有得沖廁,幾好幾好XD
玩到3點幾走人LU,晌中環D天橋上面發現奇境.......
好多人圍住垃圾桶煲煙,冇計,迫住D人周街食煙~
之後去番旺角食野,買埋何生份禮物就番屋企啦,
佢果份禮物要行晒3個地方先買到.......我對呢D野唔熟行嘛.......XD
因為超哥之後仲要去打波,我都已經好累啦~~
今日好開心呀,可以同超哥玩左一日,又有公仔添^^

>>January 11, 2007 at 3:45:32 PM GMT+8

2007 年 1 月 3 日 星期三 【晴】

先祝各位新年快樂先^^
06年總結唔算係好好既一年,
希望07年會更好~~
06年晚因為超哥同佢d frd番大陸玩,好夜先落來,
所以最後同carman佢地過,
去左黃金海岸行下,影下相,食野,
去到海灘有d凍啦,之後又食左d辣野....
好似有d病呢....
倒數時大家都好興奮呢.哈哈~07年各位要多多指教了~~
carman去左新既工作環境都要開心d呀~~^0^
send左好多sms俾朋友,不過好難send添.....
差唔多一點番到家.陸續收到sms,第二日十一點起身有十幾個sms未睇XDD

1月1日同超哥行下工展會,LAST一日了,不過一起身喉嚨痛,
唉...又病左了....不過捱埋佢啦....
行完工展再行CWB,買左野送俾CLARA~~呵呵~
之後坐低食飯兼睇叱吒,睇左半個鐘左右要走了,
因為驚會展果面O岩O岩散場多人搭車嘛,番到屋企繼續睇叱吒XD
睇到兩點先訓,喉嚨好鬼痛...唉.....

1月2日番晏一起身...唔掂呀.頭痛+頭暈+喉嚨痛.........
不過都要頂硬上番工,寧願第二日星期三SICK LEAVE好了....
好彩人唔算多,總算捱到八點,預計自己第二日番唔到了,
問定李太星期四番工有咩做咁,就去睇醫生啦,好多人睇醫生喎,
等左大半個鐘先到我,都係一般既感冒啦,番屋企食左藥大覺訓了,
之後星期三成日留晌屋企休息下,好左好多了,不過D驚搞到個人好暈....

到左今日星期四要番工啦,食左藥都係暈暈O地,唔算好多野做啦~~
中午某人番左來...唉.....
佢有佢做野,我有我做野O者,好快又到5:30PM,放工啦~~
好似漏左好多野未做....究竟係咩呢....
本來諗住今晚出街,不過太累了,都係回家訓覺好了.....

P.S. 頂,今日個市跌呀,錯失左入貨既機會添.......

>>January 4, 2007 at 2:25:39 PM GMT+8

2006 年 12 月 23 日 星期六 【晴】

今日係平安夜啦,仲係day off既星期日添~happy~^^
中午出左來啦,同超哥去睇007先,都ok好睇既,
不過有d劇情唔係咁明添....
之後再行一陣tst,4點幾已經有好多人啦,
勁迫啦~~6點幾就去食聖誕大餐,book左位晌Todai,
第一次食長腳蟹,ok好食啦,我嫌d蟹太凍XDD
仲有其他魚生果D都好好食,甜品最正XD
不過到差唔多食完既時候....咦?M到?
冇預計喎,唉.....即時冇咩MOOD添....
食完8點幾行一陣海旁D地方,哇~~好鬼多人喇~~~~
不過越行越痛個肚,都係早D回家啦,
番到屋企都係11點幾,未試過咁早番到屋企~哈哈~
過左12點,SEND 完一堆SMS就訓啦,真係好累.....

P.S. 多謝超哥既聖誕禮物啦,好鐘意呀~我會日日用架喇~^^

>>December 25, 2006 at 3:43:14 AM GMT+8

2006 年 12 月 22 日 星期五 【晴】

今日係12月23日,係平安夜既前夕呢,
番埋今日就連放3日假啦~yeah~~
所以今日勁有hoilday mood了XDD
一番到去Clara送左聖誕禮物俾我呀,
係隻豬豬公仔,多謝晒啦^^
仲有收到Raco同Crystal既禮物,都多謝你地啦~啜~~^0^
可能開左新館既關係,所以人好似少左....
無驚無險又放工啦,呵呵呵呵~~~

最近有好多新股抽呀,不過我抽8隻只中左2隻,
到而家仲未放...最近d新股唔算升得好好,唉...坐艇.....
下年再努力先~~


p.s. 祝大家聖誕快樂呀~~!!^^

>>December 23, 2006 at 1:18:47 PM GMT+8