2006 年 10 月 3 日 星期二 【晴】

今日係星期三又係day off啦,因為上星期四番左工XDD
朝早起身睇多一集韓劇先,叫"葡萄園的小伙子"
好好睇呀,仲有兩集睇完了..........個女主角係"宮"既女主角,
好靚女架XD
之後睇番個市,瑞安我中一手呢,都有升好彩,
下午拿拿聲去大福入埋張股先,不過都係未放住,
覺得會升嘛,之後再去HSBC入票.............
竟然見到嫦娥同吳剛晌入面派月餅!?
好想笑XDDDD
見D人個個都唔食真係無奈呀佢地XDD
乜而家HSBC都搞D咁既野呀.............
搞掂晒之後行左一陣,等埋ANNIE同小麟放工後一齊去食米線,
小麟食大辣真係勁,我飲左佢一啖湯都咳死我呀~~
食飽飽之後行左一陣街啦,之後我去搵超哥了,
佢地去睇戲啦,成龍果套,因為我之後會同超哥睇唯有唔去了,
去左沙田行左一陣,仲食埋糖水先走.........
佢有D野擔心緊啦............冇野既.........
唔好諗咁多...............

P.S. 今晚番屋企睇番瑞安以高價收市,正!!!
可以擺耐D了XDD

>>October 4, 2006 at 4:38:32 PM GMT+8

2006 年 9 月 22 日 星期五 【晴】

原來我又好耐冇寫日記了XD
上個星期M到,都幾痛喎,差D工都番唔到.........
早兩日去左海洋公園玩,我地8個人玩得好開心呀^^
不過入面好似少左好多野玩咁,
機動玩左幾樣咋,始終都係跳樓機最好玩XD
去左新開既水母館,D水母好靚呀,不過個館真係好細........

仲有早排我隻耳仔入左水呢,而家冇咩野啦,
不過左耳仲未清理好入面D野,算啦唔理了XD

至於9月10日同11日呢兩日重要日子我同超哥去左赤柱玩,
去左新開既赤柱圖書館XD,好細呀,不過幾靚既........
之後坐低玩左一陣NDS,一齊玩真係正XD
之後去左美利樓食飯,食德國菜呀,D腸好貴.........
不過都幾好食同好飽啦,兩人食左3百幾蚊都OK喎~

仲有因為我滿約前我仲有幾日AL未放,所以最近都放左好多假,
正呀,之後十月又有好多假呀,而家我地多左個PR位,專係教人用自助借書機,
我係其中一個,唉....好憎做呢個位.................
COUNTER都唔夠人仲要走個人出來都發神經!!!!

P.S.1 最近成日整嬲人,唉..............唔好意思啦=_=
P.S.2 抽唔到招行呀,想抽瑞安又個個都唔抽..........頂!!!!!!!
呢次我實抽到真係唔開心了............

>>September 23, 2006 at 1:22:53 PM GMT+8

2006 年 9 月 4 日 星期一 【晴】

今日頂唔住去左睇醫生了,隻耳仔好痛喇................
醫生話我太多耳屎啦,吸左d水所以發炎同塞住囉,
遲d要大洗呀隻耳仔XDD
之後番工,今日終於似番個圖書館啦,唔算多人真係好呀
不過而家聽野唔多清楚,成日要用左耳對住人先聽到好慘.........
放工見到Cipriani,佢最近有個女朋友開心晒啦,
今日特登番來探chris啦,希望佢地幸福快樂呀^^
聽日番早.......而家好眼訓...........

>>September 5, 2006 at 1:46:36 PM GMT+8

2006 年 9 月 2 日 星期六 【晴】

調左更要番工啦,今日係暑假後第一個星期日唔算多人既初初,
下午就慘了............keep住多人啦counter,好忙..........
臨尾仲有個麻煩友煩q住我,頂!!
放工後同janice,sharon同何生同射哥去yoho游水,
第一次游夜晚都幾正,今次我都冇咩心機學啦,
只係玩下水咁,佢地成日潑水呀,搞到我耳仔入左水添..........
之後去阿聰度睇美女廚房,成十幾點先食飯,好夜先番到屋企呀.........

p.s. 右耳仲係入左水呀,塞住左好唔舒服>_<

>>September 5, 2006 at 1:38:02 PM GMT+8

2006 年 8 月 31 日 星期四 【晴】

今日係9月1日開學日啦,等左好耐啦!!!!!!!!
同藍哥調左更,所以今日番早,一開門人少左好多啦........
不過一到中午d學生哥放學又一堆人了.........
無驚無險過左個朝早,之後就放工了XDD
同何生同SHARON,仲有熙熙去賢細佬屋企玩,
本來又想食任食壽司,不過食飯時間周圍都係人..........
求其問肯德雞食野算了,之後就上去啦~
我第二次去了,佢地都覺得間屋好大喎~哈哈
之後佢地鋤D,我就老實不客氣地訓覺,賢仔張床好舒服啊XD
其實唔係好訓得著既,不過恰一陣好D既~
玩到5點幾就走啦,我同何生,SHARON去市中心買電話啦,
格下價咁,都係去衛信好D,多D無聊野送,
最終買左SE既W810i白色,拎上手都幾正呀,夠細部,白色又靚,
突破覺得我部k800i好大部又厚添,
之後坐低玩下機,send左d主題同相俾佢,之後慢慢玩啦XD
之後等埋射哥放工過來食飯,睇佢個樣咁累呀,
今日第一日調更表就搞成咁啦XD

P.S. 今日何生正式做左新世界既人啦,
我會勁SEND MSG架喇XDD

>>September 1, 2006 at 2:41:59 PM GMT+8

2006 年 8 月 23 日 星期三 【綿綿細雨】

今日DAY OFF,又係我地四人出街玩既時候囉XD
幾個星期冇出過街玩啦嘛,好掛住你地3個呀XDD
首先出左荃灣睇早場,睇日本沉沒,其實又唔係唔好睇,
不過文戲太多,故事結構太散啦,又拖得太長了.........
睇到我訓左一陣XDD
不過算啦,三十幾蚊O者XD
之後出左北角食齋,因為今日係初一,Sharon要食齋呀,
Stella推介左一間齋鋪,好彩去到已經有位啦,
d野食真係唔錯喎,幾好味,佢地兩位食慣肉既男仕都覺得唔錯呢,
食完再去太古城踩冰,好耐冇踩啦我,而何生直情只係踩過一次........
一出到去真係行都行唔到..........好彩有sharon從旁睇住,
最後勉強可以在冰上行XDD
佢地兩個一早就識所以溜得好好啦,我同何生好浪費60蚊入場費XDD
好彩既係成程我都冇秩過,呵呵XD
之後HEA一陣先,再去PIZZA HUT食野,食得好飽,
我地食左個四人餐再加野..............
食完之後見有時間,去左冰雕展,下午見到勁多人排隊,
我地9:30PM先入去就最正了,不過入面真係好凍呀!!!!!!!!!!!!!!!!
D冰雕唔係特別靚,最後既滑梯好短唔刺激既.............
十點幾先走呀,好累啦大家已經,不過真係好充實既一日XDD

>>August 26, 2006 at 2:56:11 PM GMT+8

2006 年 8 月 22 日 星期二 【酷熱】

要講番最近d野先,
早一個星期前買左新電話了,SE既K800i,
第一次用SE既機唔係好慣,而家用落都OK呀,
特別係影相好正~XD
上個星期就買左NDSL了,512MB既咭可以入十幾隻GAME都幾正,
可惜自己都冇時間玩丫.............

今日番早,放工後同ANNIE,射哥同上年SUMMER馬駿去左元朗一間CAFE玩,
地方麻麻啦,都係MK既CAFE正D,D野飲又求其,我地都係玩鋤D,ANNIE好勁呀,
成日都WIN既,玩到咁上下就去拎位了,今晚我地同事去打邊爐呀,
不過間鋪太熱了,而且呢個月已經食左好多次打邊爐啦,感覺上唔係食左好多野,
不過十幾個人打邊爐都幾開心XD

>>August 26, 2006 at 2:38:14 PM GMT+8

2006 年 8 月 14 日 星期一 【晴】

今日開始放3日假,因為今日同佢地番大陸玩(又番..........)
佢地兩PAIR加我一個........好寂寞呢.........
先去食LUNCH,食左少少壽司........唔係好抵添........
之後去左動漫城,果度鋪頭唔算多啦,D野有D都幾假.........
不過佢地都有D收穫........冇咩地方行啦,我提議行下西華官咁啦......
O個度都有D野睇下既,果然SHAMPOO同GRACE買左波衫,廿零三十蚊一套都抵既.........
再去新書城..........我唔想行啦,前日先行過XD
佢地又買到書,真好XD
最後去左中森名菜食野,好可惜叫左好多炸野好肥膩,搞到我同筒哥哥個胃好唔舒服>_<
食少左好多野啦,唔抵呀!!!最後每人食左60蚊,下次要知道叫咩食啦!!!
今晚過關超快,九點埋單,十點零番到屋企了XD
今日都幾好玩呀,佢地都好照顧我呢,感激^^

P.S. 收到GRACE幫我買左TAMAMA既模型,麻煩晒啦~~
仲有部PSP決定賣俾筒哥哥啦,因為已經唔多玩LU,
換部NDSL好過XDD

>>August 17, 2006 at 8:48:37 AM GMT+8

2006 年 8 月 12 日 星期六 【酷熱】

上星期日同超哥番左大陸,主要都係買碟啦,點知執左..................
所以食完味千後求其搵間鋪買左幾隻碟啦,
之後去左新開既書城行下,幾大幾靚喎,仲買左本書XD
再周圍行下先.........竟然行埋吉之島,入面既超市有涼拌小食買喎,
即場買左D食,正!!最後食埋和民就走啦,臨走前買多對人字涼鞋試著下先XD
我唔識著架,三十幾蚊玩下囉XDD
十點幾已經排隊過關,不過多人到嘔,又熱又迫咁排左成個鐘先過左大陸果關......
中途見到起碼有兩批人口角,鬼咩,大家都咁熱係燥D了........
番到上水接近12點了.......唉...........
今日真係累死人...............下次都係唔好星期日番大陸.........

>>August 17, 2006 at 8:27:50 AM GMT+8

2006 年 8 月 9 日 星期三 【微雨】

又一個星期啦..........
今早約左去洗牙呀,好耐冇洗啦......
醫生都話好污糟了,仲有隻智慧齒要儘快剝啦,有蛀既跡象啦......
唉.......好貴呀.又驚痛..........
今日我地四個又冇得出街啦,
SHARON要番工呀今日,嗚.好悶......
所以下午又晌屋企訓覺,之後睇左TVB既KERORO.........
唔掂呀!!!廣東話始終冇咁傳神!!
之後約左超哥出街,睇下D電話先,我地都就夠期還番PCCW啦.........
佢決定出NOKIA 6280,我就SE既K800I啦,不過好貴........
仲四圍搵Tamama既模型,晌旺角都係冇呀...........
唔通真係要上網bid?等遲d個熱潮退左先啦.........
最後同超哥去左"ettusais",想買d野搞搞佢塊面,
不過個sales姐姐唔掂,成碌木咁企晌度又冇咩推介.....
空手而回啦.........仲搞到超哥以後都唔夠膽去呢d地方買野既.........

p.s.1 唉.....個風又打唔成.......我想聽日8號呀!!!
p.s.2 我地有個summer helper有8A...超勁!!

>>August 10, 2006 at 5:04:54 PM GMT+8