2006 年 6 月 16 日 星期五 【晴】

去完泰國個幾星期lu,工作既mood都番來啦......
不過自己番工仲係唔係幾開心.........
好唔想番工呀~~>_<
而d summer helper終於都來了..........
而家來左12個,都好多人呀~
佢地個樣好細過呀,映到我地好老添XDD

呢排世界杯,我都有睇架,有時仲約左何生同射哥去市中心既大電視睇,
多人睇先有氣氛架嘛XD
好快打到16強了,精彩~
好想我地四個再去多次旅行呀!!!!!!!!!!!!

>>June 17, 2006 at 4:06:47 PM GMT+8

2006 年 6 月 9 日 星期五 【陰】

好耐冇寫日記了.......
之前既4/6-8/6我同SHARON,男CHRIS同射哥去泰國旅行丫,
呢件事我唔係咁揚啦,不過好多人都知LU~XD
講番個TRIP,比我想像中好玩好多好多!!!!!!!!!!!
原來泰國好好玩啦,特別係D水上活動同個沙灘,
真係超正架~~
有機會問我拎相睇下啦XDD
走既時候真係好唔捨得呀,一來好玩啦,二來佢地3個都好好玩,好照顧我~~
玩得真係好開心~~^^

今日係第一日番工,好唔慣,見到有咁多人好煩.............=_=
好想再去玩!!帶左D手信番去,佢地都好似好鐘意食啦~哈~~
我都食埋一份添XD
好辛苦捱到放工啦,走都走唔切呀,
之後果幾日真係難捱了.........
世界杯開始了,唉.....冇有線冇得睇添.......

>>June 10, 2006 at 3:03:00 PM GMT+8

2006 年 5 月 29 日 星期一 【陰】

今日係中行放榜既日子啦......
一早上網CHECK.....
我抽6手........中左.......2手呀!!
真係開心~~終於都抽中新股了!!!
呢隻要長KEEP啦梗係~~
聽日係假期呀.........
不過我要番7:30AM..唉......
所以今日好似多人來左好多咁既.....
希望聽日少人D啦...=_=

>>May 30, 2006 at 2:36:28 PM GMT+8

2006 年 5 月 23 日 星期二 【暴雨】

呢兩個星期都唔係好忙,不過冇咩心機寫野......
可能呢幾日天氣唔係幾好啦,心情都好似唔係幾好........
又M到啦,係今早凌晨兩點幾來的,真辛苦.........
又冇覺好訓.......
今日仲要係番早,好彩唔算好肚痛啦......
係朝早有半個鐘比較痛之外,成日都冇咩野啦......
捱到放工就要番屋企訓覺啦,訓到8點幾都唔捨得起身XD
聽日好彩唔使番啦,可以休息大半日..........

>>May 24, 2006 at 3:27:15 PM GMT+8

2006 年 5 月 13 日 星期六 【晴】

今日又係DAY OFF呀,今日約左去探超哥個FRD既BB呀~~
所以中午先約小麟去買D BB野先,原來都幾多野買架喎........
買左條口水肩同手套仔,之後去食米線啦,之前差落小麟既,
見佢早排唔開心嘛........本來食10個"食送"既,最後佢食左5個,
我就4個就夠啦,已經超飽了>_<
行左一陣就去沙田啦,不過佢地未得丫,再行下先啦,今日超多人出街啦,
係母親節嘛~~周圍都係康乃馨喎~~~
到左5點先真係上去,BB一個月都未夠好得意呢~~
小麟好快已經識抱佢啦,我就有D驚既,咁細個既BB條頸都未定到會周圍擺既~~
不過真係好可愛,特別係望住你既時候都唔知佢諗D咩喎XDD
勁影相啦,哈哈~~而家佢咩都唔識既,只係識食同訓同喊XDD
之後坐左一陣都走了,去超哥家睇碟,SCARY MOVIE 4(香港都未上)
真係好無聊,不過又幾好笑XD
晏少少再番市中心食飯啦,
個颱風好似正面吹來喎,快D啦~~我想星期三全日放假呀~XDD
聽日再約超哥游水,咩都買齊晒啦~~~^^

>>May 14, 2006 at 4:16:32 PM GMT+8

2006 年 5 月 10 日 星期三 【酷熱】

今日day off得閒寫下日記先,
由星期日開始講番,o個日我同超哥去左大陸買碟,
而家可以寄番落來拎安全好多啦,買完碟之後勁買平野,
買左幾件tee,都幾抵,不過大陸d野之後睇下點先...............
連底褲都買埋XDDD
仲有其他野好正呀,未試過番大陸買咁多野添,
去到星期一調左更呀,番晏,不過頭一個鐘已經好黑仔,又俾人煩,
又俾讀者煩,番工前晌ETC拎錢都俾機食左錢..............
唉.........忍唔住晌ML喊左少少.........
之後同D同事傾下笑下開心番D啦~
之後既星期二同三都調左更,呢兩日都冇咩野幾開心,
星期二仲去睇左MI3呀,之前既兩傑都未睇過覺得第三集都幾好睇啦,
另外我抽既DBA又抽唔到............抽左四次新股都抽唔到真係黑仔!!
玩左咁耐未未WIN過一分一毫真係冇咩心機啦.............

P.S. 天氣好熱呀,本來尋晚約左超哥(學)游水,不過又唔記得調左更冇得游添............
等到星期日啦唯有..........

>>May 11, 2006 at 4:58:25 AM GMT+8

2006 年 5 月 4 日 星期四 【晴】

好似好耐冇寫野添........
呢個星期好忙啦,紅日假期多,而且我個個紅假都番啦,
為左賺鐘冇計XDD
講番星期三約左一班舊同事出來食飯,TOTAL有12人幾熱鬧啦,
講下大家D近況,ELEANOR就快結婚啦,恭喜晒呀~~^^
食完飯後仲成堆人企晌度吹左陣水,次次都係咁XDD
未講之前同小麟去整SMART I.D.,同仲去整牛仔褲,108蚊一條度身訂造真係幾抵~

之後星期四晌屋企休息左一日,夜晚要番學啦,呢個阿SIR好悶啦,
唉........有排捱...........
之後超哥等我放學一齊食飯啦,去左金鳳食扒幾正喎,好飽呀~~

到左今日假期又係要番工,有D後悔番工啦,好多人呀今日,
累到我死咁滯.........=_=
放工後同CARMAN佢地行左一陣再番屋企,聽日要番勁早呀>_<

>>May 5, 2006 at 11:40:53 AM GMT+8

2006 年 4 月 23 日 星期日 【酷熱】

又一個星期啦,講番上星期先,
上星期三突然M到添,唔算好痛啦,有食藥,
不過夜晚唔可以同超哥出街了......-_-
唯有晌屋企休息下......

星期四夜晚約左成班同事食咖哩,之前約左射哥XD同男CHRIS去飲下野先,
仲有去交2345上海集優既表,希望今次抽到啦~~
大家都準時到重慶大廈啦,不過入去O個下真係好驚,好多人圍住呀>< D人又臭><
今次我地一行12人,食左唔係好多野,不過我食左隻椒好鬼熱辣,之後冇咩心機食添........
D咖哩其實係幾好食既,不過真係唔夠食啦,我都係得5成飽,其他男仔可想而知了....
之後去左食糖水啦,食完好D呀~XD
星期五番晏,食完TEA後竟然見到阿JACK!?好突然喎~~~
來之前又唔單聲喎,好彩男CHRIS調左更都係番夜咋,
之後我地3個又去左PIZZA HUT食啦,叫左個4人餐好飽呀XDDD
傾下而家HKC點啦,好似唔係幾好喎,我地前途真係一片黑暗了........
多謝佢地送我番屋企XDDD

星期六番早,下午食完飯全體總動員上書啦,經過假期之後好多書堆左晌度都唔得閒上,
所以放工既時候都好累啦,之後我同ANNIE出去JOIN埋KEVIN同超哥睇鄭中基演唱會,
原來呢次係3面台,都有九成滿喎,呢個SHOW係演唱+楝篤笑,唱一首歌就講一堆笑話咁,
都好既,我冇咩識佢D歌,笑下仲好XD
竟然阿SA都有去睇喎,哈哈~佢見到鏡頭好怕醜既樣好搞笑XD
基本上都幾好睇既,娛樂性豐富XD

星期日訓到11點先起身呀,真係超累~食埋飯睇埋D日劇就出門了,
而家追緊幾套日劇,真人版小丸子最好睇喎,好搞笑,D人好似樣XD
約左超哥周圍行下咁,都幾無聊添,呵呵~拍拖係咁的了XDDDD

今日星期一番早,CHRIS冇番啦,入左ML啦,好鬼忙喎入面,
又多電話又多人用機,不過又幾悶,間中入去就好XD
放工冇野做番屋企啦,睇埋個股市真係慘,大跌啦.
唉..........
聽日調左更番早,今晚都係早D訓好了.........

>>April 24, 2006 at 3:21:31 PM GMT+8

2006 年 4 月 16 日 星期日 【晴】

中午約左SHAMPOO,筒哥哥,GRACE去SETO家玩,
先去元朗食野先,之後上到去玩隻CARD GAME,
好似好難玩啦,全程都冇咩心機玩添XDD
好彩之後超哥來左,佢代我玩好了XD
咁我就可以專心玩GRACE既執魂,正呀~~
我部PSP玩唔到架陰公~
之後個GAME玩左4個幾鐘先完,佢地開始識玩都好似幾好玩啦,
我就冇咩耐性了XD
之後去左大排檔食飯,D黃金豬扒好正XD
再上去玩多一陣就走了,大家聽日都要番工嘛~

>>April 17, 2006 at 4:07:52 PM GMT+8

2006 年 4 月 15 日 星期六 【陰】

本來今日同STELLA同超哥行山,不過都係唔舒服去唔到,
朝早去睇下D新一季既日劇先,唔錯喎,有幾套可以追下~
下午又訓覺..........
訓醒等超哥行完山就同佢一齊去睇場免費戲,
係韓片,叫"你是我的命運",麻麻啦,男女主角都唔掂(個樣)
睇完之後仲行左一陣旺角先走,食埋糖水啦XD
一上車就打俾KAREN傾下電話啦,
講下佢既日本之旅幾正呀~~~
我都好想去下日本丫,不過冇錢...........
講到番到屋企仲未捨得收線XDD
下次約下佢出來收手信先XD

>>April 17, 2006 at 4:02:35 PM GMT+8