2004 年 9 月 21 日 星期二 【晴】

今日番早,sky又過左來坐,傾下計都幾開心呀^^
而且今日來既書又唔多喎,早上好閒咁又過左喇~~
lunch後做下自己野,又係同熙熙吹下水咁又放工~~~~
星期三真happy~XDDD
之後出左旺角,今日約左舊同事阿JACK同CELIA食飯,
大家都好耐冇見啦~~CELIA靚女左啦XDDDD
傾下大家既近況,阿JACK晌HKC都好似幾得閒..佢就好....
CELIA想讀番書咁,又話想做番圖書館....噢....
真係要諗下喇..呢行前境麻麻....
去左食風月堂,都幾貴,D甜品仲貴......所以都係冇叫甜品......><
都幾早就散喇,CELIA第二日要番早喎~~~~
佢話下次要叫埋超哥出來請佢食飯丫,
呢件事講左三年都未成事呢XDDD
好似我同佢未散O者XDDDD

>>September 24, 2004 at 2:54:38 PM GMT+8

2004 年 9 月 14 日 星期二 【晴】

呢幾日都同超哥嗌交,唉....
都係為左小事,不過覺得危機感又來喇.....
唔開心啦.....
放工後先發現手提留左晌圖書館..
頂,又要o徙我時間同錢番去拎番!!!!!!!
好黑仔呀!!!!!!!
番屋企抖左一陣要出門口啦,
約左阿熙佢地打波,之前同annie+kevin去食雞先,
感覺上自己係個電燈膽添XDD
而且覺得ANNIE係個好好既女朋友添呀~~~~
自愧不如啦~~~~><
今日好似不在狀態咁,打得唔係幾好咁....
番到屋企遲遲先訓,搞D咩活動都冇人去既
以後都唔搞呀!!!!!!!!!>_<

>>September 17, 2004 at 5:31:13 AM GMT+8

2004 年 9 月 11 日 星期六 【晴】

成個星期冇寫日記添,
星期日要番工啦,暑假後既星期日變番好多人啦,
不過d時間都好快過喇
之後去左投票喇~~
其實都冇咩心水,最後冇投民主黨,又冇投民建聯,
投左俾李卓人啦,覺得佢都幾好既
番到屋企睇新聞先知今次既選舉有好多麻煩野,
最麻煩既都係唔夠票箱?
哇~~簡直係大笑話一個!!!
難得投票率有咁高呀!!!!!唉.....

>>September 17, 2004 at 5:24:31 AM GMT+8

2004 年 9 月 10 日 星期五 【陰】

今日番早,星期六既圖書館係超恐怖啦~~~~~
勁多人,又多書!!!!!唉...
放工後又約左超哥喎,因為早幾日有唔愉快既事發生,
所以呢排要見多D先XDDD
去左行沙灘喎XDDD
都幾浪漫呀,嘻~~~
有時我地都要整行呢D野既,不過呢幾日開始涼啦,
海邊都有D凍呀~~~~見到人地BBQ都好想燒呀~~~~
仲見到個低能仔跳舞XDDD

>>September 12, 2004 at 11:43:24 AM GMT+8

2004 年 9 月 8 日 星期三 【暴雨】

是日DAY OFF,終於可以晌屋企休息下......
下午去左柴灣接超哥放工既,不過早左到,
晌個工業區行來行去好無聊添.....
之後佢出到來面口都黑晒.....
又做錯D咩喎!!!!!!!!!!>_<
見係佢生日咁遠來到等佢放工仲要咁對我!!!!!!!
自己仲有D肚痛咁....唉.......
忍唔住喊得好勁....太過份喇!!!!!!!
之後佢話唔鐘意我接放工喎,大佬
唔鐘意都俾個好D既面口我睇啦,
好受委屈呀><
之後都有TUM下冇咩野囉......
去左筲X灣海旁D 好HIGH既餐廳食野
個VIEW係幾靚呀,不過D野食好似唔係好O岩食咁既,
最後去左最平既一間食XDD
都幾好味既~~~~^^
THEN去左搭叮叮去X鑼灣行下啦,
今晚要過埋12:00架,
因為9月10日係我地既拍拖4年大日子啦~~~~呵~~~
講真,真係一年比一年淡啦~~~~
可能係習慣左喇,要搞D新意思先得呀!!!!!!!=_=

>>September 12, 2004 at 11:37:31 AM GMT+8

2004 年 9 月 7 日 星期二 【雷雨】

自從D SUMMER走左之後,D書一路都堆積如山......
真係慘.....
早上SKY過左來坐,勁傾計啦,佢都有幫我整D書既~THX啦^^
食飯前個肚有D不適,果然O個D野又來喇!!!!!!!!
都幾肚痛啦,不過比起上次好得多,本來下午想上書都頂唔順去左做OFFICE WORK好了.....
好彩下午先來呢D野,好快可以捱到放工啦.....本來夜晚同同事們去打邊爐,
而家都係留晌屋企喇....成晚都隱隱作痛呀.....唉.....
搵到間CAFE好似幾好喎,搵日同ANNIE佢地試下先,
ANNIE都話想搵日去深井食燒鵝呀,好呀好呀~~~~~!!
同小麟講去食野,佢好似唔想去咁,最近佢都係咁啦,
都唔知佢咩事.....又話阻住我地拍拖咁,講真,而家我都幾鐘意一大班人出來玩,
成日都係兩個有D悶囉,又話我唔鐘意佢同超哥講野,
講真,呢個結我一直都解唔到.....不過唔會介意大家一齊出來玩囉,
只不過適當既時候要有距離囉....
我唔想我地大家都冇朋友做呀,又有D唔開心......

P.S.1 過左12點係超哥生日呀!!!!!生日快樂!!!!!!!
又係我第一個同佢講啦~呵~

P.S.2 呢幾日都有留意中國金牌運動員來香港既消息,
幾鐘意郭晶晶同羅雪娟~~好靚女O者^^

>>September 9, 2004 at 5:42:16 AM GMT+8

2004 年 9 月 5 日 星期日 【陰】

今日番半日O者,朝早依然係少人~~唔錯~
中午食完飯後就番屋企訓覺~~~~~正!!
夜晚約左SHAMPOO,CLOTHO同筒哥哥食飯,
其實主要出來既原因係....筒哥哥同豬豬分手啦.........
好突然囉,知道筒佢晚晚都訓得唔好,都有D擔心佢.....
話晒都四年感惰,一下子就冇左真係.....
不過出來見到佢都冇咩野,係就係唔開心,見到佢都好努力咁調整自己既心情囉.....
傾左好多佢既感受,而且仲不斷自責話對豬豬唔夠好啦,
唉....其實呢D野係雙方面既,希望佢快D回復番啦...
番屋企既時候都諗下同超哥既關係,我同佢都就來四年喇...
感情好似一年淡過一年啦,好驚會好似筒哥哥咁.....
我應該要做D咩可以改善我地而家既關係呢.....唔.....

>>September 9, 2004 at 5:20:13 AM GMT+8

2004 年 9 月 4 日 星期六 【晴】

早上叔叔一家來同我地去飲茶啦,兩位"可愛"既堂妹大過左咁多既~~XD
大堂妹同我一樣高啦,今年佢F.5,可以既話下年叫佢來圖書館做SUMMER HELPER啦~~~
我會好好照顧佢既XD
之後同超哥去左剪頭髮,唔係咁滿意我既頭啦,個師夫剪既時候手震震咁..唉......
之後勁無聊咁去左將軍澳行下,去番我之前做暑期工既漫畫店睇下先,
竟然租多個鋪位喎,乜咁好賺咩,諗番之前晌度做野都幾開心既,識到好多客仔,
交換下D漫畫心得啦~~
估唔到TKO多左好多野喎,買左好多野添XDDDD
夜晚可以好優閒咁一邊睇韓劇,一邊食飯啦~~

咁又一日LU~~~

>>September 9, 2004 at 5:10:41 AM GMT+8

2004 年 9 月 1 日 星期三 【晴】

早上約左小麟同阿聰去大埔行下,
首先去左食個幾好味既咖哩,之後佢地竟然搭西鐵去南昌再轉巴士去紅磡車站,
再搭火車入大埔.........噢嘮!!!!時間又用多左(荃灣有巴士直去大埔......),
錢又用多左(佢地係慳左少少既),下次真係唔同佢地顛!!!!!!
首先去左大埔既火車博物館,都唔算好大啦,小麟佢勁影相啦XD
原來17:00關門架,我地都唔夠時間參觀添,本來想去埋海濱公園架,
不過見時間都唔夠,咁去附近食TEA休息下啦,THEN去沙田行下啦,
夜晚約左ANNIE佢地同超哥仲有小麟既妹,一行7人去RUBY TUESDAY食飯,
超哥有半價咭真好XD
叫左5樣野食,都幾好味喎,仲每人豪多一杯特飲添XDD
ANNIE剪左個靚頭啦,所以勁搵佢影相先XDD
之後影D相竟然係KEVIN同超哥既擁抱照!!!!!!!!!!!!!!!!!!!!!XDDDDDDDDD
大家到呢一刻都顛左喇XD
最後埋單本來要千四,而家半價每日都係100蚊,突然覺得好抵食添~~~~~
之後番屋企LU~~~~~好累呀呢幾日~~~~~~!!

>>September 5, 2004 at 4:22:22 PM GMT+8

2004 年 8 月 31 日 星期二 【晴】

是日開學日,YEAH!!!!!!!!!!!!
呢日等左好耐啦~~~~~~
成個早上係好少人囉~~呢個先係圖書館啊~~~~~~~
不過少左D SUMMER幫手,堆左好多書呀......
都唔知幾時清得晒......
放工後回家換衫後就趕出去打波,
呢個星期太勁喇我,星期一剛打完波,
星期三又來,呢次同超哥D FRIEND打啦,
佢地都好勁喎,搞到我打完隻手好累.....
本來想搭巴士回家,不過巴士站咁多人又冇車既...
難道撞車!?最後去左搭西鐵.....時間又耐左...錢又用多左......

P.S. 佢地個個都買左西鐵$300全月通,係可以慳錢,
不過要我出入都搭西鐵我又唔制喎,又轉起碼3程先出到九龍.....
太煩喇!!!!!! 唔買呀!!!!!!!>_<

>>September 5, 2004 at 3:52:53 PM GMT+8