2005 年 7 月 17 日 星期日 【清涼】

今日調左更番晏,天氣仲係勁熱......=_=
圖書館星期一係超多人啦,再加埋而家個個都來抖暑仲慘呀.....
編左新更表後第一日番佢地更唔係好憤,都唔知點走位既.......
今日先知個女新同事住晌我隔離幾座咋.....
咁o岩呀,仲有小學都係讀同一間呀,佢仲問我係咪同佢同屆.......
唔係掛,佢係個師奶樣來架喎XD
不過佢對工作幾熱誠既又,我地呢D已經做到對人冇咩禮貌LU.....
放工後去左同STELLA同ANNIE飲野,當然我係食飯啦~
傾下STELLA最近既煩惱咁,睇來真係幾煩既...
一切順其自然好了~~~~
番到屋企熱到忍唔住沖凍水涼,正呀!!!!!!!XDDDD

P.S. STELLA部K750i幾正喎,不過我應該唔買lu XDD

>>July 18, 2005 at 4:39:08 PM GMT+8

2005 年 7 月 16 日 星期六 【清涼】

尋日星期日要番工啦,天氣好熱呢~~~~~~~~~~~
而圖書館D冷氣竟然俾人熄左,痴線架!!!!!!!
我成日都出晒汗喇!!!!!!!D人唔係做野梗係唔知有幾熱啦!!!!!!!!!!
人都算幾多啦,好彩都算準時收工~~
之後同ANNIE,KEVIN,超哥去食葡國野食.......
都幾好味呢,之後行一陣,夜晚點解仲係咁熱架,
行到出晒汗喇,搵個商場行下好了XD
之後去食B仔涼粉,第一次食咋都係,好大盤喎,
好多生果幾正~~~食到好飽XDDD
今日都幾HAPPY啦,好耐未試過4個人出來喇^^


P.S. 今日小如又sick leave喇.......
佢好似仲未得呀,好擔心佢.....
希望唔會俾office d人話喇....

>>July 18, 2005 at 4:29:59 PM GMT+8

2005 年 7 月 14 日 星期四 【酷熱】

尋日星期四去左Raco屋企玩啊~~~~~~
我先到啦,主人家親自落來接我謝謝啦XDDD
一入到屋......
哇~~~~~果然係新婚小夫妻既甜蜜屋企呀,
有好多公仔,仲要係一對對添,而且執得好乾淨整齊,
感覺好舒服既一個家^^
之後帶我周圍參觀下,好想住晌度呀XDDDDD
之後小麟同阿聰就來喇,好野,開餐啦~~~~~~
有意粉食~~好味呀!!!!!之後先來一杯TIRAMISU......
正呀!!!!!!RACO整甜品真係拍得住酒店D師夫啦~~~~
之後ANNIE都到埋喇,
再睇下佢D相,見到佢D日本旅行相搞到我又想去日本呀!!!
仲有佢同佢未來老公D結婚相,
去台灣影真係好靚呢^^
再食下佢整既藍莓芝士蛋糕同OREO既CHEESE CAKE.........
當然都係勁好味啦,食到好飽喇^0^
見到佢著住圍裙忙呢樣忙O個樣好人賢妻良母FEEL呢XDDDD
搞到我都想有自己既屋企喇>_<
又傾下計咁過得幾舒服呀呢個假期^^
之後去埋阿聰度坐下(行幾步路O者)
HEA一陣就走先啦,RACO約左未來奶奶XD
ANNIE約左FRIEND,我就梗係搵超哥啦XD
留番小麟晌阿聰家睇碟~呵~~~~
出到去仲早,所以約左超哥去左太古,
順便睇恐龍展,都唔係好特別O者,因為太飽所以求其食左D野....
之後就慘喇,唔知係咪我食滯左定飲得多凍野.......
開始勁肚痛呀>_<,連街都行唔到,拿拿聲搭車番屋企解決先..=_=
唔通真係我食得太多CHEESE CAKE!? 咁係好食丫嘛~~~~~~
我唔後悔架XD

到左今日個肚仲有D痛同滯呀,所以本來想同超哥D朋友食飯都係唔去LU,
圖書館依然都係好多人啦,來左3個新同事.........
佢地既樣怪怪O地咁......總之就好笑啦XDDD
年紀都好似幾大添喎......哈哈~~
之後幾日都要番工啦~~加油!!!!

P.S.1 本來諗住下星期六同日同ANNIE,KEVIN,超哥去旅行架,
我同ANNIE假都請埋啦,不過KEVIN好似星期六調唔到更喎........
好唔開心啊~~~~>_<

P.S.2 我由7月14日開始變番做新世界人喇=_=
各位SMARTONE既朋友仔唔想O徙錢既就唔好SEND SMS過來喇......XD
不過SEND到過來我都會照覆你既XDDD

>>July 15, 2005 at 3:40:35 PM GMT+8

2005 年 7 月 13 日 星期三 【晴】

星期日day off呀~~好不幸m到呀!!!!!!!!!!!!!!!!!!
成個朝早都唔係好舒服呀!!!!>_<
中午等唔切要出街啦XD
約左超哥行下,不過冇咩心機,仲有D痛嘛.......
所以求其搵間CAFE坐下好了,順便睇下D中國短線團啦......
都算係揀到幾樣啦,個肚都好D LU,
THEN再出旺角亂行啦XDDDDD
星期一又DAY OFF啊~呵~
留左晌屋企清下D/L左既日劇先,而家追緊4套新既日劇,
都幾好睇呀,不過又係一星期得一集有排追呀!!!!
夜晚食完飯出去搵超哥食糖水,佢好似有D唔開心喎.....
唔緊要啦,見到我都會開心晒架喇XDDDDDD

到左尋日放工後就約左筒同GRACE食飯,係筒既生日飯啊XD
竟然去左食3送飯O個D,佢地兩個真係細食呀XD
GRACE想讀圖書館COURSE,拎左D章程俾佢,希望遲D做得成同學仔啦~~^^
之後睇下佢地部NDS,真係幾好玩喎,搞到都有D想買.......
不過冇錢呀><
之後再去食糖水,滿記既芝麻糊都幾好食喎~~
番到屋企勁累,STELLA買左K750i呀!!!!!咁快既!!!!!!!!
咁既話我都係未必會出lu XDDDD
聽日去raco屋企玩~呵~~~

>>July 14, 2005 at 3:45:49 AM GMT+8

2005 年 7 月 8 日 星期五 【綿綿細雨】

星期四約左小麟去尖咀ceo唱k啦~~~
無啦啦又落大雨呀,真係唔開心呀......
CEO又幾正架喎,有獨立廁所啦,有無線咪啦,D野又好食啦,
只係比出面既NEWAY貴幾蚊咋喎!!!!!
不過唱既時間就短D囉,都算唔錯既~~
其實今日我地出來既主要目的係報圖書館助理既課程,
終於的起心肝讀書啦XDDDDD
眼見咁多人都有讀書,自己日日都無聊地渡過.....
係時候要積極d啦~~~~^^
不過都睇下抽唔抽得中囉~~~
報完之後都好早O者,所以去左APM行下,小麟未行過嘛,
去左一間餐廳食tea,好大件cheese cake呀,正!!!!
因為之後會同annie睇戲,所以都約左annie去APM等,
聽ANNIE講小如今日又唔掂呀,勁喊啦,好似訓唔好呀
唉......小如幾時先可以重生啊.......好擔心佢啦~~~!!>_<
我地3個晌餐廳傾左一陣計,我就越坐越唔舒服啦.......
喉嚨勁痛又流晒鼻水咁,唉......又病啦.....
行多陣之後去FOOD COURT等位,之後超哥同KEVIN一齊來啦,
好快咁食完野之後就去睇龍咁威2喇,第一次晌APM睇戲都幾舒服,
差唔多全場FULL呀,第一行都有人睇呀!!!
呢一集竟然同上一集咁好笑喎,有好幾個拍手位添呀XDDDDDDD
唔錯既娛樂性來講XD
之後ANNIE好似好累咁就走啦,我仲係勁流鼻水咁>_<
番到屋企食左D藥就訓LU

第二日起身,仲衰過之前,都係要睇醫生了.........
慘啦,仲要番1400-2200添啦今日.......
拎左病假既話就冇人番夜,自己唯有頂硬上啦=_=
睇完醫生番去已經好唔舒服,頭暈又累咁....
今日仲要係勁多人......番工咁耐都未試過咁慘...嗚~
去到後期好番少少啦,不過仲係手軟腳軟咁......
好彩同事們見到我咁既樣都搶晒D野做,
可以有機會抖下,謝謝你們了^^
好辛苦先捱到10:00PM啦,番到屋企即訓了........-_-

到今日已經好番好多啦,仲有少少累,不過都好番8成啦~~
好快已經放工~呵呵~之後連放兩日喇!!!!!YEAH!!!!!!
番到屋企上網既時候隻腳竟然抽筋!!!!!???
好痛呀,隻腳好似不受控制咁,之前都未試過好驚~~~
不過壓一陣好D了,難道我坐姿唔正確?真係奇.......

P.S. 最近追緊一套台劇,叫"惡魔在身邊"
勁~~~~~~~~~~~~~好睇架!!!!!!!
不過台灣而家一個星期先得一集等死人喇!!!!!!!

>>July 9, 2005 at 3:28:49 PM GMT+8

2005 年 7 月 3 日 星期日 【晴】

7月1日都要番工呀!!!
不過唔算多人都OK既~
之後既星期六就好多人了,不過都係朝早晌出面O者
下午晌OFFICE做野~呵~
星期日終於DAY OFF了~~~~~~
中午約左超哥食埋LUNCH就去睇頭D,
賽車場面超正啦,不過唔覺好笑喎,OK啦呢套~~
之後去左剪頭髮,個師父教我JEL頭喎,
佢整得幾好喎,有時代感左XDD
自己都買左髮泥番屋企試下先XDDDD
之後去左尖咀,睇左D BIRKENSTOCK既鞋,
原來我著童裝都得喇喎!!!!!平100蚊呀!!!!!!!!!!!!!!YEAH~~~~~~~
不過揀O岩款竟然冇我碼呀!!!!!!!!!!!!!!!!!!
唔開心呀~~~~~~~!!
唉,是旦買對冇牌子既算喇~~~~~
好夜先回家呀,又好遲先訓..
所以今早好累~~好彩拎左鐘放半~~~呵呵~
星期一既朝早真係好忙,勁多野做.......
LUNCH同ANNIE,小麟熙熙同張太去去食飯,
食客飯有5個菜正呀~~^_^
之後同ANNIE睇泳衣,不過之前去左SOFINA COUNTER買野,
想買防曬好耐了~最終買左^^
自己一個唔敢去COUNTER買野架~~~XD
泳衣方面......ANNIE話出面D款靚D啦,
下次再同佢出去睇啦~之後回家午睡了~
太舒服喇~~~~~~ :D

P.S. 韓國型男RAIN來左香港呢......
佢唔可以叫靚仔囉,不過真係幾型~~
唔怪得FANS顛晒XDDD

>>July 4, 2005 at 2:21:01 PM GMT+8

2005 年 6 月 28 日 星期二 【晴】

呢幾日心情好晒啦~~~呵呵~~~~~
尋晚同小如,ANNIE,小麟+細MAY食飯,主要都係同小如散下心......
呢幾日佢真係好堅強....已經冇再喊...
不過...見到佢成日呆晒既樣真係好心嗡.....>_<
我地都知佢放唔低....佢真係太愛佢bf 喇!!!!!!!!!!
不過事情已經發生,諗下應該點做先最重要......
我地都主張決絕d對個男仔,分左手如果再keep住有聯絡係算點丫...
同埋要慢慢將呢個人晌自己生活中抽出來.....
(我都知係好難,如果係我一早死左lu......)
加油呀~小如!!^^
有咩事都可以搵我地,我地唔會俾你繼續唔開心架!!!
最後佢都喊左出來.......要爭氣d呀!!唔好衰俾d男仔睇!!!!!
番到屋企都12點幾lu,
今早勁眼訓呀.......小如好似好左dd,下午仲約左發仔睇戲添~~
咁咪好囉~~不過佢仲要好多時間去處理呢件事喇.......
下午輝少番左來喎,我唔記得左啦XD
本來應承左留D書俾佢添架,唔緊要,
佢要D書好易搵O者XDDDD
之後同ANNIE放工回家,傾開之後有好多活動就HAPPY啦!^_^
不過我係時候PLAN下D假LU......
冇得去旅行分開慢慢拎都幾正~XDD

>>June 29, 2005 at 2:29:13 PM GMT+8

2005 年 6 月 26 日 星期日 【晴】

星期日似乎已經同超哥冇野咁喎....
都有講下電話咁啦,
仲約左星期一見呀,睇下佢點對我~嘿~
星期日調左更番工啦,太好了~之後兩個星期日都off lu~~~XDDDD

今日放半晝呀,小如好似冇咩野咁啦....
當然仲有唔開心啦,希望佢好快振作起來呀!!^^
下午回家訓覺啦,之後又要出去,同ANNIE,STELLA同輝少打波,
打一個鐘都好夠了,之後約左超哥,佢特登入來搵我算係咁喇......
果然我地好快冇事喇XDDDDDDDDDD
佢想換手機喎,3230好咩.....不過都係星期日既事啦~~
PLAN左之後好多節目呀~~~~
梗係啦!!!!!成兩個星期冇同佢出街了~><
不過佢要打羽毛球唔係有太多時間囉.....
不過佢話會盡量陪番我多D架~嘻~^^
好多謝各位既關心啊~~
經過呢件事後真係學識左要珍惜對方,
唔好成日鬧意見咁,日日喊既滋味真係唔好受=_=

P.S 睇左RACO既結婚相,好~~~~~~~~靚啊~~~~~~!!!
睇佢地既樣真係好幸福啊~羨慕~~^_^

>>June 28, 2005 at 3:20:21 AM GMT+8

2005 年 6 月 23 日 星期四 【颱風】

講番呢幾日既事先,
星期三調左更番晏,番到去見到小如.....喊到...
知道左呢件事我都好唔開心,
全部人都好擔心佢喇.......
希望佢快D冇事啦....
本來約左星期四唱K等活動都取消左...
最後都有去食飯,賀藍哥生日嘛,
TOTAL有8個人,去食韓燒....
幾正幾多野食^^
到左今日番早,好大雨呀~~~~~
已經落左雨一個星期啦,好悶呀>_<
同D SUMMER傾下計咁,佢地都好乖喎^_^
下午小如番來又喊喇.....
唉......你要加油振作呀......=_=

至於我同超哥.....都係冷戰緊喇......(已一星期啦~)
不過有時都SMS下,我仲未原諒到佢......
不過小如呢件事令我知道要珍惜眼前O個個....
好似冇咁嬲佢啦所以心情好似好左D,
有時都好掛住佢架....唉......
好彩星期日調左更番工,以工作來麻醉自己啦唯有~
多D搵我去散心啦各位^_^

>>June 24, 2005 at 10:48:50 AM GMT+8

2005 年 6 月 20 日 星期一 【乍寒還暖】

今日成日都落大雨啦,自己既心情都係好差............
已經幾日冇聯絡啦....唉.....
我覺得自己仲可以支持到放工既..
點知CHRIS一番來就晌度喊喎...
我見到佢都忍唔住即時狂喊.....T_T
晌分書房我地兩個喊左大半個鐘啦,
期間有好多人入來探我地,
見到大定既關心反而令到我喊得更勁喇......
最後喊到隻眼腫晒先出去見人...
實在太唔開心了...
未試過鬧交搞到咁....>_<
除左我,CHRIS,原來小如都唔開心呀.
所以出到去見到佢大家又眼濕濕了.....
咩事呀今日,個個女仔都有問題既!?
之後夜晚搵KAREN傾電話,原來佢最近都有D野煩緊......
噢!!!點解我身邊既人個個都咁唔開心....!?
佢都有安慰我,佢D觀點都幾好呀,
好多野我冇諗到既佢都會諗到.....
唉~到底我幾時先可以跳出谷底呢......

P.S. 希望我身邊所有人之後都可以冇晒煩惱~
開開心心咁生活就好了.......

>>June 21, 2005 at 4:40:31 PM GMT+8