2005 年 8 月 8 日 星期一 【綿綿細雨】

星期日我地更有6個調左更啦,
真係開心呀,好彩人都唔算多O者,
不過下午有人嘈交喎,仲驚動埋D警察來添,
係D小朋友唔覺意撞親下O者,D家長冇野搵野搞.......>_<
夜晚番屋企抖下,第二日放假呀~~^^
星期一都係好無聊咁晌屋企訓下覺,
夜晚同超哥出街,食左牛筋煲,不過好"痴"個胃,
搞到我地都好唔舒服呀...=_=
睇下D心機,想出SE既W800i,不過好鬼貴.....

到左今日....我又整嬲左某人....
點解次次都係我,我受夠喇!!!!!係咪我好蝦D呀!!!!!!!!!!!
點解要我就晒你呀!!!!!!!!!!
最後我都就左佢,不過我完全已經對佢心淡.....
我鐘意識朋友,不過相處之道我仲學緊,
每個好朋友我都會珍惜,激嬲邊個OR同邊個嘈交我都會好唔開心....
突然覺得好灰,做人好失敗.....
晌圖書館已經喊,番到屋企喊得仲勁......
細細個既我係個自閉既人,朋友唔多.......
而家出來做野好開心識到好多好朋友,
但係估唔到最後得到咁既回報......
我認命了!!!!!!!!!

P.S.聽日會考放榜了,各位SUMMER HELPER要積極面對啊~~~~^^

>>August 9, 2005 at 3:00:00 PM GMT+8

2005 年 8 月 5 日 星期五 【晴】

今日番工見到Annie了......唔開心啦....
不過佢主動同我講番野!?唔嬲了!?
成日都好似冇事發生咁有講有笑......
有D唔相信啦.....之後放工同佢講清楚先......
原來大家都有誤會囉,講清楚就冇事喇.....
真開心呀^^
不過會唔會好似以前咁好朋友呢.......
我唔想因為一件小事而令到我冇左個朋友....=_=

>>August 9, 2005 at 2:29:04 PM GMT+8

2005 年 8 月 2 日 星期二 【晴】

星期二番1400啦,冇咩特別啦......
不過好累啦,勁想訓教.....=_=

到左今日朝上見左REPORT,我地每年一次續約都要見下D上司,
傾下呢年對我工作表現評價,冇咩特別好彩,不過會有進步既空間囉XDDD
可能我尋晚同ANNIE講左D野,佢今日嬲左我啦....
見到佢黑起塊面對住我真係好難受.....>_<>_<
覺我自己做人好失敗,點解次次都會同D好朋友鬧交既......
係咪我做人處事仲未夠成熟呢.....唉.......
好討厭我自己.....每個朋友我都會珍惜.....
俾人討厭既感覺真係令我好唔開心....
成個朝早我都忍住喇,LUNCH過後終於都要喊了........
嚇親我班好同事啦......O個一刻我唔知點做.....
只係想喊,同埋ANNIE可以快D開心番......
我真係唔想冇左呢個好朋友....呢個誤會真係深....
有各位既安慰之後心情好番D,不過我仲好怕面對佢......
唔想番工.......好想再大喊一場呀!!!!!!!!

>>August 3, 2005 at 4:45:30 PM GMT+8

2005 年 7 月 31 日 星期日 【晴】

今日特登拎假去漫畫節啊...
不過前一晚夜訓,本來約左SHAMPOO佢地都遲左啦.....
不過都可以十一點幾入到場,一朝早唔係咁多人,
可以慢慢睇,冇咩意欲買野啦.....年年都差唔多.....
不過新增左D類似跳蚤市場既檔,幾多野買啦~~~
我最後都係買左幾個鎖匙扣公仔咋...
今年有個特式係多左好多人著LOLITA呀,資素就......
最憎佢地霸住廁所換衫......=_=
行左3個鐘開始多人就走LU,THEN去左食飯(其實叫TEA)
再上SETO家參觀下,好有世外桃園FEEL.....
仲見到有蛇.....>_<
因為佢住晌大帽山腰左右,太偏僻了.....
不過幾得意丫D設計,可以摘龍眼食XDDD
玩左陣PS2,佢地要執D野去新屋(SETO要搬啦),
佢開車去元朗O個D村屋度,地方都幾大啦,不過有排執野喇......
之後再出旺角同筒哥哥食飯(今日去左好多地方啊.....)
是旦食左D野,又去番O個間COSPLAY玩啦XDDDD
今次主力玩UNO....最後我都係做左輸家.....
最近D手風真係差.....飲左D花茶都幾正呀^^
勁累啦今日~~~

>>August 3, 2005 at 4:34:38 PM GMT+8

2005 年 7 月 30 日 星期六 【晴】

星期日要番工~~人其實係唔多既,
不過最後5:00pm都清唔晒d人......
要5:20PM先關門..太誇張了....
D人又係趕極都唔走......
都唔知圖書館有咩咁好去!!!!!!!>_<

之後即興去左阿聰家食飯,今餐又係小麟煮啦~~
完全同上次既菜式唔同啦,好味呀~~
之後就梗係打牌啦,估唔到RACO都幾勁啦XD
我就輸啦......唉.....太耐冇打有D生疏...XD
好夜先番屋企,又打搞左阿聰一晚真係唔好意思喇~~^^
好彩第二日DAY OFF~~~~YEAH~~~~~

>>August 3, 2005 at 4:11:43 PM GMT+8

2005 年 7 月 26 日 星期二 【晴】

星期二番早,過左5日後番工真係有d唔慣,
同事們見到我都話miss me喎XDDDDD
呵~~放工後約了超哥睇我的馬拉松,
一套好感人既韓片,雖然冇喊到,不過真係幾有意思~~^^
之後越行越眼訓啦......@_@

第二日又係番早,番早D時間特別易過XD
放工後先約左SHAMPOO去旺角行下,
佢唔駛番工啦,放一個月假之後有新工番丫~~真好~~
而且八月佢會同SETO去柬埔寨旅行6日呀,
本來叫埋我既,不過冇咩興趣呢到喎,而且唔想做電燈膽啦XD
之後七點幾去左搵位食飯先,過多陣筒哥哥來左喇
3個人叫左個二人餐都夠食喇~~~~
傾下傾下筒哥哥既公司成日要用到日文咁,
我又有興趣認真咁學日文,
所以大家想去日經學啦,仲有叫埋GRACE~
睇下之後既時間夾唔夾先喇~~
因為間餐廳唔坐得耐呀,所以去左間COSPLAY CAFE坐下,
O個度地方唔係好大,不過有好多漫畫書都幾正咁啦,
野飲就貴左DD啦~~我地3個玩下波子棋,之後就鋤D,
我呢世人第一次有同花順喎XDDDDDDDDDD
多謝筒哥哥洗牌XDDDDDDD
都有幸WIN左幾鋪既^0^
玩到十一點幾先走,今日又累死人了~
不過好開心~~~~^^

>>July 28, 2005 at 4:35:58 PM GMT+8

2005 年 7 月 24 日 星期日 【晴】

之前兩日同超哥,ANNIE,KEVIN參加兩日一夜既中國短線團,
好好玩啦,有得浸溫泉同住5星級酒店咁,不過好多時車程太長啦,
玩到好累喇~~都算係幾抵玩喇呢次~~
所以今日又係留晌屋企休息下,仲有清下D日劇,
呢期追緊4套日劇,最好睇係電車男啦,好搞笑XD
聽日調左更番早,好過番晏啦!!!!!!!
5日假就咁過左都幾無聊XDDDD

>>July 25, 2005 at 1:43:16 PM GMT+8

2005 年 7 月 20 日 星期三 【晴】

今日開始放假~呵~
中午先約左超哥去勇哥度食LUNCH先,食飯時間都唔係好多人喎~~
之後搭巴士去書展,好多人呀!!!!!!!
兩點幾開始行,D書年年都差唔多咁既.......
我主力今年買雜誌啦,買左3本NON-NO,5蚊一本咋~~XD
之後仲去左麥MUG度買野,買左個天秤座公仔同DUP骨既野^^
仲買左本大口仔既書俾小如,TUM下佢開心嘛~~
仲有本性教育既書XDDDD
好搞笑架入面講既野XDDDD
最後9點幾先走,行左7個鐘!!!!!!!!都幾累啦~~~~
食完飯就走LU,
第二日住日留晌屋企執下野睇下書咁,
留番D精神星期六去旅行啊~~~~^^

>>July 25, 2005 at 1:32:08 PM GMT+8

2005 年 7 月 19 日 星期二 【溫暖】

今日仲係好熱呀....
好彩番早人唔多啦^^
下午要去搵DISPLAY書想死呀,D書亂到.....
人又多就來熱死我喇!!!!!>_<
放工後約左輝少,STELLA同佢D frd打羽毛球,
太耐冇運動好快已經冇咩力咁,哈~
之後去左食飯,個天勁閃電喎,終於落雨喇,有d風都好d啦~~~
stella其中一個frd講野幾得架喎,可以同我有得揮呢XDDDD
有時仲唔夠佢講添....=_=
我最欣賞呢D人架喇~嘿嘿~~~~
另外一個好斯文啦~~嘻~完全係對比呀~
番到屋企勁累.....
唔緊要!!!!!聽日開始連放5日假喇~~~~HAPPY!!!!!!!!!^_^

P.S. 深夜時勁大雷雨喎,嚇死人~~~~~

>>July 22, 2005 at 2:22:11 PM GMT+8

2005 年 7 月 18 日 星期一 【清涼】

呢幾日真係好熱呀,日日出街都勁出汗,好辛苦呀!!!!!
又係番晏.....下午又係勁多人!!!!!!!!慘喇!!!!!!
因為屋企人去左旅行,呢幾日都冇人煮飯食自己啦,
所以本來約Raco一齊食晚飯,之後唔知點解同埋阿聰,小麟同annie一齊,
都好丫,一班人開心d呀^^
因為小麟同阿聰放早,佢地去買野食煮定飯先,之後我地3個放工就去左阿聰屋企,
好似仲未搞掂喎,之後成差唔多10點先食飯,今餐有粥(?),蒸魚,青菜,金菇炒瘦肉,
仲有壽司,幾豐富呀,小麟下廚既都幾得呀XDDDDD
不過煲粥大煲左好多呀XDDDD
食得好飽仲有哈蜜瓜食^^
食得好開心啦,估唔到我冇飯食咁多人都會陪我食啦~~嘻~~
番到家都11點幾LU,早知去RACO屋企訓一晚好了XDDDDD

>>July 22, 2005 at 2:13:47 PM GMT+8