2005 年 8 月 26 日 星期五 【晴】

是日番早,勁多書呀~~~~~~年年到暑假尾就係咁架啦>_<
d書係多到堆晒成個地下都冇位行咁嚴重啊~~~
不過下午都只係得我同clara上書咋陰公......
放工後約左超哥睇戲,有免費票既關係所以睇左千杯不醉......
麻麻地啦......係有d失望囉.....又唔夠好笑,又唔夠劇情都唔知想點......
之後想買波鞋又揀唔o岩...只係買左件好通爽既衫,
打波用既XDDDD
好遲先回家...呢幾日累死人....
通一晚頂真係訓3日都唔掂呀......=_=

>>August 31, 2005 at 4:17:37 PM GMT+8

2005 年 8 月 24 日 星期三 【晴】

今早先回家..之後訓左好耐啦.......
之後又要去上堂啦,係第一堂既圖書館COURSE,
個MISS既樣好似細MAY
XDDDDD
每個星期要上3小時呀,有D時間都幾悶架....
不過算啦,捱一年O者XDD
之後太累都係回家好了,飯都冇食拿拿聲就訓啦,
第二日要番早呀.....ZZZzzzzzz

>>August 31, 2005 at 4:11:00 PM GMT+8

2005 年 8 月 23 日 星期二 【晴】

今日調左更番晏,人唔係特別多囉......
阿聰竟然約我夜晚食飯?同埋小如?
都可以既,不過到放工我仲未知去邊食......
神神秘秘咁都唔知搞咩....
之後我同阿聰去到一道打牌既地方見到小如了.....
竟然仲有小麟!?佢番左來又唔出聲,佢地仲打緊牌,
我同阿聰唯有買野食番佢屋企食.....感覺俾人呃左咁唔係咁高興囉....
食完飯盒打左一陣PS2,個賽車GAME幾正~~仲有炸彈人都好玩^^
之後佢地12點幾先到,唉.....仲話要話通頂.....而家想走都唔得啦....
鋤左成晚D,我唔係好識架咋,所以都輸左差唔多一百蚊呀......
玩到第二日8點先走.......累死了.......夜晚仲要上堂.....
冇咩必要下次唔通頂啦~~>_<

>>August 28, 2005 at 5:03:59 PM GMT+8

2005 年 8 月 21 日 星期日 【微雨】

星期一終於要番早了,成個星期未番過早呀~~
所以一早起身勁眼訓.....@_@
早上都幾多人呀,梗係啦,難得冇雨落D人又來圖書館啦~~~
中午我地搞大食會啊~~好多人整左野食番來食呀,
本身叫左PIZZA同KFC雞,又整左伊麵,雞翼,芝士蛋糕同燉奶...
哇~~太豐富啦!!!!!!所以食完搞到我肚痛._.
D野太HEAVY了XDDD
之後放工出左去同超哥D屋企人食飯,
原來今日係超哥農曆生日啊~~~~
生日快樂喎XDDD
食左一間好似幾好食既酒樓,不過我個肚仲脹住啦,
所以食得唔多......同埋呢餐D野太肥膩了.....
總括來講係麻麻囉我覺得,不過得閒見下佢D家人都係好事來既XDD
之後去左打陣機就走LU~~~好累了今日!!!!

>>August 22, 2005 at 4:51:04 PM GMT+8

2005 年 8 月 20 日 星期六 【溫暖】

直至上星期四既假期我日日都有出街喎,
星期三同超哥睇冬陰公,打得幾勁.......
又係落得勁大雨呀!!!!真係冇mood......
星期四就約左karen同筒哥哥食飯,
終於送左生日禮物俾佢啦~~呵~~希望呢樣野佢o岩用啦XDDD
食埋糖水就番屋企LU,是日係七月十四啊.....
都係早D番屋企好了~~
而呢5日假期就咁完左~~好似冇咩搞作咁添XD

之後星期五同六因為落大雨來圖書館既人少左啦~~
太正了^^
RACO佢星期四去左迪士尼玩呀~~~影左D相好正~~
不過好似唔係咁多野玩啦......呢一年都唔會去啦XDD
CHRIS下星期都可以去迪士尼玩同埋住酒店啊~~~
真係羨慕!!!(佢識得人晌入面做野嘛,免費架!!)

而星期日就約左超哥,KEVIN同ANNIE去唱K~~
因為遲左少少出來,只能唱到2個鐘真係少>_<
因為夜晚KEVIN同超哥都有約啦,所以之後要攝下時間先......
竟然去左科學館同歷史博物館XDD
都幾開心丫,有得睇有得玩,而且又平~~XDD
食埋飯後得番我同ANNIE行街,仲未揀到心水既野添.......

>>August 22, 2005 at 4:41:28 PM GMT+8

2005 年 8 月 15 日 星期一 【乍寒還暖】

又係訓到好晏添,哈~~
下午睇左早熟,都幾正,有喊到啦我~~
唔係好鐘意房祖名呀,不過故事係幾好既....
訓左陣就出去喇,約左筒哥哥同grace去食飯睇戲,
不過出去時落好大雨呀!!!!我對鞋因為一早個底爛左所以成隻腳濕晒喇...
嗚~~~~係時候又要買鞋了XD
又玩左陣NDS啦,佢地成日買新GAME真係有錢XD
之後去左日經拎左D章程,睇下幾時大家有心機讀喇XDD
今晚我地係睇朱古力獎門人,睇之前冇咩期望啦,
不過越睇越正,成套冇咩冷場之餘,有D位都幾搞笑,
JOHNNY DEPP都演得幾好呀(第一次睇佢D戲咋)
最正既係D小矮人歌舞超爆笑XDDDD
而家腦中不斷係Willy Wonka, Willy Wonka....XDD
睇到好夜先番屋企啦~~~

>>August 17, 2005 at 4:44:46 AM GMT+8

2005 年 8 月 14 日 星期日 【綿綿細雨】

今日留晌屋企休息左大半日啦~~~
睇下碟咁XDD
夜晚又同超哥一齊,呵~~~~~
先去左我堂妹做野既地方食飯先,O個度食泰國野,
好貴呀~~~~叫左3個菜+飯+薄餅要2百零蚊.....
我堂妹個樣始終太細啦,同間鋪有D格格不入XDD
不過佢都好勤力啦~~~~^^
之後超哥佢去左出電話,係NOKIA既6230i.......
唉,同我o個部一樣...=_=
搞到我都想出添,心水係SE既W800i...
不過佢勁反對啦,最後都冇買.....
算啦,我其實係想出摺機既,睇下之後有咩好啦~~~~

>>August 17, 2005 at 4:36:24 AM GMT+8

2005 年 8 月 13 日 星期六 【陰】

放假第一日,同超哥去大陸買碟啦.......
佢成日都話驚唔買啦,不過比我半堆半就之下都係去左XDDD
去到原來間鋪頭冇左啦,打去問下個事頭婆先知佢而家同人打工啊
去左佢介紹O個間買,好似一間普通地鋪咁,
揀碟都冇咁開心咁添,買左唔係好多啦.......
之後去左深圳既和民食,都算係平過香港啦,
食左6樣野加兩杯野飲(晌香港一定唔會叫呀,貴到死>_<)
都係一百三十幾,正!!!!

P.S.申請左大陸自動過關功能(類似香港既E道啦),
好鬼無聊要過兩次XDDD

>>August 17, 2005 at 4:05:53 AM GMT+8

2005 年 8 月 12 日 星期五 【乍寒還暖】

今日係星期六落大雨啦~~~~~
所以少左人來圖書館了~~~~正呀!!
RACO派左新既更表,九月就施行啦~~
好快又到放工..
YEAH!!!!!!之後連放5日喇!!!!!!
今晚同阿叔一家去食飯,因為我大既堂妹將會去美國讀書一年啊,
同佢傾下傾下先知佢而家番緊份暑期工,
得閒探下佢先XD

>>August 17, 2005 at 3:51:31 AM GMT+8

2005 年 8 月 11 日 星期四 【酷熱】

尋日星期四要番工呀,
好多野做好慘呢......過晒鐘先走呀陰公~~!!
不過有janice來探我太感謝了^^
番工中途咩(M)到了.......呢個時間太得意啦~~哈哈~
第一日感覺仲可以喎,好彩之後都係番屋企O者,
夜晚同SHAMPOO傾左好耐電話啦,
傾下佢去旅行前D野同我最近唔開心既野......
搵左好多人傾呢件事啦,個個都叫我唔好為左O個個人而轉囉...
不過算啦,我認命了........大不了唔同佢做朋友.....
心情好D好多架喇其實,多謝你地既支持XD
夜晚訓得麻麻O地啦......

今日番晏不過都幾早起左身,之後肚痛左幾個字(係勁痛O個隻)
又冇咩事LU,呢次真係唔錯喎,唔算好痛~~呵~~HAPPY!!
之後番工都冇咩野,人多就一定架啦,好彩冇咩特別野發生~
好快又到放工啦~~~~
今年最遲到既台風終於都到喇,而家先一號.....
希望聽日可以8號喇~~~~XDDDDDD

P.S. 今年D SUMMER都幾勁喎,好多都有十幾廿分咁^^

>>August 12, 2005 at 2:20:02 PM GMT+8