2005 年 3 月 25 日 星期五 【陰】

今日雖然係復活節假期,不過我地呢D服務性行業既要番工喇><
講番星期四係DAY OFF,不過下午要番去搞D野,順便探下Clara啦~~~^^
之後再出去搵超哥,不過突然有d異樣....噢!!!!!又來m了!!!!!!
好彩都唔算好肚痛,食完飯仲可以去食糖水添,最近好鐘意食芝麻糊XDD
食完個肚暖暖的唔錯~~~
第二日星期五都係DAY OFF,本來想番大陸架,不過又唔方便....
而且朝早個肚仲係不適,約超哥去唱K好了,之後去左買飛睇戲,
哇~~假期真係好多人睇戲呀,搞到要睇夜晚8點幾既場次.....
中間咁多時間去左觀塘既APM行下,呢個大型商場真係幾好行,
起碼好過朗豪坊先,不過有好多鋪頭都未開呀,開晒之後一定係我既新浦點呀!!!!!
推介佢入面既CITY SUPER FOOD COURT個環境好靚呀,又多野食~
仲有個廁所都好靚,廁格入面有個位係可以擺BB架XDDDDD
我用左來擺袋XDDD真係方便!!!!
之後睇"精武家庭",唔係我想像中咁好笑囉,都OK好睇,同期來講"AV"會好睇D~
因為今日要番工所以睇完戲就走LU.......

至於今日要番工好唔慣添,好彩人唔算多,不過麻煩人多~唉~
仲有聽日要捱........

>>March 26, 2005 at 1:40:46 PM GMT+8

2005 年 3 月 20 日 星期日 【陰】

講番先,上星期三終於有得放假,約左筒哥哥同grace出來食飯,
順便同grace慶祝生日啦,首先下午同筒去買禮物先,
再接grace放工,之後去左九龍城食泰國野,都幾好食^^
後來去到grace屋企樓下,先知道原來佢對面街就係天涯俠醫龍城診所所在地!!!!!!
太驚訝了XDDDD佢帶隻狗落來散步啦~~都幾可愛喎,不過都十幾歲有D老啦,
唔係太活躍啦~行左一陣佢就要番屋企啦~我地再打一陣機食埋糖水就回家LU~~
知道GRACE佢就有工番都替佢開心呀~~^_^
之後星期四當然又係OFF啦~下午先約小如去買護膚品,介紹左個SALES俾我識,
佢超得意架喎,自己講野自己笑既XDDD我地都買左好多野呀,
佢都好識做送左一堆SAMPLE俾我地,呵呵~~~~~
夜晚約左超哥,小如同小如既仔仔(祥bb XD)去睇舞台劇,
係詹瑞文既男人之苦,之前超哥介紹一度食漢堡包好食既地方,
最後都搵唔到求其去左一道差唔多既地方食,每人只係食左三十幾蚊,
因為有樣野冇計我地錢XDDDDDD
之後好趕咁去啦,遲左少少都唔緊要,因為我地坐低都等多2個字先開始~
真係超越好笑呀~~詹瑞文一個人飾演晒咁多角色真係一流,又要記咁多對白添,
總之就正!!!!XDD

星期六本來約左ANNIE同KEVIN同超哥去元朗食日本野,點知超哥突然病左...
唉....好唔開心添,冇計啦,佢地兩個去好了~~橫掂星期日都出街架啦~
星期日去左行花展,佢個樣仲有D病喎....唉....佢又唔睇醫生~~
本來想買左TV CARD晌電腦睇電視既,不過屋企冇位加多條線....麻煩><
去左睇"AV",唔錯丫套片,幾好笑,講下而家D年青人冇咩目標咁幾有意思~
最後仲去左長沙灣一間好出名既甜品鋪食糖水,好多人呀,不過都幾好味,
好多野都想試下添,其實都好難有機會再去食LU,唔係好就腳........
今日又係DAY OFF,冇咩野做留晌屋企咋,都幾舒服丫~~^_^

>>March 21, 2005 at 2:57:52 PM GMT+8

2005 年 3 月 12 日 星期六 【乍雨乍晴】

好辛苦呀~~~~已經連續番工七日喇!!!!!!!!!!
由上星期一開始直到今日星期日都未放過假啦,
最慘係星期四番7:30AM-10:00PM,足足14個半鐘!!!!!!
3-5月自修室既時間就係咁架喇><
NON STOP咁做野真係累到暈呀!!!!!!!!
之後既星期五係又係番到10:00PM,哇~~~太難捱了!!!!!
所以搞到尋日同今日都好眼訓....
好彩星期三會放假啦^0^

P.S. 上星期三睇左基仔CONCERT,唔錯喎!
唱LIVE幾好~又有AARON做嘉賓添^^

>>March 13, 2005 at 2:20:59 PM GMT+8

2005 年 3 月 5 日 星期六 【晴】

是日四人約會,
中午先去碌LANE,之前同超哥去食M記,
開心樂園餐有玉桂狗公仔換嘛XD
ANNIE同KEVIN遲D先來啦,所以我地開左LANE先,
2個鐘300蚊唔算平喇,好耐冇碌過,第一局仲OK..
之後冇力啦,個波又重,球球落坑XDD
KEVIN打得最好啦,有姿勢又有實際XDD
ANNIE都唔差喎,似乎係超哥得個樣.....XDD
呢幾日隻腳有D痛呀,唔知係整親定對鞋既問題.....
今日嚴重左啦,行路都痛添....好彩冇去踩冰咋......

之後我地去PACIFIC PLAZA 既COVA食TEA,O個度真係好高級咁喎,
冇錢食自助TEA啦,每人食舊CAKE+杯野飲,已經五十幾一位......
好貴...坐得又唔特別舒服喎...呢D野都係O岩闊太做XD
THEN再行一陣,再上去香港公園,本來想上埋山頂,不過見都天黑LU,
唯有改去食九記牛腩(我地成日都去食XD),行左一段唔短既路,
去到竟然話星期日關門!!!!!!!!!!!!!!!>_<
難為我咁辛苦先行到...唉....
之後搭叮叮去勇哥度食飯,兩個星期內食第二次啦~~
今晚勁多人喎,點番D舊菜......唔....D味差左喎....
原來換左人.....不過都OK既.....食完後都坐下同勇哥傾左一陣先走人,
同ANNIE佢地分手後我同超哥再去買跌打酒先番屋企,
今日都幾開心呀~~玩左一日~~不過好多都係高消費既野喎XDD
下次番大陸玩好了XD

P.S. 最近鐘意D/L周星馳經典對白作為手機鈴聲,正!!!!!!

>>March 7, 2005 at 3:23:44 PM GMT+8

2005 年 3 月 5 日 星期六 【乍雨乍晴】

3月開始係我地最難捱既日子啦~~
因為自修室開始繁忙,又要入座證等等,
最慘係朝早要番7:30AM呀,眼訓死.....
講番呢幾日都冇咩特別野,小麟介紹左隻打牌GAME,
都幾好玩既,不過要點數既,所以都玩得唔係好密~
仲有搵到一段網上流傳既片,係男同女搞野既片........
放出來既人話執到部電話,入面就有呢條片......
好心啦,咁既人都放出來,仲要影到果對男女好清楚添....
睇完都好嘔心.....
今日星期六圖書館真係超多人......好耐都未試過.....
可能天氣好啦~(雖然好凍~),不過好快又過左喎XDD
今日左腳好鬼痛,懷疑著O個對NIKE鞋有問題,可能太緊....
搞錯呀,著左咁多次而家先來有事,暫時都唔好著先LU..

P.S. 聽日又係4人約會~HAPPY~^0^

>>March 5, 2005 at 4:20:04 PM GMT+8

2005 年 3 月 5 日 星期六 【乍雨乍晴】

3月開始係我地最難捱既日子啦~~
因為自修室開始繁忙,又要入座證等等,
最慘係朝早要番7:30AM呀,眼訓死.....
講番呢幾日都冇咩特別野,小麟介紹左隻打牌GAME,
都幾好玩既,不過要點數既,所以都玩得唔係好密~
仲有搵到一段網上流傳既片,係男同女搞野既片........
放出來既人話執到部電話,入面就有呢條片......
好心啦,咁既人都放出來,仲要影到果對男女好清楚添....
睇完都好嘔心.....
今日星期六圖書館真係超多人......好耐都未試過.....
可能天氣好啦~(雖然好凍~),不過好快又過左喎XDD
今日左腳好鬼痛,懷疑著O個對NIKE鞋有問題,可能太緊....
搞錯呀,著左咁多次而家先來有事,暫時都唔好著先LU..

P.S. 聽日又係4人約會~HAPPY~^0^

>>March 5, 2005 at 4:19:25 PM GMT+8

2005 年 2 月 24 日 星期四 【暴雨】

今日係星期五,拎左annual leave,本來都冇諗住拎,
不過太多假要放下.......仲諗住超哥可以陪下我添...
原來佢今晚要同同事食飯=_=
咁唯有中午同佢食lunch啦,好彩佢今日見客,朝早11點就free啦,
所以我都一早出去同佢食早餐先,之後行一陣再去食lunch~~XDDD
不過落雨好鬼煩!!>_<
之後佢番工啦,我去左HKC Hea左一陣,之後都係番屋企lu,
悶死人啦!!!!!!!!早知唔拎假好過!!
又搵唔到人陪我喎,唉........
今晚超哥同同事去食海鮮,點知俾人隊酒隊到嘔晒........
擔心死人喇!!!!!!!!!!一早叫左佢唔好飲咁多啦!!!!!!!!!!
搞到佢今晚都要打的番屋企,而家仲醉到不省人事..........
嗚~~如果可以晌佢身邊照顧佢就好喇>_<>_<

>>February 25, 2005 at 3:10:36 PM GMT+8

2005 年 2 月 22 日 星期二 【陰晴不定】

今日星期三都冇咩特別野既,
一早番去好鬼凍架喎,不過人就唔多囉,
星期三係咁架啦,真好~~
小麟拎左半日去拍拖,好開心呀~~
下午既office hrs真係超忙,大把野等住我做!!!!!!!!!
好彩annie同clara代我去抽I.T.FORM咋,放工前工作既進度同我預期差唔多啦~~
放工後約左STELLA食飯,都好耐冇見佢喎,
今日係農曆十五呀,所以有好多人食齋,好彩有BOOK位O者,
食得好飽,仲有剩我打包番屋企XDDD
之後行左一陣,想去食糖水,不過就近間健康工房執左!?
唉.......最後去左許留山啦,傾下大家既近況,佢O個面個AL好唔掂喎好似,
真係慘啦,反而最近我地又冇咩野特別野,得閒去探下佢啦XDD
而且竟然坐左成粒鐘XDD
大家都要努力呀!!!!!!而家圖書館真係好鬼難做!!!!!!!!
星期日行山呀,KA WAI同BONNIE都去,希望STELLA都去啦(SORRY!我要番工XD)
夜晚上晚..頂!!ICQ又有問題,見唔到人ONLINE添,冇瘾!!!
之後連放兩日假,開心開心^^(不過星期五冇地方去,大家可以約下我XD)

P.S. 2月24日chris生日呀~~~~~生日快樂!!!!!
星期六食飯呀~~~

>>February 23, 2005 at 4:55:06 PM GMT+8

2005 年 2 月 17 日 星期四 【颳風】

又隔左大半個月先寫日記,問番先知都有好多人等睇我既日記喎XDDDD
不過自己懶冇計XDD
話咁快新年又過左啦,先講下年三十有咩搞先,
今年都係約左SHAMPOO同筒哥哥行年宵啦,
不過今年多左SHAMPOO的仔仔一齊,
仲有筒帶多個朋友來,TOTAL有5個人都幾熱鬧既,
不過突然覺得自己做左電燈膽XD
先去睇左"超人特工隊",一向都好憎睇呢類戲,今次真係冇戲想睇嘛......
睇完之後都OK喎,幾好睇添XDDDDD
仲有就係入場前撞到BENEDICT,不過佢同SHARON既樣好呆,
問番先知佢地都係睇超人,不過眼訓得滯喎XD
之後凌晨兩點幾先開始行維園,人唔算好多囉,
不過都要迫住來行呀~而SHAMPOO佢地因為眼訓得滿行左十分一路程就走人LU,
真係冇瘾!!!得番我地3個,覺得自己好電燈膽囉XDD
今年都冇咩特別野買,求其買左D野就走LU,都未夠6點,
好奇怪成晚都唔係好累咋喎,反而上地鐵即時訓到...ZZZzzz


年初一朝早7點幾先訓,訓到未夠一點又俾人叫起身食飯.
之後有人來拜年都冇得再訓添.....好彩唔駛出街.....
初二早上要去姑媽度拜年,之後再去叔公度.......
之後約左小麟同筒哥哥打牌,所以坐左一陣就走lu,
都打左10圈啦,結果係小麟大win家,筒係大輸家XD
我都輸左十零蚊少少咁啦,不過今次見到好多特別既牌喎,
大三元,小四喜,我連花糊都食埋真係難得~
初三約左超哥去車公廟,勁多人啦.......每年必到既地方~
之後去睇魔界行者,比我想像中悶....不過奇洛好型!!

仲有今年第一年上超哥家拜年,有D緊張,連佢大伯一家都晌度添......
不過佢地都好好啦,仲有BB仔玩下XDD
2月14日去左又一城既EXP食,麻麻地啦,時間又短,又食得唔飽.....
之後仲要食宵夜添XDD
今年情人節有D平淡啦,下年要搞下新意先XD

前日約左KAREN同筒去CITY1牌,真好呀,慳番房租錢~~
打左8圈,今次筒係大WIN家啦,好彩我唔係大輸家:D
不過都輸左廿幾蚊算係咁喇,之後叫PIZZA HUT,
好抵呀,每人都係三十幾咋,食到好飽添~~~

P.S. 希望遲D可以寫密少少日記啦XDDDDD

>>February 18, 2005 at 3:47:10 PM GMT+8

2005 年 2 月 2 日 星期三 【暴雨】

又半個月啦~~~~XDDD
前幾日我地既LO來左喇,係個幾後生既女仔,
好似幾NICE咁啦,希望之後可以合作愉快喇XD
工作方面都冇咩特別野,係我今日打簿見到D人工又少左D有D唔開心喇.....
唉.....我係咪成世都做圖書館呢.......
尋日去左剪頭髮同HIGHLIGHT,SHAMPOO就負離子啦,
佢整左4個鐘呀,我睇左十本雜誌都有呀XD
最後剪到我好短添,HIGHLIGHT左紫色都唔係好覺,
是旦啦,效果唔太差都OK既~~
之後深夜筒哥哥同KAREN打來3LINE喎,
好耐未同佢地傾電話啦,幾HAPPY,不過好快就眼訓....
大佬,番左成日工呀~~累死~~~~
而且又約左今日同同事們唱K,唯有早D收線啦~~
你地都要多D打來搵我傾呀~~~~XD

今日我地一行7人去唱K LUNCH,同阿聰慶祝生日嘛,
有蛋糕食添呀,不過唱得3個幾鐘唔夠喉喇~~~~
藍哥唱D"敏"南話歌真係一絕呀~~!!!!正!!!!!!!
之後同小如去買詹瑞文既舞台劇票,估唔到咁受歡迎~~~~
好多場都冇咩位剩啦,好彩最終都買到,我地都中左"詹毒"喇XDDDDD
之後四點幾番屋企訓一陣先,夜晚食團年飯呀~~
食得好飽呀,仲食左個好味既芝麻糊,稻香D野果然正!!
聽日番14:00啦~~~可以訓晏D~呵~

P.S.1 小麟終於有拍拖啦!!!!!!!我地都替佢開心啦~~~~^_^
P.S.2 最近追睇緊大長今同浪漫滿屋,韓劇真係幾O岩我睇~~XD
P.S.3 下星期新年啦,又有排忙了.......

>>February 3, 2005 at 4:02:58 PM GMT+8